2 Samweli 2
2
Daudi naba Mukama wa Yuda
1Ebyo kabyahoire, Daudi abaza Omukama ati, “Ngye omu kigo kimoiho omu bigo bya Yuda.” Omukama amuhorora ati, “Ogende.” Daudi abaza ati, “Ngye omuli kihai?” Omukama ati, “Heburoni.” 2Aho Daudi agya Heburoni, agenda na bakazibe bombili, Ahinoamu owa Yezireeli na Abigaili entumbwakazi ya Nabali owa Karimeli. 3Daudi abashaijabe abo yabaire ainabo abatwara buli omoi n'ekaye, batura omu bigo bya Heburoni. 4Ahanyuma ab'oruganda rwa Yuda baija bakolerayo Daudi amajuta kuba Mukama w'oruganda rwa Yuda.
Orwo bagambire Daudi bati, “Abantu ba Yabeshigileadi nibo baziikire Shauli,” 5abatumaho entumwa abaragiraho ati, “Omukama abatunge omugisha aha rw'okuba mwolekire obwesigwa obu ahali Shauli Mukama wanyu, mukamuziika. 6Omukama abagilire ekisha n'amazima. Orwo mukozire mutyo nanye ndabakolerage. 7Aha rw'ekyo mube manzi mumanzare; kuba Shauli Omukama wanyu afire, kandi ab'oruganda rwa Yuda bankozire amajuta kuba Mukama wabo.”
Ishibosheti Omukama wa Isiraeli
8Abuneri eya Neri, omukuru w'eihe lya Shauli, hakaba yakwete Ishibosheti mutabani wa Shauli yamutwete Mahanaimu; 9yamutendekire kuba Mukama wa Gileadi, n'Abaashuri, na Yezireeli, n'oruganda rwa Efuraimu, n'orwa Benjamini na Isiraeli yona. 10Ishibosheti mutabani wa Shauli akatwara Isiraeli aina emyaka 40. Akatwara emyaka ebili. Oruganda rwa Yuda rwagwera owa Daudi. 11Daudi akatwara oruganda rwa Yuda emyaka mushanju n'emyezi mukaga ayemire Heburoni.
Endashana ya Isiraeli na Yuda
12Abuneri eya Neri, n'abashaija ba Ishibosheti mutabani wa Shauli, baruga Mahanaimu bagya Gibeoni. 13Yoabu eya Zeruya n'abashaija ba Daudi, batabara babatanganwa aha Rutunga rwa Gibeoni; bashuntama ahansi, abamoi rubaju oru rw'orutunga n'abandi aha rubaju orundi. 14Aho Abuneri agambira Yoabu ati, “Abasigazi baije batuzanire, bazanise ebikwato by'endashana.” Yoabu agamba ati, “Baimuke.” 15Baimuka babarwamu 12 ab'oruganda rwa Benjamini na Ishibosheti eya Shauli, 12 abandi babarwa ab'omu bashaija ba Daudi. 16Buli omoi akwata omubishawe omutwe ashuba amuchumisa embanda omu rubaju. Kityo bombili bagwa hamoi ahansi. Nikwo omwanya ogwo kugweta Halikatihazurimu, guli Gibeoni.
17Kir'ekyo endashana ekura muno. Abuneri n'Abaisiraeli baterwa abashaija ba Daudi. 18Batabani ba Zeruya bonshatu, Yoabu, Abishai na Asaheli bakaba baliho. Asaheli hakaba ali mwangu omu maguru nk'engabi. 19Abinga Abuneri obutahindukira bulyo anga bumosho, amubinga obutamutaishukaho. 20Abuneri kayahindukire enyuma abaza ati, “Asaheli niwe?” Asaheli ati, “N'inye.” 21Abuneri amugambira ati, “Olekere kumbinga. Ihaho omwisherukare omoi obe niwe obinga okamwaka ebikwatobye.” Kyonkai Asaheli tiyamurugireho. 22Abuneri ashuba amugambira ati, “Oshubeyo otampondera, kanakukutera okagwa ahansi, oziraki? Nakuboneka ntai omu maisho ga murumuna wawe Yoabu?” 23Asaheli ayanga kugaruka. Nikwo Abuneri kumuchumisa omuhunda gw'eichumulye omw'ibunda, gumuturukira omu mugongo, ayetura ahansi aferaho. Kaishe muntu ayagobaga aho ayemelera.
24Yoabu na Abishai babinga Abuneri. Eizoba kalyabaire nilitobera bagoba aha kabanga ka Amma omu maisho ga Gia aha muhanda gw'Eibanga lya Gibeoni. 25Ababenjamini bahikana bagya rubaju orwa Abuneri, baba nteko emoi, bemelera aha kabanga eiguru. 26Aho Abuneri ayeta Yoabu agamba ati, “Twikare turwaine? Tolikumanya okwo hararugwamu enaku zibi? Tolikutaisa bantu bawe kubinga barumuna babo?” 27Yoabu agamba ati, “Obuso bwa Ruhanga, kawakuba otagamba mazima abantu bawe bakubingire barumuna babo obwire bukya.” 28Aho Yoabu atera enzamba abantu bona bemelera; bakaba batakibinga Baisiraeli rundi anga kushuba kurwana.
29Abuneri n'abashaijabe bagenda omu kiro ekyo kyona, baraba Araba, bashabuka Yorudani, baraba Bitironi bagoba Mahanaimu. 30Yoabu aruga kubinga Abuneri; kayabaire yahikanisize abantu bona, haburaho abairu ba Daudi ikumi na mwenda, otatairemu Asaheli. 31Abairu ba Daudi bakaita Ababenjamini bikumi bishatu mwo nkaga, nibo babaire bali ba Abuneri. 32Batwara Asaheli bamuziika Betelehemu omu nziiko ya ishe. Yoabu n'abashaijabe batambuka ekiro kyona, bubakeraho omuli Heburoni.
Currently Selected:
2 Samweli 2: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
2 Samweli 2
2
Daudi naba Mukama wa Yuda
1Ebyo kabyahoire, Daudi abaza Omukama ati, “Ngye omu kigo kimoiho omu bigo bya Yuda.” Omukama amuhorora ati, “Ogende.” Daudi abaza ati, “Ngye omuli kihai?” Omukama ati, “Heburoni.” 2Aho Daudi agya Heburoni, agenda na bakazibe bombili, Ahinoamu owa Yezireeli na Abigaili entumbwakazi ya Nabali owa Karimeli. 3Daudi abashaijabe abo yabaire ainabo abatwara buli omoi n'ekaye, batura omu bigo bya Heburoni. 4Ahanyuma ab'oruganda rwa Yuda baija bakolerayo Daudi amajuta kuba Mukama w'oruganda rwa Yuda.
Orwo bagambire Daudi bati, “Abantu ba Yabeshigileadi nibo baziikire Shauli,” 5abatumaho entumwa abaragiraho ati, “Omukama abatunge omugisha aha rw'okuba mwolekire obwesigwa obu ahali Shauli Mukama wanyu, mukamuziika. 6Omukama abagilire ekisha n'amazima. Orwo mukozire mutyo nanye ndabakolerage. 7Aha rw'ekyo mube manzi mumanzare; kuba Shauli Omukama wanyu afire, kandi ab'oruganda rwa Yuda bankozire amajuta kuba Mukama wabo.”
Ishibosheti Omukama wa Isiraeli
8Abuneri eya Neri, omukuru w'eihe lya Shauli, hakaba yakwete Ishibosheti mutabani wa Shauli yamutwete Mahanaimu; 9yamutendekire kuba Mukama wa Gileadi, n'Abaashuri, na Yezireeli, n'oruganda rwa Efuraimu, n'orwa Benjamini na Isiraeli yona. 10Ishibosheti mutabani wa Shauli akatwara Isiraeli aina emyaka 40. Akatwara emyaka ebili. Oruganda rwa Yuda rwagwera owa Daudi. 11Daudi akatwara oruganda rwa Yuda emyaka mushanju n'emyezi mukaga ayemire Heburoni.
Endashana ya Isiraeli na Yuda
12Abuneri eya Neri, n'abashaija ba Ishibosheti mutabani wa Shauli, baruga Mahanaimu bagya Gibeoni. 13Yoabu eya Zeruya n'abashaija ba Daudi, batabara babatanganwa aha Rutunga rwa Gibeoni; bashuntama ahansi, abamoi rubaju oru rw'orutunga n'abandi aha rubaju orundi. 14Aho Abuneri agambira Yoabu ati, “Abasigazi baije batuzanire, bazanise ebikwato by'endashana.” Yoabu agamba ati, “Baimuke.” 15Baimuka babarwamu 12 ab'oruganda rwa Benjamini na Ishibosheti eya Shauli, 12 abandi babarwa ab'omu bashaija ba Daudi. 16Buli omoi akwata omubishawe omutwe ashuba amuchumisa embanda omu rubaju. Kityo bombili bagwa hamoi ahansi. Nikwo omwanya ogwo kugweta Halikatihazurimu, guli Gibeoni.
17Kir'ekyo endashana ekura muno. Abuneri n'Abaisiraeli baterwa abashaija ba Daudi. 18Batabani ba Zeruya bonshatu, Yoabu, Abishai na Asaheli bakaba baliho. Asaheli hakaba ali mwangu omu maguru nk'engabi. 19Abinga Abuneri obutahindukira bulyo anga bumosho, amubinga obutamutaishukaho. 20Abuneri kayahindukire enyuma abaza ati, “Asaheli niwe?” Asaheli ati, “N'inye.” 21Abuneri amugambira ati, “Olekere kumbinga. Ihaho omwisherukare omoi obe niwe obinga okamwaka ebikwatobye.” Kyonkai Asaheli tiyamurugireho. 22Abuneri ashuba amugambira ati, “Oshubeyo otampondera, kanakukutera okagwa ahansi, oziraki? Nakuboneka ntai omu maisho ga murumuna wawe Yoabu?” 23Asaheli ayanga kugaruka. Nikwo Abuneri kumuchumisa omuhunda gw'eichumulye omw'ibunda, gumuturukira omu mugongo, ayetura ahansi aferaho. Kaishe muntu ayagobaga aho ayemelera.
24Yoabu na Abishai babinga Abuneri. Eizoba kalyabaire nilitobera bagoba aha kabanga ka Amma omu maisho ga Gia aha muhanda gw'Eibanga lya Gibeoni. 25Ababenjamini bahikana bagya rubaju orwa Abuneri, baba nteko emoi, bemelera aha kabanga eiguru. 26Aho Abuneri ayeta Yoabu agamba ati, “Twikare turwaine? Tolikumanya okwo hararugwamu enaku zibi? Tolikutaisa bantu bawe kubinga barumuna babo?” 27Yoabu agamba ati, “Obuso bwa Ruhanga, kawakuba otagamba mazima abantu bawe bakubingire barumuna babo obwire bukya.” 28Aho Yoabu atera enzamba abantu bona bemelera; bakaba batakibinga Baisiraeli rundi anga kushuba kurwana.
29Abuneri n'abashaijabe bagenda omu kiro ekyo kyona, baraba Araba, bashabuka Yorudani, baraba Bitironi bagoba Mahanaimu. 30Yoabu aruga kubinga Abuneri; kayabaire yahikanisize abantu bona, haburaho abairu ba Daudi ikumi na mwenda, otatairemu Asaheli. 31Abairu ba Daudi bakaita Ababenjamini bikumi bishatu mwo nkaga, nibo babaire bali ba Abuneri. 32Batwara Asaheli bamuziika Betelehemu omu nziiko ya ishe. Yoabu n'abashaijabe batambuka ekiro kyona, bubakeraho omuli Heburoni.
Ruhaya DC Bible © Bible Society of Tanzania, 2001.