Yoshua 9
9
Abagibeoni nibalemba Yoshua
1Abakama bona aba buseli bwa Yorudani omu mabanga n'aha muteleka gw'omwegego gw'Enyanja Mpango bwolekera Lebanoni, nibo Abahiti, Abaamoni, Abakanaani, Abaperizi, Abahivi n'Abayebusi kabahuliire ekigambo ekyo, 2bahurura bona hamoi kurashanisa Yoshua na Isiraeli.
3Kyonkai abanyansi ba Gibea kabahuliire ebyo Yoshua yabaire akozire Yeriko na Ai, 4bonene aha bwabo bashara amagezi. Bagenda batekateka embanda, bakwata egunia zikuru bazita aha ndogobe zabo n'enfulebe z'edivai ezakuzire mara zitagukire kandi zishoneleire. 5Omu maguru bajwara enkaito zihwelire mara ziteire ebiraka, batamu emyendo mikuru kandi entanda zabo zona zomangaine mara zihumpire. 6Bagoba Yoshua omu rusisira omuli Giligali, bamugambira n'Abaisiraeli bati, “Twaruga ensi y'aharai; mbwenu tukore endagano na inywe.” 7Kyonkai Abaisiraeli bagambira Abahivi bati, “Shana nimutura haihi mutwataine, aho twakukora tutai endagano na inywe?” 8Bagambira Yoshua bati, “Ichwe tuli bairu bawe.” Yoshua ababaza ati, “Muli bahai, mara mwaruga nkahai?” 9Bamuhorora bati, “Ichwe abairu bawe twaruga harai muno, aha rw'enshonga y'eibara ly'Omukama Ruhanga wawe. Twahuliire amakuruge na byona ebyo yakozire Misiri; 10n'abakama babili b'Abaamori aba buseli bwa Yorudani: Sihoni omukama wa Heshiboni na Ogi omukama wa Bashani abaturaga Ashitaloti. 11Abagurusi baitu n'abanyansi baitu bona batugambiire bati, ‘Mukwate entanda mugende mubabuganganwe’, mubagambire muti, ‘Tuli bairu banyu, mbwenu tukore hamoi endagano.’ 12Emikate egi ntanda yaitu, tukaruga nayo omuka ekyatagata orwo twaimukize kwija kunu, kyonkai mbwenu leba yahumpire, n'okwomangana yayomangaine. 13Kandi ezi enfulebe z'edivai zikaba zili zihya orwo twazijwize, leba zatobokire. Emyendo egi n'enkaito zaitu bitagukire aha rw'orugendo rurai muno.” 14Kityo Isiraeli balya entanda z'Abahivi abo batabalize Mukama k'abahabura. 15Yoshua akundangana nabo, akora endagano kutabaita; n'abatwazi b'embaga babanahilira.
16Kababaire bamazire ebiro bishatu bakozire nabo endagano, bahulira okwo babaire bali batani babo nibabatura haihi. 17Abaisiraeli baimukya, bagoba ebigo byabo aha kiro kya kashatu. Ebigo ebyo ni Gibeoni, Kefira, Beroti na Kiriatiyearimu.
18Abaisiraeli tibabaisire aha rw'okuba abatwazi b'embaga bhakaba babanahilire obuso bw'Omukama Ruhanga wa Isiraeli. Aho embaga yona eyeboroboitera abatwazi abo. 19Kyonkai abatwazi bona bagambira embaga bati, “Ichwe tubanahiliire obuso bw'Omukama Ruhanga wa Isiraeli, mbwenu aho titushobora kubakoraho. 20Ekyo turabakora niky'eki: Tutabaita, Omukama ataija akatunigalira aha rw'enshonga y'ekinahiro ekyo tubanahiliire.” 21Kandi bashuba babagambira bati, “Mutabaita.” Kityo Abahivi bata nibashenyera Abaisiraeli bona enkwi n'okubatahira amaizi nk'okwo abatwazi babagambire.
22Yoshua abeta ababaza ati, “Mutubeiyeireki muti, ‘Ichwe tubali harai muno,’ okwo mutwataine? 23Mbwenu aha rw'ekyo mwaraamwa, n'abandi muliikara muli bairu, mutahire Rwensinga ya Ruhanga wange amaizi mugishenyere n'enkwi.” 24Bamuhorora bati, “Okukora tutyo ichwe abairu bawe bakatugambira emalimali okwo Omukama Ruhanga wawe yabaire aragiire omwiruwe Musa kubaha ensi egi yona, n'abanyansi bamwo kubasilikya. Aha rw'ekyo tubatinire mutatwita. Nikwo kugira tutyo. 25Mbwenu leba tuli omu mikono yawe, otukore okwo orayenda.” 26Kyonkai Yoshua abaihya omu mikono y'Abaisiraeli tibabaisire. 27Kyonkai kir'ekyo Yoshua abaragira kuta nibashenyera embaga enkwi n'okugitahira amaizi; kandi kutahira na ealutare y'Omukama amaizi n'okugishenyera enkwi mbali eli, aho Omukama yaronzire kuba niho afukamirwa. Na kir'eki emilimo egyo nibagikora.
Currently Selected:
Yoshua 9: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Yoshua 9
9
Abagibeoni nibalemba Yoshua
1Abakama bona aba buseli bwa Yorudani omu mabanga n'aha muteleka gw'omwegego gw'Enyanja Mpango bwolekera Lebanoni, nibo Abahiti, Abaamoni, Abakanaani, Abaperizi, Abahivi n'Abayebusi kabahuliire ekigambo ekyo, 2bahurura bona hamoi kurashanisa Yoshua na Isiraeli.
3Kyonkai abanyansi ba Gibea kabahuliire ebyo Yoshua yabaire akozire Yeriko na Ai, 4bonene aha bwabo bashara amagezi. Bagenda batekateka embanda, bakwata egunia zikuru bazita aha ndogobe zabo n'enfulebe z'edivai ezakuzire mara zitagukire kandi zishoneleire. 5Omu maguru bajwara enkaito zihwelire mara ziteire ebiraka, batamu emyendo mikuru kandi entanda zabo zona zomangaine mara zihumpire. 6Bagoba Yoshua omu rusisira omuli Giligali, bamugambira n'Abaisiraeli bati, “Twaruga ensi y'aharai; mbwenu tukore endagano na inywe.” 7Kyonkai Abaisiraeli bagambira Abahivi bati, “Shana nimutura haihi mutwataine, aho twakukora tutai endagano na inywe?” 8Bagambira Yoshua bati, “Ichwe tuli bairu bawe.” Yoshua ababaza ati, “Muli bahai, mara mwaruga nkahai?” 9Bamuhorora bati, “Ichwe abairu bawe twaruga harai muno, aha rw'enshonga y'eibara ly'Omukama Ruhanga wawe. Twahuliire amakuruge na byona ebyo yakozire Misiri; 10n'abakama babili b'Abaamori aba buseli bwa Yorudani: Sihoni omukama wa Heshiboni na Ogi omukama wa Bashani abaturaga Ashitaloti. 11Abagurusi baitu n'abanyansi baitu bona batugambiire bati, ‘Mukwate entanda mugende mubabuganganwe’, mubagambire muti, ‘Tuli bairu banyu, mbwenu tukore hamoi endagano.’ 12Emikate egi ntanda yaitu, tukaruga nayo omuka ekyatagata orwo twaimukize kwija kunu, kyonkai mbwenu leba yahumpire, n'okwomangana yayomangaine. 13Kandi ezi enfulebe z'edivai zikaba zili zihya orwo twazijwize, leba zatobokire. Emyendo egi n'enkaito zaitu bitagukire aha rw'orugendo rurai muno.” 14Kityo Isiraeli balya entanda z'Abahivi abo batabalize Mukama k'abahabura. 15Yoshua akundangana nabo, akora endagano kutabaita; n'abatwazi b'embaga babanahilira.
16Kababaire bamazire ebiro bishatu bakozire nabo endagano, bahulira okwo babaire bali batani babo nibabatura haihi. 17Abaisiraeli baimukya, bagoba ebigo byabo aha kiro kya kashatu. Ebigo ebyo ni Gibeoni, Kefira, Beroti na Kiriatiyearimu.
18Abaisiraeli tibabaisire aha rw'okuba abatwazi b'embaga bhakaba babanahilire obuso bw'Omukama Ruhanga wa Isiraeli. Aho embaga yona eyeboroboitera abatwazi abo. 19Kyonkai abatwazi bona bagambira embaga bati, “Ichwe tubanahiliire obuso bw'Omukama Ruhanga wa Isiraeli, mbwenu aho titushobora kubakoraho. 20Ekyo turabakora niky'eki: Tutabaita, Omukama ataija akatunigalira aha rw'enshonga y'ekinahiro ekyo tubanahiliire.” 21Kandi bashuba babagambira bati, “Mutabaita.” Kityo Abahivi bata nibashenyera Abaisiraeli bona enkwi n'okubatahira amaizi nk'okwo abatwazi babagambire.
22Yoshua abeta ababaza ati, “Mutubeiyeireki muti, ‘Ichwe tubali harai muno,’ okwo mutwataine? 23Mbwenu aha rw'ekyo mwaraamwa, n'abandi muliikara muli bairu, mutahire Rwensinga ya Ruhanga wange amaizi mugishenyere n'enkwi.” 24Bamuhorora bati, “Okukora tutyo ichwe abairu bawe bakatugambira emalimali okwo Omukama Ruhanga wawe yabaire aragiire omwiruwe Musa kubaha ensi egi yona, n'abanyansi bamwo kubasilikya. Aha rw'ekyo tubatinire mutatwita. Nikwo kugira tutyo. 25Mbwenu leba tuli omu mikono yawe, otukore okwo orayenda.” 26Kyonkai Yoshua abaihya omu mikono y'Abaisiraeli tibabaisire. 27Kyonkai kir'ekyo Yoshua abaragira kuta nibashenyera embaga enkwi n'okugitahira amaizi; kandi kutahira na ealutare y'Omukama amaizi n'okugishenyera enkwi mbali eli, aho Omukama yaronzire kuba niho afukamirwa. Na kir'eki emilimo egyo nibagikora.
Ruhaya DC Bible © Bible Society of Tanzania, 2001.