YUUKA 36
36
1Naasany Besaleli na Oholiabu mmbo varundaa mashora, na wo nndu atiri nrima wa waarya, yeto Nndumi Iruva ansimmbye urango na waarya, wo nndu yeto nrima wakwe ulemwitika nanderunda ishora elyo,
Vandu Vaniinngya Findo Fiingyi fya Pya
2Mose kavaanga Beisaleli na Oholiabu na vandu vengyi, valya vakeevasimbe, widimi lwa ufuru, luuka kwa Nndumi Iruva, vapooke irunda mashora kyuuka nriminy mbwakwe kuleefo wiitiki.
3Nawo vakawarya firaso efyo fyuuka maakony a Mose, yefyo vana va Israeli valeuta, kimaruma kya urundi lwa ando yoo eele, naambo fisongosieny. Naasa vakamweengye firaso wo nkonu ngama, vetiri nrima wa ilanga. 4Na vandu yewo woose vetiri waarya, yewo valerunda ishora lya ando yoo eele, vakara-u mbele wo nndu ishora lyakwe elyo ekeerunda. 5Vakanderera na Mose, vakammbia, “Vandu mmbo vakeende fido fiingyi ngota efyo fikundywa fya ishora elyo, Nndumi Iruva alevavasya lyirundwa.” 6Naasa Mose kavavasya, weele lukakapa kulya ulaleny koose vakaamba, “Valakirunde-fo, nta womi nta vaka-fo kimaruma kya fimu fya ando yoo eele-fo, Naasa vandu vairikiso, valakyeende-se-fo. 7Mashika findo efyo vetiri mmbo filemaa irunda ishora elyo lyoose, na ilannya.”
Isongosya Yeema lya Nndumi
(Yuu 26:1-37)
8Naasany, wo nndu atiri nrima wa warya nnang'ani ya vandu yewo valerunda ishora, kasongosia ando yoo na soori ikumi ya soori shisha tikee shooke, ta nruu ta fwana ya buluu, na ta fwana ya sambarau, na tidodorye, ando amwi na, ishora lya waarya ni indo lyilerundwa.
9Waasha lo soori yeyo yeerumbwa lukava marambo makumi avii na nyanya na ivari lya vayo maako aana, na soori eto toose tikava ta kyeeso kimwi.
10Nawe kalunga soori eto isaanu yei na yei, na tingi isaanu yei na yei. 11Numa kavika ufumu lwa ruu ta fwana ya buluu efo mbai ya soori imwi, kavetana lyingi indo efo ikeduny lya soori yekee taari ya kyipoo ya ilungo lya kavii. 12Kavika ngyufumu makumi araanu sooriny imwi na ngyufumu makumi araanu efo ikeduny lya soori ingyi (ya kavii) ngyufumu eto tikakulela yelu na yelu. 13Numa kavika fifungo makumi araanu fya saabu, numa kalunga soori eto yei na yei na fifungo filya na ando yoo akava amwi nsi. 14Numa kasongosia fifuniko fya mafwaaa a mburu fya isikya ando yoo, kavika na soori teesikya ikumi na imwi. 15Waasha lwa woo soori (isullya) ni marambo makumi araru na ivari lya vayo marambo aana na masullya moose yoo ekee a kyeeso kimwi.
Isongosya Kisinde kya Taa
16Nawe kalunga masullya araanu kyaanya na masullya arindaru kyaanya. 17Kandosha fifingo makumi araanu efo ikeduny lya isullya lyikee taari ya poo yoo ilungyou, kadosha fifingo makumi araanu efo mbai ya isullya elyo ikee taaari ya boo, yoo ilungyony lya kavii. 18Numa kasongosia fifingo makumi araanu fya minya ya arera nalunge yeema elyo ando amwi naambo lyive lyimwi. 19Numa kavika kifiniko kya yeema elyo lya masara a suva akee maambe fwana idodorye, na numa ya vayo kifiniko kya isara imamiri.
20Numa kasongosia maboo a mshita kwa ando yoo eele, akasaleeswa. 21Waasha lwa vayo ni marambo ikumi, na ivari lya vayo irambo lyimwi na kyenga. 22Wo iboo lyikatira ngyulumi ivii, tikee shilunge ando amwi, niindo maboo moose a ando yoo ekai. 23Nawe kasongosia maboo yoo kimaruma kya ando yoo maboo makumi avii kwa taari ya sinde tille sinde, 24nawe kasongosia firembo fya fesa makumi aana five kwasi ya maboo yoo makumi avii, firembo fivii kwasi ya iboo lyimwi kwa ngyulumi yeto tavayo ivii, na firembo fivii kwasi ya iboo lyingyi na ngyulumi tavayo ivii.
25Na kwa taari ya kavii nnyo ya ndoo, kavika maboo makumi avii. 26Na firembo fya vayo makumi aana fya fessa, firembo fivii kwasi ya iboo lyimwi na firembo fivii kwasi ya iboo lyingyi. 27Neefo taari ya numa ya ando yoo taari ya nkwaany kavika-u maboo arindaru. 28Nawe kavika maboo avii kwa ndumba ta ando yoo efo numa. 29Nang'u mmbo ekee maboo akuvakye efo kwasi; nkyo tikasalala ando amwi fika uwe tikakooya kiringitya kya mbee niindo alesongosya toose tivii. 30Nkyo mmbo eekee maboo nyanya, na firembo fya vayo fya fesa, firembo ikumi na firindaru firembo fivii kwasi ya wo iboo. 31Numa kavika mbindi ta nri wa mshita isaanu kwa maboo a taari imwi ya ando yoo yeele, 32na mbindi isaanu kwa maboo a taari ingyi ya ando yoo, na mbindi isaanu kwa maboo a ando yoo tikekaa numa taari ya nkwaany. 33Nawe kareiya mbindi yeyo imwi lyisomukye yoo nnang'ani yaa maboo taari yei fika taari yei. 34Na maboo yoo kasikya na sahabu, na pete tilya ta sahabu kativika ando a mbindi eto kasikya mbindi yeto na saabu.
35Numa kasongosia isullya elyo lya n'ruu ta fwana ya buluu na ta sambarau na tidodorye na soori shisha ikee shooke kavika na, ishora lya waarya, niindo aletana. 36Nawe kasongosia kimaruma kya vayo ngo iinya ta nri wa mshita, kataambika na sahabu na kulabu ta vayo tekee sahabu, nato kativikya firembo fya vayo fiina fya fesa. 37Kookafo kasongosia isullya isha kimaruma kya mawe ando kwa yeema yeele, na soori ya vayo ni ya fwana ya buluu na sambarau na idodorye, soori shisha ikee shooke, ishora isha lya mwilongalonga 38na ngo ta vayo isaanu ando amwi na kulabu ta vayo, nawe kataambika saabu mirwe ya vayo na fifingo fya vayo, na firembo efyo fya vayo firaanu fikava fya minya ya arera.
Currently Selected:
YUUKA 36: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 36
36
1Naasany Besaleli na Oholiabu mmbo varundaa mashora, na wo nndu atiri nrima wa waarya, yeto Nndumi Iruva ansimmbye urango na waarya, wo nndu yeto nrima wakwe ulemwitika nanderunda ishora elyo,
Vandu Vaniinngya Findo Fiingyi fya Pya
2Mose kavaanga Beisaleli na Oholiabu na vandu vengyi, valya vakeevasimbe, widimi lwa ufuru, luuka kwa Nndumi Iruva, vapooke irunda mashora kyuuka nriminy mbwakwe kuleefo wiitiki.
3Nawo vakawarya firaso efyo fyuuka maakony a Mose, yefyo vana va Israeli valeuta, kimaruma kya urundi lwa ando yoo eele, naambo fisongosieny. Naasa vakamweengye firaso wo nkonu ngama, vetiri nrima wa ilanga. 4Na vandu yewo woose vetiri waarya, yewo valerunda ishora lya ando yoo eele, vakara-u mbele wo nndu ishora lyakwe elyo ekeerunda. 5Vakanderera na Mose, vakammbia, “Vandu mmbo vakeende fido fiingyi ngota efyo fikundywa fya ishora elyo, Nndumi Iruva alevavasya lyirundwa.” 6Naasa Mose kavavasya, weele lukakapa kulya ulaleny koose vakaamba, “Valakirunde-fo, nta womi nta vaka-fo kimaruma kya fimu fya ando yoo eele-fo, Naasa vandu vairikiso, valakyeende-se-fo. 7Mashika findo efyo vetiri mmbo filemaa irunda ishora elyo lyoose, na ilannya.”
Isongosya Yeema lya Nndumi
(Yuu 26:1-37)
8Naasany, wo nndu atiri nrima wa warya nnang'ani ya vandu yewo valerunda ishora, kasongosia ando yoo na soori ikumi ya soori shisha tikee shooke, ta nruu ta fwana ya buluu, na ta fwana ya sambarau, na tidodorye, ando amwi na, ishora lya waarya ni indo lyilerundwa.
9Waasha lo soori yeyo yeerumbwa lukava marambo makumi avii na nyanya na ivari lya vayo maako aana, na soori eto toose tikava ta kyeeso kimwi.
10Nawe kalunga soori eto isaanu yei na yei, na tingi isaanu yei na yei. 11Numa kavika ufumu lwa ruu ta fwana ya buluu efo mbai ya soori imwi, kavetana lyingi indo efo ikeduny lya soori yekee taari ya kyipoo ya ilungo lya kavii. 12Kavika ngyufumu makumi araanu sooriny imwi na ngyufumu makumi araanu efo ikeduny lya soori ingyi (ya kavii) ngyufumu eto tikakulela yelu na yelu. 13Numa kavika fifungo makumi araanu fya saabu, numa kalunga soori eto yei na yei na fifungo filya na ando yoo akava amwi nsi. 14Numa kasongosia fifuniko fya mafwaaa a mburu fya isikya ando yoo, kavika na soori teesikya ikumi na imwi. 15Waasha lwa woo soori (isullya) ni marambo makumi araru na ivari lya vayo marambo aana na masullya moose yoo ekee a kyeeso kimwi.
Isongosya Kisinde kya Taa
16Nawe kalunga masullya araanu kyaanya na masullya arindaru kyaanya. 17Kandosha fifingo makumi araanu efo ikeduny lya isullya lyikee taari ya poo yoo ilungyou, kadosha fifingo makumi araanu efo mbai ya isullya elyo ikee taaari ya boo, yoo ilungyony lya kavii. 18Numa kasongosia fifingo makumi araanu fya minya ya arera nalunge yeema elyo ando amwi naambo lyive lyimwi. 19Numa kavika kifiniko kya yeema elyo lya masara a suva akee maambe fwana idodorye, na numa ya vayo kifiniko kya isara imamiri.
20Numa kasongosia maboo a mshita kwa ando yoo eele, akasaleeswa. 21Waasha lwa vayo ni marambo ikumi, na ivari lya vayo irambo lyimwi na kyenga. 22Wo iboo lyikatira ngyulumi ivii, tikee shilunge ando amwi, niindo maboo moose a ando yoo ekai. 23Nawe kasongosia maboo yoo kimaruma kya ando yoo maboo makumi avii kwa taari ya sinde tille sinde, 24nawe kasongosia firembo fya fesa makumi aana five kwasi ya maboo yoo makumi avii, firembo fivii kwasi ya iboo lyimwi kwa ngyulumi yeto tavayo ivii, na firembo fivii kwasi ya iboo lyingyi na ngyulumi tavayo ivii.
25Na kwa taari ya kavii nnyo ya ndoo, kavika maboo makumi avii. 26Na firembo fya vayo makumi aana fya fessa, firembo fivii kwasi ya iboo lyimwi na firembo fivii kwasi ya iboo lyingyi. 27Neefo taari ya numa ya ando yoo taari ya nkwaany kavika-u maboo arindaru. 28Nawe kavika maboo avii kwa ndumba ta ando yoo efo numa. 29Nang'u mmbo ekee maboo akuvakye efo kwasi; nkyo tikasalala ando amwi fika uwe tikakooya kiringitya kya mbee niindo alesongosya toose tivii. 30Nkyo mmbo eekee maboo nyanya, na firembo fya vayo fya fesa, firembo ikumi na firindaru firembo fivii kwasi ya wo iboo. 31Numa kavika mbindi ta nri wa mshita isaanu kwa maboo a taari imwi ya ando yoo yeele, 32na mbindi isaanu kwa maboo a taari ingyi ya ando yoo, na mbindi isaanu kwa maboo a ando yoo tikekaa numa taari ya nkwaany. 33Nawe kareiya mbindi yeyo imwi lyisomukye yoo nnang'ani yaa maboo taari yei fika taari yei. 34Na maboo yoo kasikya na sahabu, na pete tilya ta sahabu kativika ando a mbindi eto kasikya mbindi yeto na saabu.
35Numa kasongosia isullya elyo lya n'ruu ta fwana ya buluu na ta sambarau na tidodorye na soori shisha ikee shooke kavika na, ishora lya waarya, niindo aletana. 36Nawe kasongosia kimaruma kya vayo ngo iinya ta nri wa mshita, kataambika na sahabu na kulabu ta vayo tekee sahabu, nato kativikya firembo fya vayo fiina fya fesa. 37Kookafo kasongosia isullya isha kimaruma kya mawe ando kwa yeema yeele, na soori ya vayo ni ya fwana ya buluu na sambarau na idodorye, soori shisha ikee shooke, ishora isha lya mwilongalonga 38na ngo ta vayo isaanu ando amwi na kulabu ta vayo, nawe kataambika saabu mirwe ya vayo na fifingo fya vayo, na firembo efyo fya vayo firaanu fikava fya minya ya arera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.