1 Samweli 2
2
Hana nasingiza Omukama
1Hana ashaba Omukama ati,
“Omutima gwange nigushemelerwa Omukama;
Omukama antungire amani gangi.
Ababisha bange nimbashekelera,
kuba ninshemelerwa, andokoire.
2Omutakatifu nk'Omukama tabayo,
enshonga thaliyo ondijo shana iwe,
Rwazi nka Ruhanga waitu tabayo.
3Lekera kugambisa eikuru lihango lityo,
okweshaijaza kuhage omu kanwa kawe.
Kuba Ruhanga niwe Mukama w'amagezi,
niwe aramura eby'abantu bakora.
4Amata g'emanzi gahendahendekire,
kandi abajege nibo baina amani.
5Ababaire baigusire nibakolera ekyakulya,
kyonkai ababaire bali bajara, tibakirumwa njara.
Omugumba azaire mushanju,
kandi ayazaire bangi alebeire.
6Omukama aita mara ahimbura,
atwara omuntu Sheoli ashuba amwihyayo.
7Omukama anakwaza mara agaigaza,
atera aha mutwe mara akuza.
8Aihya omworo omw'itaka,
aimukya omukene amwihya omu ntumiro y'eijwi.
Abashuntamya n'abarangira
n'okubasikisa entebe y'ekitinwa.
Emisingi y'ensi eba y'Omukama,
aha misingi egyo niho yataire ensi.
9Abesigwabe alibalinda;
nawe ababi balibulira omu mwilima;
kuba omuntu talisingisa mani.
10Ababisha b'Omukama balichebacheburwa,
alibasharukiraho nk'enkuba ayemire omw'iguru.
Omukama niwe aliramura ensi zona,
alitunga omukamawe amani,
enkorwa majutaye agihe obushobora.”
11Ahanyuma Elikana agya Rama omuka. Kandi omwana akolera Omukama omu mikono ya Eli omukuhani.
Batabani ba Eli
12Batabani ba Eli babaga njanga, batalikumanya Mukama. 13Omuchwo gw'abakuhani aha bantu gwabaga guti: Omuntu kayatambaga ekitambo, omwiru w'omukuhani yakwizire enyama ekyatogota, akwete euma y'amaino gashatu, 14achumita omu sefuria nga omu kirika, anga omu ntango anga omu nyungu. Ekyo euma yaimukyagamu, omukuhani akitwara. Nikwo bagiraga batyo Abaisiraeli abagyagayo. 15Okushagaho kababaga batakokize bishaju, omwiru w'omukuhani yaijaga agambira omuntu alikutamba ekitambo ati, “Mpa enyama y'omukuhani ey'okwokya. Omuhe embisi otamuha echumbirwe.” 16K'omuntu ogwo yakumugambire ati, “Kababanze bokye ebishaju oije otware ey'orayenda,” yakugambire ati, “Chei, ogimpe mbwenu aha k'orayanga ndagitwara rwamani.” 17Nikwo batabani ba Eli bafakaliire batyo Omukama, bakajangura ekihongokye.
Samweli omuli Shilo
18Samweli akabanza kukolera Omukama ali mwana muto; yayekomaga efodi elikwera. 19Buli mwaka nyina yamushoneraga akakanzu akamutwalira, orwo yagendaga na iba kutamba ekitambo kya buli mwaka. 20Eli y'ahaga Elikana na mukaziwe omugisha, nagamba ati, “Omukama akusingire, omukazi ogu akuzalire abana abandi bakwate omwanya gw'ogwo owo wamuhongeire.” Aho bashuba omuka.
21Omukama asingira Hana atwara enda, azara abana b'abojo abandi bashatu n'abaisiki babili. Omwana Samweli akura nakolera Omukama.
Eli nahana abatabani
22Mbwenu aho Eli akura muno. Eby'abatabani bakoraga Abaisiraeli yabihuliraga byona, ahulira n'okwo babyamaga n'abakazi abakoraga aha kishasi ky'Eihema ly'Omuterano. 23Ababaza ati, “Kubaki nimukora mutyo? Ebintu ebi ebyo ndikuhulira omu bantu bibi. 24Chei, bana bange, amakuru ago ndikuhulira abantu b'Omukama nibaranza ti garungi. 25Omuntu k'afakalira ondijo, Ruhanga amuramura; kyonkai k'afakalira Omukama, ayakumutonganira n'ohai?” Nawe banga kuhulira ebyo ishebo alikubagambira, kuba Omukama akaba yayenzire kubaita.
26Omwana Samweli agendelera kukura, nashemelera Omukama n'abantu.
Ekibonabonyio kya Eli n'abatabani nikirangwa
27Omushaija wa Ruhanga aija ahali Eli, amugambira ati, “Omukama yagamba ati, ‘Orwo bashwenkuru, Aroni n'ekaye babaire bali bairu ba Farao nkabemanyisa. 28Aroni nkamuronda omu nganda za Isiraeli kuba mukuhani wange, agye aha ealutare yange kwoteza obunuma, ajware n'efodi kundaguraho. N'ebihongo byange byona eby'okwokibwa ebigirwa Abaisiraeli nkabiha bashwenkuru abo. 29Mbwenu kubaki nimururukira ebitambo n'ebihongo ebyo naragiire kumpongera, okakunira abana bawe kushaga inye? Ebihongo by'Abaisiraeli abantu bange nimubihyaho enyama ezirungi muno nimulya nimubwejegera?’ 30Nikyo Omukama Ruhanga wa Isiraeli alikugambira ati, ‘Ky'amazima nkaba ngambire okwo oruzaro rwawe n'oruganda rwawe nibo balinkolera ebiro byona.’ Kyonkai mbwenu Omukama nagamba ati, ‘Ekyo nikikabure, abalikumpa ekitinwa nibo ndiha ekitinwa, kandi abalikungaya nabo ndibagaya. 31Ebiro ebilija orwo ndiita abasigazi omu ruzaro rwawe, n'omu ruganda rwawe talibamu muntu wa kukura kugurusha. 32Ahanyuma olibona enaku, ochubire n'Abaisiraeli abandi aha rw'emigisha eyo ndibaha. Mara ebiro byona omu ruzaro rwawe talibamu mugurusi. 33Kyonkai ndihyamu mwijukuru wawe omoi arore, abe mukuhani ankolere. Kyonkai aliba mpume mara ayenanukwe limoilimoi, kandi baijukuru bawe abandi baligwa aha mbanda. 34Orwo batabani bawe bombili Hofuni na Finehasi barafa kiro kimoi, ekyo nikyo kirakumanyisa okwo ebyo nagamba bilibakwo. 35Kandi ndironda omukuhani aliba mwesigwa ahali inye, ogwo niwe alikora ebyo ndikwenda. Ndimuha abaijukuru bakolere enkorwa majuta yange ebiro byona.’ 36Omuli baijukuru bawe abhalihonoka halirugwamu ow'okumwinamira namushaba akahera n'ekyakulya ati, ‘Waitu bampe akalimo mpwere abakuhani omu myoga yabo, nirwo ndabona ak'okulya.’ ”
Currently Selected:
1 Samweli 2: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
1 Samweli 2
2
Hana nasingiza Omukama
1Hana ashaba Omukama ati,
“Omutima gwange nigushemelerwa Omukama;
Omukama antungire amani gangi.
Ababisha bange nimbashekelera,
kuba ninshemelerwa, andokoire.
2Omutakatifu nk'Omukama tabayo,
enshonga thaliyo ondijo shana iwe,
Rwazi nka Ruhanga waitu tabayo.
3Lekera kugambisa eikuru lihango lityo,
okweshaijaza kuhage omu kanwa kawe.
Kuba Ruhanga niwe Mukama w'amagezi,
niwe aramura eby'abantu bakora.
4Amata g'emanzi gahendahendekire,
kandi abajege nibo baina amani.
5Ababaire baigusire nibakolera ekyakulya,
kyonkai ababaire bali bajara, tibakirumwa njara.
Omugumba azaire mushanju,
kandi ayazaire bangi alebeire.
6Omukama aita mara ahimbura,
atwara omuntu Sheoli ashuba amwihyayo.
7Omukama anakwaza mara agaigaza,
atera aha mutwe mara akuza.
8Aihya omworo omw'itaka,
aimukya omukene amwihya omu ntumiro y'eijwi.
Abashuntamya n'abarangira
n'okubasikisa entebe y'ekitinwa.
Emisingi y'ensi eba y'Omukama,
aha misingi egyo niho yataire ensi.
9Abesigwabe alibalinda;
nawe ababi balibulira omu mwilima;
kuba omuntu talisingisa mani.
10Ababisha b'Omukama balichebacheburwa,
alibasharukiraho nk'enkuba ayemire omw'iguru.
Omukama niwe aliramura ensi zona,
alitunga omukamawe amani,
enkorwa majutaye agihe obushobora.”
11Ahanyuma Elikana agya Rama omuka. Kandi omwana akolera Omukama omu mikono ya Eli omukuhani.
Batabani ba Eli
12Batabani ba Eli babaga njanga, batalikumanya Mukama. 13Omuchwo gw'abakuhani aha bantu gwabaga guti: Omuntu kayatambaga ekitambo, omwiru w'omukuhani yakwizire enyama ekyatogota, akwete euma y'amaino gashatu, 14achumita omu sefuria nga omu kirika, anga omu ntango anga omu nyungu. Ekyo euma yaimukyagamu, omukuhani akitwara. Nikwo bagiraga batyo Abaisiraeli abagyagayo. 15Okushagaho kababaga batakokize bishaju, omwiru w'omukuhani yaijaga agambira omuntu alikutamba ekitambo ati, “Mpa enyama y'omukuhani ey'okwokya. Omuhe embisi otamuha echumbirwe.” 16K'omuntu ogwo yakumugambire ati, “Kababanze bokye ebishaju oije otware ey'orayenda,” yakugambire ati, “Chei, ogimpe mbwenu aha k'orayanga ndagitwara rwamani.” 17Nikwo batabani ba Eli bafakaliire batyo Omukama, bakajangura ekihongokye.
Samweli omuli Shilo
18Samweli akabanza kukolera Omukama ali mwana muto; yayekomaga efodi elikwera. 19Buli mwaka nyina yamushoneraga akakanzu akamutwalira, orwo yagendaga na iba kutamba ekitambo kya buli mwaka. 20Eli y'ahaga Elikana na mukaziwe omugisha, nagamba ati, “Omukama akusingire, omukazi ogu akuzalire abana abandi bakwate omwanya gw'ogwo owo wamuhongeire.” Aho bashuba omuka.
21Omukama asingira Hana atwara enda, azara abana b'abojo abandi bashatu n'abaisiki babili. Omwana Samweli akura nakolera Omukama.
Eli nahana abatabani
22Mbwenu aho Eli akura muno. Eby'abatabani bakoraga Abaisiraeli yabihuliraga byona, ahulira n'okwo babyamaga n'abakazi abakoraga aha kishasi ky'Eihema ly'Omuterano. 23Ababaza ati, “Kubaki nimukora mutyo? Ebintu ebi ebyo ndikuhulira omu bantu bibi. 24Chei, bana bange, amakuru ago ndikuhulira abantu b'Omukama nibaranza ti garungi. 25Omuntu k'afakalira ondijo, Ruhanga amuramura; kyonkai k'afakalira Omukama, ayakumutonganira n'ohai?” Nawe banga kuhulira ebyo ishebo alikubagambira, kuba Omukama akaba yayenzire kubaita.
26Omwana Samweli agendelera kukura, nashemelera Omukama n'abantu.
Ekibonabonyio kya Eli n'abatabani nikirangwa
27Omushaija wa Ruhanga aija ahali Eli, amugambira ati, “Omukama yagamba ati, ‘Orwo bashwenkuru, Aroni n'ekaye babaire bali bairu ba Farao nkabemanyisa. 28Aroni nkamuronda omu nganda za Isiraeli kuba mukuhani wange, agye aha ealutare yange kwoteza obunuma, ajware n'efodi kundaguraho. N'ebihongo byange byona eby'okwokibwa ebigirwa Abaisiraeli nkabiha bashwenkuru abo. 29Mbwenu kubaki nimururukira ebitambo n'ebihongo ebyo naragiire kumpongera, okakunira abana bawe kushaga inye? Ebihongo by'Abaisiraeli abantu bange nimubihyaho enyama ezirungi muno nimulya nimubwejegera?’ 30Nikyo Omukama Ruhanga wa Isiraeli alikugambira ati, ‘Ky'amazima nkaba ngambire okwo oruzaro rwawe n'oruganda rwawe nibo balinkolera ebiro byona.’ Kyonkai mbwenu Omukama nagamba ati, ‘Ekyo nikikabure, abalikumpa ekitinwa nibo ndiha ekitinwa, kandi abalikungaya nabo ndibagaya. 31Ebiro ebilija orwo ndiita abasigazi omu ruzaro rwawe, n'omu ruganda rwawe talibamu muntu wa kukura kugurusha. 32Ahanyuma olibona enaku, ochubire n'Abaisiraeli abandi aha rw'emigisha eyo ndibaha. Mara ebiro byona omu ruzaro rwawe talibamu mugurusi. 33Kyonkai ndihyamu mwijukuru wawe omoi arore, abe mukuhani ankolere. Kyonkai aliba mpume mara ayenanukwe limoilimoi, kandi baijukuru bawe abandi baligwa aha mbanda. 34Orwo batabani bawe bombili Hofuni na Finehasi barafa kiro kimoi, ekyo nikyo kirakumanyisa okwo ebyo nagamba bilibakwo. 35Kandi ndironda omukuhani aliba mwesigwa ahali inye, ogwo niwe alikora ebyo ndikwenda. Ndimuha abaijukuru bakolere enkorwa majuta yange ebiro byona.’ 36Omuli baijukuru bawe abhalihonoka halirugwamu ow'okumwinamira namushaba akahera n'ekyakulya ati, ‘Waitu bampe akalimo mpwere abakuhani omu myoga yabo, nirwo ndabona ak'okulya.’ ”
Ruhaya DC Bible © Bible Society of Tanzania, 2001.