2 Samweli 5
5
Daudi naba Mukama wa Isiraeli na Yuda
1Ahanyuma enganda zona za Isiraeli zigya Heburoni owa Daudi zimugambira ziti, “Leba ichwe tuli bwamba bwawe, mubili gwawe. 2Makiro agahingwire orwo Shauli abaire ali Mukama waitu, niwe obaire oyebembera Isiraeli kutabara n'okutabaruka. Kandi Omukama akakuraganisa ati, ‘Iwe oliba mushumba w'abantu bange ba Isiraeli, oliba mwebembezi wa Isiraeli.’ ” 3Nikwo abagurusi bona ba Isiraeli kushanga Omukama Daudi Heburoni, bakakora nawe endagano omu maisho g'Omukama Ruhanga, bakora Daudi amajuta aba Mukama wa Isiraeli. 4Daudi hakabanza kutwara aina emyaka 30, mara akatwara emyaka 40. 5Akatwara Yuda ayemire Heburoni emyaka mushanju n'emyezi mukaga, kandi yatwara Isiraeli yona na Yuda emyaka 33 ayemire Yerusalemu.
Daudi natera ekikaare kya Yerusalemu
6Daudi n'abaisherukarebe agenda kurashanisa Yerusalemu. Abayebusi abanyansi bamwo bamugambira bati, “Totahemu, shana oihyemu abaigaire amaisho n'abalema,” nibatekeleza bati, “Daudi talikushobora kutahamu.” 7Kyonkai Daudi atera eboma ya Sioni, nikwo kigo kya Daudi. 8Kir'ekyo agamba ati, “Wena wena aratera Abayebusi arabe omu rwina rw'amaizi kurashanisa abalema n'abaigaire amaisho, kuba tindikubenda.” Nikyo bagambira bati, “Abaigaire amaisho n'abalema batalitaha mu nju.” 9Daudi atura omu boma egyo, agyeta kigo kya Daudi. Yakyombeka amaju obuzingora kwema Milo kugaruka omunda. 10Mara ayeyongera kugira obushobora okuba Omukama Ruhanga w'amahe hakaba amwemiremu.
11Ahanyuma Hiramu Omukama wa Tiro, atuma entumwa ahali Daudi mara amutwekera emiti y'emielezi n'abaselemara n'abombeki bamwombekera enju. 12Aho Daudi amanya okwo Omukama amutaireho kuba Mukama wa Isiraeli, n'okwo agoshoire obukamabwe aha rw'abantube ba Isiraeli.
Batabani ba Daudi abazaliirwe Yerusalemu
13Daudi kayarugire Heburoni yagya Yerusalemu, yashweleramu ensholeke ezindi n'abakazi abandi, yayeyongera kuzara abana. 14Aga nigo mabara g'abo yazaliire Yerusalemu: Shamua, Shobabu, Natani, Solomoni, 15Ibihari, Elishua, Nefegi, Yafia, 16Elishama, Eliada na Elifeleti.
Daudi nasinga Abafilisiti
17Orwo Abafilisiti bahuliire okwo Daudi yakozirwe amajuta kuba Mukama wa Isiraeli, bona bagya kumuhiga. Kyonkai Daudi k'ahulira okwo balikumuhiga agya omu boma. 18Abafilisiti bakaba beyaliliire omu Ruhanga rwa Refaimu. 19Daudi abaza Omukama ati, “Ngende ntere Abafilisiti aba, orabampa?” Omukama amuhorora ati, “Ogende, ndabakunaga omu mikono.” 20Daudi agenda Baaliperazimu, aba niyo abatelera. Agamba ati, “Okwo omwijuro gutema, nikwo Omukama yantemera ababisha bange.” Nikwo omwanya gulinya kwetwa Baaliperazimu. 21Abafilisiti banagaho ebihuuku byabo, Daudi n'abaisherukarebe babitwara.
22Abafilisiti bashuba bagya omu Ruhanga rwa Refaimu beyalilir'omwo. 23Ka Daudi yabalize Omukama, amuhorora ati, “Otagenda, shana obarabe enyuma obazingore, obagobe bwatana emiti y'emizeri. 24Ahanyuma orwo orahulira enshwagara aha mizeri eiguru omanzare, okuba aho nimba nakwebembeire kutera eihe ly'Abafilisiti.” 25Daudi akora nk'okw'Omukama yamuragira, atera Abafilisiti, ayema Geba agoba Gezeri.
Currently Selected:
2 Samweli 5: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 5
5
Daudi naba Mukama wa Isiraeli na Yuda
1Ahanyuma enganda zona za Isiraeli zigya Heburoni owa Daudi zimugambira ziti, “Leba ichwe tuli bwamba bwawe, mubili gwawe. 2Makiro agahingwire orwo Shauli abaire ali Mukama waitu, niwe obaire oyebembera Isiraeli kutabara n'okutabaruka. Kandi Omukama akakuraganisa ati, ‘Iwe oliba mushumba w'abantu bange ba Isiraeli, oliba mwebembezi wa Isiraeli.’ ” 3Nikwo abagurusi bona ba Isiraeli kushanga Omukama Daudi Heburoni, bakakora nawe endagano omu maisho g'Omukama Ruhanga, bakora Daudi amajuta aba Mukama wa Isiraeli. 4Daudi hakabanza kutwara aina emyaka 30, mara akatwara emyaka 40. 5Akatwara Yuda ayemire Heburoni emyaka mushanju n'emyezi mukaga, kandi yatwara Isiraeli yona na Yuda emyaka 33 ayemire Yerusalemu.
Daudi natera ekikaare kya Yerusalemu
6Daudi n'abaisherukarebe agenda kurashanisa Yerusalemu. Abayebusi abanyansi bamwo bamugambira bati, “Totahemu, shana oihyemu abaigaire amaisho n'abalema,” nibatekeleza bati, “Daudi talikushobora kutahamu.” 7Kyonkai Daudi atera eboma ya Sioni, nikwo kigo kya Daudi. 8Kir'ekyo agamba ati, “Wena wena aratera Abayebusi arabe omu rwina rw'amaizi kurashanisa abalema n'abaigaire amaisho, kuba tindikubenda.” Nikyo bagambira bati, “Abaigaire amaisho n'abalema batalitaha mu nju.” 9Daudi atura omu boma egyo, agyeta kigo kya Daudi. Yakyombeka amaju obuzingora kwema Milo kugaruka omunda. 10Mara ayeyongera kugira obushobora okuba Omukama Ruhanga w'amahe hakaba amwemiremu.
11Ahanyuma Hiramu Omukama wa Tiro, atuma entumwa ahali Daudi mara amutwekera emiti y'emielezi n'abaselemara n'abombeki bamwombekera enju. 12Aho Daudi amanya okwo Omukama amutaireho kuba Mukama wa Isiraeli, n'okwo agoshoire obukamabwe aha rw'abantube ba Isiraeli.
Batabani ba Daudi abazaliirwe Yerusalemu
13Daudi kayarugire Heburoni yagya Yerusalemu, yashweleramu ensholeke ezindi n'abakazi abandi, yayeyongera kuzara abana. 14Aga nigo mabara g'abo yazaliire Yerusalemu: Shamua, Shobabu, Natani, Solomoni, 15Ibihari, Elishua, Nefegi, Yafia, 16Elishama, Eliada na Elifeleti.
Daudi nasinga Abafilisiti
17Orwo Abafilisiti bahuliire okwo Daudi yakozirwe amajuta kuba Mukama wa Isiraeli, bona bagya kumuhiga. Kyonkai Daudi k'ahulira okwo balikumuhiga agya omu boma. 18Abafilisiti bakaba beyaliliire omu Ruhanga rwa Refaimu. 19Daudi abaza Omukama ati, “Ngende ntere Abafilisiti aba, orabampa?” Omukama amuhorora ati, “Ogende, ndabakunaga omu mikono.” 20Daudi agenda Baaliperazimu, aba niyo abatelera. Agamba ati, “Okwo omwijuro gutema, nikwo Omukama yantemera ababisha bange.” Nikwo omwanya gulinya kwetwa Baaliperazimu. 21Abafilisiti banagaho ebihuuku byabo, Daudi n'abaisherukarebe babitwara.
22Abafilisiti bashuba bagya omu Ruhanga rwa Refaimu beyalilir'omwo. 23Ka Daudi yabalize Omukama, amuhorora ati, “Otagenda, shana obarabe enyuma obazingore, obagobe bwatana emiti y'emizeri. 24Ahanyuma orwo orahulira enshwagara aha mizeri eiguru omanzare, okuba aho nimba nakwebembeire kutera eihe ly'Abafilisiti.” 25Daudi akora nk'okw'Omukama yamuragira, atera Abafilisiti, ayema Geba agoba Gezeri.
Ruhaya DC Bible © Bible Society of Tanzania, 2001.