Sira 43
43
Eizoba
1Okwera kw'eiguru nikwo kuliletera ekitinwa,
ligira ekitinwa litai kulileba!
2Eizoba orwo lishabuka, likaaka okwo niligenda,
liba kikwato ky'okutangaza,
mara likakorwa Rukirabyona.
3Omwihangwe lihabura ensi,
n'ohai ow'okwemera omushana gwalyo ogulikwokya?
4Omuntu ainegeza etanuru aginegeza orubabwe nirumugoba,
kyonkai eizoba lyokya amabanga
kushaga emyokeze ey'etanuru emirundi eshatu.
Lileta orwoya rw'omuliro,
kandi amaranzi galyo n'okwengelera kwago bihumisa amaisho.
5Omukama aba muhango ayalitonzire;
mara orwo alihangira kugenda lyanguha ligenzire.
Okwezi
6Kwakwo akatonda okwezi,
kakukora omulimo gwakwo omu kanya kakwo,
kumanyisa ebirumo n'okuba kamanyiso k'eirai lyona.
7Okwezi nikwo kumanyisa ebiro bikuru,
kakumara kuba kimatiro kubanza kujwa omukeleranwa.
8Omwezi gwetelerwa okwezi,
nk'okwo kugenda nikuhinduka
emibonekere yakwo elikutangaza,
nikwo kuba bendera y'ekinje ky'enyanyinyi,
nikwakira aha iguru.
Enyanyinyi
9Ekitinwa ky'enyanyinyi nibwo burungi bw'eiguru,
ekijwaro kilikwengelera aha iguru lya Mukama.
10Omutakatifu k'azihangira zemelera okwo yazihangira,
tiziziza kulengamu kake kuleka kwaka.
Omuhangazima
11Leba omuhangazima, oshube osingize ayagutonzire,
gwakya kurungi muno ebishobeize.
12Gwonene n'oburungi bwagwo
gwekondeka aha iguru gushusha obuta;
Engaro za Rukirabyona nizo zagwinikire.
Ebitangazo by'ebitondwa
13Ruhanga ahanga asindika enkomaizi y'orubare,
n'endabyo aziha okwanguha kugobesheleza eiramulye.
14Orw'ekyo esitoaze zikingwire,
n'ebichwi nibitunta nk'enyonyi.
15Aha rw'obukurubwe ahikanisa ebichwi,
amabare g'enjura gatayatika obubare.
16K'aboneka amabanga gatengeta;
k'ayenda omuyaga gwema kasi gwihya.
17Eirakalye likabukira ensi nk'enkuba,
n'omuyaga gw'amani ogwa bikara n'akazimu nikwo bigira.
Orubare arunaganaga okw'obona enyonyi
nizibandara ahansi,
rugwa okw'obona enzige nizetuura aha itaka.
18Elisho litangalira oburungi bw'okwera kwarwo,
n'amagezi gatangalira emigwere yarwo.
19Ashesha orume ahansi bundi mwonyu,
karuganda rushusha amahwa g'omukenge.
20Omuyaga gw'omunena gwa bikara gwihya,
n'amaizi gaganda eba seluji;
eseluji egyo eyelera buli kitunga eiguru,
amaizi gagijwara okw'obona engabo y'omu kifuba.
21Asoroza amabanga, ayokya amarungu,
n'obunyasi buto abubabura nk'omuliro.
22Ebyo byona omurombe gubihimbura bwangu,
orume karutonya rubiraza eilimbe.
23Obumanyibwe bukachuleza enyanja engundu,
nibwo bwagibyairemu n'ebizinga.
24Abasabara omu nyanja nibo babarura akabi kamwo,
aho ebyo tuhulira ebyo bitutangaza.
25Aha rw'okuba ebamu eby'okutangaza
ebyo Ruhanga yakozire ebitakabonekaga,
ebilikurora eby'engeli zona,
n'ebitondwa kabwiga eby'enyanja.
26Entumwa eya Mukama teburwa muhanda,
k'agamba ekigambo ebintu byona biterana hamoi.
27N'orwo twakugamba bingi bitai
titwakugoba aha ndekelero,
shana ebyo twakugamba omu kigambo kimoi
tuti, “N'iwe byona!”
28Amani g'okumusingiza tugaiyehai?
Aha rw'okuba wenene aba muhango
kushaga byona ebyo yakozire.
29Omukama natinisa mara aba muhango muno,
n'obushoborabwe bw'okutangaza.
30Orwo olikusingiza Omukama,
omukuze muno okw'olikushobora;
kuba na honene aho noba otamugobire.
Orwo olikumukuza oteho amani gawe gona,
mara otalemwa,
enshonga taliho rwo wakumusingiza ekimazire.
31N'ohai aramuboine akamulenga okwo ayemire?
Anga n'ohai ow'okumuhaisiliza okwo aragiirwe?
32Haliho ebintu bingi ebishelekire ebingi kukira ebi,
aha rw'okuba ebyo yakozire twabonaho bike kushai.
33Manya Omukama n'iwe yakozire ebintu byona,
kandi abatina Ruhanga akabaha obumanyi.
Currently Selected:
Sira 43: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 43
43
Eizoba
1Okwera kw'eiguru nikwo kuliletera ekitinwa,
ligira ekitinwa litai kulileba!
2Eizoba orwo lishabuka, likaaka okwo niligenda,
liba kikwato ky'okutangaza,
mara likakorwa Rukirabyona.
3Omwihangwe lihabura ensi,
n'ohai ow'okwemera omushana gwalyo ogulikwokya?
4Omuntu ainegeza etanuru aginegeza orubabwe nirumugoba,
kyonkai eizoba lyokya amabanga
kushaga emyokeze ey'etanuru emirundi eshatu.
Lileta orwoya rw'omuliro,
kandi amaranzi galyo n'okwengelera kwago bihumisa amaisho.
5Omukama aba muhango ayalitonzire;
mara orwo alihangira kugenda lyanguha ligenzire.
Okwezi
6Kwakwo akatonda okwezi,
kakukora omulimo gwakwo omu kanya kakwo,
kumanyisa ebirumo n'okuba kamanyiso k'eirai lyona.
7Okwezi nikwo kumanyisa ebiro bikuru,
kakumara kuba kimatiro kubanza kujwa omukeleranwa.
8Omwezi gwetelerwa okwezi,
nk'okwo kugenda nikuhinduka
emibonekere yakwo elikutangaza,
nikwo kuba bendera y'ekinje ky'enyanyinyi,
nikwakira aha iguru.
Enyanyinyi
9Ekitinwa ky'enyanyinyi nibwo burungi bw'eiguru,
ekijwaro kilikwengelera aha iguru lya Mukama.
10Omutakatifu k'azihangira zemelera okwo yazihangira,
tiziziza kulengamu kake kuleka kwaka.
Omuhangazima
11Leba omuhangazima, oshube osingize ayagutonzire,
gwakya kurungi muno ebishobeize.
12Gwonene n'oburungi bwagwo
gwekondeka aha iguru gushusha obuta;
Engaro za Rukirabyona nizo zagwinikire.
Ebitangazo by'ebitondwa
13Ruhanga ahanga asindika enkomaizi y'orubare,
n'endabyo aziha okwanguha kugobesheleza eiramulye.
14Orw'ekyo esitoaze zikingwire,
n'ebichwi nibitunta nk'enyonyi.
15Aha rw'obukurubwe ahikanisa ebichwi,
amabare g'enjura gatayatika obubare.
16K'aboneka amabanga gatengeta;
k'ayenda omuyaga gwema kasi gwihya.
17Eirakalye likabukira ensi nk'enkuba,
n'omuyaga gw'amani ogwa bikara n'akazimu nikwo bigira.
Orubare arunaganaga okw'obona enyonyi
nizibandara ahansi,
rugwa okw'obona enzige nizetuura aha itaka.
18Elisho litangalira oburungi bw'okwera kwarwo,
n'amagezi gatangalira emigwere yarwo.
19Ashesha orume ahansi bundi mwonyu,
karuganda rushusha amahwa g'omukenge.
20Omuyaga gw'omunena gwa bikara gwihya,
n'amaizi gaganda eba seluji;
eseluji egyo eyelera buli kitunga eiguru,
amaizi gagijwara okw'obona engabo y'omu kifuba.
21Asoroza amabanga, ayokya amarungu,
n'obunyasi buto abubabura nk'omuliro.
22Ebyo byona omurombe gubihimbura bwangu,
orume karutonya rubiraza eilimbe.
23Obumanyibwe bukachuleza enyanja engundu,
nibwo bwagibyairemu n'ebizinga.
24Abasabara omu nyanja nibo babarura akabi kamwo,
aho ebyo tuhulira ebyo bitutangaza.
25Aha rw'okuba ebamu eby'okutangaza
ebyo Ruhanga yakozire ebitakabonekaga,
ebilikurora eby'engeli zona,
n'ebitondwa kabwiga eby'enyanja.
26Entumwa eya Mukama teburwa muhanda,
k'agamba ekigambo ebintu byona biterana hamoi.
27N'orwo twakugamba bingi bitai
titwakugoba aha ndekelero,
shana ebyo twakugamba omu kigambo kimoi
tuti, “N'iwe byona!”
28Amani g'okumusingiza tugaiyehai?
Aha rw'okuba wenene aba muhango
kushaga byona ebyo yakozire.
29Omukama natinisa mara aba muhango muno,
n'obushoborabwe bw'okutangaza.
30Orwo olikusingiza Omukama,
omukuze muno okw'olikushobora;
kuba na honene aho noba otamugobire.
Orwo olikumukuza oteho amani gawe gona,
mara otalemwa,
enshonga taliho rwo wakumusingiza ekimazire.
31N'ohai aramuboine akamulenga okwo ayemire?
Anga n'ohai ow'okumuhaisiliza okwo aragiirwe?
32Haliho ebintu bingi ebishelekire ebingi kukira ebi,
aha rw'okuba ebyo yakozire twabonaho bike kushai.
33Manya Omukama n'iwe yakozire ebintu byona,
kandi abatina Ruhanga akabaha obumanyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.