1 Samweli 8
8
Abaisiraeli nibenda omukama
1Samweli kayagurusire yataho abatabani kuramura Isiraeli. 2Eibara ly'omutabani omuzigaijo ni Yoeli, n'ely'owa kabili ni Abiya. Baramuliraga Beerisheba. 3Kyonkai tibamurondoire. Bakagonza eby'amajwagu balya rushwa, baitira abantu amazima.
4Ahanyuma abagurusi bona ba Isiraeli bema hamoi baija Rama owa Samweli; 5bamugambira bati, “Iwe wagurusha, kandi batabani bawe tibalikukurondora. Ahonu otutereho omukama atutware nk'amahanga gona okwo gaina abakama.” 6Kyonkai ekigambo ekyo kitama Samweli orwo bagambire bati, “Otuhe omukama atutware.” Ashaba Omukama. 7Omukama amugambira ati, “Byona eby'abantu barakugambira obahulilize, kuba tibalikushenga iwe, nibashenga inye ntaba Mukama nkabatwara. 8Nibakugira okwo batura nibangira kwema kiro ekyo nabaihya Misiri na mwaha. Bakansigaho bafukamira baruhanga abandi. 9Ahonu obahulire ebyo balikukugambira; kyonkai obatatire akaature, mara obashoborore okwo omukama ogwo arabatwaza.”
10Aho Samweli agambira abantu ababaire nibamushaba Omukama byona eby'Omukama yamugambiire. 11Agamba ati, “Egi niyo eraba ntwaza y'Omukama alibatwara: Batabani banyu alibakwasa amagalige, abandi abahindure baisherukale ab'efarasi, abandi abahindure baisherukale ab'amaguru, bagende bebembeire amagalige. 12Kandi alitaho abakuru b'enkumi, n'abakuru b'amakumi gatanu. Bhalimulimira n'okumugeshera ebilimirwe, bamuheshere ebikwato by'endashana n'eby'amagalige. 13Alinyaga bahara banyu bagye kumukolera amajuta galikunukage, abachumbise n'emikate. 14Alitwara amataka ganyu n'endimiro z'emizabibu n'emizeituni ezirungi muno, azitunge abaramatabe. 15Alibashoza ekichweka kya ikumi ky'amagesha aganyu n'edivai abihe abakobe ba wenene n'abaramatabe. 16Alibanyaga abairu n'abazana banyu, n'ente zanyu ezirungi muno, n'endogobe zanyu kugya kumukolera. 17Alibanyaga entaama emoi omw'ikumi n'embuzi kwakwo, kandi nainywe muliba bairube. 18Omu bir'ebyo omukama owo muliba mwerondeire alibachuza, mara Omukama talibahorora.”
19Abantu banga kuhulira ebyo Samweli yabagambiire, bagira bati, “Chei, omukama aratutwara, 20naichwe tushushane amahanga gona; omukama waitu atutware, atwebembere omu ndashana aturashanire.” 21Samweli kayahuliire eby'abantu bagambire, yabishubiramu Omukama. 22Omukama amugambira ati, “Ebyo balikukugambira obihulire, mara obatereho omukama.” Aho Samweli agambira Abaisiraeli ati, “Abantu inywena mugaruke omu bigo byanyu.”
Currently Selected:
1 Samweli 8: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
1 Samweli 8
8
Abaisiraeli nibenda omukama
1Samweli kayagurusire yataho abatabani kuramura Isiraeli. 2Eibara ly'omutabani omuzigaijo ni Yoeli, n'ely'owa kabili ni Abiya. Baramuliraga Beerisheba. 3Kyonkai tibamurondoire. Bakagonza eby'amajwagu balya rushwa, baitira abantu amazima.
4Ahanyuma abagurusi bona ba Isiraeli bema hamoi baija Rama owa Samweli; 5bamugambira bati, “Iwe wagurusha, kandi batabani bawe tibalikukurondora. Ahonu otutereho omukama atutware nk'amahanga gona okwo gaina abakama.” 6Kyonkai ekigambo ekyo kitama Samweli orwo bagambire bati, “Otuhe omukama atutware.” Ashaba Omukama. 7Omukama amugambira ati, “Byona eby'abantu barakugambira obahulilize, kuba tibalikushenga iwe, nibashenga inye ntaba Mukama nkabatwara. 8Nibakugira okwo batura nibangira kwema kiro ekyo nabaihya Misiri na mwaha. Bakansigaho bafukamira baruhanga abandi. 9Ahonu obahulire ebyo balikukugambira; kyonkai obatatire akaature, mara obashoborore okwo omukama ogwo arabatwaza.”
10Aho Samweli agambira abantu ababaire nibamushaba Omukama byona eby'Omukama yamugambiire. 11Agamba ati, “Egi niyo eraba ntwaza y'Omukama alibatwara: Batabani banyu alibakwasa amagalige, abandi abahindure baisherukale ab'efarasi, abandi abahindure baisherukale ab'amaguru, bagende bebembeire amagalige. 12Kandi alitaho abakuru b'enkumi, n'abakuru b'amakumi gatanu. Bhalimulimira n'okumugeshera ebilimirwe, bamuheshere ebikwato by'endashana n'eby'amagalige. 13Alinyaga bahara banyu bagye kumukolera amajuta galikunukage, abachumbise n'emikate. 14Alitwara amataka ganyu n'endimiro z'emizabibu n'emizeituni ezirungi muno, azitunge abaramatabe. 15Alibashoza ekichweka kya ikumi ky'amagesha aganyu n'edivai abihe abakobe ba wenene n'abaramatabe. 16Alibanyaga abairu n'abazana banyu, n'ente zanyu ezirungi muno, n'endogobe zanyu kugya kumukolera. 17Alibanyaga entaama emoi omw'ikumi n'embuzi kwakwo, kandi nainywe muliba bairube. 18Omu bir'ebyo omukama owo muliba mwerondeire alibachuza, mara Omukama talibahorora.”
19Abantu banga kuhulira ebyo Samweli yabagambiire, bagira bati, “Chei, omukama aratutwara, 20naichwe tushushane amahanga gona; omukama waitu atutware, atwebembere omu ndashana aturashanire.” 21Samweli kayahuliire eby'abantu bagambire, yabishubiramu Omukama. 22Omukama amugambira ati, “Ebyo balikukugambira obihulire, mara obatereho omukama.” Aho Samweli agambira Abaisiraeli ati, “Abantu inywena mugaruke omu bigo byanyu.”
Ruhaya DC Bible © Bible Society of Tanzania, 2001.