2 VAKORINTO 9
9
1He mburi ya kuvahirira vala vezerire, sina cha kumuanfikia. 2Ambu nemanyije kurekera kwenyu, ekwo nekukazia vuntu vwenyu he Vamakedonia, iti, “Akaya yekikuringanye too mwaka mzima;” na kukudoka kwenyu kwevasoseje vajinki vavo. 3Mira ava vandughu nevatumie, nesa kukaza kwetu vuntu vwenyu kusioke sutwa he mburi ii; nesa muveiwe kukuringanya sa vuntu netetie; 4nesa Vamakedonia vekiza hamwezu nami, na kumukicha mwesinakuringanya, nesa uswi tusiresonika, -tusiti unywi,- hena iyo miikarire tweivikie ikuji. 5Heicho nikavona iti kinitara nivarunge ava vandughu varongefika henyu na kuhareha hecheri viinkwa vyenyu mwevikie kiariro too kae, nesa viringanywe huvo, kioke sa kiinkwa, nesa si sa kintu cheinkijwa kwa lukolo.
Vuntu msango wenefunywa
6Mira niteta huvo kuti, “Ula ehanda vighere enefindika vighere; na ula ehanda vijinki enefindika vijinki.” 7Kila mntu nakete sa vuntu erekere he ngoro yakwe, si kwa kushinirwa, neri si kukakashwa, ambu Mrungu ekunda ula einkija kwa ngoro yerongeke. 8Na Mrungu eidima kumuizuja kila mbonea ku nyingi, nesa unywi misi yose mwekiketa mvono wa kila kintu, muidime kuzika mno he he kuketa kila e chedi; 9sa vuntu cheandikwe,
“Ezarire, akavainka vakiva,
Kitea chakwe kiikaa kae na kae.”
10Na ula emunka mhandi mbeu, na mkate uoke kijo, enemuinka mbeu ja kuhanda na kujinesha, naye eneongeja ntunda ja kitea chenyu; 11mwekighoshwa vazuri he vintu vyose, mukete kise kibaha, chemwetie Mrungu kuvikiwa mvera he ndima yetu. 12Ambu vuhiri vwa ii ndima, tevuvakoloshija vezerire vila vyevatara vyevaduikie du, mira vuzika haiwa kuketa lumazo he kumvikia Mrungu mvera. 13Ambu mwekigheshwa vuntu vwa uvo vuhiri, vemkaza Mrungu vuntu vwa kuraterija kwenyu he kuzumira Mburi Yedi yakwe Kristo, na he kise chenyu mwevaorire vo na vantu vose. 14Navo venye vekimwombia, vemusikiwa nkwina vuntu vwa mbonea ya Mrungu yenetie mno he unywi. 15Mrungu naanjelwe vuntu vwa kiinkwa chakwe, neri twesiidima kukikaza vuntu chetara.
Currently Selected:
2 VAKORINTO 9: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
2 VAKORINTO 9
9
1He mburi ya kuvahirira vala vezerire, sina cha kumuanfikia. 2Ambu nemanyije kurekera kwenyu, ekwo nekukazia vuntu vwenyu he Vamakedonia, iti, “Akaya yekikuringanye too mwaka mzima;” na kukudoka kwenyu kwevasoseje vajinki vavo. 3Mira ava vandughu nevatumie, nesa kukaza kwetu vuntu vwenyu kusioke sutwa he mburi ii; nesa muveiwe kukuringanya sa vuntu netetie; 4nesa Vamakedonia vekiza hamwezu nami, na kumukicha mwesinakuringanya, nesa uswi tusiresonika, -tusiti unywi,- hena iyo miikarire tweivikie ikuji. 5Heicho nikavona iti kinitara nivarunge ava vandughu varongefika henyu na kuhareha hecheri viinkwa vyenyu mwevikie kiariro too kae, nesa viringanywe huvo, kioke sa kiinkwa, nesa si sa kintu cheinkijwa kwa lukolo.
Vuntu msango wenefunywa
6Mira niteta huvo kuti, “Ula ehanda vighere enefindika vighere; na ula ehanda vijinki enefindika vijinki.” 7Kila mntu nakete sa vuntu erekere he ngoro yakwe, si kwa kushinirwa, neri si kukakashwa, ambu Mrungu ekunda ula einkija kwa ngoro yerongeke. 8Na Mrungu eidima kumuizuja kila mbonea ku nyingi, nesa unywi misi yose mwekiketa mvono wa kila kintu, muidime kuzika mno he he kuketa kila e chedi; 9sa vuntu cheandikwe,
“Ezarire, akavainka vakiva,
Kitea chakwe kiikaa kae na kae.”
10Na ula emunka mhandi mbeu, na mkate uoke kijo, enemuinka mbeu ja kuhanda na kujinesha, naye eneongeja ntunda ja kitea chenyu; 11mwekighoshwa vazuri he vintu vyose, mukete kise kibaha, chemwetie Mrungu kuvikiwa mvera he ndima yetu. 12Ambu vuhiri vwa ii ndima, tevuvakoloshija vezerire vila vyevatara vyevaduikie du, mira vuzika haiwa kuketa lumazo he kumvikia Mrungu mvera. 13Ambu mwekigheshwa vuntu vwa uvo vuhiri, vemkaza Mrungu vuntu vwa kuraterija kwenyu he kuzumira Mburi Yedi yakwe Kristo, na he kise chenyu mwevaorire vo na vantu vose. 14Navo venye vekimwombia, vemusikiwa nkwina vuntu vwa mbonea ya Mrungu yenetie mno he unywi. 15Mrungu naanjelwe vuntu vwa kiinkwa chakwe, neri twesiidima kukikaza vuntu chetara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.