VAROMA 14
14
Kuvagumirijija vashokeri
1Ula e msoka wa mwitikijo, mghujieni, mira musimlahe madunganyo akwe. 2Mntu mmwe ena mwitikijo, ela vyose; mira ula e msoka, ela mbogha. 3Ula ela asim’bereshe ula esila, neri ula esila asimlahe ula ela; ambu Mrungu emkundie. 4We niwe ani wemlaha mzoro wa ungi? He mfumwa wakwe mwenye ye eimuka kana kugwa. Yee, eneimukijwa, ambu Mfumwa eidima kumwimukija. 5Mntu mmwe egimbika misi kumwe kukela ila ingi, ungi egimbika yose cheringane. Kila mntu nakoneshe he kucha kwakwe mwenye. 6Ye egimbika msi eugimbika he kumshimia Mfumwa; na ula ela, ela he Mfumwa, ambu emwanjela Mrungu. Kangi ye esila, tela he Mfumwa, naye eramwanjela Mrungu. 7Ambu tehena wa hetu eikaa na moo vuntu vwakwe mwenye, kana tehena efwa vuntu vwakwe mwenye. 8Ambu kakicha tuikaa na moo, tumwikaia Mfumwa, kana kakicha tufwa, tufwa he Mfumwa. Heicho, kari tuikaa na moo kana tufwa, tu mari ya Mfumwa. 9Ambu heicho, Kristo efwie kangi akaketa wa moo, nesa aoke Mfumwa wa vala vefwie na vala vereho.
10Mira we o, h’ii! hanini wemlaha mndughu wako? kana we, h’ii! hanini wem’bera mndughu wako? ambu uswi vose tuneimuka mozya he kichumbi cha mlaho cha Mrungu. 11Ambu heandikwe:
“Sa vuntu mi nekalama, nivwo vuntu Mfumwa eti,
Kila ikunkuro linenidunkutia,
Na kila lumi lunemkaza Mrungu.”
12Heicho ni huvo, kila mntu he uswi eneteta mburi jakwe mwenye mozya he Mrungu. 13Heicho tusizikelahana, mira keba chwani huvu: Mntu asikete kintu cha kumkwangwaja mndughu kana kumgusha. 14Nemanyije kangi nekoneshe nezo he Mfumwa Yesu, iti tehena kintu kivivi he kifumo chacho; mira he ula ekivona iti ni kivivi, he uo kintu kila ni kivivi. 15Kangi mndughu wako ekivihijwa ni kijo, washigha kutongia he lukundo. Mntu ula Kristo efwie vuntu vwakwe usimkonde vuntu vwa kijo chako. 16Heicho, uvwo vwedi vwenyu vusilangwe uvivi. 17Ambu vufumwa vwa Mrungu si kula kana kunwa, esire ni kitea na mporere na kuizihirwa he Mpeho Wedi. 18Ambu ula emrongia Kristo ndima he vintu ivyo, emwizihija Mrungu, kangi ekundwa ni vantu. 19Iki kari ni huvo, naturatere mburi ja mporere na mburi jeve he kujengana. 20Usikonde ndima ya Mrungu vuntu vwa kijo. Kididi, vyose ni vyedi; mira ni kivivi he mntu ula ela kwa kukukwangwaja. 21Ni chedi kusala nyama kana kusanwa mvinyo kana kuteta kintu kingi chochose, echo hecho mndughu wako ekwangwajwa. 22Ula mwitikijo wena nawo uikae nawo hewe mwenye mozya he Mrungu. Mrela vwedi ni ula esikulaha mwenye he mburi ila eikundie. 23Mira, ula eganganya, kakicha ela, akenja kulahwa kuti ena masa, ambu telie kwa mwitikijo; na kila cheketwa chesifuma he mwitikijo, ni ibanu.
Currently Selected:
VAROMA 14: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
VAROMA 14
14
Kuvagumirijija vashokeri
1Ula e msoka wa mwitikijo, mghujieni, mira musimlahe madunganyo akwe. 2Mntu mmwe ena mwitikijo, ela vyose; mira ula e msoka, ela mbogha. 3Ula ela asim’bereshe ula esila, neri ula esila asimlahe ula ela; ambu Mrungu emkundie. 4We niwe ani wemlaha mzoro wa ungi? He mfumwa wakwe mwenye ye eimuka kana kugwa. Yee, eneimukijwa, ambu Mfumwa eidima kumwimukija. 5Mntu mmwe egimbika misi kumwe kukela ila ingi, ungi egimbika yose cheringane. Kila mntu nakoneshe he kucha kwakwe mwenye. 6Ye egimbika msi eugimbika he kumshimia Mfumwa; na ula ela, ela he Mfumwa, ambu emwanjela Mrungu. Kangi ye esila, tela he Mfumwa, naye eramwanjela Mrungu. 7Ambu tehena wa hetu eikaa na moo vuntu vwakwe mwenye, kana tehena efwa vuntu vwakwe mwenye. 8Ambu kakicha tuikaa na moo, tumwikaia Mfumwa, kana kakicha tufwa, tufwa he Mfumwa. Heicho, kari tuikaa na moo kana tufwa, tu mari ya Mfumwa. 9Ambu heicho, Kristo efwie kangi akaketa wa moo, nesa aoke Mfumwa wa vala vefwie na vala vereho.
10Mira we o, h’ii! hanini wemlaha mndughu wako? kana we, h’ii! hanini wem’bera mndughu wako? ambu uswi vose tuneimuka mozya he kichumbi cha mlaho cha Mrungu. 11Ambu heandikwe:
“Sa vuntu mi nekalama, nivwo vuntu Mfumwa eti,
Kila ikunkuro linenidunkutia,
Na kila lumi lunemkaza Mrungu.”
12Heicho ni huvo, kila mntu he uswi eneteta mburi jakwe mwenye mozya he Mrungu. 13Heicho tusizikelahana, mira keba chwani huvu: Mntu asikete kintu cha kumkwangwaja mndughu kana kumgusha. 14Nemanyije kangi nekoneshe nezo he Mfumwa Yesu, iti tehena kintu kivivi he kifumo chacho; mira he ula ekivona iti ni kivivi, he uo kintu kila ni kivivi. 15Kangi mndughu wako ekivihijwa ni kijo, washigha kutongia he lukundo. Mntu ula Kristo efwie vuntu vwakwe usimkonde vuntu vwa kijo chako. 16Heicho, uvwo vwedi vwenyu vusilangwe uvivi. 17Ambu vufumwa vwa Mrungu si kula kana kunwa, esire ni kitea na mporere na kuizihirwa he Mpeho Wedi. 18Ambu ula emrongia Kristo ndima he vintu ivyo, emwizihija Mrungu, kangi ekundwa ni vantu. 19Iki kari ni huvo, naturatere mburi ja mporere na mburi jeve he kujengana. 20Usikonde ndima ya Mrungu vuntu vwa kijo. Kididi, vyose ni vyedi; mira ni kivivi he mntu ula ela kwa kukukwangwaja. 21Ni chedi kusala nyama kana kusanwa mvinyo kana kuteta kintu kingi chochose, echo hecho mndughu wako ekwangwajwa. 22Ula mwitikijo wena nawo uikae nawo hewe mwenye mozya he Mrungu. Mrela vwedi ni ula esikulaha mwenye he mburi ila eikundie. 23Mira, ula eganganya, kakicha ela, akenja kulahwa kuti ena masa, ambu telie kwa mwitikijo; na kila cheketwa chesifuma he mwitikijo, ni ibanu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.