YUUKA 20
20
Mavavaso Ikumi
(Nku 5:1-21)
1Iruva karera marero yaa moose kaamba, 2Yeny ni Nndumi Iruva, Iruva wafo, shilekuuta urukeny lwa Misri, mmba ya ushinga. 3Kulatire maruva engyi kulaore ni yeny-fo.
4Kulasongosye ifwanu lyepasha, ao ifwanu lya kindo kyoose kya iinndya kyikee iruveeu nta kyikee si ulaniny, nta kyikee efo si mureny-fo. 5Kulafiindye nta kulafirunndye-fo; mashika ni yeny Nndumi Iruva, Iruva wafo, ni Iruva atiri kyififi, mmbo nshetaiyaa vana maravi a vande vawo, shitani shafika irika lya kararu na lya kaana lya valya vashisuuye; 6neeny nshelyillyaa fiku fya yewo vashikunndye vakantira mavavaso akwa.
7Kulashesenda ruu irina lya Nndumi Iruva, we Iruva wafo-fo, mashika Nndumi Iruva nnyasheraa nalalola uravi lwa nndu yeto asendaa irina lyakwe ruu-fo. 8Kummbwa nkonu wa mfungare wa Nndumi Iruva kuwallwe mweele. 9Ando a mikonu irindaru runda kumarisye mashora afo moose; 10kyeendi nkonu wa mfungare ni nkonu wa Nndumi Iruva, Iruva wafo, nkonu yeto kularunde nta ishora lyimwi, yewe, nta nsero wafo, nta mfu wafo nta nndundi wafo, wa kyuumi ao wa kyika, na kindo kyevikkya, nta muny akee efo mmba kwafo-fo. 11Mashika ni ando a mikonu irindaru Nndumi Iruva aleumba iruveeu na ulana na yeeve na fyoose fiiyo, kaimuya nkonu wa mfungare; kweekkyo Nndumi Iruva kavikkya nkoonu wa mfungare mbora kawiilyisa.
12Inndya ndoo na mau wafo naambo mikonu yafo ifumbuke yaa ulaniny ando Nndumi Iruva wafo alekuvika. 13Kulawae. 14Kulatuuse nta kulashetuuswa. 15Kulaive. 16Kulashekureekkya nndu ungyi kya wongo. 17Kulashelanga mmba ya uroo, kulalange nka wa nndu ungyi, nta nndundi wakwe wa kyuumi ao wa kyika, nta n'gumbe yakwe, nta nshungu wakwe, nta kindo kingyi atiri na kikava-ki.
Weerei lwa Vandu
(Nku 5:22-33)
18Vandu woose vakalollya fimwii na maru-ruma na unyanga lwa maranda, na ifumbu lyilya lyikafummbya nsu; na vandu veekilollya indo vakare-rema, vakasalala kwaasha. 19Vakavia Mose, “Re-ra neese yewe kumuni, neese lushekwaarannya. Iruva nalare-re neese-fo, mmbo lufwaa.” 20Mose kavia vandu, “Mulairyee-fo, mashika Iruva mmbo asha naambo namweese, naambo mukae na weerei lwakwe naambo mulallyamarye.” 21Naasa vandu vakasalala kwaasha, na Mose kasembeya kufii kulya ireemeny lyilya kulya Iruva eekai.
Uramba lwa Kitara kya Irasya
22Nndumi Iruva kavia Mose, “Via vana va Israeli indi, ‘Yeni muveni mwallollya shire-raa neeni uka iruveeu,’” 23Mulatani maruva engyi a fesa mwaasande neeny-fo, a saabu, mulasongosye mukee nan'gu-fo. 24Mmbo kusheshitannyaa kitara kyerasya kukyisongosye na uteeri, kusheutya-u firaso fya-fo, firaso fyekora na muro, firaso fyetereva ufoo, firaso fya moonri na fya n'gumbe tafo, wo ando yoo nshevika-u kindo kyekumbura, irina lyakwa yoo n'gu nshekwiirikkyaa neekuvikkya mbora. 25Kwakooya kwashitannya kitara kyeerasya kya mawe, kulakitani na mawe mabashe-fo, mashika kwanyafisha na fiiya fyafo mmbo kwantefusa kitara ekyo kyeerasya, 26Kitara ekyo kyeerasya kilatire fitere-fo, mashika kwisaama-u kulasheva sheelyi kukee mbereto.
Currently Selected:
YUUKA 20: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YUUKA 20
20
Mavavaso Ikumi
(Nku 5:1-21)
1Iruva karera marero yaa moose kaamba, 2Yeny ni Nndumi Iruva, Iruva wafo, shilekuuta urukeny lwa Misri, mmba ya ushinga. 3Kulatire maruva engyi kulaore ni yeny-fo.
4Kulasongosye ifwanu lyepasha, ao ifwanu lya kindo kyoose kya iinndya kyikee iruveeu nta kyikee si ulaniny, nta kyikee efo si mureny-fo. 5Kulafiindye nta kulafirunndye-fo; mashika ni yeny Nndumi Iruva, Iruva wafo, ni Iruva atiri kyififi, mmbo nshetaiyaa vana maravi a vande vawo, shitani shafika irika lya kararu na lya kaana lya valya vashisuuye; 6neeny nshelyillyaa fiku fya yewo vashikunndye vakantira mavavaso akwa.
7Kulashesenda ruu irina lya Nndumi Iruva, we Iruva wafo-fo, mashika Nndumi Iruva nnyasheraa nalalola uravi lwa nndu yeto asendaa irina lyakwe ruu-fo. 8Kummbwa nkonu wa mfungare wa Nndumi Iruva kuwallwe mweele. 9Ando a mikonu irindaru runda kumarisye mashora afo moose; 10kyeendi nkonu wa mfungare ni nkonu wa Nndumi Iruva, Iruva wafo, nkonu yeto kularunde nta ishora lyimwi, yewe, nta nsero wafo, nta mfu wafo nta nndundi wafo, wa kyuumi ao wa kyika, na kindo kyevikkya, nta muny akee efo mmba kwafo-fo. 11Mashika ni ando a mikonu irindaru Nndumi Iruva aleumba iruveeu na ulana na yeeve na fyoose fiiyo, kaimuya nkonu wa mfungare; kweekkyo Nndumi Iruva kavikkya nkoonu wa mfungare mbora kawiilyisa.
12Inndya ndoo na mau wafo naambo mikonu yafo ifumbuke yaa ulaniny ando Nndumi Iruva wafo alekuvika. 13Kulawae. 14Kulatuuse nta kulashetuuswa. 15Kulaive. 16Kulashekureekkya nndu ungyi kya wongo. 17Kulashelanga mmba ya uroo, kulalange nka wa nndu ungyi, nta nndundi wakwe wa kyuumi ao wa kyika, nta n'gumbe yakwe, nta nshungu wakwe, nta kindo kingyi atiri na kikava-ki.
Weerei lwa Vandu
(Nku 5:22-33)
18Vandu woose vakalollya fimwii na maru-ruma na unyanga lwa maranda, na ifumbu lyilya lyikafummbya nsu; na vandu veekilollya indo vakare-rema, vakasalala kwaasha. 19Vakavia Mose, “Re-ra neese yewe kumuni, neese lushekwaarannya. Iruva nalare-re neese-fo, mmbo lufwaa.” 20Mose kavia vandu, “Mulairyee-fo, mashika Iruva mmbo asha naambo namweese, naambo mukae na weerei lwakwe naambo mulallyamarye.” 21Naasa vandu vakasalala kwaasha, na Mose kasembeya kufii kulya ireemeny lyilya kulya Iruva eekai.
Uramba lwa Kitara kya Irasya
22Nndumi Iruva kavia Mose, “Via vana va Israeli indi, ‘Yeni muveni mwallollya shire-raa neeni uka iruveeu,’” 23Mulatani maruva engyi a fesa mwaasande neeny-fo, a saabu, mulasongosye mukee nan'gu-fo. 24Mmbo kusheshitannyaa kitara kyerasya kukyisongosye na uteeri, kusheutya-u firaso fya-fo, firaso fyekora na muro, firaso fyetereva ufoo, firaso fya moonri na fya n'gumbe tafo, wo ando yoo nshevika-u kindo kyekumbura, irina lyakwa yoo n'gu nshekwiirikkyaa neekuvikkya mbora. 25Kwakooya kwashitannya kitara kyeerasya kya mawe, kulakitani na mawe mabashe-fo, mashika kwanyafisha na fiiya fyafo mmbo kwantefusa kitara ekyo kyeerasya, 26Kitara ekyo kyeerasya kilatire fitere-fo, mashika kwisaama-u kulasheva sheelyi kukee mbereto.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.