Sira 45
45
Musa
1Omuli baijukuru ba Yakobo
Omukama aihamu omushaija w'obuganyizi,
ayasiimiirwe abantu bona,
akaganja Ruhanga n'abantu,
n'iwe Musa ow'abantu baijuka bakahabwa omugisha.
2Omukama akamwiganisa n'abatakatifu omu kitinwa,
yamuhindura mukuru, ababishabe bamutina.
3Omu kanwa ka Musa,
Omukama akaragira ebitangazo byalekera,
yamuhaisa ekitinwa omu maisho g'abakama.
Yamuha emihango y'okuha abantube,
yamwoleka n'ekitinwakye.
4Akamuhindura mutakatifu
aha rw'obwesigwabwe n'obufurabwe,
yamuronka omu bantu bona.
5Akamuhuliza eirakalye,
yamutwara omu mwilima elindindi,
yamukwasa emihango balebangaine,
nigo Mateka g'oburora n'obumanyi
kwegesa Yakobo endaganoye
na Isiraeli emiramulire y'emishango.
Aroni
6Omukama akaha Aroni, murumuna Musa ekitinwa,
omutakatifu nka Musa ow'oruganda rwa Levi.
7Akakora nawe endagano ey'eirai lyona,
yamuha obukuhani kutambilira abantu.
Akamutendeka yamwambika enyambarwa kaliza,
yamujweka ekanzu y'ekitinwa.
8Akamujweka ebijwaro kaliza eby'ekitinwa,
yamujweka n'ebilikwoleka obushoborabwe,
esuruali ya bukondo eya kitani,
ekanzu endai n'efodi.
9Yamuha amakomamanga g'okuzingoza ekanzu egyo,
kwakwo n'ekengere z'ezahabu zingi muno z'okumuzingora;
zijuge orwo alikutambuka,
zatanguke zihulirwe omuli Rwensinga,
zigire ekyo zaijukya abantube.
10Akamwambika ekijwaro kitakatifu,
eky'erangi y'ezahabu n'eya kibururu na zambarau,
ekyafumirwe omubuya;
omu kifuba yamutaho Urimu na Thumimu;
11omubuya abishukisize empuzi za katuku.
Yamutaho amabare g'eiguzi agahandikirweho
nk'empeta z'omuhuri,
gashokirwe omu zahabu,
gakozirwe gatyo omubuya wago.
Amabare ago gakaba gabaizirweho enyuguta,
ezilikwijukya orubara rw'enganda za Isiraeli.
12Aha kilembakye yamutaho orukinga rw'ezahabu,
ruhandikirweho ekihandiko okw'obon'empeta y'omuhuri,
ekilikugamba kiti, “Obutakatifu.”
Ogwo gukaba guli mulengyo gurungi muno
ogwakozirwe omubuya,
gulengizekwo mara guli gurungi gw'okulebwa.
13Aroni atakabaireho,
hakaba hatakabahoga bintu birungi nk'ebyo.
Taliho wa heru yabijwete,
shana ebiro byona bikajwarwa abatabani n'abaijukuru.
14Ebitambobye byayokibwaga byona
mara kabili buli kiro obutaita kiro.
15Musa n'iwe yamutendekire,
akamukora amajuta gatakatifu.
Omukama akakora nawe na baijukurube bona
endagano ey'eirai lyona, ebiro byona,
kumukolera n'okukora omulimo gw'omukuhani,
n'okumuhera abantube omugisha omw'ibaralye.
16Omukama akamuronka omu bantu bona
kuta namutambira ebitambo,
kumuhongera obunuma n'omugaju
gw'okwijukya Abaisiraeli Omukama n'okwatilira embaga.
17Yamukwasa emihangoye,
yamuha obushobora bw'okulebelera ebiragiro
n'okushara emishango, kwegesa Yakobo emikuye
n'okukyanura Isiraeli aha Matekage.
18Abatali ba kaye bakamubanja,
bamuchubira omw'irungu,
abalimu Datani na Abiramu n'abantu babo
n'ekisimba kya Kora,
abamutamirwe kubi bakamunigalira.
19Omukama ebyo akabibona tibyamushemeleire,
yabatamwa kubi, yabanigalira, yabaita,
yabaanaga omu kabuta k'omuliro gulikurabagira
yabasilikya.
20Yayongera Aroni ekitinwa,
yamuha eibara elili kwalyo,
yamuha omugabo gw'ebiraba bya mbere ebilikuganuzibwa,
ebyo nibyo yachumbaga emigate nyingi muno.
21Abakuhani ekyakulya kyabo bitambo
ebihongeirwe Omukama,
akabimuha wenene na baijukurube.
22Kyonkai omu nsi y'eihanga tainamu butaka,
n'omu bantu tainamu mugabo,
Omukama wenene n'iwe mugabogwe,
n'iwe butakabwe.
Finehasi
23Owa kashatu omu kitinwa ni Finehasi eya Eleazari,
enshonga yatinaga muno Omukama.
Abantu kabajemire wenene yabaama,
yaguma n'omutima gurungi yayatililira Isiraeli.
24Orw'ekyo Omukama akakora nawe endagano y'emilembe,
yamutaho kuba mukuru wa Rwensinga n'embaga,
wenene na baijukurube yabaha ekitinwa
ky'obukuhani eirai lyona.
25Kwakwo Omukama akakora endagano
na Daudi mutabani wa Yese, ow'oruganda rwa Yuda,
okwo aha kusika obukama
omukama arasikirwaga omwana ow'ayezaliire wenkai;
kumoi na Aroni kusikirwa baijukurube.
26Omukama abatunge omutima gw'obumanyi,
abantube mubaramuze amazima,
egoshoko yabo etalija ekachweka
n'ekitinwa kyabo kigumeho ebiro byabo byona.
Currently Selected:
Sira 45: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 45
45
Musa
1Omuli baijukuru ba Yakobo
Omukama aihamu omushaija w'obuganyizi,
ayasiimiirwe abantu bona,
akaganja Ruhanga n'abantu,
n'iwe Musa ow'abantu baijuka bakahabwa omugisha.
2Omukama akamwiganisa n'abatakatifu omu kitinwa,
yamuhindura mukuru, ababishabe bamutina.
3Omu kanwa ka Musa,
Omukama akaragira ebitangazo byalekera,
yamuhaisa ekitinwa omu maisho g'abakama.
Yamuha emihango y'okuha abantube,
yamwoleka n'ekitinwakye.
4Akamuhindura mutakatifu
aha rw'obwesigwabwe n'obufurabwe,
yamuronka omu bantu bona.
5Akamuhuliza eirakalye,
yamutwara omu mwilima elindindi,
yamukwasa emihango balebangaine,
nigo Mateka g'oburora n'obumanyi
kwegesa Yakobo endaganoye
na Isiraeli emiramulire y'emishango.
Aroni
6Omukama akaha Aroni, murumuna Musa ekitinwa,
omutakatifu nka Musa ow'oruganda rwa Levi.
7Akakora nawe endagano ey'eirai lyona,
yamuha obukuhani kutambilira abantu.
Akamutendeka yamwambika enyambarwa kaliza,
yamujweka ekanzu y'ekitinwa.
8Akamujweka ebijwaro kaliza eby'ekitinwa,
yamujweka n'ebilikwoleka obushoborabwe,
esuruali ya bukondo eya kitani,
ekanzu endai n'efodi.
9Yamuha amakomamanga g'okuzingoza ekanzu egyo,
kwakwo n'ekengere z'ezahabu zingi muno z'okumuzingora;
zijuge orwo alikutambuka,
zatanguke zihulirwe omuli Rwensinga,
zigire ekyo zaijukya abantube.
10Akamwambika ekijwaro kitakatifu,
eky'erangi y'ezahabu n'eya kibururu na zambarau,
ekyafumirwe omubuya;
omu kifuba yamutaho Urimu na Thumimu;
11omubuya abishukisize empuzi za katuku.
Yamutaho amabare g'eiguzi agahandikirweho
nk'empeta z'omuhuri,
gashokirwe omu zahabu,
gakozirwe gatyo omubuya wago.
Amabare ago gakaba gabaizirweho enyuguta,
ezilikwijukya orubara rw'enganda za Isiraeli.
12Aha kilembakye yamutaho orukinga rw'ezahabu,
ruhandikirweho ekihandiko okw'obon'empeta y'omuhuri,
ekilikugamba kiti, “Obutakatifu.”
Ogwo gukaba guli mulengyo gurungi muno
ogwakozirwe omubuya,
gulengizekwo mara guli gurungi gw'okulebwa.
13Aroni atakabaireho,
hakaba hatakabahoga bintu birungi nk'ebyo.
Taliho wa heru yabijwete,
shana ebiro byona bikajwarwa abatabani n'abaijukuru.
14Ebitambobye byayokibwaga byona
mara kabili buli kiro obutaita kiro.
15Musa n'iwe yamutendekire,
akamukora amajuta gatakatifu.
Omukama akakora nawe na baijukurube bona
endagano ey'eirai lyona, ebiro byona,
kumukolera n'okukora omulimo gw'omukuhani,
n'okumuhera abantube omugisha omw'ibaralye.
16Omukama akamuronka omu bantu bona
kuta namutambira ebitambo,
kumuhongera obunuma n'omugaju
gw'okwijukya Abaisiraeli Omukama n'okwatilira embaga.
17Yamukwasa emihangoye,
yamuha obushobora bw'okulebelera ebiragiro
n'okushara emishango, kwegesa Yakobo emikuye
n'okukyanura Isiraeli aha Matekage.
18Abatali ba kaye bakamubanja,
bamuchubira omw'irungu,
abalimu Datani na Abiramu n'abantu babo
n'ekisimba kya Kora,
abamutamirwe kubi bakamunigalira.
19Omukama ebyo akabibona tibyamushemeleire,
yabatamwa kubi, yabanigalira, yabaita,
yabaanaga omu kabuta k'omuliro gulikurabagira
yabasilikya.
20Yayongera Aroni ekitinwa,
yamuha eibara elili kwalyo,
yamuha omugabo gw'ebiraba bya mbere ebilikuganuzibwa,
ebyo nibyo yachumbaga emigate nyingi muno.
21Abakuhani ekyakulya kyabo bitambo
ebihongeirwe Omukama,
akabimuha wenene na baijukurube.
22Kyonkai omu nsi y'eihanga tainamu butaka,
n'omu bantu tainamu mugabo,
Omukama wenene n'iwe mugabogwe,
n'iwe butakabwe.
Finehasi
23Owa kashatu omu kitinwa ni Finehasi eya Eleazari,
enshonga yatinaga muno Omukama.
Abantu kabajemire wenene yabaama,
yaguma n'omutima gurungi yayatililira Isiraeli.
24Orw'ekyo Omukama akakora nawe endagano y'emilembe,
yamutaho kuba mukuru wa Rwensinga n'embaga,
wenene na baijukurube yabaha ekitinwa
ky'obukuhani eirai lyona.
25Kwakwo Omukama akakora endagano
na Daudi mutabani wa Yese, ow'oruganda rwa Yuda,
okwo aha kusika obukama
omukama arasikirwaga omwana ow'ayezaliire wenkai;
kumoi na Aroni kusikirwa baijukurube.
26Omukama abatunge omutima gw'obumanyi,
abantube mubaramuze amazima,
egoshoko yabo etalija ekachweka
n'ekitinwa kyabo kigumeho ebiro byabo byona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.