Hoseya 4
4
Muwaha Mulungu yakuwahosa Waisilayeli
1Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu. 2Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako. 3Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”
Muwaha Mulungu yakuwahosa wakohani
4Muwaha Mulungu yakutya, “Yunji yalece kuwahosa i wanhu hamba kuwatacila. Hambi wung'ung'ulice wangu nha wuli kuli'nye nyo wakohani. 5Vyono cilo na misi, anye mwikalaga mukuhodanga du, sunga ne wawizi nawo si wakwituma ziswanu. Nane nomongomeza u nyina yako, 'gwe, Isilayeli. 6Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu. 7Na mu nghango yono mukucila kuwa wenji, yo nghango yiyo du kanyhi, yono ucila kusutizya 'ne. Holeka nane nolipitula lilumbo lyenyu liwe cevu. 8Hambi nha mukugolipila mu wubi we wanhu wangu. Na ku soko yiyo holeka mukuwona viswanu wene wajendelele kwituma zo wubi. 9Ninga mulanjilile! Nanye motuga wulipicizwe wuwo du wono wanhu wolipicizizwa. Nomulipicizenyi ho mulipe mabi gose gono mukwituma. 10Molya lifungu lyenyu lye vilavywa, ninga hamba simokwiguta ng'o. Nanye mohemba milungu yono yina lulelo, ninga hamba simotuga wana ng'o. Ku soko vyono mwakondya kundeka 'ne, no kuyihemba milungu yinji.”
Muwaha Mulungu yakuwulemeza wuhembi we vihwani
11Muwaha Mulungu yakutya, “Divayi yose, mhya ne huma, yikuhodanga mahala ge wanhu wangu! 12Wakulomba wugubulilwe ku wulawa mu cihwani ce libici! Ne nghome yawo yo wuganga, yo yikuwalonjela zono wakuhila wene kuzimanya! Mbeka, wakondya kundeka 'ne. Wakondya kwiyilavya kuli milungu yinji, kotya mucekulu malaya. 13Wakulavya makumbiko, mucanyha ye vizuli vye matunda, kanyhi wakufusa no wuvumba mucanyha ye matunda na ha masina ge mibici mitali. Vyono mibeho yayo yikwendeza muno! Ku soko yiyo, holeka wana wenyu we cicekulu, wekaye nha malaya, ne wakwe zenyu we cicekulu nawo wakusenyha. 14Hamba nhavivyo, nane si nowongomeza i wana wenyu we cicekulu so zizo ng'o, hamba i wakwe zenyu we cicekulu, hambi nha nyenye nyo weneco mono mukujendana hamonga ne wasenyha, no kuhanga hamonga mu wulavizya vihwani makumbiko. Nha vyono mbazi yikutya, ‘Wanhu wakongomela ku soko yo wu wula kumanya kwawo.’ 15Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi. 16Wanhu wa Isilayeli wakamu, wehwanile nyumbu. Alu, nane ho nowadima nhawule nha ngholo, mwi'lolo? 17I wanhu wa Efulayimu, wasumigwe ne vihwani. Holeka lece vyajililane kuko. 18Kolo wakung'wa divayi nyinji, wakwendezwa no wusenyha wawo, nawo wendile cevu si nhe lilumbo. 19Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”
Currently Selected:
Hoseya 4: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Hoseya 4
4
Muwaha Mulungu yakuwahosa Waisilayeli
1Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu. 2Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako. 3Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”
Muwaha Mulungu yakuwahosa wakohani
4Muwaha Mulungu yakutya, “Yunji yalece kuwahosa i wanhu hamba kuwatacila. Hambi wung'ung'ulice wangu nha wuli kuli'nye nyo wakohani. 5Vyono cilo na misi, anye mwikalaga mukuhodanga du, sunga ne wawizi nawo si wakwituma ziswanu. Nane nomongomeza u nyina yako, 'gwe, Isilayeli. 6Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu. 7Na mu nghango yono mukucila kuwa wenji, yo nghango yiyo du kanyhi, yono ucila kusutizya 'ne. Holeka nane nolipitula lilumbo lyenyu liwe cevu. 8Hambi nha mukugolipila mu wubi we wanhu wangu. Na ku soko yiyo holeka mukuwona viswanu wene wajendelele kwituma zo wubi. 9Ninga mulanjilile! Nanye motuga wulipicizwe wuwo du wono wanhu wolipicizizwa. Nomulipicizenyi ho mulipe mabi gose gono mukwituma. 10Molya lifungu lyenyu lye vilavywa, ninga hamba simokwiguta ng'o. Nanye mohemba milungu yono yina lulelo, ninga hamba simotuga wana ng'o. Ku soko vyono mwakondya kundeka 'ne, no kuyihemba milungu yinji.”
Muwaha Mulungu yakuwulemeza wuhembi we vihwani
11Muwaha Mulungu yakutya, “Divayi yose, mhya ne huma, yikuhodanga mahala ge wanhu wangu! 12Wakulomba wugubulilwe ku wulawa mu cihwani ce libici! Ne nghome yawo yo wuganga, yo yikuwalonjela zono wakuhila wene kuzimanya! Mbeka, wakondya kundeka 'ne. Wakondya kwiyilavya kuli milungu yinji, kotya mucekulu malaya. 13Wakulavya makumbiko, mucanyha ye vizuli vye matunda, kanyhi wakufusa no wuvumba mucanyha ye matunda na ha masina ge mibici mitali. Vyono mibeho yayo yikwendeza muno! Ku soko yiyo, holeka wana wenyu we cicekulu, wekaye nha malaya, ne wakwe zenyu we cicekulu nawo wakusenyha. 14Hamba nhavivyo, nane si nowongomeza i wana wenyu we cicekulu so zizo ng'o, hamba i wakwe zenyu we cicekulu, hambi nha nyenye nyo weneco mono mukujendana hamonga ne wasenyha, no kuhanga hamonga mu wulavizya vihwani makumbiko. Nha vyono mbazi yikutya, ‘Wanhu wakongomela ku soko yo wu wula kumanya kwawo.’ 15Ale, sunga na nyenye nyo Waisilayeli, si muli wehuwilwa kuli'ne, ninga wanhu wa Yuda walece kunoza nhavivi. Mulece kuhemba ku Giligali hamba Betaveni, hamba kwihuwiziza kuko mwi'tagwa lyo Mulungu mumi. 16Wanhu wa Isilayeli wakamu, wehwanile nyumbu. Alu, nane ho nowadima nhawule nha ngholo, mwi'lolo? 17I wanhu wa Efulayimu, wasumigwe ne vihwani. Holeka lece vyajililane kuko. 18Kolo wakung'wa divayi nyinji, wakwendezwa no wusenyha wawo, nawo wendile cevu si nhe lilumbo. 19Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.