Yoshua 5
5
1Abakama bona b'Abaamori aba buseli bwa Yorudani obugwaizoba, n'abakama bona b'Abakanaani aba bwatana Enyanja Mpango kabahuliire okwo Omukama yabaire ayomize Abaisiraeli amaizi ga Yorudani Abaisiraeli bakashabuka, bahukuka amitima, bahwa omwoyo nibazira Abaisiraeli abo.
Okutahiri omuli Giligali
2Omu makiro ago Omukama agambira Yoshua ati, “Muhyore amabare gagire obwogi, otahiri Abaisiraeli omurundi gwa kabili.” 3Aho Yoshua ashongora amabare gagira obwogi atahiri Abaisiraeli ahali Gibeahaalaroti. 4Enshonga yasindikire Yoshua kubatahiri niy'egi: Abashaija bona abarugire Misiri n'abaisherukare bona, bakagwa omu rugendo omw'irungu. 5N'orwo abantu bona okwo barugire Misiri babaire batahiri, abazaliirwe omu rugendo omw'irungu bhakaba batatahiriirwe. 6Eihanga lyona ly'Abaisiraeli likamara omw'irungu emyaka 40 nibatera oku n'oku. Abaisherukare abarugire Misiri bafa bahwaho aha rw'okutahulira eby'Omukama yabaragiire. Omukama hakaba abarahiliire okwo batakuboine nsi eyo yabaire arahiliire baish'enkurubo okwo aligibaha, ensi elikusheshekana amata n'obwoki. 7Kityo abana babo abo yataire aha mwanya gwabo, nibo Yoshua yatahirire, aha rw'enshonga bhakaba batatahiriirwe mu rugendo.
8Okutahirirwa kw'eihanga lyona kakwahoire, baikara omu rusisira kuhika orwo bakizire. 9Omukama agambira Yoshua ati, “Kir'eki nabaihyaho enshoni z'okuba bairu b'Abamisiri.” Aha rw'ekyo omwanya ogwo gwetwa Giligali kugoba kir'eki.
10Abaisiraeli kababaire basisiire Giligali, balya Pasika bwaigoro aha kiro kya ikumi na binai ky'omwezi, bagiliira omu miteleka ya Yeriko. 11Bukeire Pasika ehoire, balya ebyakulya bya Kanaani, emikate etatumbisiibwe n'engano ebabwire. 12Bukeire, baraire baliire ebyakulya bilimirwe omu nsi egyo, manu elekera. Mwaka ogwo bhakaba batakilya manu shana ebyakulya ebyamwo.
Yoshua n'omushaija aina embanda
13Yoshua kayabaire ali haihi kugoba Yeriko, kunaga amaisho abona omuntu amuli omu maisho akwete embanda omu mukono, yagihire omu ruraro. Yoshua amugoba amubaza ati, “Iwe oli waitu, anga oli w'orubaju rw'ababisha baitu?” 14Amuhorora ati, “Chei, shana naija ndi mukuru w'eihe ly'Omukama, mara naija mbwenu.” Yoshua agwa ahansi ajumaire, afukama, mara agamba ati, “Mukama wange noragiraki omwiru wawe?” 15Omukuru w'eihe ly'Omukama amugambira ati, “Jura enkaito omu maguru, aha rw'okuba mbali oyemeleire hatakatifu.” Yoshua agira atyo.
Currently Selected:
Yoshua 5: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Yoshua 5
5
1Abakama bona b'Abaamori aba buseli bwa Yorudani obugwaizoba, n'abakama bona b'Abakanaani aba bwatana Enyanja Mpango kabahuliire okwo Omukama yabaire ayomize Abaisiraeli amaizi ga Yorudani Abaisiraeli bakashabuka, bahukuka amitima, bahwa omwoyo nibazira Abaisiraeli abo.
Okutahiri omuli Giligali
2Omu makiro ago Omukama agambira Yoshua ati, “Muhyore amabare gagire obwogi, otahiri Abaisiraeli omurundi gwa kabili.” 3Aho Yoshua ashongora amabare gagira obwogi atahiri Abaisiraeli ahali Gibeahaalaroti. 4Enshonga yasindikire Yoshua kubatahiri niy'egi: Abashaija bona abarugire Misiri n'abaisherukare bona, bakagwa omu rugendo omw'irungu. 5N'orwo abantu bona okwo barugire Misiri babaire batahiri, abazaliirwe omu rugendo omw'irungu bhakaba batatahiriirwe. 6Eihanga lyona ly'Abaisiraeli likamara omw'irungu emyaka 40 nibatera oku n'oku. Abaisherukare abarugire Misiri bafa bahwaho aha rw'okutahulira eby'Omukama yabaragiire. Omukama hakaba abarahiliire okwo batakuboine nsi eyo yabaire arahiliire baish'enkurubo okwo aligibaha, ensi elikusheshekana amata n'obwoki. 7Kityo abana babo abo yataire aha mwanya gwabo, nibo Yoshua yatahirire, aha rw'enshonga bhakaba batatahiriirwe mu rugendo.
8Okutahirirwa kw'eihanga lyona kakwahoire, baikara omu rusisira kuhika orwo bakizire. 9Omukama agambira Yoshua ati, “Kir'eki nabaihyaho enshoni z'okuba bairu b'Abamisiri.” Aha rw'ekyo omwanya ogwo gwetwa Giligali kugoba kir'eki.
10Abaisiraeli kababaire basisiire Giligali, balya Pasika bwaigoro aha kiro kya ikumi na binai ky'omwezi, bagiliira omu miteleka ya Yeriko. 11Bukeire Pasika ehoire, balya ebyakulya bya Kanaani, emikate etatumbisiibwe n'engano ebabwire. 12Bukeire, baraire baliire ebyakulya bilimirwe omu nsi egyo, manu elekera. Mwaka ogwo bhakaba batakilya manu shana ebyakulya ebyamwo.
Yoshua n'omushaija aina embanda
13Yoshua kayabaire ali haihi kugoba Yeriko, kunaga amaisho abona omuntu amuli omu maisho akwete embanda omu mukono, yagihire omu ruraro. Yoshua amugoba amubaza ati, “Iwe oli waitu, anga oli w'orubaju rw'ababisha baitu?” 14Amuhorora ati, “Chei, shana naija ndi mukuru w'eihe ly'Omukama, mara naija mbwenu.” Yoshua agwa ahansi ajumaire, afukama, mara agamba ati, “Mukama wange noragiraki omwiru wawe?” 15Omukuru w'eihe ly'Omukama amugambira ati, “Jura enkaito omu maguru, aha rw'okuba mbali oyemeleire hatakatifu.” Yoshua agira atyo.
Ruhaya DC Bible © Bible Society of Tanzania, 2001.