1 VAKORINTO 7
7
Mbony ta yoora
1Kyasia kya mbony tilya muleshireiya, nkyeni nndu nndumi nare nalapaana nndu nka. 2Lyo kyeekwiisa utuusi wo nndu nave na nka wakwe muni, na wo nka nave na mmi wakwe muni. 3Mmi naniinge nka wakwe usumanu lwakwe. 4Nka nnyatiri finya na mwiili wakwe-fo, ni mmi wakwe; na indo-da nndumi nnyatiri finya na mwiili wakwe-fo, kuuta nka wakwe. 5Kulaore mmbo mwanrumbwa indo mulakwiimi-fo, naambo mwiidimi iwona mwaanya weetereva, muwiyani lyingyi, mmbishwa nalashewona mwaanya kwany elyi mwara muleva na mwiina. 6Lyo mmbo shamuvia indo, shaasa shilollye yeny, lyo nshi ivavaso-fo. 7Kuuta lyo kindo shikunndye ni vandu woose vave shaasa yeny shikai. Lyo wo nndu mmbo akee nsimbe simbo yakwe yuuka kwa Iruva, yeu indi, na yeto indo. 8Lyo mmbo nkeevia valya valandeora, na vaka va ding'u, nkyeni vakae shaasa yeny shikai. 9Kyaindi vakallemwa isisirya, vaore. Mashika nngw'aana yoora ngota irovyo llango.
10Lyo valya valemmaa ikoora shavavia; na nta nshi yeny-fo, ni Nndumi. Nka nalalakani na mmi-fo. 11Lyo, kwakooya valakana, nalakyoorwa-se-fo, kulakooye vawuyana-se na mmi wakwe, na nndumi nalare nka wakwe-fo. 12Indi vandu vengyi mmbo shavavia yeny, lyo nshi Nndumi-fo; sheelyi kwakooya umwi weeru atiri nka nalairikye, na nka yeto kairikkya ikaa nawe, nalanre-fo. 13Na nka, kwakooya atiri nndumi nalairikkye, na nndumi yeto alangye ikaa nawe, naasa nalare mmi wakwe-fo. 14Mashika nndumi yeto nalairikkye mmbo asheilyiswaa ni nka wakwe. Na nka yeto nalairikkye mmbo asheilyiswaa ni mmi wakwe. Kukooye kulaore ni indo vana vany mbevaa vasumanu-fo. Kyaindi ulaalu mmbo vakee vesha. 15Lyo ulya nalairikkye kankunda yeenda, nakweengye. Lyo yeto airikye kava nndumi ao nka nnyakee mfinge-fo. Lyo Iruva mmbo aluvaangye ufoo. 16A kwamannya kwi, yewe nka, kwakooya kushekiraa mmi wafo? Ao kwamannya-kwi, yewe nndumi, kwakooya kushekiraa nka wafo?
Shaasa kulevaangwa kaa indo
17Lyo shaasa Nndumi aavye wo nndu, shaasa Iruva avaangye wo nndu, nakae indo. Niindo shikeemuvavasya siriny toose. 18A ndesa kwiifo nndu alevaangwa ammaa irinwa? Nalesheva sheelyi nalakee nrini. A nndu ungyi alevaangwa nalakee nrini? Naasany nalarinwa-fo. 19Irinwa nshi kindo-fo, na ira irinwa nshi kindo-fo. Kindo kisha ni iringa mavavaso a Iruva. 20Wo nndu nakae ngata ilya sheni ekai llya alevaangwa. 21A kulevaangwa kwikee ishinga? Naasa kulasue-fo. Lyo kwakooya kushiidimaa yuuka-fo, nkisha, tana indo. 22Mashika yeto alevaangwa ni Nndumi ekee ishinga, mmbo akee lleke wa Nndumi. Ni indo-da yeto alevaangwa ekee lleke, mmbo akee ishinga lya Kristo. 23Mmbo mukewoore na uuru. Mulasheeva mashinga a vandu-fo. 24Vanavama, wo nndu nakee mbee ya Iruva na ngata ilya alevaangwa nayo.
25Kya vana va kyika nshitiri ivavaso lyuuka kwa Nndumi-fo. Lyo a shuute makusaro akwa, yeny shikee nsarye ni Nndumi iva wa toki. 26Naasany, shilollye ekyi nkisha, kyeendwa ni ngatara tiiyo, sheelyi nkisha nndu nakae shaasa akai. 27A-kukee mfinge kwa nka? Kularuuye yaauwa-fo. Kukee mwaauwe? Kularuuye nka-fo. 28Lyo kwakooya koora, nkwalerenga-fo. Nta mwana wa kyeny koorwa nnyalerenga-fo. Lyo vandu va ngata yeyo vatiri ngatara mwiliny; neeny mmbo shikunndye ivaaua efyo. 29Lyo shaamba indi vanavama fyeeri fiiyo nshi fyaasha-fo. Naasany kipookya ulaalu valya varye vaka vave sheelyi valarye vaka. 30Na valya vaiyaa sheelyi valakeiya. Na yewo veefura sheelyi valakeefura. Na valya vakeeyuura sheelyi valatiri kindo. 31Na valya vakeerunda na ulana yelu vave sheelyi valakeerunda nalo nnu. Mashika findo fya ulana yelu mmbo fishiraa. 32Kyaindi mmbo shikunndye mulawonise waataro. Yeto nalarye nka mmbo akuvinisaa na mbony ta Nndumi shaasa akooyaa insenya. 33Indi yeto arye nka mmbo akwaataraa na findo fya ulana, shaasa ashesenyaa nka wakwe. 34Na lyingyi kwiiyo kilakaniso ekyi kwa nka na mwana wa kyeny. Yeto nalakee moore mmbo akuvinisaa na mbony ta Nndumi, nave nsongovisi mwiili na nrima. Kyaindi yeto akee moore mmbo akwaataraa na findo fya ulana elu, shaasa ashesennyaa mmi wakwe. 35Mmbo shaamba indo shimuviiye mbusha; nshi shimuviiye nsoori-fo, nkimaruma kya filya fisennyi, naambo mwidimi ifurukannya Nndumi mulashoomuwaa mfindo fingyi. 36Lyo kwakooya nndu moose alollye nnyaketannya mwana wakwe wa kyika kisumani, nawe kwakooya ammaa itima naasa ekyo akunndye itana natani. Nnyatana ulyamari-fo; nanniinge mumu noorwa. 37Kyaindi yeto asalalyi nisha na ukaari lwa nrima wakwe, nnyashitikywaa-fo, nawe akeeidima ishillya langa yakwe, nawe mmbo akunndye nriminy wakwe iringa mwana wakwe wa kyika, atana nisha. 38Ni indo-da, naakwa ni yeto aorisa mwana wakwe wa kyika atana nisha, neeto nalamoorisaa mmbo atanaa nisha mmwasi.
39Nka mmbo akee mfinge elyi mmi wakwe aiyo na muu. Lyo kwankooya mmi amminutwa, mmbo akee lleke noorwa ni nndu moose yeto ankundaa, kwi Nndumi, naasa. 40Lyo nkyeni mmwasi nakae shaasa akai. Nshaasa yeny shilollye; neeny shilollye sheelyi naakwa ni yeny shitiri Mumuyo wa Iruva.
Currently Selected:
1 VAKORINTO 7: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 7
7
Mbony ta yoora
1Kyasia kya mbony tilya muleshireiya, nkyeni nndu nndumi nare nalapaana nndu nka. 2Lyo kyeekwiisa utuusi wo nndu nave na nka wakwe muni, na wo nka nave na mmi wakwe muni. 3Mmi naniinge nka wakwe usumanu lwakwe. 4Nka nnyatiri finya na mwiili wakwe-fo, ni mmi wakwe; na indo-da nndumi nnyatiri finya na mwiili wakwe-fo, kuuta nka wakwe. 5Kulaore mmbo mwanrumbwa indo mulakwiimi-fo, naambo mwiidimi iwona mwaanya weetereva, muwiyani lyingyi, mmbishwa nalashewona mwaanya kwany elyi mwara muleva na mwiina. 6Lyo mmbo shamuvia indo, shaasa shilollye yeny, lyo nshi ivavaso-fo. 7Kuuta lyo kindo shikunndye ni vandu woose vave shaasa yeny shikai. Lyo wo nndu mmbo akee nsimbe simbo yakwe yuuka kwa Iruva, yeu indi, na yeto indo. 8Lyo mmbo nkeevia valya valandeora, na vaka va ding'u, nkyeni vakae shaasa yeny shikai. 9Kyaindi vakallemwa isisirya, vaore. Mashika nngw'aana yoora ngota irovyo llango.
10Lyo valya valemmaa ikoora shavavia; na nta nshi yeny-fo, ni Nndumi. Nka nalalakani na mmi-fo. 11Lyo, kwakooya valakana, nalakyoorwa-se-fo, kulakooye vawuyana-se na mmi wakwe, na nndumi nalare nka wakwe-fo. 12Indi vandu vengyi mmbo shavavia yeny, lyo nshi Nndumi-fo; sheelyi kwakooya umwi weeru atiri nka nalairikye, na nka yeto kairikkya ikaa nawe, nalanre-fo. 13Na nka, kwakooya atiri nndumi nalairikkye, na nndumi yeto alangye ikaa nawe, naasa nalare mmi wakwe-fo. 14Mashika nndumi yeto nalairikkye mmbo asheilyiswaa ni nka wakwe. Na nka yeto nalairikkye mmbo asheilyiswaa ni mmi wakwe. Kukooye kulaore ni indo vana vany mbevaa vasumanu-fo. Kyaindi ulaalu mmbo vakee vesha. 15Lyo ulya nalairikkye kankunda yeenda, nakweengye. Lyo yeto airikye kava nndumi ao nka nnyakee mfinge-fo. Lyo Iruva mmbo aluvaangye ufoo. 16A kwamannya kwi, yewe nka, kwakooya kushekiraa mmi wafo? Ao kwamannya-kwi, yewe nndumi, kwakooya kushekiraa nka wafo?
Shaasa kulevaangwa kaa indo
17Lyo shaasa Nndumi aavye wo nndu, shaasa Iruva avaangye wo nndu, nakae indo. Niindo shikeemuvavasya siriny toose. 18A ndesa kwiifo nndu alevaangwa ammaa irinwa? Nalesheva sheelyi nalakee nrini. A nndu ungyi alevaangwa nalakee nrini? Naasany nalarinwa-fo. 19Irinwa nshi kindo-fo, na ira irinwa nshi kindo-fo. Kindo kisha ni iringa mavavaso a Iruva. 20Wo nndu nakae ngata ilya sheni ekai llya alevaangwa. 21A kulevaangwa kwikee ishinga? Naasa kulasue-fo. Lyo kwakooya kushiidimaa yuuka-fo, nkisha, tana indo. 22Mashika yeto alevaangwa ni Nndumi ekee ishinga, mmbo akee lleke wa Nndumi. Ni indo-da yeto alevaangwa ekee lleke, mmbo akee ishinga lya Kristo. 23Mmbo mukewoore na uuru. Mulasheeva mashinga a vandu-fo. 24Vanavama, wo nndu nakee mbee ya Iruva na ngata ilya alevaangwa nayo.
25Kya vana va kyika nshitiri ivavaso lyuuka kwa Nndumi-fo. Lyo a shuute makusaro akwa, yeny shikee nsarye ni Nndumi iva wa toki. 26Naasany, shilollye ekyi nkisha, kyeendwa ni ngatara tiiyo, sheelyi nkisha nndu nakae shaasa akai. 27A-kukee mfinge kwa nka? Kularuuye yaauwa-fo. Kukee mwaauwe? Kularuuye nka-fo. 28Lyo kwakooya koora, nkwalerenga-fo. Nta mwana wa kyeny koorwa nnyalerenga-fo. Lyo vandu va ngata yeyo vatiri ngatara mwiliny; neeny mmbo shikunndye ivaaua efyo. 29Lyo shaamba indi vanavama fyeeri fiiyo nshi fyaasha-fo. Naasany kipookya ulaalu valya varye vaka vave sheelyi valarye vaka. 30Na valya vaiyaa sheelyi valakeiya. Na yewo veefura sheelyi valakeefura. Na valya vakeeyuura sheelyi valatiri kindo. 31Na valya vakeerunda na ulana yelu vave sheelyi valakeerunda nalo nnu. Mashika findo fya ulana yelu mmbo fishiraa. 32Kyaindi mmbo shikunndye mulawonise waataro. Yeto nalarye nka mmbo akuvinisaa na mbony ta Nndumi shaasa akooyaa insenya. 33Indi yeto arye nka mmbo akwaataraa na findo fya ulana, shaasa ashesenyaa nka wakwe. 34Na lyingyi kwiiyo kilakaniso ekyi kwa nka na mwana wa kyeny. Yeto nalakee moore mmbo akuvinisaa na mbony ta Nndumi, nave nsongovisi mwiili na nrima. Kyaindi yeto akee moore mmbo akwaataraa na findo fya ulana elu, shaasa ashesennyaa mmi wakwe. 35Mmbo shaamba indo shimuviiye mbusha; nshi shimuviiye nsoori-fo, nkimaruma kya filya fisennyi, naambo mwidimi ifurukannya Nndumi mulashoomuwaa mfindo fingyi. 36Lyo kwakooya nndu moose alollye nnyaketannya mwana wakwe wa kyika kisumani, nawe kwakooya ammaa itima naasa ekyo akunndye itana natani. Nnyatana ulyamari-fo; nanniinge mumu noorwa. 37Kyaindi yeto asalalyi nisha na ukaari lwa nrima wakwe, nnyashitikywaa-fo, nawe akeeidima ishillya langa yakwe, nawe mmbo akunndye nriminy wakwe iringa mwana wakwe wa kyika, atana nisha. 38Ni indo-da, naakwa ni yeto aorisa mwana wakwe wa kyika atana nisha, neeto nalamoorisaa mmbo atanaa nisha mmwasi.
39Nka mmbo akee mfinge elyi mmi wakwe aiyo na muu. Lyo kwankooya mmi amminutwa, mmbo akee lleke noorwa ni nndu moose yeto ankundaa, kwi Nndumi, naasa. 40Lyo nkyeni mmwasi nakae shaasa akai. Nshaasa yeny shilollye; neeny shilollye sheelyi naakwa ni yeny shitiri Mumuyo wa Iruva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.