1 VAKORINTO 11
11
1Shilatyeny yeny shaasa na yeny shikeelatya Kristo.
Isika Nrwe Kyeeri kya Mwiindye
2Naasany nkemwitikisa, mashika elyi mukeshikummbwa kya findo fyoose, neeni mukatira mikaaye ilya ya mbee shaasa shilemuningya. 3Kyaindi shikundye mumanyi sheelyi nrwe wa wo nndumi ni Kristo, na nrwe wa nka ni mmi wakwe, na nrwe wa Kristo ni Iruva. 4Wo nndu nndumi kyeeri akeetereva, ao eereryaa vandu, kwakooya asikye nrwe, mmbo akeesuta nrwe wakwe. 5Kyaindi nndu nka we eeterevaa, ao eereryaa vandu, kara nalasikya nrwe wakwe, mmbo akusuta we muni, mashika mmbo avaa sha ulya akee nkure nrwe. 6Mashika nka nalasikyaa nrwe nkuti nautwa fii. Ao kwankooya nsony yuutwa nrwe, naasany, asikye, 7Mashika lyo nkisumani nndumi nasikywe nrwe-fo, we ni kyaaso na itumbe lya Iruva. Kyaindi nka we ni itumbe lya nndu nndumi. 8Mashika nndumi nnyaleuka kwa nka-fo, ni nka aleuka kwa nndumi. 9Nta nndumi nnyaleumbwa kimaruma kya nka-fo, ni nka kimaruma kya nndumi. 10Kyikeeny indo nkuti nka noore ngata ya ishillyo ooka nrweny kimaruma kya vasu. 11Nta nka nshi kindo kulaiyo nndumi-fo, nta nndumi nshi kindo kulaiyo nka-fo, kimaruma kya Nndumi. 12Mashika kwakooya nka aleutwa kwa nndumi, na nndumi nawe mmbo eerwaa ni nka. Na findo fyoose kimayeny kya vayo nkwa Iruva. Rummbweny yeni muveni efo miriminy yaany. 13A kivaany nka natereve Iruva nalasikkye nrwe? 14A-myuumbye yeyo myeni yoorye-se sheelyi nndumi katira fii shaasha ni usutu kwakwe? 15Kyaindi nka we katira fii shaasha ni itumbe kwakwe. Mashika mmbo akee nninge fii yeto nakusikye nato ando a soori. 16Lyo nndu moose kakunda yeende uriingyi, yese llutiri mikaaye ya ngata yeyo-fo, nta siri ta Iruva ntitiri-fo.
Kilaayo Kyeele
17Lyo kyeeri nkeemuvia indi nshikemurumisha-fo, mashika elyi mukesanga amwi nshi kya mbusha-fo, nkya ukasha. 18Mashika mmbo shiitye kyeeri mwakwanannya efo mmba ya Iruva mmbo muraukani, neeny nta nshilemaa-fo. 19Mashika lyo kwany nkuti kukae-fo urere, naambo valya vesha vamanyike paa kwany. 20Naasa kyeeri mukekwaanannya nkivaa mulye shoonga ya Nndumi-fo. 21Mashika wo umwi mmbo arangya iwarya, yeu mmbo atirwa nshaa neeto ungyi mmbo annangwa. 22A mmbo mulatiri mmba tany telyiiya na teniiya? A mmbo mukeemina mmba ya Iruva, na isaveesa yewo valatiri kindo? Shamuviany, shamurumisha? Oode, kya efyo nshimurumishaa-fo. 23Mashika yeny filya shilewarya kwa Nndumi mfyo shilemoora, kyeyaamba, Nndumi weeru Yesu Kristo kio kilya aleriingyo mmbo aleipoo nkate, 24nawe eekimaa yaana Iruva kaufisha-fisha, kaamba, “Eu nto mwiili wakwa ukee kimaruma kyany, veny veetana indi kya ishikumbwa.” 25Naaindo veekimaa ilya kaipoo upata (lwa ina) kaamba, “Upata elu ni mma shiiya ya samu yakwa, taniny indi wo kyeeri mwiina, kive kya ishikumbwa.” 26Mashika wo kyeeri mulyaa neeniya upata elo mmbo mukeevambisa ufu lwa Nndumi kutani elyi ashewuyaa-se. 27Naasany nndu yeto ashelyaa nkate yeto ao iniiya upata elo lwa Nndumi kilasumani mmbo ankuwonisya nsindara kya mwiili wa Nndumi na samu yakwe. 28Naasa nndu nakusununde we muni, llyo nalyeny nkate neeniya upata elo. 29Mashika yeto alya na ina, mmbo alya na ina kya uvingo lwakwe muni, elyi ara nalaitumuso kya mwiili yeto. 30Kimmba niindo efo kwany veefo veengyi valoe na vafwafwa, na vengyi valellala. 31Kyaindi kukooye lukumannyaa luveni shaasa lukai, llweshutyoo uvingo-fo. 32Lyo lwishutyoo uvingo ni Nndumi akeelukapa, naambo numa lulasheutyo uvingo ando amwi na ulana. 33Naasany vanavama vakwa, kyeeri mukekwaanannya vereny vengyi. 34Kwakooya nndu atirwa nshaa, nalye mbele kyeny; naambo mulashekwaanannya kive kya uvingo. Efyo fyasaa-fo nshesongosiaa elyi nshaa kwany.
Currently Selected:
1 VAKORINTO 11: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
1 VAKORINTO 11
11
1Shilatyeny yeny shaasa na yeny shikeelatya Kristo.
Isika Nrwe Kyeeri kya Mwiindye
2Naasany nkemwitikisa, mashika elyi mukeshikummbwa kya findo fyoose, neeni mukatira mikaaye ilya ya mbee shaasa shilemuningya. 3Kyaindi shikundye mumanyi sheelyi nrwe wa wo nndumi ni Kristo, na nrwe wa nka ni mmi wakwe, na nrwe wa Kristo ni Iruva. 4Wo nndu nndumi kyeeri akeetereva, ao eereryaa vandu, kwakooya asikye nrwe, mmbo akeesuta nrwe wakwe. 5Kyaindi nndu nka we eeterevaa, ao eereryaa vandu, kara nalasikya nrwe wakwe, mmbo akusuta we muni, mashika mmbo avaa sha ulya akee nkure nrwe. 6Mashika nka nalasikyaa nrwe nkuti nautwa fii. Ao kwankooya nsony yuutwa nrwe, naasany, asikye, 7Mashika lyo nkisumani nndumi nasikywe nrwe-fo, we ni kyaaso na itumbe lya Iruva. Kyaindi nka we ni itumbe lya nndu nndumi. 8Mashika nndumi nnyaleuka kwa nka-fo, ni nka aleuka kwa nndumi. 9Nta nndumi nnyaleumbwa kimaruma kya nka-fo, ni nka kimaruma kya nndumi. 10Kyikeeny indo nkuti nka noore ngata ya ishillyo ooka nrweny kimaruma kya vasu. 11Nta nka nshi kindo kulaiyo nndumi-fo, nta nndumi nshi kindo kulaiyo nka-fo, kimaruma kya Nndumi. 12Mashika kwakooya nka aleutwa kwa nndumi, na nndumi nawe mmbo eerwaa ni nka. Na findo fyoose kimayeny kya vayo nkwa Iruva. Rummbweny yeni muveni efo miriminy yaany. 13A kivaany nka natereve Iruva nalasikkye nrwe? 14A-myuumbye yeyo myeni yoorye-se sheelyi nndumi katira fii shaasha ni usutu kwakwe? 15Kyaindi nka we katira fii shaasha ni itumbe kwakwe. Mashika mmbo akee nninge fii yeto nakusikye nato ando a soori. 16Lyo nndu moose kakunda yeende uriingyi, yese llutiri mikaaye ya ngata yeyo-fo, nta siri ta Iruva ntitiri-fo.
Kilaayo Kyeele
17Lyo kyeeri nkeemuvia indi nshikemurumisha-fo, mashika elyi mukesanga amwi nshi kya mbusha-fo, nkya ukasha. 18Mashika mmbo shiitye kyeeri mwakwanannya efo mmba ya Iruva mmbo muraukani, neeny nta nshilemaa-fo. 19Mashika lyo kwany nkuti kukae-fo urere, naambo valya vesha vamanyike paa kwany. 20Naasa kyeeri mukekwaanannya nkivaa mulye shoonga ya Nndumi-fo. 21Mashika wo umwi mmbo arangya iwarya, yeu mmbo atirwa nshaa neeto ungyi mmbo annangwa. 22A mmbo mulatiri mmba tany telyiiya na teniiya? A mmbo mukeemina mmba ya Iruva, na isaveesa yewo valatiri kindo? Shamuviany, shamurumisha? Oode, kya efyo nshimurumishaa-fo. 23Mashika yeny filya shilewarya kwa Nndumi mfyo shilemoora, kyeyaamba, Nndumi weeru Yesu Kristo kio kilya aleriingyo mmbo aleipoo nkate, 24nawe eekimaa yaana Iruva kaufisha-fisha, kaamba, “Eu nto mwiili wakwa ukee kimaruma kyany, veny veetana indi kya ishikumbwa.” 25Naaindo veekimaa ilya kaipoo upata (lwa ina) kaamba, “Upata elu ni mma shiiya ya samu yakwa, taniny indi wo kyeeri mwiina, kive kya ishikumbwa.” 26Mashika wo kyeeri mulyaa neeniya upata elo mmbo mukeevambisa ufu lwa Nndumi kutani elyi ashewuyaa-se. 27Naasany nndu yeto ashelyaa nkate yeto ao iniiya upata elo lwa Nndumi kilasumani mmbo ankuwonisya nsindara kya mwiili wa Nndumi na samu yakwe. 28Naasa nndu nakusununde we muni, llyo nalyeny nkate neeniya upata elo. 29Mashika yeto alya na ina, mmbo alya na ina kya uvingo lwakwe muni, elyi ara nalaitumuso kya mwiili yeto. 30Kimmba niindo efo kwany veefo veengyi valoe na vafwafwa, na vengyi valellala. 31Kyaindi kukooye lukumannyaa luveni shaasa lukai, llweshutyoo uvingo-fo. 32Lyo lwishutyoo uvingo ni Nndumi akeelukapa, naambo numa lulasheutyo uvingo ando amwi na ulana. 33Naasany vanavama vakwa, kyeeri mukekwaanannya vereny vengyi. 34Kwakooya nndu atirwa nshaa, nalye mbele kyeny; naambo mulashekwaanannya kive kya uvingo. Efyo fyasaa-fo nshesongosiaa elyi nshaa kwany.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.