VAROMA 11
11
Kudawa kwa Israeli sikwo mginto
1Heicho nivwija: H’ii! Mrungu edaie mbari yakwe? Icho hai! Ambu mi nami ni Mwisraeli, mmwe wa lukolo lwakwe Abrahamu, mntu wa mbari yakwe Benyamini. 2Mrungu tedaie vantu vakwe, evamanyije too kuvoka. Kana temumanyije vuntu maandiko ngwa eteta he Elia? vuntu evasitake Vaisraeli mozya he Mrungu; 3“Mfumwa, vavakoma varoti vako, vabaja meza jako ja mtaso, niremi du neshele, kangi nami veraenda kunikoma.” 4Mira lila igharusho la Mrungu litize? “Nekushejijie vantu viku mfungate vesinamdunkutia Bali.” 5Heicho nire huvo, hata igheri ili la iki hena veshele vesaghurwe he vuntu vwa mbonea. 6Mira kakicha ni mbonea, si he vuntu vwa mirongire kangi, aho mbonea teyekioka mbonea kangi. 7Ingeri cheikee ze? Kila Israeli ekienda tekivonie, na vala vesaghurwe vakakivona, mira vala vangi vakaghoshwa vakuji. 8Sa vuntu cheandikwe: “Mrungu evainkie ngoro yya lughohe, nesa meso asivone, neri masikio asisikie, mhaka msi wa yoo.” 9Davidi naye eti:
“Meza yavo na ivaokie na mtegho,
Na kintu cha kukwangwalija, na mariho hevo;
10Meso avo agerwe kija nesa vasivone,
Uinamiie mghongo wavo misi yose.” 11Heicho niti: H’ii! vetekwangwala nesa vagwe do? Icho hai! Mira he iteshanyo lavo, lukanio lwavafikia Vakiisanga, nesa vo venye vagerwe kiru. 12Iki kakicha iteshanyo lavo laoka vuzuri vwa si ii, na kuduika kwavo kwaoka vuzuri vwa Vakiisanga, h’ii! kukoloka kwavo tekuvecha mno?
Lukio he Vakiisanga; mfwanano wa kuguranywa
13Mira niteta na unywi mwe Vakiisanga. Heicho, kila ne ntume wa vantu Vakiisanga, nikaza ndima yangu. 14Hangi kive iti nivagere kiru, vala e vandughu vangu kimwiri, nakukija va kumwe vavo. 15Ambu kakicha kutaghwa kwavo kweetie kukundanywa kwa si ii, iki kukundanywa kwavo kuneoka ni, kakicha si nkalamo nyuma ya kifwa? 16Kangi, kakicha vila vya kuvoka vyezerire, nirehuvo na sima yose; na kakicha kikolo chezerire, nire huvo na matambi. 17Ambu kakicha matambi angi echwiwe, nawe mzeituni wa sakeni ukaguranywa heo, ukaketa vumwe na kikolo cha mzeituni na kunora kwacho, 18usikukazze he ala matambi; kakicha ra ukukaza, siwe wetikie kikolo mira kikolo nicho chekutikie we. 19Mira we uneti: “Matambi ala echwiwe nesa nuguranywe ho.” 20Ni chedi, echwiwe kwa kusaitikija kwao, nawe weimuke he mwitikijo wako. Usikubae ra, mira foleka. 21Ambu kakicha Mrungu tevoneie ala matambi a kimoghwa, neri we tekakuvoneie. 22Rereha ra, vwedi vwa vukai vwa Mrungu; he vala vegwie, vukai, mira hewe, vwedi vwa Mrungu, wekiikaa he uvwo vwedi; kakicha sivwo, we nawe unerachwiwa huvo. 23Kangi hata vo, kakicha vekisaikaa he kusaitikija kwavo, veneguranywa; ambu Mrungu eidima kuvaguranya wa. 24Ambu, kakicha we wechwiwe na kuvushwa he mzeituni weki wa sakeni he kimoghwa, ukaguranywa hantu eseki ha kimoghwa, he mzeituni wedi; si kukela mno vala e va kimoghwa, kive kuguranywa he mizeituni eki wavo venye.
Kikundire cha Mrungu cha kukenjija ni kuvoneia vose
25Ambu vandughu, sienda mwekisamanya mpiso ii, nesa musikuvone iti mwechee; iti Vaisraeli kumwe veingiwe ni vukuji, mhaka kukoloka kwa Vakiisanga kufike. 26Huvo Vaisraeli vose venekia; sa vuntu cheandikwe:
“Mkija eneza kufuma Sayuni;
Enemtanya Yakobo na mabero akwe.
27Na iki nicho kiaghano changu navo,
Nekinevavushija mabanu avo.”
28Heicho, he vuntu vwa Mburi Yedi veokie vanzo vuntu vwenyu; mira he vuntu vwa kula kusaghurwa, vaoka vakunde he vuntu vwa vaku vetu. 29Ambu viinkwa vya Mrungu tevina mganyo, kana mwitango wakwe. 30Ambu savuntu unywi uko kae mwekim’berire Mrungu, mira iki mwavoneiwa vuntu vwa kubera kwavo; 31nire huvo, hata vo iki vabera, nesa kwa kuvoneiwa kwenyu, navo vavoneiwe. 32Ambu Mrungu evageranye vose hamwe he kubera, nesa avavoneie vose.
33Avaa! Vubaha vwa vuzuri na kuigho na kumanya kwa Mrungu! Milaho yakwe teisakika, na nzia jakwe tejiveenda! 34Ambu ni ani emanyije madunganyo a Mfumwa? Kana ni ani e mnjama wakwe? 35Kana ni ani erongemunka kintu nesa naye anaihwe? 36Ambu vyose vifuma hakwe, viho he nzinya yakwe, kangi vihunduka hakwe. Ngazo ni yakwe kae na kae. Amen.
Currently Selected:
VAROMA 11: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
VAROMA 11
11
Kudawa kwa Israeli sikwo mginto
1Heicho nivwija: H’ii! Mrungu edaie mbari yakwe? Icho hai! Ambu mi nami ni Mwisraeli, mmwe wa lukolo lwakwe Abrahamu, mntu wa mbari yakwe Benyamini. 2Mrungu tedaie vantu vakwe, evamanyije too kuvoka. Kana temumanyije vuntu maandiko ngwa eteta he Elia? vuntu evasitake Vaisraeli mozya he Mrungu; 3“Mfumwa, vavakoma varoti vako, vabaja meza jako ja mtaso, niremi du neshele, kangi nami veraenda kunikoma.” 4Mira lila igharusho la Mrungu litize? “Nekushejijie vantu viku mfungate vesinamdunkutia Bali.” 5Heicho nire huvo, hata igheri ili la iki hena veshele vesaghurwe he vuntu vwa mbonea. 6Mira kakicha ni mbonea, si he vuntu vwa mirongire kangi, aho mbonea teyekioka mbonea kangi. 7Ingeri cheikee ze? Kila Israeli ekienda tekivonie, na vala vesaghurwe vakakivona, mira vala vangi vakaghoshwa vakuji. 8Sa vuntu cheandikwe: “Mrungu evainkie ngoro yya lughohe, nesa meso asivone, neri masikio asisikie, mhaka msi wa yoo.” 9Davidi naye eti:
“Meza yavo na ivaokie na mtegho,
Na kintu cha kukwangwalija, na mariho hevo;
10Meso avo agerwe kija nesa vasivone,
Uinamiie mghongo wavo misi yose.” 11Heicho niti: H’ii! vetekwangwala nesa vagwe do? Icho hai! Mira he iteshanyo lavo, lukanio lwavafikia Vakiisanga, nesa vo venye vagerwe kiru. 12Iki kakicha iteshanyo lavo laoka vuzuri vwa si ii, na kuduika kwavo kwaoka vuzuri vwa Vakiisanga, h’ii! kukoloka kwavo tekuvecha mno?
Lukio he Vakiisanga; mfwanano wa kuguranywa
13Mira niteta na unywi mwe Vakiisanga. Heicho, kila ne ntume wa vantu Vakiisanga, nikaza ndima yangu. 14Hangi kive iti nivagere kiru, vala e vandughu vangu kimwiri, nakukija va kumwe vavo. 15Ambu kakicha kutaghwa kwavo kweetie kukundanywa kwa si ii, iki kukundanywa kwavo kuneoka ni, kakicha si nkalamo nyuma ya kifwa? 16Kangi, kakicha vila vya kuvoka vyezerire, nirehuvo na sima yose; na kakicha kikolo chezerire, nire huvo na matambi. 17Ambu kakicha matambi angi echwiwe, nawe mzeituni wa sakeni ukaguranywa heo, ukaketa vumwe na kikolo cha mzeituni na kunora kwacho, 18usikukazze he ala matambi; kakicha ra ukukaza, siwe wetikie kikolo mira kikolo nicho chekutikie we. 19Mira we uneti: “Matambi ala echwiwe nesa nuguranywe ho.” 20Ni chedi, echwiwe kwa kusaitikija kwao, nawe weimuke he mwitikijo wako. Usikubae ra, mira foleka. 21Ambu kakicha Mrungu tevoneie ala matambi a kimoghwa, neri we tekakuvoneie. 22Rereha ra, vwedi vwa vukai vwa Mrungu; he vala vegwie, vukai, mira hewe, vwedi vwa Mrungu, wekiikaa he uvwo vwedi; kakicha sivwo, we nawe unerachwiwa huvo. 23Kangi hata vo, kakicha vekisaikaa he kusaitikija kwavo, veneguranywa; ambu Mrungu eidima kuvaguranya wa. 24Ambu, kakicha we wechwiwe na kuvushwa he mzeituni weki wa sakeni he kimoghwa, ukaguranywa hantu eseki ha kimoghwa, he mzeituni wedi; si kukela mno vala e va kimoghwa, kive kuguranywa he mizeituni eki wavo venye.
Kikundire cha Mrungu cha kukenjija ni kuvoneia vose
25Ambu vandughu, sienda mwekisamanya mpiso ii, nesa musikuvone iti mwechee; iti Vaisraeli kumwe veingiwe ni vukuji, mhaka kukoloka kwa Vakiisanga kufike. 26Huvo Vaisraeli vose venekia; sa vuntu cheandikwe:
“Mkija eneza kufuma Sayuni;
Enemtanya Yakobo na mabero akwe.
27Na iki nicho kiaghano changu navo,
Nekinevavushija mabanu avo.”
28Heicho, he vuntu vwa Mburi Yedi veokie vanzo vuntu vwenyu; mira he vuntu vwa kula kusaghurwa, vaoka vakunde he vuntu vwa vaku vetu. 29Ambu viinkwa vya Mrungu tevina mganyo, kana mwitango wakwe. 30Ambu savuntu unywi uko kae mwekim’berire Mrungu, mira iki mwavoneiwa vuntu vwa kubera kwavo; 31nire huvo, hata vo iki vabera, nesa kwa kuvoneiwa kwenyu, navo vavoneiwe. 32Ambu Mrungu evageranye vose hamwe he kubera, nesa avavoneie vose.
33Avaa! Vubaha vwa vuzuri na kuigho na kumanya kwa Mrungu! Milaho yakwe teisakika, na nzia jakwe tejiveenda! 34Ambu ni ani emanyije madunganyo a Mfumwa? Kana ni ani e mnjama wakwe? 35Kana ni ani erongemunka kintu nesa naye anaihwe? 36Ambu vyose vifuma hakwe, viho he nzinya yakwe, kangi vihunduka hakwe. Ngazo ni yakwe kae na kae. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.