NDIMA JA NTUME 27
27
Ntambo yakwe Paulo he Bahari
1Niho kikanachwiwe iti tuzoke Italia na merikebu, vakamwinkija Paulo na vangi vechungiwe he akida mmwe eitangwa Yulio, wa ihindo la Augusto. 2Tukaingia he merikebu ya Adramitio, yekuringanye mhaka he mizi ya mbaimbai ya bahari ya Asia; tukavuka nayo, twena ne Aristarko, Mmakedonia wa Tesalonike. 3Msi wa keri tukafika Sidoni; Yulio akamvoneia Paulo mno akamkundija kutonga he vambwie vakwe, nesa arerwe. 4Kufuma uko tukavuka, tukazoka mondo wa ishi wa Kripo, ambu nkungu yekitufuma na mozya. 5Twekinaveche bahari ya mondo wa Kilikia na Pamfulia, tukafika Mira, muzi wa Likia. 6Uko ula akida akakicha merikebu ya Aleksandria, yeenda kuzoka Italia, akatuingija heyo. 7Tukazoka mpoa mpoa misi mingi, tukafika mhaka Nido kwa vwasi; kila nkungu yekitukinda tukavecha Krete mondo wa ishi, tukahota Salmoni. 8Tukakivecha mbaimbai kwa vwasi, tukafika handu heitangwa Bandari Yedi. Hafuhi na aho hena muzi weitangwa Lasea.
Mhaka Malta, kiryanzoni, merikebu ikondika
9Hekinaveche misi mingi, na ntambo yaoka yena ntenga iki, na misi ya kukuima yakenja kuvecha, Paulo akavachunda, 10akati, “Vomeni, nivona iti ntambo ii ineketa ntenga na kukondikiwa kujinki, si kwa mijigho na merikebu du, mira hata na ya kukalama kwetu.” 11Mira akida akamsikija nahodha na mwenye merikebu kukela vila Paulo etetie. 12Kila bandari yesiveie kuikaa he misi ya kiho, vajinki vavo vakatiana vahavuke, vagheshe kufika Foinike kakicha kive, nesa vaikae uko igheri la kiho; nayo neki bandari ya Krete, yehotie mondo wa ughu wa kibuka iziva na mondo wa ishi wa kibuka izuva. 13Nkungu ya mondo wa ishi yekivoka kukunta hadori, vekidunganya iti vavona kila vekienda, vakavuka aho, vakazoka mbaimbai hafuhi na Krete. 14Hekivecha kamtungo hakakunta nkungu mbaha ya nzinya ya kiryanzoni, yeitangwa Eurakilo, 15merikebu ikagurwa na kusaidima kusoma ndaru he nkungu, tukaishigha tukakutikirwa. 16Kangi twekivecha fia hafuhi na kirua cheitangwa Kilauda, kwa vwasi tukaidima kukweja mashua; 17vekinakenje kukweja vakaghuha vya kuvaghenjija, vakichunga merikebu vekivechija nzighi kujisi heyo, vekifoleka iti vasigurwe ni itonto la Siriti, vakavusha matanga vakakutongira vula. 18Msi wa keri vakavoka kutagha mijigho he bahari kila tekibighishwa ni kiryanzoni. 19Msi wa katatu vakatagha ntanu ja merikebu na mikono yavo venye. 20Hakavecha misi mingi izuva neri ntondo vyesivoneka, tukarishwa vwasi ni kiryanzoni, neri tehena ena ikuji la kukia.
21Vekinaikae misi mingi vesila kijo, Paulo akaimuka ghati hevo, akati, “Vomeni, chekimutarire kunisikia na kusavuka kula Krete, tetwekivona ii mpwasi na uku kutesha. 22Iki nimuvwira, Dinwani ni ngoro, ambu tehena neri mmwe henyu eneteka, esire merikebu du. 23Ambu mengo malaika wa Mrungu eye mi ne wakwe, eye mi nemtasa, eimuke hafuhi nami, 24akaniti, ‘Paulo, usifoleke, nnde sari uimuke mozya he Kaisari; kangi rereha, Mrungu akunka vantu vose vezoa nawe.’ 25Heicho vomeni, shangalalwani; ambu nimwitikija Mrungu iti kineoka huvo huvo sa vuntu nevwirirwe. 26Mira nnde sari tuangamire he kirua kimwe.”
27Aho kio cha ikumi na kane chekifika, hala twekitikwa uko na uko he bahari ya Adria, neki sa kio cha mnane huvu, mabaharia vakadunganya iti vazengelela hantu hajomu. 28Vakaseja kipimo vakavona mpima makumi meri, vakatonga hadori, vakaseja wa kipimo, vakavona mpima ikumi na sano. 29Vakafoleka iti tusireangamira he mirarabwe; vakaseja nanga ne ja uko nyuma, vakaomba hache. 30Mabaharia vekienda kuaha na kushigha merikebu, vekiseja ngilawa he bahari sa veenda kuseja ja mozya, 31Paulo akamti akida na vasikari, “Ava vekisaikaa he merikebu, temukaidime kukia.” 32Niho vasikari vakachwa nzighi ja ngilawa, vkaishigha ikagwa.
33Hekifika kucha, Paulo akavasemba vose iti vale kijo, ekiti, “Yoo ni msi wa ikumi na kane ere kuinda na kukuima mwesina cho mwelie. 34Heicho nimusemba mule kijo, ambu huvo kineoka lukio lwenyu, ambu tehena neri lujwii lwa he mtwi wa mmwe wenyyu lweneteka.” 35Ekinakenje kuteta huvo, akaghuha mkate, akamwanjela Mrungu mozya he vose, akaubendua akavoka kula. 36Niho vose vakashangalala, navo venye vakala kijo. 37Na uswi twkiho he merikebu twekikoloke vantu maghana meri na makumi mfungate na mtandatu. 38Vekinaighute vakahayamija merikebu, vekitagha ngano he bahari.
39Hekicha vasimanye lila isanga iti ni lahi, mira vakavona hantu bahari yeingie he isanga, vakatiana iti kakicha kive vaimukije merikebu uko. 40Vakatagha jila nanga hae, vakajishigha he bahari, vakalegheja na nzighi ja sukani, vakakweja itanga idori nesa ligure nkungu, vakatonga kakenda he bahari. 41Mira vakafika hantu bahari mbiri jezomane, vakimukija merikebu, kula mozya ikadinda, ikagurwa isisongere, mondo wa nyuma ikabajwa ni nzinya ya maimbi. 42Mburi ya vasikari neki kukoma vala vechungiwe, nesa hasikete mntu ezamberya akaaha. 43Mira akida kila eenda kumkinda Paulo akavakinda kuketa sa vuntu vedunganye; akavaazera vala veidima kuzamberya varongetorika na he bahari vafike isanga ijomu, 44vala veshele kumwe wanga he mabanti, na kumwe wanga he vibaje vya merikebu. Huvo vantu vose vakafika he isanga ijomu mpoa.
Currently Selected:
NDIMA JA NTUME 27: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
NDIMA JA NTUME 27
27
Ntambo yakwe Paulo he Bahari
1Niho kikanachwiwe iti tuzoke Italia na merikebu, vakamwinkija Paulo na vangi vechungiwe he akida mmwe eitangwa Yulio, wa ihindo la Augusto. 2Tukaingia he merikebu ya Adramitio, yekuringanye mhaka he mizi ya mbaimbai ya bahari ya Asia; tukavuka nayo, twena ne Aristarko, Mmakedonia wa Tesalonike. 3Msi wa keri tukafika Sidoni; Yulio akamvoneia Paulo mno akamkundija kutonga he vambwie vakwe, nesa arerwe. 4Kufuma uko tukavuka, tukazoka mondo wa ishi wa Kripo, ambu nkungu yekitufuma na mozya. 5Twekinaveche bahari ya mondo wa Kilikia na Pamfulia, tukafika Mira, muzi wa Likia. 6Uko ula akida akakicha merikebu ya Aleksandria, yeenda kuzoka Italia, akatuingija heyo. 7Tukazoka mpoa mpoa misi mingi, tukafika mhaka Nido kwa vwasi; kila nkungu yekitukinda tukavecha Krete mondo wa ishi, tukahota Salmoni. 8Tukakivecha mbaimbai kwa vwasi, tukafika handu heitangwa Bandari Yedi. Hafuhi na aho hena muzi weitangwa Lasea.
Mhaka Malta, kiryanzoni, merikebu ikondika
9Hekinaveche misi mingi, na ntambo yaoka yena ntenga iki, na misi ya kukuima yakenja kuvecha, Paulo akavachunda, 10akati, “Vomeni, nivona iti ntambo ii ineketa ntenga na kukondikiwa kujinki, si kwa mijigho na merikebu du, mira hata na ya kukalama kwetu.” 11Mira akida akamsikija nahodha na mwenye merikebu kukela vila Paulo etetie. 12Kila bandari yesiveie kuikaa he misi ya kiho, vajinki vavo vakatiana vahavuke, vagheshe kufika Foinike kakicha kive, nesa vaikae uko igheri la kiho; nayo neki bandari ya Krete, yehotie mondo wa ughu wa kibuka iziva na mondo wa ishi wa kibuka izuva. 13Nkungu ya mondo wa ishi yekivoka kukunta hadori, vekidunganya iti vavona kila vekienda, vakavuka aho, vakazoka mbaimbai hafuhi na Krete. 14Hekivecha kamtungo hakakunta nkungu mbaha ya nzinya ya kiryanzoni, yeitangwa Eurakilo, 15merikebu ikagurwa na kusaidima kusoma ndaru he nkungu, tukaishigha tukakutikirwa. 16Kangi twekivecha fia hafuhi na kirua cheitangwa Kilauda, kwa vwasi tukaidima kukweja mashua; 17vekinakenje kukweja vakaghuha vya kuvaghenjija, vakichunga merikebu vekivechija nzighi kujisi heyo, vekifoleka iti vasigurwe ni itonto la Siriti, vakavusha matanga vakakutongira vula. 18Msi wa keri vakavoka kutagha mijigho he bahari kila tekibighishwa ni kiryanzoni. 19Msi wa katatu vakatagha ntanu ja merikebu na mikono yavo venye. 20Hakavecha misi mingi izuva neri ntondo vyesivoneka, tukarishwa vwasi ni kiryanzoni, neri tehena ena ikuji la kukia.
21Vekinaikae misi mingi vesila kijo, Paulo akaimuka ghati hevo, akati, “Vomeni, chekimutarire kunisikia na kusavuka kula Krete, tetwekivona ii mpwasi na uku kutesha. 22Iki nimuvwira, Dinwani ni ngoro, ambu tehena neri mmwe henyu eneteka, esire merikebu du. 23Ambu mengo malaika wa Mrungu eye mi ne wakwe, eye mi nemtasa, eimuke hafuhi nami, 24akaniti, ‘Paulo, usifoleke, nnde sari uimuke mozya he Kaisari; kangi rereha, Mrungu akunka vantu vose vezoa nawe.’ 25Heicho vomeni, shangalalwani; ambu nimwitikija Mrungu iti kineoka huvo huvo sa vuntu nevwirirwe. 26Mira nnde sari tuangamire he kirua kimwe.”
27Aho kio cha ikumi na kane chekifika, hala twekitikwa uko na uko he bahari ya Adria, neki sa kio cha mnane huvu, mabaharia vakadunganya iti vazengelela hantu hajomu. 28Vakaseja kipimo vakavona mpima makumi meri, vakatonga hadori, vakaseja wa kipimo, vakavona mpima ikumi na sano. 29Vakafoleka iti tusireangamira he mirarabwe; vakaseja nanga ne ja uko nyuma, vakaomba hache. 30Mabaharia vekienda kuaha na kushigha merikebu, vekiseja ngilawa he bahari sa veenda kuseja ja mozya, 31Paulo akamti akida na vasikari, “Ava vekisaikaa he merikebu, temukaidime kukia.” 32Niho vasikari vakachwa nzighi ja ngilawa, vkaishigha ikagwa.
33Hekifika kucha, Paulo akavasemba vose iti vale kijo, ekiti, “Yoo ni msi wa ikumi na kane ere kuinda na kukuima mwesina cho mwelie. 34Heicho nimusemba mule kijo, ambu huvo kineoka lukio lwenyu, ambu tehena neri lujwii lwa he mtwi wa mmwe wenyyu lweneteka.” 35Ekinakenje kuteta huvo, akaghuha mkate, akamwanjela Mrungu mozya he vose, akaubendua akavoka kula. 36Niho vose vakashangalala, navo venye vakala kijo. 37Na uswi twkiho he merikebu twekikoloke vantu maghana meri na makumi mfungate na mtandatu. 38Vekinaighute vakahayamija merikebu, vekitagha ngano he bahari.
39Hekicha vasimanye lila isanga iti ni lahi, mira vakavona hantu bahari yeingie he isanga, vakatiana iti kakicha kive vaimukije merikebu uko. 40Vakatagha jila nanga hae, vakajishigha he bahari, vakalegheja na nzighi ja sukani, vakakweja itanga idori nesa ligure nkungu, vakatonga kakenda he bahari. 41Mira vakafika hantu bahari mbiri jezomane, vakimukija merikebu, kula mozya ikadinda, ikagurwa isisongere, mondo wa nyuma ikabajwa ni nzinya ya maimbi. 42Mburi ya vasikari neki kukoma vala vechungiwe, nesa hasikete mntu ezamberya akaaha. 43Mira akida kila eenda kumkinda Paulo akavakinda kuketa sa vuntu vedunganye; akavaazera vala veidima kuzamberya varongetorika na he bahari vafike isanga ijomu, 44vala veshele kumwe wanga he mabanti, na kumwe wanga he vibaje vya merikebu. Huvo vantu vose vakafika he isanga ijomu mpoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.