1 Samweli 12
12
Samweli nakwasa Shauli obukama
1Samweli agambira Abaisiraeli ati, “Ebyo mungambire byona mbihuliire, nabateraho omukama. 2Mbwenu leba omukama abebembeire. Inye nagurusire, n'orujwi rwasindikire orundi, na batabani bange bali hamoi nainywe. Mbebembeire kwema omu busigazi bwange kuhika kir'eki. 3Ndi aha, munkomeeke omu maisho g'Omukama n'omu maisho g'enkorwa majutaye. Ndatwete ente y'ohai? Anga ndatwete endogobe y'ohai? Ndabonesize ohai enaku? Anga ndayendize ohai rushwa ey'okunyigaza amaisho? Munkomeeke mbalihire.” 4Bagamba bati, “Tiwatugobeize anga kutushasa anga kwenza muntu rushwa yona yona.” 5Abagambira ati, “Omukama niwe mujulizi ahali inywe n'enkorwa majutaye, niwe mujulizi kir'eki, okwo mutanshanga na kantu.” Bagamba bati, “Omukama niwe kaishemboni.”
6Samweli agambira abantu ati, “Omukama ayataireho Musa na Aroni, ayaihire baisheinywe Misiri, niwe kaishemboni. 7Mbwenu aha rw'ekyo mugume, nyije mbatelere omushango aha Mukama, nshubemu byona eby'Omukama yagiliire baisheinywe na inywe kubachungura. 8Orwo Yakobo yagiire Misiri, Abamisiri bakabashasa, aho baisheinywe batakira Omukama, yatuma Musa na Aroni babaihya Misiri, babagobya omu nsi egi baba nimwo batura. 9Kyonkai bakebwa Omukama Ruhanga wabo, aho yabanaga omu mikono ya Sisera, omukuru w'eihe lya Yabini omukama wa Hazori, n'omu mikono y'Abafilisiti, n'omu mikono y'omukama wa Moabu, babatera. 10Aho batakira Omukama bati, ‘Tufakaire enshonga tukusigireho twafukamira ebishushani bya Baali n'ebya Ashitaloti. Kyonkai mbwenu otuchungure omu mikono y'ababisha baitu, turafukamira iwe.’ 11Nikwo Omukama kubatwekera Yerubaali na Baraki na Yefuta nanye, akabachungura omu mikono y'ababisha banyu, buli rubaju mwatura buhore emilembe. 12Kyonkai kamwaboine Nahashi omukama w'Abaamoni yabatabalira, mwangambira muti, ‘Chei, shana omukama abe niwe atutwara,’ kandi okwo Omukama Ruhanga wanyu niwe yabaire ali mukama wanyu. 13Mbwenu leba, yabateraho omukama owo muronzire, owo mushabire. 14Kamuratina Omukama mukamufukamira mukahulira eby'alikubaragira mutachwire mihangoye, inywe n'omukama alikubatwara kamurahondera Omukama Ruhanga wanyu, eraba mirembe. 15Kamutahuliire eby'alikubaragira mukachwa emihangoye, arababonabonyia n'omukama wanyu. 16Ahonu mugume mwije mubone ekihango eki eky'Omukama alikwija kubakolera. 17Bir'ebi ti igesha ly'engano? Kanyije ntakire Omukama ataishure enkuba n'enjura, mumanye okwo mufakaliire Omukama obufu buhango kweshabira omukama.” 18Samweli atakira Omukama, kir'ekyo atweka enkuba n'enjura, abantu bona batina muno Omukama na Samweli ogwo.
19Abantu bagambira Samweli bati, “Oshabire abairu bawe aha Mukama Ruhanga wawe, tutafa, aha rw'okuba aha ntambara zaitu twongeireho obufu obu obw'okweshabira omukama.” 20Samweli abashubamu ati, “Mutatina; entambara mugikozire. Mbwenu mutakumurugaho rundi. Mufukamire Omukama n'omutima gwanyu gwona. 21Mutakushuba kuhondera baruhanga abataina mugasho abatakubarokora. Ni baruhanga abataina mazima. 22Aha rw'eibaralye elihango Omukama tabanage, kuba nayenda kubahindura ihangalye. 23Lero aha rubaju orwange, nikikabure kulekera kubashabira; aho nakuba mufakaliire. Ndabegesa mboleke ebirungi ebyo murakora. 24Ekikuru mumutine, mara mumukolere n'obwesigwa n'omutima gwanyu gwona. Mwijuke ebihango ebyo abakoleire. 25Kamulikugendelera kufakara, nimusilika n'omukama wanyu.”
Currently Selected:
1 Samweli 12: RHAY01
Highlight
Copy
Compare
Share
Want to have your highlights saved across all your devices? Sign up or sign in
Ruhaya DC Bible © Bible Society of Tanzania, 2001.
1 Samweli 12
12
Samweli nakwasa Shauli obukama
1Samweli agambira Abaisiraeli ati, “Ebyo mungambire byona mbihuliire, nabateraho omukama. 2Mbwenu leba omukama abebembeire. Inye nagurusire, n'orujwi rwasindikire orundi, na batabani bange bali hamoi nainywe. Mbebembeire kwema omu busigazi bwange kuhika kir'eki. 3Ndi aha, munkomeeke omu maisho g'Omukama n'omu maisho g'enkorwa majutaye. Ndatwete ente y'ohai? Anga ndatwete endogobe y'ohai? Ndabonesize ohai enaku? Anga ndayendize ohai rushwa ey'okunyigaza amaisho? Munkomeeke mbalihire.” 4Bagamba bati, “Tiwatugobeize anga kutushasa anga kwenza muntu rushwa yona yona.” 5Abagambira ati, “Omukama niwe mujulizi ahali inywe n'enkorwa majutaye, niwe mujulizi kir'eki, okwo mutanshanga na kantu.” Bagamba bati, “Omukama niwe kaishemboni.”
6Samweli agambira abantu ati, “Omukama ayataireho Musa na Aroni, ayaihire baisheinywe Misiri, niwe kaishemboni. 7Mbwenu aha rw'ekyo mugume, nyije mbatelere omushango aha Mukama, nshubemu byona eby'Omukama yagiliire baisheinywe na inywe kubachungura. 8Orwo Yakobo yagiire Misiri, Abamisiri bakabashasa, aho baisheinywe batakira Omukama, yatuma Musa na Aroni babaihya Misiri, babagobya omu nsi egi baba nimwo batura. 9Kyonkai bakebwa Omukama Ruhanga wabo, aho yabanaga omu mikono ya Sisera, omukuru w'eihe lya Yabini omukama wa Hazori, n'omu mikono y'Abafilisiti, n'omu mikono y'omukama wa Moabu, babatera. 10Aho batakira Omukama bati, ‘Tufakaire enshonga tukusigireho twafukamira ebishushani bya Baali n'ebya Ashitaloti. Kyonkai mbwenu otuchungure omu mikono y'ababisha baitu, turafukamira iwe.’ 11Nikwo Omukama kubatwekera Yerubaali na Baraki na Yefuta nanye, akabachungura omu mikono y'ababisha banyu, buli rubaju mwatura buhore emilembe. 12Kyonkai kamwaboine Nahashi omukama w'Abaamoni yabatabalira, mwangambira muti, ‘Chei, shana omukama abe niwe atutwara,’ kandi okwo Omukama Ruhanga wanyu niwe yabaire ali mukama wanyu. 13Mbwenu leba, yabateraho omukama owo muronzire, owo mushabire. 14Kamuratina Omukama mukamufukamira mukahulira eby'alikubaragira mutachwire mihangoye, inywe n'omukama alikubatwara kamurahondera Omukama Ruhanga wanyu, eraba mirembe. 15Kamutahuliire eby'alikubaragira mukachwa emihangoye, arababonabonyia n'omukama wanyu. 16Ahonu mugume mwije mubone ekihango eki eky'Omukama alikwija kubakolera. 17Bir'ebi ti igesha ly'engano? Kanyije ntakire Omukama ataishure enkuba n'enjura, mumanye okwo mufakaliire Omukama obufu buhango kweshabira omukama.” 18Samweli atakira Omukama, kir'ekyo atweka enkuba n'enjura, abantu bona batina muno Omukama na Samweli ogwo.
19Abantu bagambira Samweli bati, “Oshabire abairu bawe aha Mukama Ruhanga wawe, tutafa, aha rw'okuba aha ntambara zaitu twongeireho obufu obu obw'okweshabira omukama.” 20Samweli abashubamu ati, “Mutatina; entambara mugikozire. Mbwenu mutakumurugaho rundi. Mufukamire Omukama n'omutima gwanyu gwona. 21Mutakushuba kuhondera baruhanga abataina mugasho abatakubarokora. Ni baruhanga abataina mazima. 22Aha rw'eibaralye elihango Omukama tabanage, kuba nayenda kubahindura ihangalye. 23Lero aha rubaju orwange, nikikabure kulekera kubashabira; aho nakuba mufakaliire. Ndabegesa mboleke ebirungi ebyo murakora. 24Ekikuru mumutine, mara mumukolere n'obwesigwa n'omutima gwanyu gwona. Mwijuke ebihango ebyo abakoleire. 25Kamulikugendelera kufakara, nimusilika n'omukama wanyu.”
Ruhaya DC Bible © Bible Society of Tanzania, 2001.