Sira 47
47
Natani na Daudi
1Samweli kayarugireho, yahonderwaho Natani,
ogwo yaranga omu makiro ga Daudi.
2Nk'okwo baahura ebishaju aha kihongo ky'emilembe,
nikwo na Daudi yayahwirwe atyo omu Baisiraeli.
3Yazanaga n'entare oti nazana n'obwana bw'embuzi,
yazana n'edubu oti nazana n'obwana bw'entaama.
4Kayabaire akyanyeta tiyaisire omushaija ekikaaka
akaihyaho eihangalye enshoni?
Akaimukya omukono ataire eibare omu kihubeezo,
yakuntura Goliati n'eikurulye ahansi.
5Aha rw'okuba akatakira Omukama Rushoborabyona,
yamuha amani omu mukono gwa bulyo,
yaita emanzi y'endashana,
eihangalye yaliha amani lyatinwa.
6Kityo bakamuha ekitinwa
aha rw'okwita abantu 10,000,
bamusingiza aha rw'emigisha ey'Omukama yamutungire,
orwo bamujwekire orukinga rw'ekitinwa.
7Enshonga akamaraho ababishabe buli rubaju,
yasirasiza Abafilisiti abamunobaga,
yabamara amani kugoba na kir'eki.
8Omuli byona ebyo yakoraga
yasiimaga Omutakatifu, Rukirabyona namuha ekitinwa;
yagonzaga Omutonziwe,
yamuhoyera namuhaisiliza n'omutimagwe gwona.
9Abahoyi yabatekaga omu maisho ga alutare,
bahoye kurungi n'amaraka gabo.
10Yanuzaga amagenyi,
atekateka okwo garagenda omwaka gwona,
aho nibasingiza eibara litakatifu lya Ruhanga,
Rwensinga netokeerwamu empundwi
kwema bwankya omu rukyakya.
11Omukama akamuganyira amafuge,
yamukuza yamuha obushobora ebiro byona;
yamuha n'endagano y'abakama
n'enketo y'ekitinwa omuli Isiraeli.
Solomoni
12Daudi ogwo akasikirwa Solomoni
omutabani ow'obumanyi,
ayatungire akaganagana aha rwa ishe.
13Solomoni akatwalira omu makiro g'emilembe;
Ruhanga yamuha omuraro gurungi buli rubaju,
abone kumwombekera Rwensinga
y'okuhaisa eibaralye ekitinwa,
mara kwombeka Rwensinga ey'okuturaho ebiro byona.
14Okagir'otai obumanyi okyali musigazi, Solomoni!
Okagira amagezi washusha omwiga gwijwire gukaata.
15Ensi yona yamanyaga iwe,
wagyegesa emigani nyingi n'enfumo zitali zike.
16Eibara lyawe lyagobaga omu bizinga bya harai,
wagonzibwa aha rw'okuba muntu w'emilembe.
17Ensi zakutangaliraga,
aha rw'empoya zawe n'enfumu n'emigani
n'okwo wabitoitoraga.
18Omw'ibara ly'Omukama Ruhanga,
owo beta Ruhanga wa Isiraeli,
ezahabu okagitunda nk'ekyoma,
efeza wagihiga nyingi nk'eishasi.
19Kyonkasi wagonzaga abakazi,
nikwo bakumazire amani.
20Ekitinwa kyawe okakitaho ekibamba,
na baijukuru bawe wabatera eibara libi.
Waba nikwo oleteleza abaana bawe,
obufera bwawe babwejuma.
21Nikyo obukama bwawe bwabeganukiire,
na Efuraimu ekaba ngoma y'abashengi.
22Kyonkai Omukama talilekera kugira buganyizi,
handiki kweitira ebyo yakozire.
Talichwa baijukuru ba ndonkwaye,
anga kwita abaana b'owo yagonzaga.
Nikyo atalekeire Yakobo kuchweka,
akalekeraho na Daudi oruzarorwe karugendelera.
Rehoboamu na Yeroboamu
23Solomoni kayatahize yasikirwa omoiho omu batabani,
n'iwe Rehoboamu.
Rehoboamu akaba ali mufera atakabonekaga,
n'okushobokerwa akaba atainakwo,
emitwalizeye mibi yalemwa yashengesa abantu.
Haliho na Yeroboamu eya Nebati,
ayanagire Isiraeli omu bufu,
akegesa Efuraimu emize mibi.
24Abantube bakakora amafu gangi gashagulirana,
gabaletera n'okwihwa omu nsi yabo.
25Bakakora buli kabi,
balemwa babona ekibonabonyio.
Currently Selected:
Sira 47: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 47
47
Natani na Daudi
1Samweli kayarugireho, yahonderwaho Natani,
ogwo yaranga omu makiro ga Daudi.
2Nk'okwo baahura ebishaju aha kihongo ky'emilembe,
nikwo na Daudi yayahwirwe atyo omu Baisiraeli.
3Yazanaga n'entare oti nazana n'obwana bw'embuzi,
yazana n'edubu oti nazana n'obwana bw'entaama.
4Kayabaire akyanyeta tiyaisire omushaija ekikaaka
akaihyaho eihangalye enshoni?
Akaimukya omukono ataire eibare omu kihubeezo,
yakuntura Goliati n'eikurulye ahansi.
5Aha rw'okuba akatakira Omukama Rushoborabyona,
yamuha amani omu mukono gwa bulyo,
yaita emanzi y'endashana,
eihangalye yaliha amani lyatinwa.
6Kityo bakamuha ekitinwa
aha rw'okwita abantu 10,000,
bamusingiza aha rw'emigisha ey'Omukama yamutungire,
orwo bamujwekire orukinga rw'ekitinwa.
7Enshonga akamaraho ababishabe buli rubaju,
yasirasiza Abafilisiti abamunobaga,
yabamara amani kugoba na kir'eki.
8Omuli byona ebyo yakoraga
yasiimaga Omutakatifu, Rukirabyona namuha ekitinwa;
yagonzaga Omutonziwe,
yamuhoyera namuhaisiliza n'omutimagwe gwona.
9Abahoyi yabatekaga omu maisho ga alutare,
bahoye kurungi n'amaraka gabo.
10Yanuzaga amagenyi,
atekateka okwo garagenda omwaka gwona,
aho nibasingiza eibara litakatifu lya Ruhanga,
Rwensinga netokeerwamu empundwi
kwema bwankya omu rukyakya.
11Omukama akamuganyira amafuge,
yamukuza yamuha obushobora ebiro byona;
yamuha n'endagano y'abakama
n'enketo y'ekitinwa omuli Isiraeli.
Solomoni
12Daudi ogwo akasikirwa Solomoni
omutabani ow'obumanyi,
ayatungire akaganagana aha rwa ishe.
13Solomoni akatwalira omu makiro g'emilembe;
Ruhanga yamuha omuraro gurungi buli rubaju,
abone kumwombekera Rwensinga
y'okuhaisa eibaralye ekitinwa,
mara kwombeka Rwensinga ey'okuturaho ebiro byona.
14Okagir'otai obumanyi okyali musigazi, Solomoni!
Okagira amagezi washusha omwiga gwijwire gukaata.
15Ensi yona yamanyaga iwe,
wagyegesa emigani nyingi n'enfumo zitali zike.
16Eibara lyawe lyagobaga omu bizinga bya harai,
wagonzibwa aha rw'okuba muntu w'emilembe.
17Ensi zakutangaliraga,
aha rw'empoya zawe n'enfumu n'emigani
n'okwo wabitoitoraga.
18Omw'ibara ly'Omukama Ruhanga,
owo beta Ruhanga wa Isiraeli,
ezahabu okagitunda nk'ekyoma,
efeza wagihiga nyingi nk'eishasi.
19Kyonkasi wagonzaga abakazi,
nikwo bakumazire amani.
20Ekitinwa kyawe okakitaho ekibamba,
na baijukuru bawe wabatera eibara libi.
Waba nikwo oleteleza abaana bawe,
obufera bwawe babwejuma.
21Nikyo obukama bwawe bwabeganukiire,
na Efuraimu ekaba ngoma y'abashengi.
22Kyonkai Omukama talilekera kugira buganyizi,
handiki kweitira ebyo yakozire.
Talichwa baijukuru ba ndonkwaye,
anga kwita abaana b'owo yagonzaga.
Nikyo atalekeire Yakobo kuchweka,
akalekeraho na Daudi oruzarorwe karugendelera.
Rehoboamu na Yeroboamu
23Solomoni kayatahize yasikirwa omoiho omu batabani,
n'iwe Rehoboamu.
Rehoboamu akaba ali mufera atakabonekaga,
n'okushobokerwa akaba atainakwo,
emitwalizeye mibi yalemwa yashengesa abantu.
Haliho na Yeroboamu eya Nebati,
ayanagire Isiraeli omu bufu,
akegesa Efuraimu emize mibi.
24Abantube bakakora amafu gangi gashagulirana,
gabaletera n'okwihwa omu nsi yabo.
25Bakakora buli kabi,
balemwa babona ekibonabonyio.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.