2 SAMUELI 12
12
Shaasa Davidi Alekurya llya Alesheyo ni Nnkisuku Natany
1Llyo Nndumi Iruva aleruma nkisuku Natany kwa mangyi Davidi. Keenda kammbia, “Kweefo vandu vavii vekee muriny umwi, umwi isimba neeto ungyi nkiva. 2Ulya isimba mmbo eetiri moonri na ng'umbe nkuka. 3Lyo ulya nkiva nnyetiri nta kindo-fo, kuuta kingurana kya suva kidu, enkyuura kakilela. Nakyo kikang'annya ng'undeny takwe, kalya nakyo shoonga, kavekirita mura na kikombe, neelala nakyo, kakyikunda sha mwana. 4Naasa nkonu umwi isimba llya lyikasheyo m'muny, nawe nalakiipoo suva yakwe ao nasauwe ng'umbe imwi efo ng'umbe takwefo, lyo kandesoka nndu ulya nkiva kingurana kilya kyakwe naambo nashishye muny ulya wakwe.” 5Davidi ekiita indo karooyo n'ngoo nnu kya isimba elyo, kavia Natan, “Na irina lya Nndumi Iruva nndu yeto aletana indo mmbo kinkooye nafwe. 6Nooke-fo naviirye yeto muni suva tingyi iinya, mashika elyi alatiri isarya kantanya kindo kikasha indo.”
7Nalyo nkisuku Natany kavia Davidi, “Nndu yeto nnyewe kumuni. Nndumi Iruva, Iruva wa Israeli aamba indi, mmbo shilekwaamba mafura kuve mangyi ya Israeli, shakwaauwa maakony a Sauli. 8Shakuniinga mmba na vaka nkuka. Shakuniinga Israeli na Yuda kuvashillye. Na kwakooya kulore efyo filekumaa, mmbo sheshiidimaa ikweengerya-da. 9A nkyiki elyi kulemina irero lya Nndumi Iruva kwakunda itana maravi mbee yakwe? Mmbo kulewaa Uria, Mhiti naambo kurwaa nka wakwe. 10Kyasian fira ntishuukaa kwafo-fo mashika mmbo kuleshira, kweepoo nka wa Uria, Mhiti nave nka wafo.” 11Naasa Nndumi Iruva aamba indi, “Mmbo nshekwengyee ngatara kyeny kwafo, na vaka vafo shikusoke shivaningye vamrasa vafo, nawe nakae nawo naakwa ni nsanyiny, 12Yewe mmbo kuletana kindo ekyo kirika, lyo yeny mmbo nshekutaiya mwi wiivaa mbee ya vandu woose.”
13Davidi kavia Natany, “Mmbo shilelyamarya Nndumi Iruva.” Natan kavia Davidi, “Kyasia Nndumi Iruva ankusarya ulyamari lwafo nkukifwaa-fo. 14Lyo kimmba ulyamari elu kuleniinga vandu mwaanya wa yaara-ra Nndumi Iruva mwana yeto ashewonikaa-fo ifwa nkuti nafwe.” 15Natan kookau kakweengya.
Mwana va Davidi Afwa
Nawe Nndumi Iruva keengye mwana ulya ndwari, ulya nka wa Uria alemwiirya. 16Nawe Davidi kafuuya Nndumi Iruva kimaruma kya mwana yeto. Davidi kakootoya, kalala si eeterevaa. 17Vamiku va mmba yakwe vakandemweevera, vakakunda imwiipoo alya si, lyo we kalema, nta nalalye nawo shoonga. 18Elyi lya nkonu wa mfungare mwana ulya kalakanau. Vasero vakwe vakairyaa immbia amfwa, mashika mmbo valekusara, elyi kulaore mwana emfwa lwiireraa nawe nnyekiyiirikya kindo lwiifo lummbiaa-fo, a lukammbia mwana amfwa nshi ashaatarikaa mmwasi.?
19Lyo kyeeri elollya vandu yewo veereraa kiviri-viri kamanya mwana mmbo amfwa, naasa kavavesa, “A mwana mmbo amfwa?” Vakammbia, “Yee, amfwa.” 20Davidi kooka alya si eekai, kandekusangya, kakwaamba mafura kaalasha soori kaanga na mmba ya Nndumi Iruva, vakan-deesya shoonga, kalya. 21Vasero vakwe vakammbesa, “A mmbo kukee inda? Lya mwana eiyo na muu mmbo kulekootoya, neiya kimaruma kyakwe, lyo elyi afwa mmbo kwankupoo kwalya na shoonga.” 22Naasa kavavia, “Kyeeri mwana kulaore emfwa mmbo shilekootoya, shaamba kulakooye Nndumi Iruva allyilyaa nakie, 23Lyo ulaalu mmbo ammeefwa, mmbo nsheengeraa ikootoya-da? A mmbo nkiidimaa immbiira? Yeny mmbo shinsoraa efo akai, lyo we nnyakishiwuiyaa-se-fo.”
Iwonika lya Solomon
24Davidi kava asengeraa nka wakwe Bat-sheba, kakaa lyingi nawe, nawe kakufinga keera mwana, kambaanga Solomon. Nndumi Iruva kakunda mwana yeu.
25Kawuya iruma nkisuku Natany naambo navaangwa Yedidia, nkyo kyaamba Nndumi Iruva mmbo alenkunda.
Davidi Atira Raba
(1 Fye 20:1-3)
26Nawe Yoabu kakaba na muri wa Vaamoni uvaangwaa Rabu, kauvinga. 27Yoabu karuma nrumi kwa Davidi immbia antira Raba, ukee muri utiri mura. 28Nkyo ulaalu umbyany yewo vengyi naambo vasheutira neekaafo, naambo kilave ni yeny shimuni shauninga nnduma uve wakwa yeny. 29Davidi kasanyirya vandu woose naambo veende Raba, vandemarisya ikabana vautire. 30Kasoka mangyi ya Raba kofia yakwe ya kimangyi ayuuta nrony, yeetiri uroo lwa talanta ya saabu, kyimwi na kilo makumi araru ikashopwa mmawe a wuuru. Davidi kavikyo nrony wakwe. Keepoo na findo fiingyi nnu efo muriny eto. 31Na valya valekamarwa mifungwa va muri yeto vakaniingwa ishora lyeepara mapoo, na milo ya minya yeepara mawe, vakarunda ishora lyeesongosia matofali eekora na muro. Niindo valetannya miri myoose ya Vaamoni. Davidi kawuya kipwa na vandu vakwe woose fika Yerusalemu.
Currently Selected:
2 SAMUELI 12: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
2 SAMUELI 12
12
Shaasa Davidi Alekurya llya Alesheyo ni Nnkisuku Natany
1Llyo Nndumi Iruva aleruma nkisuku Natany kwa mangyi Davidi. Keenda kammbia, “Kweefo vandu vavii vekee muriny umwi, umwi isimba neeto ungyi nkiva. 2Ulya isimba mmbo eetiri moonri na ng'umbe nkuka. 3Lyo ulya nkiva nnyetiri nta kindo-fo, kuuta kingurana kya suva kidu, enkyuura kakilela. Nakyo kikang'annya ng'undeny takwe, kalya nakyo shoonga, kavekirita mura na kikombe, neelala nakyo, kakyikunda sha mwana. 4Naasa nkonu umwi isimba llya lyikasheyo m'muny, nawe nalakiipoo suva yakwe ao nasauwe ng'umbe imwi efo ng'umbe takwefo, lyo kandesoka nndu ulya nkiva kingurana kilya kyakwe naambo nashishye muny ulya wakwe.” 5Davidi ekiita indo karooyo n'ngoo nnu kya isimba elyo, kavia Natan, “Na irina lya Nndumi Iruva nndu yeto aletana indo mmbo kinkooye nafwe. 6Nooke-fo naviirye yeto muni suva tingyi iinya, mashika elyi alatiri isarya kantanya kindo kikasha indo.”
7Nalyo nkisuku Natany kavia Davidi, “Nndu yeto nnyewe kumuni. Nndumi Iruva, Iruva wa Israeli aamba indi, mmbo shilekwaamba mafura kuve mangyi ya Israeli, shakwaauwa maakony a Sauli. 8Shakuniinga mmba na vaka nkuka. Shakuniinga Israeli na Yuda kuvashillye. Na kwakooya kulore efyo filekumaa, mmbo sheshiidimaa ikweengerya-da. 9A nkyiki elyi kulemina irero lya Nndumi Iruva kwakunda itana maravi mbee yakwe? Mmbo kulewaa Uria, Mhiti naambo kurwaa nka wakwe. 10Kyasian fira ntishuukaa kwafo-fo mashika mmbo kuleshira, kweepoo nka wa Uria, Mhiti nave nka wafo.” 11Naasa Nndumi Iruva aamba indi, “Mmbo nshekwengyee ngatara kyeny kwafo, na vaka vafo shikusoke shivaningye vamrasa vafo, nawe nakae nawo naakwa ni nsanyiny, 12Yewe mmbo kuletana kindo ekyo kirika, lyo yeny mmbo nshekutaiya mwi wiivaa mbee ya vandu woose.”
13Davidi kavia Natany, “Mmbo shilelyamarya Nndumi Iruva.” Natan kavia Davidi, “Kyasia Nndumi Iruva ankusarya ulyamari lwafo nkukifwaa-fo. 14Lyo kimmba ulyamari elu kuleniinga vandu mwaanya wa yaara-ra Nndumi Iruva mwana yeto ashewonikaa-fo ifwa nkuti nafwe.” 15Natan kookau kakweengya.
Mwana va Davidi Afwa
Nawe Nndumi Iruva keengye mwana ulya ndwari, ulya nka wa Uria alemwiirya. 16Nawe Davidi kafuuya Nndumi Iruva kimaruma kya mwana yeto. Davidi kakootoya, kalala si eeterevaa. 17Vamiku va mmba yakwe vakandemweevera, vakakunda imwiipoo alya si, lyo we kalema, nta nalalye nawo shoonga. 18Elyi lya nkonu wa mfungare mwana ulya kalakanau. Vasero vakwe vakairyaa immbia amfwa, mashika mmbo valekusara, elyi kulaore mwana emfwa lwiireraa nawe nnyekiyiirikya kindo lwiifo lummbiaa-fo, a lukammbia mwana amfwa nshi ashaatarikaa mmwasi.?
19Lyo kyeeri elollya vandu yewo veereraa kiviri-viri kamanya mwana mmbo amfwa, naasa kavavesa, “A mwana mmbo amfwa?” Vakammbia, “Yee, amfwa.” 20Davidi kooka alya si eekai, kandekusangya, kakwaamba mafura kaalasha soori kaanga na mmba ya Nndumi Iruva, vakan-deesya shoonga, kalya. 21Vasero vakwe vakammbesa, “A mmbo kukee inda? Lya mwana eiyo na muu mmbo kulekootoya, neiya kimaruma kyakwe, lyo elyi afwa mmbo kwankupoo kwalya na shoonga.” 22Naasa kavavia, “Kyeeri mwana kulaore emfwa mmbo shilekootoya, shaamba kulakooye Nndumi Iruva allyilyaa nakie, 23Lyo ulaalu mmbo ammeefwa, mmbo nsheengeraa ikootoya-da? A mmbo nkiidimaa immbiira? Yeny mmbo shinsoraa efo akai, lyo we nnyakishiwuiyaa-se-fo.”
Iwonika lya Solomon
24Davidi kava asengeraa nka wakwe Bat-sheba, kakaa lyingi nawe, nawe kakufinga keera mwana, kambaanga Solomon. Nndumi Iruva kakunda mwana yeu.
25Kawuya iruma nkisuku Natany naambo navaangwa Yedidia, nkyo kyaamba Nndumi Iruva mmbo alenkunda.
Davidi Atira Raba
(1 Fye 20:1-3)
26Nawe Yoabu kakaba na muri wa Vaamoni uvaangwaa Rabu, kauvinga. 27Yoabu karuma nrumi kwa Davidi immbia antira Raba, ukee muri utiri mura. 28Nkyo ulaalu umbyany yewo vengyi naambo vasheutira neekaafo, naambo kilave ni yeny shimuni shauninga nnduma uve wakwa yeny. 29Davidi kasanyirya vandu woose naambo veende Raba, vandemarisya ikabana vautire. 30Kasoka mangyi ya Raba kofia yakwe ya kimangyi ayuuta nrony, yeetiri uroo lwa talanta ya saabu, kyimwi na kilo makumi araru ikashopwa mmawe a wuuru. Davidi kavikyo nrony wakwe. Keepoo na findo fiingyi nnu efo muriny eto. 31Na valya valekamarwa mifungwa va muri yeto vakaniingwa ishora lyeepara mapoo, na milo ya minya yeepara mawe, vakarunda ishora lyeesongosia matofali eekora na muro. Niindo valetannya miri myoose ya Vaamoni. Davidi kawuya kipwa na vandu vakwe woose fika Yerusalemu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.