Ezekiyeli 37
37
I lilolo lye mafupa gono ganyalile
1Nghaviwona vilungo vyo Muwaha Mulungu, no muhe wakwe wukanhegula kwi'lolo lyono lyali limemile mafupa. 2Yakanghoza behi nago, yakamhilimya mbavu zose. Nane nghawona, mwali mogali mafupa menji muno muno, kanyhi gose ganyalile. 3Yakanonjela yakatya, “Gwe go munhu, wule, mafupa gaga gosuma kuwumipa?”
Nane nghapitula nghatya, “Gwe go Muwaha Mulugu, agwe yo gwegwe du mono kozimanya zizo!”
4Nayo Muwaha Mulungu yakanyitya, “Ale, lu, wugawilile mafupa gago. Wugalonjele mafupa gaga gono ganyalile, gayihulicize i nghani yo Muwaha Mulungu. 5Wugalonjele nha vyono, ane no Muwaha Mulungu nghugalonjela nghutya nhavi, lanjenyi ta, ane notajila wehele muli'nye nanye mowumipa. 6Nane nomupelenyi matimba hamonga ne nyama, hanyuma nimugubicenyi ne nghuli mucanyha yayo. Nomutajilenyi wehele muli'nye, nanye mowumipa. Nanye ho momanya vyono, ane yo nene Muwaha Mulungu.”
7Ale, baho, nane nghawa kuwila nha vyono nalonjelwa. Na lono nawilaga, nghahulika lizi likulila kotya kayamba, ne mafupa gakanza kwilunza yifupa ne 'fupa liyagwe. 8Na lono nali nghali nanjile, hobaho, i mafupa gakawa kugubikwa ne matimba hamonga ne nyama, na hanyuma yayo, gakawa kugubikwa ne nghuli. Ninga hamba nhavivyo mwali mukali musina wehele mu miwili yiyo.
9U Mulungu yakanonjela yakatya, “Gwe go munhu, aluno, wuyiwililaje mbeho. Wuyilonjele mbeho, nha vyono u Muwaha Mulungu yakukutya nhavi, alu wuze ku wulawa mu zimbavu zose vyono yine, wukayehelele i miwili yiyi yono yifwiye ho yiwumipe.”
10Baho nane nghawa kuwila nha vyono nalonjelwa. No wehele wukawa kuyinjila i miwili yiyilya. Ne miwili yikawumipa, wakenuka wakema wima. Nawo wali wenji muno muno, wono wali wakwiliye kunoza lipuga yiwaha lye wasilikale wo wulugu.
11U Muwaha Mulungu yakanyitya, “Gwe go munhu, i wanhu wa Isilayeli, wehwanile ne mafupa gagano. Hambi wene nha wakutya vyono, cakondya kunyala, nalu ceza cisina witumbilo, kanyhi cafwila lukulu! 12Holeka wuwawililaje i wanhu wangu wa Isilayeli, wuwalonjele nha vyono, ane no Muwaha Mulungu, novidigula vitenjelo vyawo, niwawuse mumo mu vitenjelo, niwategule sunga ko ku yisi ya Isilayeli. 13Nane kolo nakondya kuvidigula vitenjelo, mono i wanhu wazicigwe, no kuwalavyaniza kunze, nawo baho ho womanyila vyono, ane yo nene Muwaha Mulungu. 14Nane notajila wehele muli wene, niwomifye, niwalece wekale mu yisi yawo. Nawo ho womanya vyono, ane yo nene Muwaha Mulungu. Nihuwiza nha vyono nozituma zizi. Na mbeka nozituma. Vyo nghutya ane no Muwaha Mulungu.”
Yuda na Isilayeli mu wutemi wumonga
15U Muwaha Mulungu yakanonjela kanyhi yakatya nhavi, 16“Gwe go munhu, wusole cibici cimonga, wucandice mucanyha yayo zinghani azino, ‘U wutemi wa Yuda.’ Na hanyuma kanyhi wusole cibici cinji, naco wucandice mucanyha yayo zinghani azino, ‘U wutemi wa Isilayeli.’ 17Hanyuma wuvisole vibici vivyo vyose vyono vyejete, wuvihanze, wuvibate hamonga ku sonje yavyo, vijele nha kotya cibici cimonga. 18Na kolo i wanhu wako wakukuwuza wakusaka wamanye nhunizo yayo nyhici. 19Wuwalonjele nha vyono, ane no Muwaha Mulungu, nocisola cibici cono candicigwe Isilayeli, nicihanze hamonga ne cibici ciyagwe cono candicigwe Yuda. Nane novinoza viwe cibici cimonga nicibate mu muwoko wangu.
20“Holeka luno, wuvibataje vibici vivyo vyejete mu muwoko wako, i wanhu wakuwone vyono wuvibate. 21Hanyuma wuwalonjele nha vyono, ane no Muwaha Mulungu, nowakonghola wanhu wangu mu wulawa mu makungugo gose kono weyagaliye. Nowakonghola niwawice hamonga, niwagomole sunga ko ku yisi yawo. 22Nane nowalunza wose wawe nghungugo monga du mu'si, mu matunda ga Isilayeli. Nawo wolowa na mutemi yumonga, mono kowatema wanhu wose hamonga. Nawo hamba si wolokwigawa kanyhi wawe makungugo mejete, hamba wutemi wejete. 23Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo. 24No mutemi mono yehwanile Dawudi u mwitumami wangu, yuyo yo kolowa mutemi wawo. Nawo wose wolowa wali hamonga hasi yo mutemi monga. Kanyhi wogebata ne malajilizo gangu ko wihuwilwa.
25“Nawo wolokwikala mu yisi yono namupela mwitumami wangu Yakobo, i yisi yono wekalaga walezi wawo. Nawo wolokwikala mu yisi yiyo cibitilila, wene ne wana wawo, hamonga ne wana we wana wawo. No mutemi mono yehwanile u mwitumami wangu Dawudi, yuyo yo kolotema muli wene cibitilila. 26Nane nolonoza cilagane co mulamu hamonga nawo, cowa cilagane ce cibitilila. Nowatandaza no kuwonjeleza wonjelezece wawe wenji. Noloyiwika ne Nyumba yangu mu yisi yawo, nayo yolokwikala mumo cibitilila. 27Nane nolokwikala baho hamonga nawo, Ane nolowa Mulungu wawo, nawo wolowa wanhu wangu. 28Nane kolo nakondya kuyiwika Nyumba yangu yikale muli wene cibitilila, hobaho i makungugo ho golomanyila vyono, yo nene Muwaha Mulungu, mono niwahaguye i wanhu wa Isilayeli, wawe wanhu wangu.”
Currently Selected:
Ezekiyeli 37: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
Ezekiyeli 37
37
I lilolo lye mafupa gono ganyalile
1Nghaviwona vilungo vyo Muwaha Mulungu, no muhe wakwe wukanhegula kwi'lolo lyono lyali limemile mafupa. 2Yakanghoza behi nago, yakamhilimya mbavu zose. Nane nghawona, mwali mogali mafupa menji muno muno, kanyhi gose ganyalile. 3Yakanonjela yakatya, “Gwe go munhu, wule, mafupa gaga gosuma kuwumipa?”
Nane nghapitula nghatya, “Gwe go Muwaha Mulugu, agwe yo gwegwe du mono kozimanya zizo!”
4Nayo Muwaha Mulungu yakanyitya, “Ale, lu, wugawilile mafupa gago. Wugalonjele mafupa gaga gono ganyalile, gayihulicize i nghani yo Muwaha Mulungu. 5Wugalonjele nha vyono, ane no Muwaha Mulungu nghugalonjela nghutya nhavi, lanjenyi ta, ane notajila wehele muli'nye nanye mowumipa. 6Nane nomupelenyi matimba hamonga ne nyama, hanyuma nimugubicenyi ne nghuli mucanyha yayo. Nomutajilenyi wehele muli'nye, nanye mowumipa. Nanye ho momanya vyono, ane yo nene Muwaha Mulungu.”
7Ale, baho, nane nghawa kuwila nha vyono nalonjelwa. Na lono nawilaga, nghahulika lizi likulila kotya kayamba, ne mafupa gakanza kwilunza yifupa ne 'fupa liyagwe. 8Na lono nali nghali nanjile, hobaho, i mafupa gakawa kugubikwa ne matimba hamonga ne nyama, na hanyuma yayo, gakawa kugubikwa ne nghuli. Ninga hamba nhavivyo mwali mukali musina wehele mu miwili yiyo.
9U Mulungu yakanonjela yakatya, “Gwe go munhu, aluno, wuyiwililaje mbeho. Wuyilonjele mbeho, nha vyono u Muwaha Mulungu yakukutya nhavi, alu wuze ku wulawa mu zimbavu zose vyono yine, wukayehelele i miwili yiyi yono yifwiye ho yiwumipe.”
10Baho nane nghawa kuwila nha vyono nalonjelwa. No wehele wukawa kuyinjila i miwili yiyilya. Ne miwili yikawumipa, wakenuka wakema wima. Nawo wali wenji muno muno, wono wali wakwiliye kunoza lipuga yiwaha lye wasilikale wo wulugu.
11U Muwaha Mulungu yakanyitya, “Gwe go munhu, i wanhu wa Isilayeli, wehwanile ne mafupa gagano. Hambi wene nha wakutya vyono, cakondya kunyala, nalu ceza cisina witumbilo, kanyhi cafwila lukulu! 12Holeka wuwawililaje i wanhu wangu wa Isilayeli, wuwalonjele nha vyono, ane no Muwaha Mulungu, novidigula vitenjelo vyawo, niwawuse mumo mu vitenjelo, niwategule sunga ko ku yisi ya Isilayeli. 13Nane kolo nakondya kuvidigula vitenjelo, mono i wanhu wazicigwe, no kuwalavyaniza kunze, nawo baho ho womanyila vyono, ane yo nene Muwaha Mulungu. 14Nane notajila wehele muli wene, niwomifye, niwalece wekale mu yisi yawo. Nawo ho womanya vyono, ane yo nene Muwaha Mulungu. Nihuwiza nha vyono nozituma zizi. Na mbeka nozituma. Vyo nghutya ane no Muwaha Mulungu.”
Yuda na Isilayeli mu wutemi wumonga
15U Muwaha Mulungu yakanonjela kanyhi yakatya nhavi, 16“Gwe go munhu, wusole cibici cimonga, wucandice mucanyha yayo zinghani azino, ‘U wutemi wa Yuda.’ Na hanyuma kanyhi wusole cibici cinji, naco wucandice mucanyha yayo zinghani azino, ‘U wutemi wa Isilayeli.’ 17Hanyuma wuvisole vibici vivyo vyose vyono vyejete, wuvihanze, wuvibate hamonga ku sonje yavyo, vijele nha kotya cibici cimonga. 18Na kolo i wanhu wako wakukuwuza wakusaka wamanye nhunizo yayo nyhici. 19Wuwalonjele nha vyono, ane no Muwaha Mulungu, nocisola cibici cono candicigwe Isilayeli, nicihanze hamonga ne cibici ciyagwe cono candicigwe Yuda. Nane novinoza viwe cibici cimonga nicibate mu muwoko wangu.
20“Holeka luno, wuvibataje vibici vivyo vyejete mu muwoko wako, i wanhu wakuwone vyono wuvibate. 21Hanyuma wuwalonjele nha vyono, ane no Muwaha Mulungu, nowakonghola wanhu wangu mu wulawa mu makungugo gose kono weyagaliye. Nowakonghola niwawice hamonga, niwagomole sunga ko ku yisi yawo. 22Nane nowalunza wose wawe nghungugo monga du mu'si, mu matunda ga Isilayeli. Nawo wolowa na mutemi yumonga, mono kowatema wanhu wose hamonga. Nawo hamba si wolokwigawa kanyhi wawe makungugo mejete, hamba wutemi wejete. 23Hamba si wolokwiyavufya weneco so wuhemba vihwani vye cevu, hamba kwiyinjiza mu wituma wubi yaye. Nane nolowawusiza lukulu mu zinzila zo wubi, na mu zinzila zono zosuma kuwambuza wangaluce'ne. Noloweza, nawo wolowa wanhu wangu, nane nolowa Mulungu wawo. 24No mutemi mono yehwanile Dawudi u mwitumami wangu, yuyo yo kolowa mutemi wawo. Nawo wose wolowa wali hamonga hasi yo mutemi monga. Kanyhi wogebata ne malajilizo gangu ko wihuwilwa.
25“Nawo wolokwikala mu yisi yono namupela mwitumami wangu Yakobo, i yisi yono wekalaga walezi wawo. Nawo wolokwikala mu yisi yiyo cibitilila, wene ne wana wawo, hamonga ne wana we wana wawo. No mutemi mono yehwanile u mwitumami wangu Dawudi, yuyo yo kolotema muli wene cibitilila. 26Nane nolonoza cilagane co mulamu hamonga nawo, cowa cilagane ce cibitilila. Nowatandaza no kuwonjeleza wonjelezece wawe wenji. Noloyiwika ne Nyumba yangu mu yisi yawo, nayo yolokwikala mumo cibitilila. 27Nane nolokwikala baho hamonga nawo, Ane nolowa Mulungu wawo, nawo wolowa wanhu wangu. 28Nane kolo nakondya kuyiwika Nyumba yangu yikale muli wene cibitilila, hobaho i makungugo ho golomanyila vyono, yo nene Muwaha Mulungu, mono niwahaguye i wanhu wa Isilayeli, wawe wanhu wangu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.