Yoshua 24
24
Yoshua nagamba n'abantu ahali Shekemu
1Yoshua ahuruza enganda zona za Isiraeli, azihikanisiza Shekemu. Ayeta abagurusi, abakuru b'enganda, abaramuzi n'abakuru ba Isiraeli, baija omu maisho ga Ruhanga. 2Yoshua agambira abantu bona ati, “Omukama Ruhanga wa Isiraeli nagamba ati, ‘Baisheinywe orwa mbere baturaga buseli bwa Efurati: Tera ishe Aburahamu na Nahori; kandi bakoleraga baruhanga abandi. 3Aho isheinywe Aburahamu mwihya buseli bw'Omwiga, murabya omu nsi yona ya Kanaani, muha n'oruzaro rungi. Muha Isaka; 4kandi Isaka muha Yakobo na Esau. Esau muha ensi y'amabanga ga Seiri, kyonkai Yakobo n'abanabe bagya Misiri. 5Aho ntuma Musa na Aroni, nteza Misiri ebibundo ebyo nakoziremu, ahanyuma inywe mbaihyayo. 6Baisheinywe mbaihya Misiri, bagoba aha Nyanja. Abamisiri baija babingire baisheinywe n'amagali n'ab'efarasi babagobya aha Nyanja Rutuku. 7Kabantakiire, omugati yabo n'ababisha babo ntamu omwilima, nabamiza enyanja, yababunda. Ebyo nakozire Misiri nimubimanya. Mwatura omw'irungu ebiro bingi. 8Aho nabaleta omu nsi y'Abaamori, abaturaga buseli bunu bwa Yorudani. Barashana na inywe, mara mbanaga omu mikono yanyu, mulya ensi yabo, mbasilikya orwo mulikugitahamu. 9Balaki eya Sipori, omukama wa Moabu, aimuka arashanisa Isiraeli. Atumaho Balaamu eya Beori kubaraama; 10kyonkai Balaamu tinamwikiliize; aha rw'ekyo yabaha omugisha, kityo nabaihya omu mikonoye. 11Mwashabuka Yorudani, mwaija Yeriko; abantu ba Yeriko babarashanisa. Abaamori, Abaperizi, Abakanaani, Abahiti, Abagirigashi, Abahivi n'Abayebusi nabanaga omu mikono yanyu. 12Orwo mulikutaha Kanaani nasindikamu enwa zabingamu abakama bombili b'Abaamori. Timwababingisize mbanda anga buta. 13Nkabaha ensi eyo mutachwazikiire, n'ebigo ebyo mutayombekire mwabituramu. Nimulya ezabibu z'emizabibu eyo mutabyaire, n'ezeituni z'emiti eyo mutalimire.’ ”
14“Mbwenu aha rw'ekyo mutine Omukama, mumukolere n'obwesigwa n'amazima. Munage baruhanga abo bashw'enkurw'inywe bafukamiraga Mesopotamia na Misiri; mukolere Omukama wenkai. 15Kamutalikwenda kumukolera, kir'eki muronde owo murakolera: Baruhanga abo bashw'enkurw'inywe bafukamiraga Mesopotamia, anga baruhanga b'Abaamori abo mulikutura omu nsi yabo. Kyonkai inye omu bwange n'eka yange, turakolera Omukama.”
16Ahanyuma embaga emuhorora eti, “Nikikabure ichwe kusigaho Omukama kufukamira baruhanga abandi, 17aha rw'okuba Omukama Ruhanga waitu niwe yatwihire Misiri na batat'enkurw'ichwe omu bwiru. Amahano g'amaani ago yakozire tukagabona. Yatulinda omu rugendo rwona orwo twakagenzire, n'omu mahanga gona ago twakarabiremu. 18Akabinga amahanga gona tulebire, n'Abaamori abaturaga omu nsi egi. Aha rw'ekyo naichwe kwakwo turakolera Omukama kuba ni Ruhanga waitu.”
19Kyonkai Yoshua agambira embaga ati, “Haliho orwo mutashobore kukolera Mukama, aha rw'okuba wenene ni Ruhanga Omutakatifu, Ruhanga aina eibuba, atabagarulire ntambara anga mafu ganyu. 20Kamulikumusigaho mukakolera baruhanga ab'abanyamahanga, nawe arabahinduka ababonabonyie abasilikye, okwo yabakoleire ebirungi.” 21Abantu bagambira Yoshua bati, “Chei, turakolera Omukama.” 22Yoshua abagambira ati, “Kyaruga kanwa kanyu okwo mwarondaho Omukama kumukolera.” Bagamba bati, “Kyaruga omu kanwa kaitu.” 23Yoshua abagambira ati, “Aho munage baruhanga abanyamahanga abo mwinabo, omutima gwanyu mugwolekeze Omukama Ruhanga wa Isiraeli.” 24Abantu bamugambira bati, “Omukama Ruhanga waitu n'iwe turakolera, turamuhulira.” 25Kityo kir'ekyo Yoshua akora endagano n'embaga, abateraho ebiragiro n'emigenzo ahali Shekemu. 26Ahandika ebigambo ebi omu Kitabo ky'Amateka ga Ruhanga. Akwata eibare lihango alisimba ahansi y'omwaloni haihi n'ahatakatifu h'Omukama. 27Ashuba agambira abantu bona ati, “Leba eibare eli lilitujulira, aha rw'okuba lyahulira ebigambo byona eby'Omukama yatugambira. Aha rw'ekyo Ruhanga wanyu kamulimwetonga alibakomeeka.” 28Kityo Yoshua arazage embaga, buli muntu agaruka omu busikabwe.
29Ebyo kabyahoire, Yoshua eya Nuni, omwiru w'Omukama, afa aina emyaka 110. 30Bamuziika omu busikabwe omuli Timunatisera, omu mabanga ga Efuraimu, bikara by'eibanga lya Gaashi. 31Abaisiraeli bakolera Omukama ebiro byona bya Yoshua n'ebiro byona eby'abagurusi abatwireho kushaga Yoshua, ababoine byona eby'Omukama yakoleire Abaisiraeli.
32Amagufa ga Yozefu ago Abaisiraeli baihire Misiri gakaziikwa Shekemu omu nsi eyo Yakobo yaguzire ahali batabani ba Hamori ishe Shekemu ebichweka 100 by'efeza. Ensi egyo ekasikwa baijukuru ba Yozefu.
33Eleazari mutabani wa Aroni afa, bamuziika Gibea omu mabanga ga Efuraimu, omu kigo ekyo babaire bahaire Finehasi omutabani.
Currently Selected:
Yoshua 24: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Yoshua 24
24
Yoshua nagamba n'abantu ahali Shekemu
1Yoshua ahuruza enganda zona za Isiraeli, azihikanisiza Shekemu. Ayeta abagurusi, abakuru b'enganda, abaramuzi n'abakuru ba Isiraeli, baija omu maisho ga Ruhanga. 2Yoshua agambira abantu bona ati, “Omukama Ruhanga wa Isiraeli nagamba ati, ‘Baisheinywe orwa mbere baturaga buseli bwa Efurati: Tera ishe Aburahamu na Nahori; kandi bakoleraga baruhanga abandi. 3Aho isheinywe Aburahamu mwihya buseli bw'Omwiga, murabya omu nsi yona ya Kanaani, muha n'oruzaro rungi. Muha Isaka; 4kandi Isaka muha Yakobo na Esau. Esau muha ensi y'amabanga ga Seiri, kyonkai Yakobo n'abanabe bagya Misiri. 5Aho ntuma Musa na Aroni, nteza Misiri ebibundo ebyo nakoziremu, ahanyuma inywe mbaihyayo. 6Baisheinywe mbaihya Misiri, bagoba aha Nyanja. Abamisiri baija babingire baisheinywe n'amagali n'ab'efarasi babagobya aha Nyanja Rutuku. 7Kabantakiire, omugati yabo n'ababisha babo ntamu omwilima, nabamiza enyanja, yababunda. Ebyo nakozire Misiri nimubimanya. Mwatura omw'irungu ebiro bingi. 8Aho nabaleta omu nsi y'Abaamori, abaturaga buseli bunu bwa Yorudani. Barashana na inywe, mara mbanaga omu mikono yanyu, mulya ensi yabo, mbasilikya orwo mulikugitahamu. 9Balaki eya Sipori, omukama wa Moabu, aimuka arashanisa Isiraeli. Atumaho Balaamu eya Beori kubaraama; 10kyonkai Balaamu tinamwikiliize; aha rw'ekyo yabaha omugisha, kityo nabaihya omu mikonoye. 11Mwashabuka Yorudani, mwaija Yeriko; abantu ba Yeriko babarashanisa. Abaamori, Abaperizi, Abakanaani, Abahiti, Abagirigashi, Abahivi n'Abayebusi nabanaga omu mikono yanyu. 12Orwo mulikutaha Kanaani nasindikamu enwa zabingamu abakama bombili b'Abaamori. Timwababingisize mbanda anga buta. 13Nkabaha ensi eyo mutachwazikiire, n'ebigo ebyo mutayombekire mwabituramu. Nimulya ezabibu z'emizabibu eyo mutabyaire, n'ezeituni z'emiti eyo mutalimire.’ ”
14“Mbwenu aha rw'ekyo mutine Omukama, mumukolere n'obwesigwa n'amazima. Munage baruhanga abo bashw'enkurw'inywe bafukamiraga Mesopotamia na Misiri; mukolere Omukama wenkai. 15Kamutalikwenda kumukolera, kir'eki muronde owo murakolera: Baruhanga abo bashw'enkurw'inywe bafukamiraga Mesopotamia, anga baruhanga b'Abaamori abo mulikutura omu nsi yabo. Kyonkai inye omu bwange n'eka yange, turakolera Omukama.”
16Ahanyuma embaga emuhorora eti, “Nikikabure ichwe kusigaho Omukama kufukamira baruhanga abandi, 17aha rw'okuba Omukama Ruhanga waitu niwe yatwihire Misiri na batat'enkurw'ichwe omu bwiru. Amahano g'amaani ago yakozire tukagabona. Yatulinda omu rugendo rwona orwo twakagenzire, n'omu mahanga gona ago twakarabiremu. 18Akabinga amahanga gona tulebire, n'Abaamori abaturaga omu nsi egi. Aha rw'ekyo naichwe kwakwo turakolera Omukama kuba ni Ruhanga waitu.”
19Kyonkai Yoshua agambira embaga ati, “Haliho orwo mutashobore kukolera Mukama, aha rw'okuba wenene ni Ruhanga Omutakatifu, Ruhanga aina eibuba, atabagarulire ntambara anga mafu ganyu. 20Kamulikumusigaho mukakolera baruhanga ab'abanyamahanga, nawe arabahinduka ababonabonyie abasilikye, okwo yabakoleire ebirungi.” 21Abantu bagambira Yoshua bati, “Chei, turakolera Omukama.” 22Yoshua abagambira ati, “Kyaruga kanwa kanyu okwo mwarondaho Omukama kumukolera.” Bagamba bati, “Kyaruga omu kanwa kaitu.” 23Yoshua abagambira ati, “Aho munage baruhanga abanyamahanga abo mwinabo, omutima gwanyu mugwolekeze Omukama Ruhanga wa Isiraeli.” 24Abantu bamugambira bati, “Omukama Ruhanga waitu n'iwe turakolera, turamuhulira.” 25Kityo kir'ekyo Yoshua akora endagano n'embaga, abateraho ebiragiro n'emigenzo ahali Shekemu. 26Ahandika ebigambo ebi omu Kitabo ky'Amateka ga Ruhanga. Akwata eibare lihango alisimba ahansi y'omwaloni haihi n'ahatakatifu h'Omukama. 27Ashuba agambira abantu bona ati, “Leba eibare eli lilitujulira, aha rw'okuba lyahulira ebigambo byona eby'Omukama yatugambira. Aha rw'ekyo Ruhanga wanyu kamulimwetonga alibakomeeka.” 28Kityo Yoshua arazage embaga, buli muntu agaruka omu busikabwe.
29Ebyo kabyahoire, Yoshua eya Nuni, omwiru w'Omukama, afa aina emyaka 110. 30Bamuziika omu busikabwe omuli Timunatisera, omu mabanga ga Efuraimu, bikara by'eibanga lya Gaashi. 31Abaisiraeli bakolera Omukama ebiro byona bya Yoshua n'ebiro byona eby'abagurusi abatwireho kushaga Yoshua, ababoine byona eby'Omukama yakoleire Abaisiraeli.
32Amagufa ga Yozefu ago Abaisiraeli baihire Misiri gakaziikwa Shekemu omu nsi eyo Yakobo yaguzire ahali batabani ba Hamori ishe Shekemu ebichweka 100 by'efeza. Ensi egyo ekasikwa baijukuru ba Yozefu.
33Eleazari mutabani wa Aroni afa, bamuziika Gibea omu mabanga ga Efuraimu, omu kigo ekyo babaire bahaire Finehasi omutabani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.