Wafilipi 3
3
U wilingʼano we mbeka
1Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu. 2Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili. 3Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du. 4Nane nha vivyo nali ndahile kwitumbila i zinghani za munze, na hono hawe hoyuli munhu mono yakwihwesa vyono yadahile kwitumbila zinghani za munze, ane nina i soko mbaha muno yo kwihwesa nha vivyo; 5ane nalama lizuwa lyo munana mu wulawa mwizuwa lyono nalelelwa, ane nili we nghungugo ya Isilayeli, we mbeyu ya Benyamini, nili Muhebelaniya mweneco. Na kuli zo wibata u wulajilize, ane nali nili Mufalisayo, 6nane nali nili mupiligazi muno, ninga naligazaga likanisa. Na ku so wilingʼano wono wukutujliwa mu wuhulika u Wulajilize, ane nghawa sina ilema lyo lyose. 7Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito. 8Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito, 9no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo. 10Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo, 11nghwitumbila vyono nane nha vivyo nolozukulwa muli wafu.
Mu lumangho lo kubita ku wulunji wetu
12Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu. 13Mbeka wandugu zangu, si nghwiwona nha vyono nakondya kucituga i cipegwa cico, ninga nghwituma nghani monga du, nghuzisemwa zono zakondya kupuluta, nghuhidimbalila za kumwande. 14Holeka nili mu lumangho nanjlie ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.
15Ale, ase wose mono cikwilaniciye mu mikalile ye Ci kilisito, yicinojeye ciweze no wuwe wuwuno. Ninga hono wawe wanji muli nyenye wakwihwesa visimajiye, ale u Mulungu komugubulilenyi nghani yiyo. 16Ninga yicinojeye cijendelele ku mwande mu nghango yo wulajilize wono cali cina nawo sunga nalu.
17Wandugu zangu, mujendelele wose kunyiga nene. Camupelenyi wijizwe wuswanu wa muli sese, holeka muwahulikaje wawo wono wakuwutyatya u wijizwe wuwo. 18Nakondya kumulonjelenyi nghani yiyi kali kenji, nalu kanyhi nghuwuyajila kumulonjelenyi kwa mahozi, vyono, howali wanhu wenji wono walugu wo Musalaba wa Kilisito. 19Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du. 20Ninga ase cili wanya ku wulanga, nase cikumulindiliza cikaluce muno, u Mukombozi yaze kuwulawa ku wulanga, u Muwaha Yesu Kilisito. 21Mwene koloyihundusa i miwili yetu yono yifwizaga, ho yiwe yihwanile no muwili wakwe wo lukumyo, so vilungo vyono yadahile kuviwicila vinhu vyose hasi yo wutemi wakwe.
Currently Selected:
Wafilipi 3: GOG91
Highlight
Copy
Compare
Share
Want to have your highlights saved across all your devices? Sign up or sign in
Cigogo New Testament © Bible Society of Tanzania, 1991.
Wafilipi 3
3
U wilingʼano we mbeka
1Ze ndumilizo wandugu zangu, musecelelele muli Muwaha! Si nghukatala kwandika kanyhi zizilya zono nali nakondya kumwandicilenyi bahalya ha lulongozi, hambi nha zomonjelezenyi u wuswanu. 2Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili. 3Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du. 4Nane nha vivyo nali ndahile kwitumbila i zinghani za munze, na hono hawe hoyuli munhu mono yakwihwesa vyono yadahile kwitumbila zinghani za munze, ane nina i soko mbaha muno yo kwihwesa nha vivyo; 5ane nalama lizuwa lyo munana mu wulawa mwizuwa lyono nalelelwa, ane nili we nghungugo ya Isilayeli, we mbeyu ya Benyamini, nili Muhebelaniya mweneco. Na kuli zo wibata u wulajilize, ane nali nili Mufalisayo, 6nane nali nili mupiligazi muno, ninga naligazaga likanisa. Na ku so wilingʼano wono wukutujliwa mu wuhulika u Wulajilize, ane nghawa sina ilema lyo lyose. 7Ninga muli zizo zose zono nali kwihwesa vyono zo ze cambuzi, nghaziwona vyono kumbe wambuce du, ku soko ya Kilisito. 8Heya, hamba si nha vivyo du, ninga nghawona vyono vyose wo wambuce wa bwete, ku so wuswanu wo wumumanya Kilisito Yesu u Mutwa wangu. Hambi nha ku so mwene ane navumila kugaleka gose, nane nghagawona gago gose nha takataka, ho nimutuje Kilisito, 9no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo. 10Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo, 11nghwitumbila vyono nane nha vivyo nolozukulwa muli wafu.
Mu lumangho lo kubita ku wulunji wetu
12Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu. 13Mbeka wandugu zangu, si nghwiwona nha vyono nakondya kucituga i cipegwa cico, ninga nghwituma nghani monga du, nghuzisemwa zono zakondya kupuluta, nghuhidimbalila za kumwande. 14Holeka nili mu lumangho nanjlie ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.
15Ale, ase wose mono cikwilaniciye mu mikalile ye Ci kilisito, yicinojeye ciweze no wuwe wuwuno. Ninga hono wawe wanji muli nyenye wakwihwesa visimajiye, ale u Mulungu komugubulilenyi nghani yiyo. 16Ninga yicinojeye cijendelele ku mwande mu nghango yo wulajilize wono cali cina nawo sunga nalu.
17Wandugu zangu, mujendelele wose kunyiga nene. Camupelenyi wijizwe wuswanu wa muli sese, holeka muwahulikaje wawo wono wakuwutyatya u wijizwe wuwo. 18Nakondya kumulonjelenyi nghani yiyi kali kenji, nalu kanyhi nghuwuyajila kumulonjelenyi kwa mahozi, vyono, howali wanhu wenji wono walugu wo Musalaba wa Kilisito. 19Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du. 20Ninga ase cili wanya ku wulanga, nase cikumulindiliza cikaluce muno, u Mukombozi yaze kuwulawa ku wulanga, u Muwaha Yesu Kilisito. 21Mwene koloyihundusa i miwili yetu yono yifwizaga, ho yiwe yihwanile no muwili wakwe wo lukumyo, so vilungo vyono yadahile kuviwicila vinhu vyose hasi yo wutemi wakwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Cigogo New Testament © Bible Society of Tanzania, 1991.