Abaramuzi 4
4
Debora na Baraki
1Orwo Ehudi yabaire yafire, Abaisiraeli bashuba bagokera Omukama. 2Aho Omukama abanaga omu mikono ya Yabini omukama wa Kanaani ayatwaraga Hazori. Omukuru w'eihe lya wenene hakaba ali Sisera ayaturaga Haroshetihagoimu. 3Aho Abaisiraeli batakira Omukama k'abajuna. Okugira batyo Yabini hakaba aina amagali g'ekyoma 900, yabalisa ehuzi emyaka 20.
Debora
4Debora omurangi, muka Lapidoti, hakaba ali muramuzi omuli Isiraeli omu makiro ago. 5Yashuntamaga aha mukindo gwa Debora omugati ya Rama na Betheli omu mabanga ga Efuraimu. Abaisiraeli bamugyaho k'abaramura. 6Ekiro kimoi atumaho Baraki eya Abinoamu kuruga Kadeshi omuli Nafutali, amugambira ati, “Omukama Ruhanga wa Isiraeli nakuhangira ati, ‘Ogende ohuruze abashaija bawe 10,000 Ibanga lya Tabori kuruga omu ruganda rwa Nafutali n'omu rwa Zabuloni. 7Ndashohoza Sisera omukuru w'eihe lya Yabini aije akutanganwe aha mwiga gwa Kishoni n'amagalige n'amahege, kyonkai ndamukunaga omu mikono.’ ” 8Aho Baraki amugambira ati, “K'oragenda, nanye ndagenda; kyonkai k'oraba otagenzire, nanye tingende.” 9Debora amugambira ati, “Mwoyo gwawe ndagenda naiwe; kyonkai omuhanda gulikukutwara tigukuhese kitinwa, enshonga Omukama aranaga Sisera omu mikono y'omukazi.” Aho Debora aimuka agenda na Baraki bagya Kadeshi. 10Baraki ayeta aba Zabuloni n'aba Nafutali kwija Kadeshi. Bona hamoi bhakaba bali bashaija 10,000 abamuhondeire, Debora kwakwo nawe atemba nawe.
Heberi Omukeni
11Heberi Omukeni hakaba atanukaine n'Abakeni baijukuru ba Hobabu ishezara Musa. Akaba ateire eihemalye harai harai, aha mwaloni omuli Zaanaimu, ekigo ekyataine Kadeshi.
Okusingwa kwa Sisera
12Orwo bagambire Sisera okwo Baraki eya Abinoamu yabaire atembire aha Ibanga lya Tabori, 13Sisera ahuruza amagalige gona 900 g'ekyoma, hamoi n'abashaija bona abo yabaire ainabo, kwema Haroshetihagoimu kuturuka aha Mwiga gwa Kishoni. 14Debora agambira Baraki ati, “Imuka, aha rw'okuba eki nikyo kiro eky'Omukama yanaga Sisera omu mikono yawe, mara Omukama wenene akwebembeire.” Baraki asongoka Eibanga lya Tabori n'abashaija 10,000 bamuhondeire. 15Orwo Baraki yatabaire, Omukama airukya Sisera n'amagalige gona n'eihelye lyona, amubingisa embanda. Sisera akuburuguka omu galiye airuka n'amaguru. 16Baraki abinga amagali n'eihe kuhika Haroshetihagoimu. Eihe lya Sisera lyona litwa embanda. Thaliho muntu yasigaireho.
Okufa kwa Sisera
17Kyonkai Sisera airuka n'amaguru ayolekeire eihema lya Yaeli muka Heberi, Omukeni. Yabini omukama wa Hazori n'eka ya Heberi Omukeni bhakaba nibatahirana. 18Yaeli aturuka kwakilira Sisera, amugambira ati, “Ija mukama wange, ija omwange, otatina.” Kityo ataha omwa Yaeli omw'ihema, Yaeli amushweka ekyendo. 19Sisera amugambira ati, “Ninkutagiliza ompe otushugi tw'okunywa, nyina eiliho.” Yaeli afundura enfulebe y'amata, amuha anywa, ashuba amushweka. 20Sisera agambira Yaeli ati, “Yemelera aha mulyango gw'eihema. Omuntu wena wena k'araija akakubaza ati, ‘Halimu omuntu munu?’ Ogambe oti, ‘Chei!’ ” 21Orwo yabaire anagiire muno aha rw'amalemwa, Yaeli akwata emambo y'eihema n'enyondo, amugoba nashoba, amutera emambo egyo omu kabaibai eturukirana egya aha itaka. Afa atyo. 22Aho orwo Baraki alikubinga Sisera, Yaeli aturuka kumwakilira, amugambira ati, “Ija nkwoleke omuntu ow'olikubinga.” Baraki ataha omw'ihema lya Yaeli, ashanga Sisera abyamire agoroize n'emambo emuli omu kabaibai.
Okurokorwa kwa Isiraeli
23Kir'ekyo Ruhanga ashaijuruza Yabini omukama wa Kanaani omu maisho g'Abaisiraeli. 24Abaisiraeli beyongera kumukiza amani, balemwa bamusilikya.
Currently Selected:
Abaramuzi 4: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Abaramuzi 4
4
Debora na Baraki
1Orwo Ehudi yabaire yafire, Abaisiraeli bashuba bagokera Omukama. 2Aho Omukama abanaga omu mikono ya Yabini omukama wa Kanaani ayatwaraga Hazori. Omukuru w'eihe lya wenene hakaba ali Sisera ayaturaga Haroshetihagoimu. 3Aho Abaisiraeli batakira Omukama k'abajuna. Okugira batyo Yabini hakaba aina amagali g'ekyoma 900, yabalisa ehuzi emyaka 20.
Debora
4Debora omurangi, muka Lapidoti, hakaba ali muramuzi omuli Isiraeli omu makiro ago. 5Yashuntamaga aha mukindo gwa Debora omugati ya Rama na Betheli omu mabanga ga Efuraimu. Abaisiraeli bamugyaho k'abaramura. 6Ekiro kimoi atumaho Baraki eya Abinoamu kuruga Kadeshi omuli Nafutali, amugambira ati, “Omukama Ruhanga wa Isiraeli nakuhangira ati, ‘Ogende ohuruze abashaija bawe 10,000 Ibanga lya Tabori kuruga omu ruganda rwa Nafutali n'omu rwa Zabuloni. 7Ndashohoza Sisera omukuru w'eihe lya Yabini aije akutanganwe aha mwiga gwa Kishoni n'amagalige n'amahege, kyonkai ndamukunaga omu mikono.’ ” 8Aho Baraki amugambira ati, “K'oragenda, nanye ndagenda; kyonkai k'oraba otagenzire, nanye tingende.” 9Debora amugambira ati, “Mwoyo gwawe ndagenda naiwe; kyonkai omuhanda gulikukutwara tigukuhese kitinwa, enshonga Omukama aranaga Sisera omu mikono y'omukazi.” Aho Debora aimuka agenda na Baraki bagya Kadeshi. 10Baraki ayeta aba Zabuloni n'aba Nafutali kwija Kadeshi. Bona hamoi bhakaba bali bashaija 10,000 abamuhondeire, Debora kwakwo nawe atemba nawe.
Heberi Omukeni
11Heberi Omukeni hakaba atanukaine n'Abakeni baijukuru ba Hobabu ishezara Musa. Akaba ateire eihemalye harai harai, aha mwaloni omuli Zaanaimu, ekigo ekyataine Kadeshi.
Okusingwa kwa Sisera
12Orwo bagambire Sisera okwo Baraki eya Abinoamu yabaire atembire aha Ibanga lya Tabori, 13Sisera ahuruza amagalige gona 900 g'ekyoma, hamoi n'abashaija bona abo yabaire ainabo, kwema Haroshetihagoimu kuturuka aha Mwiga gwa Kishoni. 14Debora agambira Baraki ati, “Imuka, aha rw'okuba eki nikyo kiro eky'Omukama yanaga Sisera omu mikono yawe, mara Omukama wenene akwebembeire.” Baraki asongoka Eibanga lya Tabori n'abashaija 10,000 bamuhondeire. 15Orwo Baraki yatabaire, Omukama airukya Sisera n'amagalige gona n'eihelye lyona, amubingisa embanda. Sisera akuburuguka omu galiye airuka n'amaguru. 16Baraki abinga amagali n'eihe kuhika Haroshetihagoimu. Eihe lya Sisera lyona litwa embanda. Thaliho muntu yasigaireho.
Okufa kwa Sisera
17Kyonkai Sisera airuka n'amaguru ayolekeire eihema lya Yaeli muka Heberi, Omukeni. Yabini omukama wa Hazori n'eka ya Heberi Omukeni bhakaba nibatahirana. 18Yaeli aturuka kwakilira Sisera, amugambira ati, “Ija mukama wange, ija omwange, otatina.” Kityo ataha omwa Yaeli omw'ihema, Yaeli amushweka ekyendo. 19Sisera amugambira ati, “Ninkutagiliza ompe otushugi tw'okunywa, nyina eiliho.” Yaeli afundura enfulebe y'amata, amuha anywa, ashuba amushweka. 20Sisera agambira Yaeli ati, “Yemelera aha mulyango gw'eihema. Omuntu wena wena k'araija akakubaza ati, ‘Halimu omuntu munu?’ Ogambe oti, ‘Chei!’ ” 21Orwo yabaire anagiire muno aha rw'amalemwa, Yaeli akwata emambo y'eihema n'enyondo, amugoba nashoba, amutera emambo egyo omu kabaibai eturukirana egya aha itaka. Afa atyo. 22Aho orwo Baraki alikubinga Sisera, Yaeli aturuka kumwakilira, amugambira ati, “Ija nkwoleke omuntu ow'olikubinga.” Baraki ataha omw'ihema lya Yaeli, ashanga Sisera abyamire agoroize n'emambo emuli omu kabaibai.
Okurokorwa kwa Isiraeli
23Kir'ekyo Ruhanga ashaijuruza Yabini omukama wa Kanaani omu maisho g'Abaisiraeli. 24Abaisiraeli beyongera kumukiza amani, balemwa bamusilikya.
Ruhaya DC Bible © Bible Society of Tanzania, 2001.