1 VAKORINTO 16
16
Ngarami ya findo fyeekya vengyi
1Kya mbony teesang'irya findo kimaruma kya veele, shaasa llya shilevavasya siri ta Galatia, neeni kevetaniny indo. 2Wo nkonu wa mbee wa mfungare wo nndu nadeesye kindo kyakwe, kiinani na ivesyo lyakwe; naambo isanyirya lyilasheeva nkonu yeto nshaa. 3Neeny kyeeri nshaa mmbo nshevarikaa na barrwa yewo muvasauwaa, veepoo isarya lyany fika Yerusalemu. 4Kwakooya kivaa neeny sheende.
Uramba lwa Paulo
5Kyaindi nshaa kwany shammaa iira Makedonia; mashika lyo nshiraa Makedonia mbele. 6Kweenda nshesindaa kwany, yee, kweenda kyeeri kyoose kya mbeo; mushirwaa koose efo nsheendaa. 7Mashika nshikunndye ikwaanya neeni ulaalu-fo, nshishiraa-da, mashika mmbo shivikye nsia wekaa neeni kyaangu, kwakooya Nndumi ashiidimisya. 8Lyo mmbo nkaa Efeso fika Pentekoste. 9Mashika kulya mmbo shileruyo mwaango nniini nsha nnu, nafo veefo veengyi vakeshikapa fira.
10Kyaindi, Timoteo kansha, loleny nakae kwany noofoo, elyi akeerunda ishora lya Nndumi kimwi sheeny shimuni. 11Naasa kulave nndu moose amwiila, lyo nrikeny na ufoo, naambo nashe kwakwa, mashika mmbo shimbereye amwi na vanavamaye veru. 12Kyaindi kya mbony ta mwanamaye weeru Apolo, mmbo shilemwikima nnu nashe kwany ando amwi na vanavamaye veru, lyo we nnyekunndye isha ulaalu-fo; lyo mmbo ashaa elyi awonisaa mwaanya.
Marero eesamana
13Laleny shoovi. Salaleny shumu efo kikusiryony. Rundeny kyuumi muve vatakusu. 14Findo fyany fyoose fitanyike na ikunda.
15Na lyingyi vanavama shamutereva; mwiishi vandu va kyeny kwa Stefana, sheelyi wo mfimu fya mbee fya Akaya, nawo mmbo valekwaata ishoreny lya ifurukannya veele. 16Vandu sha yeva veendyeny na wo nndu narunde ando amwi nawo neekuvinisa nnu. 17Neeny mmbo shilefura nnu kyaisha lya Stefana na Fortunata na Akaiko; mashika yeva mmbo valeshilyillya nnu kya filya fyenshaanguya yoo kwany. 18Mashika mmbo valeviirya nrima wakwa muu nnu, na mirima yaany-da. Naasa manyiny nnu vandu sha yewo.
19Siri ta Asia tamwiidikira. Akila na Priska vamwiidikira nnu na irina lya Nndumi, ando amwi na siri yeyo ikee efo mmba kwawo. 20Vakristo woose vamwiidikira. Kwiidikireny na kimimindo kyeele. 21Ekyi nkyo kiidikiro kyakwa shakireiya na woko lwakwa shimuni. 22Nndu moose yeto nalakunndye Nndumi, nave n-denge. Maranatha (Nndumi weeru nkufii nashe). 23Isarya lya Nndumi Yesu lyikae neeni. 24Ukundi lwakwa lumukaye yeni moose mukee na Kristo Yesu.
Currently Selected:
1 VAKORINTO 16: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 16
16
Ngarami ya findo fyeekya vengyi
1Kya mbony teesang'irya findo kimaruma kya veele, shaasa llya shilevavasya siri ta Galatia, neeni kevetaniny indo. 2Wo nkonu wa mbee wa mfungare wo nndu nadeesye kindo kyakwe, kiinani na ivesyo lyakwe; naambo isanyirya lyilasheeva nkonu yeto nshaa. 3Neeny kyeeri nshaa mmbo nshevarikaa na barrwa yewo muvasauwaa, veepoo isarya lyany fika Yerusalemu. 4Kwakooya kivaa neeny sheende.
Uramba lwa Paulo
5Kyaindi nshaa kwany shammaa iira Makedonia; mashika lyo nshiraa Makedonia mbele. 6Kweenda nshesindaa kwany, yee, kweenda kyeeri kyoose kya mbeo; mushirwaa koose efo nsheendaa. 7Mashika nshikunndye ikwaanya neeni ulaalu-fo, nshishiraa-da, mashika mmbo shivikye nsia wekaa neeni kyaangu, kwakooya Nndumi ashiidimisya. 8Lyo mmbo nkaa Efeso fika Pentekoste. 9Mashika kulya mmbo shileruyo mwaango nniini nsha nnu, nafo veefo veengyi vakeshikapa fira.
10Kyaindi, Timoteo kansha, loleny nakae kwany noofoo, elyi akeerunda ishora lya Nndumi kimwi sheeny shimuni. 11Naasa kulave nndu moose amwiila, lyo nrikeny na ufoo, naambo nashe kwakwa, mashika mmbo shimbereye amwi na vanavamaye veru. 12Kyaindi kya mbony ta mwanamaye weeru Apolo, mmbo shilemwikima nnu nashe kwany ando amwi na vanavamaye veru, lyo we nnyekunndye isha ulaalu-fo; lyo mmbo ashaa elyi awonisaa mwaanya.
Marero eesamana
13Laleny shoovi. Salaleny shumu efo kikusiryony. Rundeny kyuumi muve vatakusu. 14Findo fyany fyoose fitanyike na ikunda.
15Na lyingyi vanavama shamutereva; mwiishi vandu va kyeny kwa Stefana, sheelyi wo mfimu fya mbee fya Akaya, nawo mmbo valekwaata ishoreny lya ifurukannya veele. 16Vandu sha yeva veendyeny na wo nndu narunde ando amwi nawo neekuvinisa nnu. 17Neeny mmbo shilefura nnu kyaisha lya Stefana na Fortunata na Akaiko; mashika yeva mmbo valeshilyillya nnu kya filya fyenshaanguya yoo kwany. 18Mashika mmbo valeviirya nrima wakwa muu nnu, na mirima yaany-da. Naasa manyiny nnu vandu sha yewo.
19Siri ta Asia tamwiidikira. Akila na Priska vamwiidikira nnu na irina lya Nndumi, ando amwi na siri yeyo ikee efo mmba kwawo. 20Vakristo woose vamwiidikira. Kwiidikireny na kimimindo kyeele. 21Ekyi nkyo kiidikiro kyakwa shakireiya na woko lwakwa shimuni. 22Nndu moose yeto nalakunndye Nndumi, nave n-denge. Maranatha (Nndumi weeru nkufii nashe). 23Isarya lya Nndumi Yesu lyikae neeni. 24Ukundi lwakwa lumukaye yeni moose mukee na Kristo Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.