Hagayi 1
1
Wulajilize wo Muwaha Mulungu wo kuyizenga kanyhi Nyumba yo Mulungu
1Mu mwaka we kejete wo wutemi wa Daliyo mu Pelisiya, mwi'zuwa lilongozi lyo mwezi wo mutandatu, Muwaha Mulungu yalonga mu nzila yo muwizi Hagayi. Yamulonjele Zelubabeli mwana wa Shelitiyeli u mulongola we yisi ya Yuda, hamonga no Mukohani Muwaha Yoshuwa mwana wa Yehozadaki.
2Muwaha Mulungu we Mihanga yakamutya Hagayi, “Wanhu awa wakutya cipango aci co si cipango co kuyizenjela Nyumba yo Mulungu.” 3Muwaha Mulungu kanyhi, yakawalonjela wanhu nghani ayi muli muwizi Hagayi yakatya, 4“Nye nyo wanhu wangu, alo nhawulenyi, anye mwikaye mu zikaya zinzenje viswanu, lono Nyumba yangu yo wuhembelo yikaye mu wuhodanjice? 5Ma, si mukuziwona zono zomutujenyi.” 6Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce. 7Muwaha Mulungu we Mihanga yakutya, Alu nhawule si mukusuma kumanya, ku sokoci zizino zikwijela? 8Alu mubite mu matunda, mukateme zimbawo, muyizenje Nyumba yo Mulungu, holeka nane nokwendezwa, kanyhi ho nowa kuhembwa nha vyono nojeye kuhembwa.
9“Mwali mwitumbiye vyono motuga nhwanga mbaha, ninga yipituka yiwa ndodo. Nanye mwali mweza kugomola nhwanga yenyu mu zikaya, nane nghayipemhelusa. Na ku sokoci nghazinoza zizo? Vyono Nyumba yangu yikaye mu wuhodanjice, akuno anye mukujendelela kwipiganza mu zikaya zenyu, munhu na kaya yakwe. 10Na yiyi yo soko yono yikuleka mvula si yikutonya, hamba kusina cinji cono cikucindika. 11Nane nghayimila mvula yilece kutonya mu yisi, na mu matunda gayo, na mu migunda yo wuhemba, na mu migunda ye zabibu, na mu migunda ye mibici yono yilelaga mikalo, muli vilimwa vyose vyono yisi yilavyaga, na muli wanhu, ne zinimu, na muli vyose vyono mukuhila kuviwilusa.”
Wanhu wakulihulika lilajilizo lyo Muwaha Mulungu
12Hobaho Zelubabeli na Yoshuwa ne wanhu wose wono walawa ku wuhamywe ku Babiloni, waketuma nha vyono Muwaha Mulungu wawo yawalonjela wetume. Nawo wakamogopa no kumuhulika muwizi Hagayi, mutumwa wo Muwaha Mulungu. 13Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.” 14U Muwaha Mulungu yakaweza mitima wanhu wose wetume mulimo wo kuyizenga Nyumba yo Mulungu, Zelubabeli u mulongola we yisi ya Yuda, na Yoshuwa u Mukohani Muwaha, ne wanhu wose wono wawuya ku wulawa ku wuhamywe. Wakawa kwanza kuyizenga kanyhi Nyumba yo Muwaha Mulungu we Mihanga, u Mulungu wawo. 15Mwi'zuwa lye makumi mejete na yine, lyo mwezi wo mutandatu, wo Mwaka we kejete, wo wuteme wakwe Daliyo.
Currently Selected:
Hagayi 1: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Hagayi 1
1
Wulajilize wo Muwaha Mulungu wo kuyizenga kanyhi Nyumba yo Mulungu
1Mu mwaka we kejete wo wutemi wa Daliyo mu Pelisiya, mwi'zuwa lilongozi lyo mwezi wo mutandatu, Muwaha Mulungu yalonga mu nzila yo muwizi Hagayi. Yamulonjele Zelubabeli mwana wa Shelitiyeli u mulongola we yisi ya Yuda, hamonga no Mukohani Muwaha Yoshuwa mwana wa Yehozadaki.
2Muwaha Mulungu we Mihanga yakamutya Hagayi, “Wanhu awa wakutya cipango aci co si cipango co kuyizenjela Nyumba yo Mulungu.” 3Muwaha Mulungu kanyhi, yakawalonjela wanhu nghani ayi muli muwizi Hagayi yakatya, 4“Nye nyo wanhu wangu, alo nhawulenyi, anye mwikaye mu zikaya zinzenje viswanu, lono Nyumba yangu yo wuhembelo yikaye mu wuhodanjice? 5Ma, si mukuziwona zono zomutujenyi.” 6Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce. 7Muwaha Mulungu we Mihanga yakutya, Alu nhawule si mukusuma kumanya, ku sokoci zizino zikwijela? 8Alu mubite mu matunda, mukateme zimbawo, muyizenje Nyumba yo Mulungu, holeka nane nokwendezwa, kanyhi ho nowa kuhembwa nha vyono nojeye kuhembwa.
9“Mwali mwitumbiye vyono motuga nhwanga mbaha, ninga yipituka yiwa ndodo. Nanye mwali mweza kugomola nhwanga yenyu mu zikaya, nane nghayipemhelusa. Na ku sokoci nghazinoza zizo? Vyono Nyumba yangu yikaye mu wuhodanjice, akuno anye mukujendelela kwipiganza mu zikaya zenyu, munhu na kaya yakwe. 10Na yiyi yo soko yono yikuleka mvula si yikutonya, hamba kusina cinji cono cikucindika. 11Nane nghayimila mvula yilece kutonya mu yisi, na mu matunda gayo, na mu migunda yo wuhemba, na mu migunda ye zabibu, na mu migunda ye mibici yono yilelaga mikalo, muli vilimwa vyose vyono yisi yilavyaga, na muli wanhu, ne zinimu, na muli vyose vyono mukuhila kuviwilusa.”
Wanhu wakulihulika lilajilizo lyo Muwaha Mulungu
12Hobaho Zelubabeli na Yoshuwa ne wanhu wose wono walawa ku wuhamywe ku Babiloni, waketuma nha vyono Muwaha Mulungu wawo yawalonjela wetume. Nawo wakamogopa no kumuhulika muwizi Hagayi, mutumwa wo Muwaha Mulungu. 13Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.” 14U Muwaha Mulungu yakaweza mitima wanhu wose wetume mulimo wo kuyizenga Nyumba yo Mulungu, Zelubabeli u mulongola we yisi ya Yuda, na Yoshuwa u Mukohani Muwaha, ne wanhu wose wono wawuya ku wulawa ku wuhamywe. Wakawa kwanza kuyizenga kanyhi Nyumba yo Muwaha Mulungu we Mihanga, u Mulungu wawo. 15Mwi'zuwa lye makumi mejete na yine, lyo mwezi wo mutandatu, wo Mwaka we kejete, wo wuteme wakwe Daliyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.