2 VAKORINTO 7
7
1Heicho vakunde vangu, kila twena ivyo varavo, natukuzerije ngoro jetu he mainkwe ose a mwiri na a ngoro, kangi twekikolosha kuzera he kumfoleka Mrungu.
Kuganganya na kugerwa nzinya ni kuza kwakwe Tito
2Tuinkeni kapengere he ngoro jenyu. Tehena ye twwemketie kibonda, tehena ye twemteshije, neri tehena ye twemzindie. 3Siteta huvo cha kumulaha iti mweketie nzune; ambu narongamuvwira iti unywi muho he ngoro jetu hata he kufwa hamwe, na kukalama hamwe. 4Nina uguguti m’baha he unywi; nina kukukaza kubahisha vuntu vwenyu. Neizue ituja he mavwasi etu ose, neizue kuizihirwa kuvecha kiringanyo.
5Ambu hata tukinafike Makedonia, miri yetu teivoneie kakeba, mira twerishijwe vwasi hose hose, nze hekina nkondo, ndeni fole. 6Mira Mrungu e mretuja vasoka, etutujije he kuza kwakwe Tito. 7Neri si he kuza kwakwe du, mira hata he kula kutujwa etujijwe henyu, ekituukulila mburi ya nkwina yenyu, na ntiro jenyu, na kukudoka kwenyu vuntu vwangu; huvo nikazika kuizihirwa. 8Ambu nziaho nemushinije na ila barua, siganya; na kakicha ra nekiganyije, nivona iti ila barua yemushinije, nziaho ni ya kakenda du. 9Iki niizihirwa, si he mburi ya kushinijwa kwenyu, esire iti kuvihijwa kumuetie kuchwa mti. Ambu mwevihijwe vuntu vwa Mrungu, nesa musikuvwaje he mburi yoyose vuntu vwetu. 10Ambu kuvihijwa vuntu vwa Mrungu kuete kuchwa mti kweete lukio lwesina mganyo; mira kuvihiwa kwa si ii, kuete kifwa. 11Mira rerehani, kuvihijwa ukwo ukwo kwa vuntu vwa Mrungu, kweetie kudindijwa kweringane ze he unywi; yee, na kukukania; yee, na kusikia oro; yee, na fole, yee, na nkwina, yee, na kukudoka; yee, na kuchwa sire. Heicho vyose mwekuvonyeshe venye iti mwezerire he iyo mburi. 12Heicho, nziaho nemuandikie, siandike vuntu vwa ula eketie kibonda, kana vuntu vwa ula eketiiwe kibonda, esire iti kukudoka kwenyu vuntu vwetu kufunyirijwe mozya he Mrungu. 13Heicho twetujije. Kangi he kutujwa kwetu tweizihirwe mno kuvecha kiringanyo, vuntu vwa kuizihirwa kwakwe Tito, ambu ngoro yakwe yetundanywe ni unywi vose. 14Ambu, kari nekukazie heye, he kintu chochose vuntu vwenyu, sisonishwe; mira, sa vuntu twemuvwirire vyose cha idi nire huvo, na kukukaza kwetu he Tito nere kwa idi. 15Na lukundo lwakwe he unywi lweokie lubahisha kuvecha kiringanyo, aho ekikumbuka kula kusikia kwenyu unywi vose, vuntu mwenghuhie kwa fole na kuzingiza. 16Niizihirwa, ambu he kila kintu nina ikuji ibaha vuntu vwenyu.
Currently Selected:
2 VAKORINTO 7: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
2 VAKORINTO 7
7
1Heicho vakunde vangu, kila twena ivyo varavo, natukuzerije ngoro jetu he mainkwe ose a mwiri na a ngoro, kangi twekikolosha kuzera he kumfoleka Mrungu.
Kuganganya na kugerwa nzinya ni kuza kwakwe Tito
2Tuinkeni kapengere he ngoro jenyu. Tehena ye twwemketie kibonda, tehena ye twemteshije, neri tehena ye twemzindie. 3Siteta huvo cha kumulaha iti mweketie nzune; ambu narongamuvwira iti unywi muho he ngoro jetu hata he kufwa hamwe, na kukalama hamwe. 4Nina uguguti m’baha he unywi; nina kukukaza kubahisha vuntu vwenyu. Neizue ituja he mavwasi etu ose, neizue kuizihirwa kuvecha kiringanyo.
5Ambu hata tukinafike Makedonia, miri yetu teivoneie kakeba, mira twerishijwe vwasi hose hose, nze hekina nkondo, ndeni fole. 6Mira Mrungu e mretuja vasoka, etutujije he kuza kwakwe Tito. 7Neri si he kuza kwakwe du, mira hata he kula kutujwa etujijwe henyu, ekituukulila mburi ya nkwina yenyu, na ntiro jenyu, na kukudoka kwenyu vuntu vwangu; huvo nikazika kuizihirwa. 8Ambu nziaho nemushinije na ila barua, siganya; na kakicha ra nekiganyije, nivona iti ila barua yemushinije, nziaho ni ya kakenda du. 9Iki niizihirwa, si he mburi ya kushinijwa kwenyu, esire iti kuvihijwa kumuetie kuchwa mti. Ambu mwevihijwe vuntu vwa Mrungu, nesa musikuvwaje he mburi yoyose vuntu vwetu. 10Ambu kuvihijwa vuntu vwa Mrungu kuete kuchwa mti kweete lukio lwesina mganyo; mira kuvihiwa kwa si ii, kuete kifwa. 11Mira rerehani, kuvihijwa ukwo ukwo kwa vuntu vwa Mrungu, kweetie kudindijwa kweringane ze he unywi; yee, na kukukania; yee, na kusikia oro; yee, na fole, yee, na nkwina, yee, na kukudoka; yee, na kuchwa sire. Heicho vyose mwekuvonyeshe venye iti mwezerire he iyo mburi. 12Heicho, nziaho nemuandikie, siandike vuntu vwa ula eketie kibonda, kana vuntu vwa ula eketiiwe kibonda, esire iti kukudoka kwenyu vuntu vwetu kufunyirijwe mozya he Mrungu. 13Heicho twetujije. Kangi he kutujwa kwetu tweizihirwe mno kuvecha kiringanyo, vuntu vwa kuizihirwa kwakwe Tito, ambu ngoro yakwe yetundanywe ni unywi vose. 14Ambu, kari nekukazie heye, he kintu chochose vuntu vwenyu, sisonishwe; mira, sa vuntu twemuvwirire vyose cha idi nire huvo, na kukukaza kwetu he Tito nere kwa idi. 15Na lukundo lwakwe he unywi lweokie lubahisha kuvecha kiringanyo, aho ekikumbuka kula kusikia kwenyu unywi vose, vuntu mwenghuhie kwa fole na kuzingiza. 16Niizihirwa, ambu he kila kintu nina ikuji ibaha vuntu vwenyu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.