Abaramuzi 7
7
Omukama nakehesa abarashani ba Gideoni
1Yerubaali (niwe Gideoni) n'abantu bona abo yabaire ainabo baimuka karai, basisira aha rubaju rw'enchuro ya Harodi. Orusisira rw'Abamidiani rukaba rubali bikara, haihi n'eibanga lya Morehi omu ruhanga.
2Omukama agambira Gideoni ati, “Abantu ab'oinabo inye nimbona bangi muno kunaga Abamidiani omu mikono yabo, Isiraeli batakwija bakangaya bakwese, ‘Twarokorwa amani gaitu.’ 3Mbwenu ogambire abantu oti, ‘Wena alikutina akajugumba agaruke omuka.’ ” Aho Gideoni abalenga; 22,000 bashubayo, kandi 10,000 basigara.
4Omukama agambira Gideoni ati, “Abantu bakyali bangi muno. Obasongore aha maizi, nyije mbakulengere honene. Owo ndakugambira nti, ‘Omuntu ogu aragenda naiwe,’ aragenda naiwe; kandi wena wena owo ndakugambira nti, ‘Tagende naiwe,’ tagende.” 5Aho Gideoni asongora abantu abo aha maizi. Omukama amugambira ati, “Bona abarajabisa amaizi endimi, nk'okwo embwa ejaba, obateke aha bonene bonkai; kwakwo na bona abarafukama kunywa.” 6Abajabire amaizi aha biganja byabo, bhakaba bali bantu 300; abasigaire bona bakateka amajwi kunywa amaizi ago. 7Omukama agambira Gideoni ati, “Abantu 300 abajaba amaizi nibo barabarokora, kandi Abamidiani mbakunage omu mikono. Abandi bona buli muntu agye omuka.” 8Kityo abaihya entanda n'enzamba omu mikono, abasindika buli muntu omw'ihemalye. Abantu 300 aba nibo asigara nabo. Kandi orusisira rw'Abamidiani rukaba ruli aha ifoye omu ruhita.
Gideoni narangirwa okwo arasinga
9Omu kiro mwonene omwo Omukama amugambira ati, “Oimuke osongoke otabalire orusisira ahakuba narukunaga omu mikono. 10Kyonkai k'oraba notina kugyayo, ogende na Pura omwiru wawe. 11Noija kuhulira ebyo balikugamba kandi ahanyuma omanzare otabalire orusisira.” Aho agenda na Pura omwiruwe agoba aha nzindo y'abashaija ababaire baina ebikwato by'endashana omu rusisira. 12Abamidiani n'Abaamaleki n'abantu bona ab'oburugaizoba bhakaba beyanjaire omu ruhanga nk'enzige obungi; engamia zabo obungi zikaba zitaina rubara nk'omushenye gw'omwegego gw'enyanja. 13Orwo Gideoni yagobireyo ahulira omuntu narotorolera mutahiwe ekiroto. Agamba ati, “Ndosire ekiroto; omukate gw'eshayiri guhilingitiire omu rusisira rw'Abamidiani, gwaija omw'ihema, gwalitera n'amani, n'okugwa lyagwa, gwalijumika libataraire.” 14Mutahiwe amuhorora ati, “Eki ti kindi, shana mbanda ya Gideoni eya Yoashi, Omwisiraeli; Ruhanga amunagire Abamidiani n'eihe lyona omu mikono.”
Gideoni nabunda omubisha kibandagara
15Orwo Gideoni yahuliire okurotororwa kw'ekiroto n'omwitoitoro gwakyo, afukama; aho agaruka omu rusisira rwa Isiraeli, agamba ati, “Imuka, aha rw'okuba Omukama yabanaga eihe ly'Abamidiani omu mikono.” 16Abeganisa abashaija 300 omu mitwe eshatu, mara bona abakwasa enzamba n'enyabigyo zili murangara, n'emuli zili omu nyabigyo ezo. 17Abagambira ati, “Mundebe, mube nikwo mugira; orwo ndagoba omu mparo z'orusisira mugire okwo ndagira. 18Orwo ndatera orukuli na bona abo nyinabo, nainywe kwakwo mutere enzamba buli rubaju rw'orusisira rwona, kandi mukungeleze muti, ‘Aha bw'Omukama n'aha bwa Gideoni.’ ”
19Aho Gideoni n'abashaija 100 abo yabaire ainabo bahika omu mpako z'orusisira aha mbandizo y'eilinda elyagati orwo babaire babanza bati kulinda. Batera enzamba, bata n'enyabigyo ezo babaire bakwete. 20Emitwe yonshatu etera enzamba mara eyata enyabigyo, emuli bazikwete omu mikono ya bumosho, n'enzamba omu mikono ya bulyo, bakungeleza bati, “Embanda aha bw'Omukama n'aha bwa Gideoni.” 21Bemelera buli muntu omu mwanyagwe obuzingora bw'orusisira. Eihe lyona liruka, batera enduru bairuka. 22Orwo bateire enkuli 300, Omukama akora buli mwisherukale kwisa mutahiwe embanda, eihe lyona liitana; liruka kulemwa kuhika Betishita bolekeire Zerera, bagoba omu rubibi rwa Abelimehola, bwatana Tabati. 23Aho Abaisiraeli bahurura. Baruga Nafutali na Asheri na Manase yona, babinga Abamidiani. 24Gideoni atuma entumwa omu mabanga gona ga Efuraimu, nagamba ati, “Musongoke murashanise Abamidiani, mubatange amaizi kulemwa kugoba Betibara na Yorudani kwakwo.” Kityo abashaija bona ba Efuraimu bahurura, batanga amaizi kulemwa kugoba Betibara na Yorudani kwakwo. 25Bakwata abakuru bombili ba Midiani, abalimu Orebu na Zeebu. Orebu bamwitira aha rwazi rwa Orebu, na Zeebu bamwitira aha ijungiro ly'edivai lya Zeebu. Bakabaita orwo balikubinga Abamidiani. Emitwe ya Orebu na Zeebu bagiletera Gideoni buseli bwa Yorudani.
Currently Selected:
Abaramuzi 7: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Abaramuzi 7
7
Omukama nakehesa abarashani ba Gideoni
1Yerubaali (niwe Gideoni) n'abantu bona abo yabaire ainabo baimuka karai, basisira aha rubaju rw'enchuro ya Harodi. Orusisira rw'Abamidiani rukaba rubali bikara, haihi n'eibanga lya Morehi omu ruhanga.
2Omukama agambira Gideoni ati, “Abantu ab'oinabo inye nimbona bangi muno kunaga Abamidiani omu mikono yabo, Isiraeli batakwija bakangaya bakwese, ‘Twarokorwa amani gaitu.’ 3Mbwenu ogambire abantu oti, ‘Wena alikutina akajugumba agaruke omuka.’ ” Aho Gideoni abalenga; 22,000 bashubayo, kandi 10,000 basigara.
4Omukama agambira Gideoni ati, “Abantu bakyali bangi muno. Obasongore aha maizi, nyije mbakulengere honene. Owo ndakugambira nti, ‘Omuntu ogu aragenda naiwe,’ aragenda naiwe; kandi wena wena owo ndakugambira nti, ‘Tagende naiwe,’ tagende.” 5Aho Gideoni asongora abantu abo aha maizi. Omukama amugambira ati, “Bona abarajabisa amaizi endimi, nk'okwo embwa ejaba, obateke aha bonene bonkai; kwakwo na bona abarafukama kunywa.” 6Abajabire amaizi aha biganja byabo, bhakaba bali bantu 300; abasigaire bona bakateka amajwi kunywa amaizi ago. 7Omukama agambira Gideoni ati, “Abantu 300 abajaba amaizi nibo barabarokora, kandi Abamidiani mbakunage omu mikono. Abandi bona buli muntu agye omuka.” 8Kityo abaihya entanda n'enzamba omu mikono, abasindika buli muntu omw'ihemalye. Abantu 300 aba nibo asigara nabo. Kandi orusisira rw'Abamidiani rukaba ruli aha ifoye omu ruhita.
Gideoni narangirwa okwo arasinga
9Omu kiro mwonene omwo Omukama amugambira ati, “Oimuke osongoke otabalire orusisira ahakuba narukunaga omu mikono. 10Kyonkai k'oraba notina kugyayo, ogende na Pura omwiru wawe. 11Noija kuhulira ebyo balikugamba kandi ahanyuma omanzare otabalire orusisira.” Aho agenda na Pura omwiruwe agoba aha nzindo y'abashaija ababaire baina ebikwato by'endashana omu rusisira. 12Abamidiani n'Abaamaleki n'abantu bona ab'oburugaizoba bhakaba beyanjaire omu ruhanga nk'enzige obungi; engamia zabo obungi zikaba zitaina rubara nk'omushenye gw'omwegego gw'enyanja. 13Orwo Gideoni yagobireyo ahulira omuntu narotorolera mutahiwe ekiroto. Agamba ati, “Ndosire ekiroto; omukate gw'eshayiri guhilingitiire omu rusisira rw'Abamidiani, gwaija omw'ihema, gwalitera n'amani, n'okugwa lyagwa, gwalijumika libataraire.” 14Mutahiwe amuhorora ati, “Eki ti kindi, shana mbanda ya Gideoni eya Yoashi, Omwisiraeli; Ruhanga amunagire Abamidiani n'eihe lyona omu mikono.”
Gideoni nabunda omubisha kibandagara
15Orwo Gideoni yahuliire okurotororwa kw'ekiroto n'omwitoitoro gwakyo, afukama; aho agaruka omu rusisira rwa Isiraeli, agamba ati, “Imuka, aha rw'okuba Omukama yabanaga eihe ly'Abamidiani omu mikono.” 16Abeganisa abashaija 300 omu mitwe eshatu, mara bona abakwasa enzamba n'enyabigyo zili murangara, n'emuli zili omu nyabigyo ezo. 17Abagambira ati, “Mundebe, mube nikwo mugira; orwo ndagoba omu mparo z'orusisira mugire okwo ndagira. 18Orwo ndatera orukuli na bona abo nyinabo, nainywe kwakwo mutere enzamba buli rubaju rw'orusisira rwona, kandi mukungeleze muti, ‘Aha bw'Omukama n'aha bwa Gideoni.’ ”
19Aho Gideoni n'abashaija 100 abo yabaire ainabo bahika omu mpako z'orusisira aha mbandizo y'eilinda elyagati orwo babaire babanza bati kulinda. Batera enzamba, bata n'enyabigyo ezo babaire bakwete. 20Emitwe yonshatu etera enzamba mara eyata enyabigyo, emuli bazikwete omu mikono ya bumosho, n'enzamba omu mikono ya bulyo, bakungeleza bati, “Embanda aha bw'Omukama n'aha bwa Gideoni.” 21Bemelera buli muntu omu mwanyagwe obuzingora bw'orusisira. Eihe lyona liruka, batera enduru bairuka. 22Orwo bateire enkuli 300, Omukama akora buli mwisherukale kwisa mutahiwe embanda, eihe lyona liitana; liruka kulemwa kuhika Betishita bolekeire Zerera, bagoba omu rubibi rwa Abelimehola, bwatana Tabati. 23Aho Abaisiraeli bahurura. Baruga Nafutali na Asheri na Manase yona, babinga Abamidiani. 24Gideoni atuma entumwa omu mabanga gona ga Efuraimu, nagamba ati, “Musongoke murashanise Abamidiani, mubatange amaizi kulemwa kugoba Betibara na Yorudani kwakwo.” Kityo abashaija bona ba Efuraimu bahurura, batanga amaizi kulemwa kugoba Betibara na Yorudani kwakwo. 25Bakwata abakuru bombili ba Midiani, abalimu Orebu na Zeebu. Orebu bamwitira aha rwazi rwa Orebu, na Zeebu bamwitira aha ijungiro ly'edivai lya Zeebu. Bakabaita orwo balikubinga Abamidiani. Emitwe ya Orebu na Zeebu bagiletera Gideoni buseli bwa Yorudani.
Ruhaya DC Bible © Bible Society of Tanzania, 2001.