2 SAMUELI 3
3
1Naasa kukakaafo fira ya vandu va Sauli na valya va Davidi lyo Davidi keengera iwona finya kairya Sauli.
Vana va Davidi
2Nawe Davidi kyeeri ekee Hebron kawona mwana wa mbee kammbaanga Amnoni, maaye ni Ahinoamu wa Yezreeli. 3Wa kavii ni Danieli, maye ni Abikaili ulya ekee nka wa Nabali wa kulya Karmeli. Na wa kararu ni Absalomo mwana wa Maaka mfu wa Tilmai we mangyi ya Geshuri. 4Wa kaana ni Adonia mwana wa Hagiti. Na wa karaanu ni Shefatia mwana wa Abitali. 5Wa karindaru ni Itreamu wa Elgla nka wa Davidi mmbo vana va Davidi valewonikya Hebron.
Abineeri Akulunga na Davidi
6Nalyo kyeeri ekyo kya fira ya vandu va Sauli na vandu va Davidi, Abineeri kaona nnduma nnu efo kwa Sauli. 7Naasa Sauli eetiri kitonga kyakwe kyevangwaa Rispa mfu wa Aya. Ishbosheti kavesa, “A nkiki elyi kwaanga neefo kwa kitonga kya nde?” 8Llyo Abineeri alesukyo nnu mmarero a Ishbosheti, kaamba, “A ndesa mmbo kukusarye mmbo nkeriingya Sauli, shava mwiirundya vandu va Yuda? Kutani kwafika inu mmbo shileva mwiirundya ndoo Sauli na vandu vakwe, na vambuya vakwe, nta nshilekurambikya Davidi-fo. Lyo ulaalu mmbo kukundye ishaamba waaruwo: kyeendi kyeendo ni nka yeu. 9Iruva nalyillye Abineeri, neeny shitanye Davidi ekyo Nndumi Iruva alemmbikya kyaasa, 10nasoke Sauli umangyi nalurwaa kwa Davidi kunu Israeli na Yuda, pookya Dani fika Beer-sheba.” 11Nta Ishboshet nnyaleidima irouwa Abineeri-fo, kamwiiryaa
12Nalyo Abineeri karumya Davidi nrumi kulya eekai, kammbia, “Uruka yelu llwavi? Sanga neeny luve kindo kyimwi shikurambikye Israeli woose.” 13Davidi kammbia, “Nkisha, shisangaa neewe, lyo kwiifo kindo shikundye mbele ikutereva, nakyo ekyi, ‘Nkushaa ishilollya kulairiani na Mikali mfu wa Sauli-fo.’” 14Naasa Davidi karuma vandu kwa Ishboshet mwana wa Sauli, nambie, “Shiviirya Mikali we nka wakwa. Mmbo shilerina Vafilisti iyana naambo shimoore.” 15Naasa llyo Ishboshet aleruma vandu vakandeuta nka yeto kwa mmi wakwe Paltieli we mwana wa Laishi. 16Nalyo mmi yeu wakwe kansora yoo numa eshiiyaa kandefika Bahurimu. Llyo Abineeri embia, “Naasa, wuya-te!” Nawe kawuya-u!
17Nalyo Abineeri karera na vamiku va Israeli, kavavia, Llya lya mbee mmbo mweekundye Davidi namushillye. 18Naasa ulaalu Nndumi Iruva ankunda indo kasauwa Davidi, llya aleamba, “Mmbo nsherumaa nsero wakwa Davidi nandekira vandu vakwa va Israeli maakony a Vafilisti na efo maakony a vakiduva vengyi woose.” 19Abineeri kavevia na Vabenyaminy kindo ekyo. Kooka-fo keenda Hebron naambo nandekyoongoya Davidi shaasa kilesennya yewo woose alevavia mbony yeto. 20Nawe Abineeri mmbo aleenda eeriani na vandu makumi avii, na Davidi kavavikya sukukuu. 21Naasa Abineeri kavia Davidi, “Ra sheende shindekusang'irya vandu va Israeli woose, naambo vashekuvikya kyaasa, kuvashillye woose shaasa nrima wafo ukundye.” Naasa Davidi kairikya, Abieneri keenda eefurye.
Abneri Awaawa
22Nalyo Yoabu na vandu va Davidi vakasha vauka fireny, varye findo fiingyi valeuta-fo, lyo we Abineeri nnyeekee kulya Hebron-fo, kimba Davidi ammutauwa kakweengya na nsia. 23Llya Yoabu alesha na itorito vakwe kashevio sheelyi Abineeri wa Neli mmbo alefika kwa mangyi Davidi, nawe kansauva nakweengye na ufoo. 24Naasa llyo Yoabu aleenda kwa mangyi kammbia, “Nkyoki ekyi kwatana? Nkiki elyi Abineeri asha kwafo neewe kwanra keenda? 25Yewe nkwiishi Abineeri mwana wa Neri-fo, mmbo alesha ikulemba, na manyi mbony tafo, yaanga lyafo na isomuka lyafo.” 26Llya Yoabu alesomuka alya kwa mangyi kanderuma vandu vanderuuya Abineeri, vakandemkooya alya usokeny lwa Sira, lyo we Davidi nnyalemanya mbony yetifo. 27Abineeri ekiviirwa Hebron Yoabu kwamwiipoo kanrwaa mbai kamfita yoo nnang'ani ya ngiri ya muri, vai sheelyi ambyaa kindo kya kyama. Llya yeni kankapa ifumu lya ndeu kafiiya-u llya yeni. Nawe Yoabu mmbo aletana indo kimaruma kya samu ya Asaheli ulya ekee mwanamaye alewaawa ni Abneri. 28Kyeeri Davidi aleeta mbony yeti kaamba, “Yeny na umangyi lwakwa llutiri mbese kya ekyo-fo, na Nndumi Iruva eeshi, kimaruma kya samu ya Abineeri mwana wa Neri, 29Yoabu nave nndenge we na va mmba yakwe, neefo kwawo kulawiike-fo nndu nndumi alwaa ndwari ya samu-fo, na nndu wa ivave, na nndu mweenda na misengye, na nndu awawaa fireny, na kuvekaafo veelyiwa nshaa.” 30Niindo Yoabu na mwanamaye Abishai valewaa Abineeri mashika llya nawe alewaa Asaheli fireny kulya Gibeon.
Abineeri Arikwa
31Naasa Davidi kavia Yoabu na valya woose ekee nawo, “Randweny masara any muraa makunnya, muiye Abineeri. Naasa mangyi kasora nnying'a ulya, 32Abineeri kanderikwa kulya Herbon, Nawe mangyi kaffwa na unyanga kya Abineeri alya kifuny, na vandu woose vakaiya. 33Mangyi kaiya kya Abineeri kaamba,
“A mmbo kyava inda Abineeri kafwa sha itondo?”
34Nnyekeemfinge maako-fo,
Nta marende-fo.
Shaasa nndu awoya veala shia, niindo kileva kyakwe.
Na vandu vakeengera imuiya.
35Naasa vakasha vandu naambo valelembye mangyi shoonga nsanyiny ulya. Nawe kalya mboo kaamba, “Dede ya Iruva, nshilyau kindo kyoose-fo, kutani kushiilaa.” 36Na vandu valya vakalollya nkisha-da, shaasa valevesenyo mfilya mangyi ekeetana. 37Llyo vandu va Israeli valemanya nshi mangyi alekunda Abineeri nawaawa-fo. 38Llyo mangyi alevia vandu valya vakwe, “Mwammanya-se sheelyi ni nndu umwi nsongoru kaveva nniini atuulwa kunu Israeli? 39Neeny mmbo shaanguyo mfinya naakwa shaambwa mafura shive mangyi ya Israeli. Na vana yeva va Seruya mmbo vakeeshirovya. Neeto mwiilyamarya Nndumi Iruva nantae kiinani na ulyamari lwakwe.”
Currently Selected:
2 SAMUELI 3: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
2 SAMUELI 3
3
1Naasa kukakaafo fira ya vandu va Sauli na valya va Davidi lyo Davidi keengera iwona finya kairya Sauli.
Vana va Davidi
2Nawe Davidi kyeeri ekee Hebron kawona mwana wa mbee kammbaanga Amnoni, maaye ni Ahinoamu wa Yezreeli. 3Wa kavii ni Danieli, maye ni Abikaili ulya ekee nka wa Nabali wa kulya Karmeli. Na wa kararu ni Absalomo mwana wa Maaka mfu wa Tilmai we mangyi ya Geshuri. 4Wa kaana ni Adonia mwana wa Hagiti. Na wa karaanu ni Shefatia mwana wa Abitali. 5Wa karindaru ni Itreamu wa Elgla nka wa Davidi mmbo vana va Davidi valewonikya Hebron.
Abineeri Akulunga na Davidi
6Nalyo kyeeri ekyo kya fira ya vandu va Sauli na vandu va Davidi, Abineeri kaona nnduma nnu efo kwa Sauli. 7Naasa Sauli eetiri kitonga kyakwe kyevangwaa Rispa mfu wa Aya. Ishbosheti kavesa, “A nkiki elyi kwaanga neefo kwa kitonga kya nde?” 8Llyo Abineeri alesukyo nnu mmarero a Ishbosheti, kaamba, “A ndesa mmbo kukusarye mmbo nkeriingya Sauli, shava mwiirundya vandu va Yuda? Kutani kwafika inu mmbo shileva mwiirundya ndoo Sauli na vandu vakwe, na vambuya vakwe, nta nshilekurambikya Davidi-fo. Lyo ulaalu mmbo kukundye ishaamba waaruwo: kyeendi kyeendo ni nka yeu. 9Iruva nalyillye Abineeri, neeny shitanye Davidi ekyo Nndumi Iruva alemmbikya kyaasa, 10nasoke Sauli umangyi nalurwaa kwa Davidi kunu Israeli na Yuda, pookya Dani fika Beer-sheba.” 11Nta Ishboshet nnyaleidima irouwa Abineeri-fo, kamwiiryaa
12Nalyo Abineeri karumya Davidi nrumi kulya eekai, kammbia, “Uruka yelu llwavi? Sanga neeny luve kindo kyimwi shikurambikye Israeli woose.” 13Davidi kammbia, “Nkisha, shisangaa neewe, lyo kwiifo kindo shikundye mbele ikutereva, nakyo ekyi, ‘Nkushaa ishilollya kulairiani na Mikali mfu wa Sauli-fo.’” 14Naasa Davidi karuma vandu kwa Ishboshet mwana wa Sauli, nambie, “Shiviirya Mikali we nka wakwa. Mmbo shilerina Vafilisti iyana naambo shimoore.” 15Naasa llyo Ishboshet aleruma vandu vakandeuta nka yeto kwa mmi wakwe Paltieli we mwana wa Laishi. 16Nalyo mmi yeu wakwe kansora yoo numa eshiiyaa kandefika Bahurimu. Llyo Abineeri embia, “Naasa, wuya-te!” Nawe kawuya-u!
17Nalyo Abineeri karera na vamiku va Israeli, kavavia, Llya lya mbee mmbo mweekundye Davidi namushillye. 18Naasa ulaalu Nndumi Iruva ankunda indo kasauwa Davidi, llya aleamba, “Mmbo nsherumaa nsero wakwa Davidi nandekira vandu vakwa va Israeli maakony a Vafilisti na efo maakony a vakiduva vengyi woose.” 19Abineeri kavevia na Vabenyaminy kindo ekyo. Kooka-fo keenda Hebron naambo nandekyoongoya Davidi shaasa kilesennya yewo woose alevavia mbony yeto. 20Nawe Abineeri mmbo aleenda eeriani na vandu makumi avii, na Davidi kavavikya sukukuu. 21Naasa Abineeri kavia Davidi, “Ra sheende shindekusang'irya vandu va Israeli woose, naambo vashekuvikya kyaasa, kuvashillye woose shaasa nrima wafo ukundye.” Naasa Davidi kairikya, Abieneri keenda eefurye.
Abneri Awaawa
22Nalyo Yoabu na vandu va Davidi vakasha vauka fireny, varye findo fiingyi valeuta-fo, lyo we Abineeri nnyeekee kulya Hebron-fo, kimba Davidi ammutauwa kakweengya na nsia. 23Llya Yoabu alesha na itorito vakwe kashevio sheelyi Abineeri wa Neli mmbo alefika kwa mangyi Davidi, nawe kansauva nakweengye na ufoo. 24Naasa llyo Yoabu aleenda kwa mangyi kammbia, “Nkyoki ekyi kwatana? Nkiki elyi Abineeri asha kwafo neewe kwanra keenda? 25Yewe nkwiishi Abineeri mwana wa Neri-fo, mmbo alesha ikulemba, na manyi mbony tafo, yaanga lyafo na isomuka lyafo.” 26Llya Yoabu alesomuka alya kwa mangyi kanderuma vandu vanderuuya Abineeri, vakandemkooya alya usokeny lwa Sira, lyo we Davidi nnyalemanya mbony yetifo. 27Abineeri ekiviirwa Hebron Yoabu kwamwiipoo kanrwaa mbai kamfita yoo nnang'ani ya ngiri ya muri, vai sheelyi ambyaa kindo kya kyama. Llya yeni kankapa ifumu lya ndeu kafiiya-u llya yeni. Nawe Yoabu mmbo aletana indo kimaruma kya samu ya Asaheli ulya ekee mwanamaye alewaawa ni Abneri. 28Kyeeri Davidi aleeta mbony yeti kaamba, “Yeny na umangyi lwakwa llutiri mbese kya ekyo-fo, na Nndumi Iruva eeshi, kimaruma kya samu ya Abineeri mwana wa Neri, 29Yoabu nave nndenge we na va mmba yakwe, neefo kwawo kulawiike-fo nndu nndumi alwaa ndwari ya samu-fo, na nndu wa ivave, na nndu mweenda na misengye, na nndu awawaa fireny, na kuvekaafo veelyiwa nshaa.” 30Niindo Yoabu na mwanamaye Abishai valewaa Abineeri mashika llya nawe alewaa Asaheli fireny kulya Gibeon.
Abineeri Arikwa
31Naasa Davidi kavia Yoabu na valya woose ekee nawo, “Randweny masara any muraa makunnya, muiye Abineeri. Naasa mangyi kasora nnying'a ulya, 32Abineeri kanderikwa kulya Herbon, Nawe mangyi kaffwa na unyanga kya Abineeri alya kifuny, na vandu woose vakaiya. 33Mangyi kaiya kya Abineeri kaamba,
“A mmbo kyava inda Abineeri kafwa sha itondo?”
34Nnyekeemfinge maako-fo,
Nta marende-fo.
Shaasa nndu awoya veala shia, niindo kileva kyakwe.
Na vandu vakeengera imuiya.
35Naasa vakasha vandu naambo valelembye mangyi shoonga nsanyiny ulya. Nawe kalya mboo kaamba, “Dede ya Iruva, nshilyau kindo kyoose-fo, kutani kushiilaa.” 36Na vandu valya vakalollya nkisha-da, shaasa valevesenyo mfilya mangyi ekeetana. 37Llyo vandu va Israeli valemanya nshi mangyi alekunda Abineeri nawaawa-fo. 38Llyo mangyi alevia vandu valya vakwe, “Mwammanya-se sheelyi ni nndu umwi nsongoru kaveva nniini atuulwa kunu Israeli? 39Neeny mmbo shaanguyo mfinya naakwa shaambwa mafura shive mangyi ya Israeli. Na vana yeva va Seruya mmbo vakeeshirovya. Neeto mwiilyamarya Nndumi Iruva nantae kiinani na ulyamari lwakwe.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.