Sira 49
49
Yosia
1Okwijuka Yosia nikushusha
omugaju gw'obubani ogulikutamiirana,
ogw'obubani oburungirwe omubuya w'amarasi.
Okumwijuka nikunura nk'obwoki
obunulira buli muntu abulya,
kuli nk'omuziki aha bugenyi obwinaho amarwa.
2Akarora kurungi yahindura abantu,
yachwa n'emize etabukwamu entambara.
3Omutima akaguta aha Mukama,
omu biro eby'abantu babaire nibakora kubi
yatera abantu ekihika ky'okutina Ruhanga.
Yeremia
4Okwihyaho Daudi na Hezekia na Yosia,
abandi bona bakafakara muno,
bakanga Amateka ga Rukirabyona,
mara ekyo kyaletera abakama ba Yuda okuhweraho kimoi.
5Obushobora bwabo bakabunagira abandi,
n'ekitinwa kyabo bakinagira eihanga ly'abanyamahanga.
6Eihanga elyo likokya ekigo ekironkwa
ekyabaire kilimu Rwensinga,
embarabara zakyo zaba ndaara,
nk'okwo Yeremia yabaire akirangire.
7Okwo Yeremia bakaba bamubonesize enaku,
kandi rubaju orundi akaba aronkirwe kuba murangi
akyali omu nda ya nyina,
kurandura, kubonabonyia n'okusilikya
hamoi n'okwombeka n'okubyara.
Ezekia
8Ezekia n'iwe yabonekeirwe ekitinwa ky'Omukama,
ekyo Ruhanga yamwolekire
ali aha gali y'abakerubi.
9Ruhanga akaijuka ababishabe
yabateza enkomaizi,
kyonkai abarozire kurungi akabakolera ebirungi.
Abarangi eikumi na babili
10Amagufa g'abarangi eikumi na babili
mbali gabyamire nigakagarukwemu oburora,
aha rw'enshonga bakahumuliza abaana ba Yakobo,
babachunguza obwesige n'eshubi.
Zerubabeli na Yeshua
11Zerubabeli ogwo tumukuze tutai?
Akaba nashusha empeta y'omuhuri aha mukono gwa bulyo.
12Na Yeshua eya Yozadaki nikwo yabaire ali;
bombili omu biro byabo
bakombekera Omukama Rwensinga ntakatifu,
bagyombeka eli y'ekitinwa eky'ebiro byona.
Nehemia
13Nehemia nawe naijukwa amakiro gona.
Akatwombekera buhya enkuta ezabaire zikumbire,
yazitamu ebihigi n'emihingo,
yatwombekera buhya n'amaju gaitu
agabaire gali matongo.
Batat'enkurw'ichwe
14Taliho n'omoi aratonzirwe mu nsi ow'okushusha Enoki,
kuba wenene ensi Omukama akagimwihyamu bwihyamu.
15Omu barazairwe taliho muntu ashusha Yozefu,
nangu n'amagufage galindwa kurungi.
16Shemu na Seti bakunirwaga omu bantu,
kyonkai ebyakatonzirwe byona ebiina oburora
Adamu nabishagya ekitinwa.
Currently Selected:
Sira 49: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 49
49
Yosia
1Okwijuka Yosia nikushusha
omugaju gw'obubani ogulikutamiirana,
ogw'obubani oburungirwe omubuya w'amarasi.
Okumwijuka nikunura nk'obwoki
obunulira buli muntu abulya,
kuli nk'omuziki aha bugenyi obwinaho amarwa.
2Akarora kurungi yahindura abantu,
yachwa n'emize etabukwamu entambara.
3Omutima akaguta aha Mukama,
omu biro eby'abantu babaire nibakora kubi
yatera abantu ekihika ky'okutina Ruhanga.
Yeremia
4Okwihyaho Daudi na Hezekia na Yosia,
abandi bona bakafakara muno,
bakanga Amateka ga Rukirabyona,
mara ekyo kyaletera abakama ba Yuda okuhweraho kimoi.
5Obushobora bwabo bakabunagira abandi,
n'ekitinwa kyabo bakinagira eihanga ly'abanyamahanga.
6Eihanga elyo likokya ekigo ekironkwa
ekyabaire kilimu Rwensinga,
embarabara zakyo zaba ndaara,
nk'okwo Yeremia yabaire akirangire.
7Okwo Yeremia bakaba bamubonesize enaku,
kandi rubaju orundi akaba aronkirwe kuba murangi
akyali omu nda ya nyina,
kurandura, kubonabonyia n'okusilikya
hamoi n'okwombeka n'okubyara.
Ezekia
8Ezekia n'iwe yabonekeirwe ekitinwa ky'Omukama,
ekyo Ruhanga yamwolekire
ali aha gali y'abakerubi.
9Ruhanga akaijuka ababishabe
yabateza enkomaizi,
kyonkai abarozire kurungi akabakolera ebirungi.
Abarangi eikumi na babili
10Amagufa g'abarangi eikumi na babili
mbali gabyamire nigakagarukwemu oburora,
aha rw'enshonga bakahumuliza abaana ba Yakobo,
babachunguza obwesige n'eshubi.
Zerubabeli na Yeshua
11Zerubabeli ogwo tumukuze tutai?
Akaba nashusha empeta y'omuhuri aha mukono gwa bulyo.
12Na Yeshua eya Yozadaki nikwo yabaire ali;
bombili omu biro byabo
bakombekera Omukama Rwensinga ntakatifu,
bagyombeka eli y'ekitinwa eky'ebiro byona.
Nehemia
13Nehemia nawe naijukwa amakiro gona.
Akatwombekera buhya enkuta ezabaire zikumbire,
yazitamu ebihigi n'emihingo,
yatwombekera buhya n'amaju gaitu
agabaire gali matongo.
Batat'enkurw'ichwe
14Taliho n'omoi aratonzirwe mu nsi ow'okushusha Enoki,
kuba wenene ensi Omukama akagimwihyamu bwihyamu.
15Omu barazairwe taliho muntu ashusha Yozefu,
nangu n'amagufage galindwa kurungi.
16Shemu na Seti bakunirwaga omu bantu,
kyonkai ebyakatonzirwe byona ebiina oburora
Adamu nabishagya ekitinwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.