VAEFESO 5
5
1Huvo, okani varateri va Mrungu sa vana vakunde; 2mutongenihe lukundo, sa vuntu Kristo naye emukundie unywi; kangi akakuinkija ye mwenye vuntu vwetu, kuoka itasi na mtaso he Mrungu, wena mpungo yedi. 3Mira kushinda na ihani na tama, visitetwe henyu neri, sa vuntu chevatara vezerire; 4neri soni, neri viteto vya vurundu neri nkani, ivyo teviizihira; esire kutogola. 5Ambu mburi ii mweimanyije nezo, iti tehena mrashinda neri mhani neri mwenye tama, eye mratasa mirungu, ena vupali he vufumwa vwakwe Kristo na Mrungu. 6Mntuasimuishe na viteto vya sutwa; ambu he vuntu vwa ivyo, oro ya Mrungu ivazia vana na lubero. 7Heicho, musikete sanga navo. 8Ambu unywi aho kae mweki kija, mira iki mwaoka kianga he Mfumwa; tongani sa vana va kianga; 9ambu ntunda ja kianga ni vwedi vwose, na kitea na idi; 10mwekikonesha iti ni kini chemwizihija Mfumwa. 11Neri musikete sanga na mihiro ya kija yesimogha, mira muibohije; 12ambu ivyo vyeketika hevo kwa mpiso, ni soni hata kuviteta. 13Mira vyose vyebohijwe vibunkulwa ni kianga, ambu kila chebunkuke ni kianga. 14Heicho eti:
“Avija, we wechunda,
Uvuke he vefwie,
Ne Kristo enekuangaja.”
15Heicho, rerehishani vuntu mwetonga; si sa vantu vesina kiugho, mira sa vantu vena kiugho; 16mwekimanya igheri, ambu misi ii ni mivivi. 17Heicho, musirunde, mira mutwarije iti kikundire cha Mfumwa nini. 18Kangi musiengee mawa, kila heo hena vubanu, mira muizujwe Mpeho; 19mwekigaiana kwa mazumo na nyazi na nyimbo ja kimpeho, kangi mwekiimba na kumng’arira Mfumwa he ngoro jenyu; 20na kumwanjela Mrungu Vava misi yose he vintu vyose, he izina la Mfumwa wetu Yesu Kristo; 21mwekisikijanya he kumfoleka Kristo.
Miikarire ya vandughu va Kikristo
(Kol. 3:18—4:1)
22Unywi vache, sikiani vome venyu sa kumsikia Mfumwa. 23Ambu mme ni mtwi wa mche, sa vuntu Kristo naye e mtwi wa kanisa; naye ni mkija wa mwiri. 24Mira sa vuntu kanisa yemsikia Kristo, nirehuvo, vache navo vavasikie vome vavo he kila kintu.
25Unywi vome, kundani vache venyu, sa vuntu Kristo naye ekundie kanisa, akakuinkija vuntu vwayo; 26nesa aizerije na kuioja kwa mpombe he kiteto; 27nesa akuetie kanisa yedisha yesina idamaro neri ikwinzo, na chochose sa ivyo; mira ioke yezerire yesina madamaro. 28Nirehuvo, kivatara vome navo kuvakunda vache vavo sa miri yavo venye. Ekunda mche wakwe ekukunda ye mwenye. 29Ambu narini tehena mntu edaa mwiri wakwe; mira eurera na kuusungajia sa vuntu Kristo naye eketia kanisa. 30Ambu tu marungo a mwiri wakwe. 31Heicho, mntu enemshigha vavee na mlala wavo, enegurana na mche wakwe, na avo veri veneoka mwiri mmwe. 32Mpiso iyo ni mbaha; esire iti mi niteta mburi yakwe Kristo na kanisa. 33Mira kila mntu amkunde mche wakwe sa vuntu ekukundie ye mwenye; neri mche asishighe kinyenyembwe he mghosiwe.
Currently Selected:
VAEFESO 5: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
VAEFESO 5
5
1Huvo, okani varateri va Mrungu sa vana vakunde; 2mutongenihe lukundo, sa vuntu Kristo naye emukundie unywi; kangi akakuinkija ye mwenye vuntu vwetu, kuoka itasi na mtaso he Mrungu, wena mpungo yedi. 3Mira kushinda na ihani na tama, visitetwe henyu neri, sa vuntu chevatara vezerire; 4neri soni, neri viteto vya vurundu neri nkani, ivyo teviizihira; esire kutogola. 5Ambu mburi ii mweimanyije nezo, iti tehena mrashinda neri mhani neri mwenye tama, eye mratasa mirungu, ena vupali he vufumwa vwakwe Kristo na Mrungu. 6Mntuasimuishe na viteto vya sutwa; ambu he vuntu vwa ivyo, oro ya Mrungu ivazia vana na lubero. 7Heicho, musikete sanga navo. 8Ambu unywi aho kae mweki kija, mira iki mwaoka kianga he Mfumwa; tongani sa vana va kianga; 9ambu ntunda ja kianga ni vwedi vwose, na kitea na idi; 10mwekikonesha iti ni kini chemwizihija Mfumwa. 11Neri musikete sanga na mihiro ya kija yesimogha, mira muibohije; 12ambu ivyo vyeketika hevo kwa mpiso, ni soni hata kuviteta. 13Mira vyose vyebohijwe vibunkulwa ni kianga, ambu kila chebunkuke ni kianga. 14Heicho eti:
“Avija, we wechunda,
Uvuke he vefwie,
Ne Kristo enekuangaja.”
15Heicho, rerehishani vuntu mwetonga; si sa vantu vesina kiugho, mira sa vantu vena kiugho; 16mwekimanya igheri, ambu misi ii ni mivivi. 17Heicho, musirunde, mira mutwarije iti kikundire cha Mfumwa nini. 18Kangi musiengee mawa, kila heo hena vubanu, mira muizujwe Mpeho; 19mwekigaiana kwa mazumo na nyazi na nyimbo ja kimpeho, kangi mwekiimba na kumng’arira Mfumwa he ngoro jenyu; 20na kumwanjela Mrungu Vava misi yose he vintu vyose, he izina la Mfumwa wetu Yesu Kristo; 21mwekisikijanya he kumfoleka Kristo.
Miikarire ya vandughu va Kikristo
(Kol. 3:18—4:1)
22Unywi vache, sikiani vome venyu sa kumsikia Mfumwa. 23Ambu mme ni mtwi wa mche, sa vuntu Kristo naye e mtwi wa kanisa; naye ni mkija wa mwiri. 24Mira sa vuntu kanisa yemsikia Kristo, nirehuvo, vache navo vavasikie vome vavo he kila kintu.
25Unywi vome, kundani vache venyu, sa vuntu Kristo naye ekundie kanisa, akakuinkija vuntu vwayo; 26nesa aizerije na kuioja kwa mpombe he kiteto; 27nesa akuetie kanisa yedisha yesina idamaro neri ikwinzo, na chochose sa ivyo; mira ioke yezerire yesina madamaro. 28Nirehuvo, kivatara vome navo kuvakunda vache vavo sa miri yavo venye. Ekunda mche wakwe ekukunda ye mwenye. 29Ambu narini tehena mntu edaa mwiri wakwe; mira eurera na kuusungajia sa vuntu Kristo naye eketia kanisa. 30Ambu tu marungo a mwiri wakwe. 31Heicho, mntu enemshigha vavee na mlala wavo, enegurana na mche wakwe, na avo veri veneoka mwiri mmwe. 32Mpiso iyo ni mbaha; esire iti mi niteta mburi yakwe Kristo na kanisa. 33Mira kila mntu amkunde mche wakwe sa vuntu ekukundie ye mwenye; neri mche asishighe kinyenyembwe he mghosiwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.