Okuruga 40
40
Okuterwa kw'Eihema ly'Obusinge n'okuhabwa omugisha
1Omukama agambira Musa ati, 2“Aha kiro kya mbere ky'omwezi gwa mbere oyemeleze ekiikaro ky'Eihema ly'Omuterano. 3Okitemu Esanduku y'Endagano, kandi esanduku egyo ogisikise orutimbe. 4Otahyemu emeza omare otebekanise ebintu byayo okwo biragirwe kuba. Otahyemu n'ekinara ky'etara, okiteho etara zakyo. 5Alutare y'ezahabu ey'obunuuma ogiteke omu maisho g'Esanduku y'endagano, mara oyemeleze ekisika aha mulyango gw'ekiikaro. 6Ealutare y'ekihongo ky'okwokibwa ogiteke omu maisho g'omulyango gw'ekiikaro ky'Eihema ly'Omuterano; 7mara oteke orunabiro omugati y'Eihema ly'Omuterano na ealutare, kandi orutemu amaizi. 8Oimukye orugo obuzingora mara ohanike ekisika ky'ekihigi kya nyakabuga. 9Aho okwate amajuta g'okusiga osiige ekiikaro na byona ebikilimu, okihe omugisha n'ebikwato byakyo byona, kibe kitakatifu. 10Alutare y'ekihongo ky'okwokibwa nayo ogisiige amajuta n'ebikwato byayo byona; ebe ntakatifu muno. 11Orunabiro n'eichuba lyarwo orusiige amajuta oruhe omugisha. 12Aho olete Aroni n'abatabani aha mulyango gw'Eihema ly'Omuterano obanabise n'amaizi. 13Ojweke Aroni ebijwaro bitakatifu, oshube omukore amajuta omutendeke, abe mukuhani ankolere. 14N'abatabani kwakwo obalete obajweke enyambarwa, 15obakore n'amajuta nk'okwo ogakozire ishebo, babe bakuhani bankolere. Orwo barakorwa amajuta baraba bakuhani eirai lyona omu mizarwa yabo yona.”
16Musa eby'Omukama yamuhangiire akabikora byona. 17Aha kiro kya mbere ky'omwezi gwa mbere gw'omwaka gwa kabili Abaisiraeli barugiire Misiri, ekiikaro bakyemeleza. 18Musa ayemeleza ekiikaro, ataho amachuba gakyo, ayemeleza emizilingiti yakyo, atamu emigamba yakyo, ayemeleza n'enyomyo zakyo. 19Atanturulira eihema eiguru y'ekiikaro, nikwo kugir'oti ekiikaro akishwekesa eihema; nk'okwo Omukama yabaire amuhangiire. 20Akwata embengo z'amabare aziteka omu Sanduku y'Endagano, kandi emigamba agiteka aha sanduku egyo, hamoi n'entebe y'obuganyizi agiteka eiguru yayo. 21Atahya esanduku omu kiikaro, aimukya orutimbe rw'ekisiika asika Esanduku y'Endagano; nk'okwo Omukama yabaire amuhangiire. 22Ateka emeza omw'Ihema ly'Omuterano rubaju orwa bikara rw'ekiikaro, enjai y'orutimbe, 23agitekahoge emikate omu maisho g'Omukama, nk'okwo Omukama yabaire amuhangiire. 24Ateka n'ekinara ky'etara omw'Ihema ly'Omuterano bwolekera emeza rubaju orwa kasi rw'ekiikaro. 25Ateka n'etara omu maisho g'Omukama, nk'okwo Omukama yabaire amuhangiire. 26Kandi ateka ealutare y'ezahabu omw'Ihema ly'Omuterano omu maisho g'orutimbe; 27agihembaho obunuma bulikutamirana, nk'okwo Omukama yabaire amuhangiire. 28Aha mulyango gw'ekiikaro ataho ekisika. 29Honene aho ataho ealutare y'ekihongo ky'okwokibwa, agihongaho ekihongo ky'okwokibwa n'ekihongo ky'emyaka; nk'okwo Omukama yabaire amuhangiire. 30Ateka orunabiro rw'amaizi g'okunaba omugati y'Eihema ly'Omuterano na ealutare. 31Amaizi ago nigo Musa na Aroni n'abatabani banabaga emikono n'amaguru. 32Orwo batahaga omw'Ihema ly'Omuterano, n'orwo baijaga ealutare banabaga, nk'okwo Omukama yabaire ahangiire Musa. 33Aimukya orukuta obuzingora bw'ekiikaro na ealutare, ataho n'ekisika ky'ekihigi kya nyakabuga. Omulimo agumaliliza atyo.
Ekichwi eiguru y'Ahatakatifu
(Orub 9:15-23)
34Aho ekichwi kishweka Eihema ly'Omuterano, n'ekitinwa ky'Omukama kijura ekiikaro. 35Musa tiyashoboire kutaha mw'Ihema lya Muterano aha rw'okuba ekichwi kikaliikara eiguru n'ekitinwa ky'Omukama kyaijura ekiikaro. 36Omu ngendo zabo zona orwo ekichwi kyarugaga aha kiikaro Abaisiraeli bagendelera omu maisho. 37Kyonkai k'ekichwi kitarugagaho, aho tibagendeleraga mu maisho kuhika kiro ekyo kyarugagaho. 38Omu ngendo zabo zona ekichwi ky'Omukama kyaikaraga eiguru y'ekiikaro nyemishana, kandi omuliro gwaikaraga omunda yakyo omu kiro, omu maisho g'Abaisiraeli bona.
Currently Selected:
Okuruga 40: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
Okuruga 40
40
Okuterwa kw'Eihema ly'Obusinge n'okuhabwa omugisha
1Omukama agambira Musa ati, 2“Aha kiro kya mbere ky'omwezi gwa mbere oyemeleze ekiikaro ky'Eihema ly'Omuterano. 3Okitemu Esanduku y'Endagano, kandi esanduku egyo ogisikise orutimbe. 4Otahyemu emeza omare otebekanise ebintu byayo okwo biragirwe kuba. Otahyemu n'ekinara ky'etara, okiteho etara zakyo. 5Alutare y'ezahabu ey'obunuuma ogiteke omu maisho g'Esanduku y'endagano, mara oyemeleze ekisika aha mulyango gw'ekiikaro. 6Ealutare y'ekihongo ky'okwokibwa ogiteke omu maisho g'omulyango gw'ekiikaro ky'Eihema ly'Omuterano; 7mara oteke orunabiro omugati y'Eihema ly'Omuterano na ealutare, kandi orutemu amaizi. 8Oimukye orugo obuzingora mara ohanike ekisika ky'ekihigi kya nyakabuga. 9Aho okwate amajuta g'okusiga osiige ekiikaro na byona ebikilimu, okihe omugisha n'ebikwato byakyo byona, kibe kitakatifu. 10Alutare y'ekihongo ky'okwokibwa nayo ogisiige amajuta n'ebikwato byayo byona; ebe ntakatifu muno. 11Orunabiro n'eichuba lyarwo orusiige amajuta oruhe omugisha. 12Aho olete Aroni n'abatabani aha mulyango gw'Eihema ly'Omuterano obanabise n'amaizi. 13Ojweke Aroni ebijwaro bitakatifu, oshube omukore amajuta omutendeke, abe mukuhani ankolere. 14N'abatabani kwakwo obalete obajweke enyambarwa, 15obakore n'amajuta nk'okwo ogakozire ishebo, babe bakuhani bankolere. Orwo barakorwa amajuta baraba bakuhani eirai lyona omu mizarwa yabo yona.”
16Musa eby'Omukama yamuhangiire akabikora byona. 17Aha kiro kya mbere ky'omwezi gwa mbere gw'omwaka gwa kabili Abaisiraeli barugiire Misiri, ekiikaro bakyemeleza. 18Musa ayemeleza ekiikaro, ataho amachuba gakyo, ayemeleza emizilingiti yakyo, atamu emigamba yakyo, ayemeleza n'enyomyo zakyo. 19Atanturulira eihema eiguru y'ekiikaro, nikwo kugir'oti ekiikaro akishwekesa eihema; nk'okwo Omukama yabaire amuhangiire. 20Akwata embengo z'amabare aziteka omu Sanduku y'Endagano, kandi emigamba agiteka aha sanduku egyo, hamoi n'entebe y'obuganyizi agiteka eiguru yayo. 21Atahya esanduku omu kiikaro, aimukya orutimbe rw'ekisiika asika Esanduku y'Endagano; nk'okwo Omukama yabaire amuhangiire. 22Ateka emeza omw'Ihema ly'Omuterano rubaju orwa bikara rw'ekiikaro, enjai y'orutimbe, 23agitekahoge emikate omu maisho g'Omukama, nk'okwo Omukama yabaire amuhangiire. 24Ateka n'ekinara ky'etara omw'Ihema ly'Omuterano bwolekera emeza rubaju orwa kasi rw'ekiikaro. 25Ateka n'etara omu maisho g'Omukama, nk'okwo Omukama yabaire amuhangiire. 26Kandi ateka ealutare y'ezahabu omw'Ihema ly'Omuterano omu maisho g'orutimbe; 27agihembaho obunuma bulikutamirana, nk'okwo Omukama yabaire amuhangiire. 28Aha mulyango gw'ekiikaro ataho ekisika. 29Honene aho ataho ealutare y'ekihongo ky'okwokibwa, agihongaho ekihongo ky'okwokibwa n'ekihongo ky'emyaka; nk'okwo Omukama yabaire amuhangiire. 30Ateka orunabiro rw'amaizi g'okunaba omugati y'Eihema ly'Omuterano na ealutare. 31Amaizi ago nigo Musa na Aroni n'abatabani banabaga emikono n'amaguru. 32Orwo batahaga omw'Ihema ly'Omuterano, n'orwo baijaga ealutare banabaga, nk'okwo Omukama yabaire ahangiire Musa. 33Aimukya orukuta obuzingora bw'ekiikaro na ealutare, ataho n'ekisika ky'ekihigi kya nyakabuga. Omulimo agumaliliza atyo.
Ekichwi eiguru y'Ahatakatifu
(Orub 9:15-23)
34Aho ekichwi kishweka Eihema ly'Omuterano, n'ekitinwa ky'Omukama kijura ekiikaro. 35Musa tiyashoboire kutaha mw'Ihema lya Muterano aha rw'okuba ekichwi kikaliikara eiguru n'ekitinwa ky'Omukama kyaijura ekiikaro. 36Omu ngendo zabo zona orwo ekichwi kyarugaga aha kiikaro Abaisiraeli bagendelera omu maisho. 37Kyonkai k'ekichwi kitarugagaho, aho tibagendeleraga mu maisho kuhika kiro ekyo kyarugagaho. 38Omu ngendo zabo zona ekichwi ky'Omukama kyaikaraga eiguru y'ekiikaro nyemishana, kandi omuliro gwaikaraga omunda yakyo omu kiro, omu maisho g'Abaisiraeli bona.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.