Sira 20
20
Okwesiza n'okugamba
1Haliho okurwanisa omuntu aha kanya kataliko,
kandi haliho omuntu aikara ayesilize
kyonkai ali mumanyi.
2Kirungi kitai kurwanisa omuntu kukira okumunigalira!
3Aikiliza ntambaraye ahunga aha kibonabonyio.
4Okwo omukobe ayegomba kuhamba omwisiki,
nikyo kimoi n'omuntu atwaza abandi amani.
5Haliho ayesiza akashangwa ali mumanyi,
kandi ondijo aba atalikwenda kugamba muno.
6Haliho ayesiza aha rw'okuba taina mpororo,
kandi ondijo ayesiza
orw'okuba namanya orwo aragamba.
7Omumanyi ayesize kuhika orwo akanya akaragiirwe karagoba,
kyonkai ow'eikuru n'omufera bagamba okwo bashanga.
8Ow'okugamba akashagulirana bamutamwa,
n'ayenda kugamba wenkai tibamwenda.
Okwo ebintu bihinduka kibandagara
9Haliho omuntu kuberwa enaku,
kandi aliho okuberwa kukakurugiramu enaku.
10Haliho okuhabwa ekintu kitakugasire kantu,
mara haliho kuhabwa ekintu
kikakurugiramu amagoba kabili.
11Haliho omuntu kwitanira ekitinwa akagoka,
kandi haliho ababona ekitinwa
okwo babaire bali bantu abataina ibara.
12Haliho omuntu agura bingi omu mpiya zike,
kandi akagya kubishashura akagira empiya ezo
emirundi mushanju.
13Omumanyi bamugondeza eby'agamba,
kyonkai akatebwe k'omufera kamufera bushai.
14Omufera kugira ekyo yakuha tikikugasira kantu,
kuba aikara ategeleize naiwe kugira ekyo wamuha.
15Akantu ako yakuha kake kyonkai akakujumisa muno,
Ayashamura akanwa nk'entumwa elikutera omuranga.
Kugira ekyo yakuhora mbwenu nyenkya nakikutonga;
owab'ogu aba muntu mubi.
16Omufera agamba ati, “Tingira munywanyi,
n'ebirungi ebyo nkora timbisiimirwa;
abo mpa ekyakulya nibo bangeya.”
17Mara nikwo,
bangi baikara nibamushekelera.
Efumoro etaragiirwe
18Hakili kuba oli aha muhanda okatelera,
kukira okutelera omu rulimi;
nikwo n'ababi bagwa bataraliire.
19Omuntu omubi nashusha amakuru agabarurwa
omu kanya katali kago,
ago nigo abafera baikara nibagamba.
20Omufera k'achwa omugani tibagusima,
kuba taguchwa mu kanya kagwo.
21Obunaku bw'omuntu bwakumutanga kufakara,
mara aho aikarage atalikweligomwa.
22Haliho omuntu ayeita aha rw'enshoni,
anga akeita aha rw'okuba abandi nibamubona ali mufera.
23Haliho omuntu araganisa mutahiwe ekintu
aha rw'enshoni z'okumwangira,
kandi aho aija amweteranaho bushai.
Ebishuba
24Ebishuba muze gubi aha muntu,
mara omufera bimwikara aha munwa.
25Hakili omushuma kukira ow'omuze gw'ebishuba,
kyonkai bombili emize yabo ebaisa.
26Eiranga ly'ow'ebishuba liba kukunukuruza,
kandi enshonize zimubaho orubelera.
Okukoza kurungi Obumanyi
27Omuntu k'agamba eby'obumanyi agira eibara,
kandi ow'amagezi ashemelera abantu bakuru.
28Kaishe mulimi ayeza bingi,
kandi ashemeleza abantu bakuru
bamuganyira n'ebyo aba ashobize.
29Omumanyi kabamuha ebintu bya rushwa bimwigara amaisho,
ahora nk'omunwa gw'embwa, aba atakikoza mazima.
30Obumanyi obw'omuntu atakolize
nibushusha eitunga elishelekiire,
byombili tibigasha kantu.
31Hakili omuntu alikusheleka obuferabwe,
kukira omuntu alikusheleka obumanyibwe.
Currently Selected:
Sira 20: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Sira 20
20
Okwesiza n'okugamba
1Haliho okurwanisa omuntu aha kanya kataliko,
kandi haliho omuntu aikara ayesilize
kyonkai ali mumanyi.
2Kirungi kitai kurwanisa omuntu kukira okumunigalira!
3Aikiliza ntambaraye ahunga aha kibonabonyio.
4Okwo omukobe ayegomba kuhamba omwisiki,
nikyo kimoi n'omuntu atwaza abandi amani.
5Haliho ayesiza akashangwa ali mumanyi,
kandi ondijo aba atalikwenda kugamba muno.
6Haliho ayesiza aha rw'okuba taina mpororo,
kandi ondijo ayesiza
orw'okuba namanya orwo aragamba.
7Omumanyi ayesize kuhika orwo akanya akaragiirwe karagoba,
kyonkai ow'eikuru n'omufera bagamba okwo bashanga.
8Ow'okugamba akashagulirana bamutamwa,
n'ayenda kugamba wenkai tibamwenda.
Okwo ebintu bihinduka kibandagara
9Haliho omuntu kuberwa enaku,
kandi aliho okuberwa kukakurugiramu enaku.
10Haliho okuhabwa ekintu kitakugasire kantu,
mara haliho kuhabwa ekintu
kikakurugiramu amagoba kabili.
11Haliho omuntu kwitanira ekitinwa akagoka,
kandi haliho ababona ekitinwa
okwo babaire bali bantu abataina ibara.
12Haliho omuntu agura bingi omu mpiya zike,
kandi akagya kubishashura akagira empiya ezo
emirundi mushanju.
13Omumanyi bamugondeza eby'agamba,
kyonkai akatebwe k'omufera kamufera bushai.
14Omufera kugira ekyo yakuha tikikugasira kantu,
kuba aikara ategeleize naiwe kugira ekyo wamuha.
15Akantu ako yakuha kake kyonkai akakujumisa muno,
Ayashamura akanwa nk'entumwa elikutera omuranga.
Kugira ekyo yakuhora mbwenu nyenkya nakikutonga;
owab'ogu aba muntu mubi.
16Omufera agamba ati, “Tingira munywanyi,
n'ebirungi ebyo nkora timbisiimirwa;
abo mpa ekyakulya nibo bangeya.”
17Mara nikwo,
bangi baikara nibamushekelera.
Efumoro etaragiirwe
18Hakili kuba oli aha muhanda okatelera,
kukira okutelera omu rulimi;
nikwo n'ababi bagwa bataraliire.
19Omuntu omubi nashusha amakuru agabarurwa
omu kanya katali kago,
ago nigo abafera baikara nibagamba.
20Omufera k'achwa omugani tibagusima,
kuba taguchwa mu kanya kagwo.
21Obunaku bw'omuntu bwakumutanga kufakara,
mara aho aikarage atalikweligomwa.
22Haliho omuntu ayeita aha rw'enshoni,
anga akeita aha rw'okuba abandi nibamubona ali mufera.
23Haliho omuntu araganisa mutahiwe ekintu
aha rw'enshoni z'okumwangira,
kandi aho aija amweteranaho bushai.
Ebishuba
24Ebishuba muze gubi aha muntu,
mara omufera bimwikara aha munwa.
25Hakili omushuma kukira ow'omuze gw'ebishuba,
kyonkai bombili emize yabo ebaisa.
26Eiranga ly'ow'ebishuba liba kukunukuruza,
kandi enshonize zimubaho orubelera.
Okukoza kurungi Obumanyi
27Omuntu k'agamba eby'obumanyi agira eibara,
kandi ow'amagezi ashemelera abantu bakuru.
28Kaishe mulimi ayeza bingi,
kandi ashemeleza abantu bakuru
bamuganyira n'ebyo aba ashobize.
29Omumanyi kabamuha ebintu bya rushwa bimwigara amaisho,
ahora nk'omunwa gw'embwa, aba atakikoza mazima.
30Obumanyi obw'omuntu atakolize
nibushusha eitunga elishelekiire,
byombili tibigasha kantu.
31Hakili omuntu alikusheleka obuferabwe,
kukira omuntu alikusheleka obumanyibwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.