Abaramuzi 16
16
Samusoni nasikura enyigi za Gaza
1Samusoni agya omu kigo kya Gaza, abonayo omumalaya amumanya. 2Bagambira abantu ba Gaza bati, “Samusoni aizire munu.” Aho bahazingora bamuhunira ekiro kyona aha kihigi ky'ekigo. Ekiro kyona tibajegire, bakwese, “Tulinde kuturuka bwankya, tumwite.” 3Kyonkai Samusoni abyama kuhika ekiro eitumbi. Omw'itumbi aimuka akwata enyigi z'ekihigi ky'ekigo n'emizilingiti yombili, abisikuramu omuhingo na buli kantu, abita aha mabega abitwara aha katwetwe k'orushozi akalebangaine na Heburoni.
Delila nabanja Samusoni
4Ebi kabyahoire agonza omukazi w'omu ruhanga rwa Soreki, eibaralye yayetwaga Delila. 5Abatwazi b'Abafilisiti baija bagambira omukazi ogwo bati, “Omulembalembe omanye mbali amanige agangi gatyo gatabuka, n'okwo twakumukiza amani, twije tumubohe tumuchwe eishaija. Ichwe buli omoi turakuha ebichweka by'efeza 1,100.” 6Delila agambira Samusoni ati, “Bojo ongambire mbali mani gawe agangi gati gatabuka, n'ekyo bakukubohesa omuntu akakuchwa eishaija.” 7Samusoni amugambira ati, “Kabakunkomesa engoye mushanju ezibisi ezitakakomire aho ndiba mba nk'omuntu ondijo wena wena.” 8Aho abatwazi baletera Delila engoye mushanju ezibisi ezitakanikirwe, azimubohesa. 9Akaba aina abashaija beshelekire omu kiyumba eky'omunda. Delila wenene agambira Samusoni ati, “Abafilisiti bakubunda, Samusoni.” Kyonkai Samusoni wenene agutura engoye nk'okwo omuguha gw'ekigoigo gugutuka gugobirweho omuliro. Kityo enama y'amanige tiyamanyikire.
10Delila agambira Samusoni ati, “Leba wandelura. Wambeiya; bojo ongambire ekyo bakukubohesa.” 11Amugambira ati, “Kabankumbohesa emiguha emihya etakakozibwaga, aho mpwa amani mba nk'abantu abandi.” 12Ahanyuma Delila akwata emiguha emihya agimubohesa, mara amugambira ati, “Abafilisiti bakubunda, Samusoni.” Abashaija beshelekire bhakaba bali omu kiyumba eky'omunda. Kyonkai agutura emiguha aha mikonoye nk'akahuzi.
13Delila agambira Samusoni ati, “Kugoba mwaha okyandelura nombeiya. Ngambira ekyo bakukubohesa.” Ndi ogu amugambira ati, “K'eishoke ly'omutwe gwange wakulihyamu amakabe mushanju, okagashukisa ekitambara kishukirwe, mara okakikomesa ekikwasi, aho ndayoroba mbe nk'abantu abandi.” 14Aho orwo yabaire anagiire Delila amukwata eishoke, aliihyamu amakabe mushanju, agashukisa ekitambara kishukirwe, mara ekitambara akikomesa ekikwasi, ashuba amugambira ati, “Abafilisiti bakwita, Samusoni.” Kyonkai asisiimuka asikuramu ekikwasi, n'ekishukiso n'ekitambara kishukirwe.
15Delila amugambira ati, “Wakugamba otai oti, ‘Ninkugonza,’ okwo omutima gwawe gutandiho? Wanderura emirundi eshatu egi, tokangambiire mbali mani gawe gangi gatabuka.” 16Kayamwisize orugambo obukya n'obukeire, akamujugutiliza, Samusoni asindwa agoba aha kanya. 17Aho amufumolera byona, amugambira ati, “Orumoiso tirukangyaga aha mutwe; aha rw'okuba kwema omu nda ya mawe mba nyehonge ya Ruhanga. Kabakummoisa aho amani gandugamu, ndiba, mba nk'omuntu ondijo wena wena.”
18Delila kayaboine okwo yamugambira age gona, atumaho abatwazi b'Abafilisiti nagamba ati, “Mwije eli lyonkai, aha rw'enshonga yangambira age gona.” Aho abatwazi b'Abafilisiti batemba baija owe, n'empiha baija nazo omu ngaro. 19Amunagiliza aha majwige, ayeta omushaija, amugambira kumumoisa amakabe g'omutwegwe gonshatu. Aho abanza kumwita kubi, n'amani gamurugamu. 20Delila agamba ati, “Abafilisiti bakwita, Samusoni!” Asisimuka, agamba ati, “Kanshohore nyekunkumure nk'okwo nkagira.” Kyonkai tamanya kwo Omukama yamusigireho. 21Abafilisiti bamukwata bamunonkoramu amaisho, bamutwara Gaza, bamubohesa empingo z'omulinga; yata nakora omulimo gw'ensika omu kifungo. 22Kyonkai eishoke ly'omutwegwe elyabaire limoisibwe libanza kumera.
Samusoni nafa ayehoroize
23Ahanyuma Abafilisiti baterana kuhongera Dagoni ruhanga wabo ekitambo kihango nk'okweihukya bakwese, “Ruhanga waitu yatunaga Samusoni omubisha waitu omu mikono.” 24N'abantu orwo bamuboine basingiza ruhanga wabo nibagamba bati, “Ruhanga waitu yatunaga omubisha waitu omu mikono, omwisi w'ensi yaitu, ayaisire abantu baitu batali bake.” 25Kababaire banuliirwe bagira bati, “Yeta Samusoni atuzanire.” Bamwihya omu kifungo abazanira. Bamwemeleza omu nyomyo. 26Samusoni agambira omwana yabaire amukwete aha mukono ati, “Kankwate enyomyo ezisisikire enju nzeyegekeho.” 27Aho enju eshangwa eijwire abashaija n'abakazi; abatwazi bona b'Abafilisiti bhakaba bali omwo, n'aha rushwi hakaba haliho abashaija n'abakazi nka 3,000 ababaire balebire Samusoni nazana.
28Aho Samusoni atakira Omukama ati, “Waitu Mukama Ruhanga banyijuke, ninkutagiliza, ninkutagiliza eli lyonkai, mbone kwehororza Abafilisiti aha rw'amaisho gange gombili.” 29Samusoni akwata enyomyo z'omugati zombili ezisisikire enju, azeyegekaho n'ago manige gona, mukonogwe gwa bulyo ahali emoi n'omukonogwe gwa bumosho aha ndijo. 30Agamba ati, “Kanfe n'Abafilisiti.” Aho ainama n'amanige gona enju egwera abatwazi n'abantu bona ababaire bagilimu. Kityo abo yaisire aha kufakwe bakashaga balinya abo yabaire yaisire omu burorabwe bwona. 31Abarumuna n'abanyarugandabe bona bagenda bamwihyayo, bamuziika omugati ya Zora na Eshitaoli omu nyanga ya Manoa, ishe. Akaramura Isiraeli emyaka 20.
Currently Selected:
Abaramuzi 16: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Abaramuzi 16
16
Samusoni nasikura enyigi za Gaza
1Samusoni agya omu kigo kya Gaza, abonayo omumalaya amumanya. 2Bagambira abantu ba Gaza bati, “Samusoni aizire munu.” Aho bahazingora bamuhunira ekiro kyona aha kihigi ky'ekigo. Ekiro kyona tibajegire, bakwese, “Tulinde kuturuka bwankya, tumwite.” 3Kyonkai Samusoni abyama kuhika ekiro eitumbi. Omw'itumbi aimuka akwata enyigi z'ekihigi ky'ekigo n'emizilingiti yombili, abisikuramu omuhingo na buli kantu, abita aha mabega abitwara aha katwetwe k'orushozi akalebangaine na Heburoni.
Delila nabanja Samusoni
4Ebi kabyahoire agonza omukazi w'omu ruhanga rwa Soreki, eibaralye yayetwaga Delila. 5Abatwazi b'Abafilisiti baija bagambira omukazi ogwo bati, “Omulembalembe omanye mbali amanige agangi gatyo gatabuka, n'okwo twakumukiza amani, twije tumubohe tumuchwe eishaija. Ichwe buli omoi turakuha ebichweka by'efeza 1,100.” 6Delila agambira Samusoni ati, “Bojo ongambire mbali mani gawe agangi gati gatabuka, n'ekyo bakukubohesa omuntu akakuchwa eishaija.” 7Samusoni amugambira ati, “Kabakunkomesa engoye mushanju ezibisi ezitakakomire aho ndiba mba nk'omuntu ondijo wena wena.” 8Aho abatwazi baletera Delila engoye mushanju ezibisi ezitakanikirwe, azimubohesa. 9Akaba aina abashaija beshelekire omu kiyumba eky'omunda. Delila wenene agambira Samusoni ati, “Abafilisiti bakubunda, Samusoni.” Kyonkai Samusoni wenene agutura engoye nk'okwo omuguha gw'ekigoigo gugutuka gugobirweho omuliro. Kityo enama y'amanige tiyamanyikire.
10Delila agambira Samusoni ati, “Leba wandelura. Wambeiya; bojo ongambire ekyo bakukubohesa.” 11Amugambira ati, “Kabankumbohesa emiguha emihya etakakozibwaga, aho mpwa amani mba nk'abantu abandi.” 12Ahanyuma Delila akwata emiguha emihya agimubohesa, mara amugambira ati, “Abafilisiti bakubunda, Samusoni.” Abashaija beshelekire bhakaba bali omu kiyumba eky'omunda. Kyonkai agutura emiguha aha mikonoye nk'akahuzi.
13Delila agambira Samusoni ati, “Kugoba mwaha okyandelura nombeiya. Ngambira ekyo bakukubohesa.” Ndi ogu amugambira ati, “K'eishoke ly'omutwe gwange wakulihyamu amakabe mushanju, okagashukisa ekitambara kishukirwe, mara okakikomesa ekikwasi, aho ndayoroba mbe nk'abantu abandi.” 14Aho orwo yabaire anagiire Delila amukwata eishoke, aliihyamu amakabe mushanju, agashukisa ekitambara kishukirwe, mara ekitambara akikomesa ekikwasi, ashuba amugambira ati, “Abafilisiti bakwita, Samusoni.” Kyonkai asisiimuka asikuramu ekikwasi, n'ekishukiso n'ekitambara kishukirwe.
15Delila amugambira ati, “Wakugamba otai oti, ‘Ninkugonza,’ okwo omutima gwawe gutandiho? Wanderura emirundi eshatu egi, tokangambiire mbali mani gawe gangi gatabuka.” 16Kayamwisize orugambo obukya n'obukeire, akamujugutiliza, Samusoni asindwa agoba aha kanya. 17Aho amufumolera byona, amugambira ati, “Orumoiso tirukangyaga aha mutwe; aha rw'okuba kwema omu nda ya mawe mba nyehonge ya Ruhanga. Kabakummoisa aho amani gandugamu, ndiba, mba nk'omuntu ondijo wena wena.”
18Delila kayaboine okwo yamugambira age gona, atumaho abatwazi b'Abafilisiti nagamba ati, “Mwije eli lyonkai, aha rw'enshonga yangambira age gona.” Aho abatwazi b'Abafilisiti batemba baija owe, n'empiha baija nazo omu ngaro. 19Amunagiliza aha majwige, ayeta omushaija, amugambira kumumoisa amakabe g'omutwegwe gonshatu. Aho abanza kumwita kubi, n'amani gamurugamu. 20Delila agamba ati, “Abafilisiti bakwita, Samusoni!” Asisimuka, agamba ati, “Kanshohore nyekunkumure nk'okwo nkagira.” Kyonkai tamanya kwo Omukama yamusigireho. 21Abafilisiti bamukwata bamunonkoramu amaisho, bamutwara Gaza, bamubohesa empingo z'omulinga; yata nakora omulimo gw'ensika omu kifungo. 22Kyonkai eishoke ly'omutwegwe elyabaire limoisibwe libanza kumera.
Samusoni nafa ayehoroize
23Ahanyuma Abafilisiti baterana kuhongera Dagoni ruhanga wabo ekitambo kihango nk'okweihukya bakwese, “Ruhanga waitu yatunaga Samusoni omubisha waitu omu mikono.” 24N'abantu orwo bamuboine basingiza ruhanga wabo nibagamba bati, “Ruhanga waitu yatunaga omubisha waitu omu mikono, omwisi w'ensi yaitu, ayaisire abantu baitu batali bake.” 25Kababaire banuliirwe bagira bati, “Yeta Samusoni atuzanire.” Bamwihya omu kifungo abazanira. Bamwemeleza omu nyomyo. 26Samusoni agambira omwana yabaire amukwete aha mukono ati, “Kankwate enyomyo ezisisikire enju nzeyegekeho.” 27Aho enju eshangwa eijwire abashaija n'abakazi; abatwazi bona b'Abafilisiti bhakaba bali omwo, n'aha rushwi hakaba haliho abashaija n'abakazi nka 3,000 ababaire balebire Samusoni nazana.
28Aho Samusoni atakira Omukama ati, “Waitu Mukama Ruhanga banyijuke, ninkutagiliza, ninkutagiliza eli lyonkai, mbone kwehororza Abafilisiti aha rw'amaisho gange gombili.” 29Samusoni akwata enyomyo z'omugati zombili ezisisikire enju, azeyegekaho n'ago manige gona, mukonogwe gwa bulyo ahali emoi n'omukonogwe gwa bumosho aha ndijo. 30Agamba ati, “Kanfe n'Abafilisiti.” Aho ainama n'amanige gona enju egwera abatwazi n'abantu bona ababaire bagilimu. Kityo abo yaisire aha kufakwe bakashaga balinya abo yabaire yaisire omu burorabwe bwona. 31Abarumuna n'abanyarugandabe bona bagenda bamwihyayo, bamuziika omugati ya Zora na Eshitaoli omu nyanga ya Manoa, ishe. Akaramura Isiraeli emyaka 20.
Ruhaya DC Bible © Bible Society of Tanzania, 2001.