Sira 27
27
1Bangi barakozire obufu
aha rw'okubona amagoba gataina nshonga;
k'omuntu agonza kutunga ogwo w'okwita elisho.
2Nk'okwo kiguma kusimbura empano
eteirwe kutanurana amabare gabili,
nikwo kilikuguma kwelinda entambara
omu kuguza n'okugura.
3K'omuntu atabaamire mara akataho mani kutina Omukama
ekaye esiliika bwangu.
Ebitekelezo by'omuntu bimanyikira aha byoyagamba
4Orwo oyunguruza akayungiro enchenga zikasigaramu,
nikwo n'eby'omuntu agamba bitaburwamu bumogo.
5Nk'okwo eby'omubumbi abumbire byokibwa omu kyokezo,
nikwo n'omuntu bamulebera omu mifumolereye.
6Eby'omuti guraba nibyo bimanyisa okwo
omuti ogwo gushogashogiibwe;
nikwo n'eky'omuntu agamba kizora ekyo alikutekeleza.
7Otalisima muntu atakagambire by'alikutekeleza,
kuba omu by'agamba nimwo bamulebera.
Obwesigwa
8K'oligonza kukora amazima oligakora,
oshube ogajware okw'omuntu ajwara ekanzu y'ekitinwa.
9Enyonyi ezilikushushana zigenda hamoi,
kityo n'abakoza amazima gababonekaho.
10Nk'okwo entare ezimbira eky'eyenzire kwita,
nikwo n'obufu bugira abakora entambara.
Efumoro y'obufera
11Efumoro y'atina Ruhanga eba y'obumanyi buli kanya,
kyonkai omufera ahinduka nk'okwezi.
12K'oliba oli omu bafera ohige obushango obarugemu,
kyonkai abantu ab'ebitekelezo birungi obaikaremu.
13Efumoro y'abafera etamisa abantu,
kandi obufu obubi muno nibwo bashanziranaho.
14Abamanyire kuhayira banu
kabahayira omuntu eishoke aha mutwe likwemelera;
kandi kabachwa kukungana,
iwe oigaze amatwi.
15Ab'eikuru kabahankana baita abantu,
kandi ebijumi byabo tibyenda obihulire.
Okwata enama
16Wena ayata enama aba aisire obwesigwa,
mara nikwo atalibona munywanyi empika bubili.
17Munywanyi wawe omugonze mara omubere mwesigwa,
kyonkai k'orayata enamaze omwebwe;
18enshonga nk'okwo omuntu aita omubishawe,
nikwo naiwe olikuba oyeitiire omukago
ahali munywanyi wawe.
19Nk'okwo otaishura enyonyi
ekakuruga omu mukono ekairuka,
nikwo oliba otaishwire munywanyi wawe akagenda,
mara tolishuba kumukwata.
20Otamuhondera kuba yagobire harai,
yasingirwe okwo akasa kasingwa karugire omu mutego.
21Obuhuta bwakushembwa,
n'abantu bakujumangana bashuba bagarulirangana,
kyonkai ayamara kwata enama aba atakyesigwa.
Obugobya
22Wena akonyeza mutahiwe elisho
aba aina ebibi eby'alikwenda kukora,
mara taliho wa kubimutanga.
23Orwo muli hamoi eby'alikugamba byona nibinura,
n'eby'olikugamba abisima;
kyonkai ahanyuma ebyo wagamba
abimyoramyora akuzalira eihano.
24Ebyo ntamwa biba bingi,
kyonkai eky'okuntama nk'owab'ogu tikiliho.
Nangu n'Omukama namutamwa.
25Kaishe muntu arasha eibare eiguru
aba alirasire kalimutera omutwe;
n'omuntu agonza ondijo akamutera
ayehutaza wenene.
26Alima ekiina n'iwe akigwamu,
kandi atega banu omutego n'iwe gukwata.
27K'omuntu akora kubi, ekibi kyoyakora kimushubaho,
mara tamanya kyarugahai!
28Ow'eikuru n'iwe ajuma banu akabajaamya,
kyonkai haba haliyo amuzimbiire nk'entare kumwehoroza.
29Abashemelerwa kubona abatina Ruhanga bagwire
na bonene balikagwamu,
mara batakafire balikebona.
Okunigara
30Ekiniga n'okutamwa nabyo biba bibi,
mara ebyo bigirwa omuntu afakara.
Currently Selected:
Sira 27: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 27
27
1Bangi barakozire obufu
aha rw'okubona amagoba gataina nshonga;
k'omuntu agonza kutunga ogwo w'okwita elisho.
2Nk'okwo kiguma kusimbura empano
eteirwe kutanurana amabare gabili,
nikwo kilikuguma kwelinda entambara
omu kuguza n'okugura.
3K'omuntu atabaamire mara akataho mani kutina Omukama
ekaye esiliika bwangu.
Ebitekelezo by'omuntu bimanyikira aha byoyagamba
4Orwo oyunguruza akayungiro enchenga zikasigaramu,
nikwo n'eby'omuntu agamba bitaburwamu bumogo.
5Nk'okwo eby'omubumbi abumbire byokibwa omu kyokezo,
nikwo n'omuntu bamulebera omu mifumolereye.
6Eby'omuti guraba nibyo bimanyisa okwo
omuti ogwo gushogashogiibwe;
nikwo n'eky'omuntu agamba kizora ekyo alikutekeleza.
7Otalisima muntu atakagambire by'alikutekeleza,
kuba omu by'agamba nimwo bamulebera.
Obwesigwa
8K'oligonza kukora amazima oligakora,
oshube ogajware okw'omuntu ajwara ekanzu y'ekitinwa.
9Enyonyi ezilikushushana zigenda hamoi,
kityo n'abakoza amazima gababonekaho.
10Nk'okwo entare ezimbira eky'eyenzire kwita,
nikwo n'obufu bugira abakora entambara.
Efumoro y'obufera
11Efumoro y'atina Ruhanga eba y'obumanyi buli kanya,
kyonkai omufera ahinduka nk'okwezi.
12K'oliba oli omu bafera ohige obushango obarugemu,
kyonkai abantu ab'ebitekelezo birungi obaikaremu.
13Efumoro y'abafera etamisa abantu,
kandi obufu obubi muno nibwo bashanziranaho.
14Abamanyire kuhayira banu
kabahayira omuntu eishoke aha mutwe likwemelera;
kandi kabachwa kukungana,
iwe oigaze amatwi.
15Ab'eikuru kabahankana baita abantu,
kandi ebijumi byabo tibyenda obihulire.
Okwata enama
16Wena ayata enama aba aisire obwesigwa,
mara nikwo atalibona munywanyi empika bubili.
17Munywanyi wawe omugonze mara omubere mwesigwa,
kyonkai k'orayata enamaze omwebwe;
18enshonga nk'okwo omuntu aita omubishawe,
nikwo naiwe olikuba oyeitiire omukago
ahali munywanyi wawe.
19Nk'okwo otaishura enyonyi
ekakuruga omu mukono ekairuka,
nikwo oliba otaishwire munywanyi wawe akagenda,
mara tolishuba kumukwata.
20Otamuhondera kuba yagobire harai,
yasingirwe okwo akasa kasingwa karugire omu mutego.
21Obuhuta bwakushembwa,
n'abantu bakujumangana bashuba bagarulirangana,
kyonkai ayamara kwata enama aba atakyesigwa.
Obugobya
22Wena akonyeza mutahiwe elisho
aba aina ebibi eby'alikwenda kukora,
mara taliho wa kubimutanga.
23Orwo muli hamoi eby'alikugamba byona nibinura,
n'eby'olikugamba abisima;
kyonkai ahanyuma ebyo wagamba
abimyoramyora akuzalira eihano.
24Ebyo ntamwa biba bingi,
kyonkai eky'okuntama nk'owab'ogu tikiliho.
Nangu n'Omukama namutamwa.
25Kaishe muntu arasha eibare eiguru
aba alirasire kalimutera omutwe;
n'omuntu agonza ondijo akamutera
ayehutaza wenene.
26Alima ekiina n'iwe akigwamu,
kandi atega banu omutego n'iwe gukwata.
27K'omuntu akora kubi, ekibi kyoyakora kimushubaho,
mara tamanya kyarugahai!
28Ow'eikuru n'iwe ajuma banu akabajaamya,
kyonkai haba haliyo amuzimbiire nk'entare kumwehoroza.
29Abashemelerwa kubona abatina Ruhanga bagwire
na bonene balikagwamu,
mara batakafire balikebona.
Okunigara
30Ekiniga n'okutamwa nabyo biba bibi,
mara ebyo bigirwa omuntu afakara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.