Yoshua 2
2
Yoshua natweka abanyomozi omuli Yeriko
1Yoshua eya Nuni ayemire Shitimu, atuma abashaija babili omu kyama, nagamba ati, “Mugende muhenjuze ensi egyo okukiraho Yeriko.” Bagenda bataha omw'omumalaya eibaralye Rahabu, bashura omwo. 2Abantu bagambira omukama wa Yeriko bati, “Abaisiraeli baija omu nsi yaitu omu kiro kuginyomoza.” 3Aho omukama wa Yeriko atuma ahali Rahabu ati, “Olete abashaija abaizire omwawe, kuba baizire kunyomoza ensi.” 4Kyonkai omukazi hakaba yabakwete bombili yabashelekire. Ahorora ati, “Mazimakwo abashaija omwange baiziremu, kyonkai timanyire mbali barugire, 5kandi orwo ekihigi kibaire kyaija kukingwa aha kailima, bashohora. Mbali bagire tindikuhamanya. Mubabinge bwangu mwakubakwata.” 6Kyonkai wenene omukazi hakaba abataire aha butara, abashwekire ebishagate bya kitani ebyo yabaire ayaliireho. 7Kityo abantu bakwata omuhanda gwa Yorudani, babahondera kubabinga, bagoba aha byambu. Abababingire kabashohoire bati ekihigi kikingwa.
8Kababaire batakabyamire, Rahabu atemba mbali bali aha butara, 9abagambira ati, “Nimanya okwo Omukama abahaire ensi egi, n'okwo mulikututinisa, Abanyansi bona kabalikubabona bajugumba. 10Aha rw'okuba tuhuliire okwo Omukama yayomize Enyanja Rutuku omu maisho ganyu orwo mwabaire nimuruga Misiri, n'ebyo mwakozire abakama bombi b'Abaamori Sihoni na Ogi buseli bwa Yorudani; abo mwasilikize kimoi kimoi. 11Orwo twahuliire tutyo twajugumba emitima, obumanzi bwatuhwa, buli muntu abatina ahakuba Ruhanga wanyu n'iwe Ruhanga omw'iguru n'omu nsi. 12Mbwenu aho munnahilire obuso bw'Omukama nk'okwo nabakorage na inywe nikwo murakorage eka ya tata. Kandi mumpe akamanyiso akalikwo, 13mukize tata na mawe, banyanyazi na barumuna bange na bona ababakweteho, mutukize tutafa.” 14Abashaija abo bamugambira bati, “Nitwikiliza kubafera, k'oraba otagambire kyotwakora. Orwo Omukama araba yatuhaire ensi egi turakukolera obwesigwa.”
15Aho abasongoza omuguha, abarabya omw'idirisha aha rw'okuba enjuye ekaba eyombekirwe omu boma y'ekigo, omu boma y'ekigo nimwo yaturaga. 16Abagambira ati, “Mugende omu mabanga, abababingire bataija bhakabatanganwa. Mweshelekeyo ebiro bishatu kuhika orwo abo baragaruka; aho ahanyuma mukwate omuhanda gwanyu mugende.” 17Abashaija abo bamugambira bati, “Ichwe turaba tutaina ntambara aha rw'ekinahiro eki ekyo watunahiza. 18Orwo turataha omu nsi egi okome akahuzi aka akalikutukura aha idirisha elyo waturabyamu; mara ohikanise sho na nyoko na banyanyoko n'omutungo gwa sho gwona. 19Kaharagira omuntu araruga omwawe akashohora, akagenda omu mbarabara, araba ayeisize; tigube mushango gwaitu; kyonkai ow'oinawe omwawe k'araitwa, ogwo obwambabwe butururuukire. 20Kyonkai k'oragamba ekikorwa kyaitu eki, aho turaba tutaina ntambara aha rw'ekinahiro ekyo watunahiza.” 21Kandi abagambira ati, “Okwo mwangambira bibe bityo.” Aho abarazage bagenda. Akoma akahuzi kalikutukura aha idirisha.
22Bagenda bagoba omu mabanga, baikarayo ebiro bishatu kuhika orwo ababaire bababingire bagarukire. Bhakabahiga hona omu muhanda kyonkai tibababoine. 23Aho abashaija bombili baruga omu mabanga, bashabuka, bagoba Yoshua eya Nuni, bamubarulira byona ebyabagwireho. 24Bamugambira bati, “Mazima Omukama anagire ensi yona omu mikono yaitu; kandi okukiraho abanyansi bamwo bona nibatutina muno.”
Currently Selected:
Yoshua 2: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Yoshua 2
2
Yoshua natweka abanyomozi omuli Yeriko
1Yoshua eya Nuni ayemire Shitimu, atuma abashaija babili omu kyama, nagamba ati, “Mugende muhenjuze ensi egyo okukiraho Yeriko.” Bagenda bataha omw'omumalaya eibaralye Rahabu, bashura omwo. 2Abantu bagambira omukama wa Yeriko bati, “Abaisiraeli baija omu nsi yaitu omu kiro kuginyomoza.” 3Aho omukama wa Yeriko atuma ahali Rahabu ati, “Olete abashaija abaizire omwawe, kuba baizire kunyomoza ensi.” 4Kyonkai omukazi hakaba yabakwete bombili yabashelekire. Ahorora ati, “Mazimakwo abashaija omwange baiziremu, kyonkai timanyire mbali barugire, 5kandi orwo ekihigi kibaire kyaija kukingwa aha kailima, bashohora. Mbali bagire tindikuhamanya. Mubabinge bwangu mwakubakwata.” 6Kyonkai wenene omukazi hakaba abataire aha butara, abashwekire ebishagate bya kitani ebyo yabaire ayaliireho. 7Kityo abantu bakwata omuhanda gwa Yorudani, babahondera kubabinga, bagoba aha byambu. Abababingire kabashohoire bati ekihigi kikingwa.
8Kababaire batakabyamire, Rahabu atemba mbali bali aha butara, 9abagambira ati, “Nimanya okwo Omukama abahaire ensi egi, n'okwo mulikututinisa, Abanyansi bona kabalikubabona bajugumba. 10Aha rw'okuba tuhuliire okwo Omukama yayomize Enyanja Rutuku omu maisho ganyu orwo mwabaire nimuruga Misiri, n'ebyo mwakozire abakama bombi b'Abaamori Sihoni na Ogi buseli bwa Yorudani; abo mwasilikize kimoi kimoi. 11Orwo twahuliire tutyo twajugumba emitima, obumanzi bwatuhwa, buli muntu abatina ahakuba Ruhanga wanyu n'iwe Ruhanga omw'iguru n'omu nsi. 12Mbwenu aho munnahilire obuso bw'Omukama nk'okwo nabakorage na inywe nikwo murakorage eka ya tata. Kandi mumpe akamanyiso akalikwo, 13mukize tata na mawe, banyanyazi na barumuna bange na bona ababakweteho, mutukize tutafa.” 14Abashaija abo bamugambira bati, “Nitwikiliza kubafera, k'oraba otagambire kyotwakora. Orwo Omukama araba yatuhaire ensi egi turakukolera obwesigwa.”
15Aho abasongoza omuguha, abarabya omw'idirisha aha rw'okuba enjuye ekaba eyombekirwe omu boma y'ekigo, omu boma y'ekigo nimwo yaturaga. 16Abagambira ati, “Mugende omu mabanga, abababingire bataija bhakabatanganwa. Mweshelekeyo ebiro bishatu kuhika orwo abo baragaruka; aho ahanyuma mukwate omuhanda gwanyu mugende.” 17Abashaija abo bamugambira bati, “Ichwe turaba tutaina ntambara aha rw'ekinahiro eki ekyo watunahiza. 18Orwo turataha omu nsi egi okome akahuzi aka akalikutukura aha idirisha elyo waturabyamu; mara ohikanise sho na nyoko na banyanyoko n'omutungo gwa sho gwona. 19Kaharagira omuntu araruga omwawe akashohora, akagenda omu mbarabara, araba ayeisize; tigube mushango gwaitu; kyonkai ow'oinawe omwawe k'araitwa, ogwo obwambabwe butururuukire. 20Kyonkai k'oragamba ekikorwa kyaitu eki, aho turaba tutaina ntambara aha rw'ekinahiro ekyo watunahiza.” 21Kandi abagambira ati, “Okwo mwangambira bibe bityo.” Aho abarazage bagenda. Akoma akahuzi kalikutukura aha idirisha.
22Bagenda bagoba omu mabanga, baikarayo ebiro bishatu kuhika orwo ababaire bababingire bagarukire. Bhakabahiga hona omu muhanda kyonkai tibababoine. 23Aho abashaija bombili baruga omu mabanga, bashabuka, bagoba Yoshua eya Nuni, bamubarulira byona ebyabagwireho. 24Bamugambira bati, “Mazima Omukama anagire ensi yona omu mikono yaitu; kandi okukiraho abanyansi bamwo bona nibatutina muno.”
Ruhaya DC Bible © Bible Society of Tanzania, 2001.