2 VAKORINTO 5
5
1Ambu twemanyije kuti ii nyumba yetu yatua e ya aha si, yekikondwa, tuna ijengo lefuma ha Mrungu, nyumba yesijengiwe na mikono, e ya kae na kae uko wanga. 2Ambu he ii nyumba tululuma twekisikia nkwina mno kudokwa hantu hetu hatua hefuma uko wanga; 3kakicha twekikenja kudokwa tetukavoneke iti tuho kituhu. 4Ambu uswi tweho he ii kaa, tululuma kila tweemeiwe, si iti tuenda kuhambuwa, esire kudokwa, nesa kila kintu cheziiwa ni kifwa, kimijwe ni nkalamo. 5Heicho, ula eturinganye vuntu vwa kiteto icho icho, ni Mrungu eye etwinkie Mpeho kutuokia mchunga. 6Huvo tudindwa ni ngoro misi yose; kangi twamanya iti, ili igheri twerewaha he mwiri, tuho hae na Mfumwa. 7-Ambu tutonga kwa mwitikijo, si kwa kuvona.- 8Mira tudindwa ni ngoro; na uswi tuvona, ni keba kusaikaa he mwiri na kuikaa hamwezu na Mfumwa. 9Heicho, kangi, kakicha tuwaha, kana kakicha tetuwaha, tukundija kumwizihija Ye. 10Ambu kitutara uswi vose kufunyirijwa mozya he kichumbi chakwe Kristo cha kulahia, nesa kila mntu aghuhe mhako wa vila ehirire he mwiri sa vuntu ehirire, kari ni vyedi kari ni vivivi.
Lukundo lwakwe Kristo, miendire na nzinya
11Ana twekimanya kumfoleka Mfumwa, tuvasingirija vantu; mira twafunyirijwa mozya he Mrungu. Nami nina kiariro iti, twerefunyirijwa hata he ngoro jenyu. 12Ambu tetukukaza venye mozya he unywi kangi, mira tumuinka kiusho cheshigha mukukaze vuntu vwetu, nesa muvone cha kuvagharusha vala vekukaza venye na vila vyevonwa, neri esi vya ngoro. 13Ambu kakicha twetekerwe ni icha, ni vuntu vwa Mrungu, kana, kakicha tuna icha lekoloke, ni he vuntu vwenyu. 14Ambu lukundo lwakwe Kristo lutukashasha; ambu twechwie huvu, iti mmwe efwie vuntu vwa vose, heicho vose vefwie; 15kangi efwie vuntu vwa vose, nesa vala veho vasiikae na moo kangi vuntu vwavo venye; esire vuntu vwakwe Ye efwie na kuvuka he vefwie vuntu vwavo.
Miikarire mishaa he Kristo
16Kuvokia iki chaoka iti, uswi tetumanyije mntu esire mmwe he kimwiri. Nziaho uswi twemtwarije Kristo he mwiri, mira iki tetutwarije wa huvo. 17Huvo, chaoka iti mntu ekiikaa he Kristo, aoka kirumbe kishaa; vya kae vyavecha; rereha vyaoka vishaa. 18Mira vyose pere vifuma he Mrungu, etukundanye uswi naye mwenye he Kristo, naye etuinkie ndima ya mkundanyo; 19nicho kuti: Mrungu ekiho he Kristo, aho ekikundanya si ii naye mwenye; asivataririe mateshanyo avo; naye egerire ndeni he uswi kiteto cha mkundanyo.
Vunondo vwa kukundanya
20Ana tu vamondo vuntu vwakwe Kristo, sa kuti, Mrungu esembereja kwa myomo yetu; tumusemba unywi vuntu vwakwe Kristo, mukundanywe na Mrungu. 21Ula esimanyije ibanu, akaghoshwa ibanu vuntu vwetu; nesa uswi tuoke kitea cha Mrungu hena Ye.
Currently Selected:
2 VAKORINTO 5: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
2 VAKORINTO 5
5
1Ambu twemanyije kuti ii nyumba yetu yatua e ya aha si, yekikondwa, tuna ijengo lefuma ha Mrungu, nyumba yesijengiwe na mikono, e ya kae na kae uko wanga. 2Ambu he ii nyumba tululuma twekisikia nkwina mno kudokwa hantu hetu hatua hefuma uko wanga; 3kakicha twekikenja kudokwa tetukavoneke iti tuho kituhu. 4Ambu uswi tweho he ii kaa, tululuma kila tweemeiwe, si iti tuenda kuhambuwa, esire kudokwa, nesa kila kintu cheziiwa ni kifwa, kimijwe ni nkalamo. 5Heicho, ula eturinganye vuntu vwa kiteto icho icho, ni Mrungu eye etwinkie Mpeho kutuokia mchunga. 6Huvo tudindwa ni ngoro misi yose; kangi twamanya iti, ili igheri twerewaha he mwiri, tuho hae na Mfumwa. 7-Ambu tutonga kwa mwitikijo, si kwa kuvona.- 8Mira tudindwa ni ngoro; na uswi tuvona, ni keba kusaikaa he mwiri na kuikaa hamwezu na Mfumwa. 9Heicho, kangi, kakicha tuwaha, kana kakicha tetuwaha, tukundija kumwizihija Ye. 10Ambu kitutara uswi vose kufunyirijwa mozya he kichumbi chakwe Kristo cha kulahia, nesa kila mntu aghuhe mhako wa vila ehirire he mwiri sa vuntu ehirire, kari ni vyedi kari ni vivivi.
Lukundo lwakwe Kristo, miendire na nzinya
11Ana twekimanya kumfoleka Mfumwa, tuvasingirija vantu; mira twafunyirijwa mozya he Mrungu. Nami nina kiariro iti, twerefunyirijwa hata he ngoro jenyu. 12Ambu tetukukaza venye mozya he unywi kangi, mira tumuinka kiusho cheshigha mukukaze vuntu vwetu, nesa muvone cha kuvagharusha vala vekukaza venye na vila vyevonwa, neri esi vya ngoro. 13Ambu kakicha twetekerwe ni icha, ni vuntu vwa Mrungu, kana, kakicha tuna icha lekoloke, ni he vuntu vwenyu. 14Ambu lukundo lwakwe Kristo lutukashasha; ambu twechwie huvu, iti mmwe efwie vuntu vwa vose, heicho vose vefwie; 15kangi efwie vuntu vwa vose, nesa vala veho vasiikae na moo kangi vuntu vwavo venye; esire vuntu vwakwe Ye efwie na kuvuka he vefwie vuntu vwavo.
Miikarire mishaa he Kristo
16Kuvokia iki chaoka iti, uswi tetumanyije mntu esire mmwe he kimwiri. Nziaho uswi twemtwarije Kristo he mwiri, mira iki tetutwarije wa huvo. 17Huvo, chaoka iti mntu ekiikaa he Kristo, aoka kirumbe kishaa; vya kae vyavecha; rereha vyaoka vishaa. 18Mira vyose pere vifuma he Mrungu, etukundanye uswi naye mwenye he Kristo, naye etuinkie ndima ya mkundanyo; 19nicho kuti: Mrungu ekiho he Kristo, aho ekikundanya si ii naye mwenye; asivataririe mateshanyo avo; naye egerire ndeni he uswi kiteto cha mkundanyo.
Vunondo vwa kukundanya
20Ana tu vamondo vuntu vwakwe Kristo, sa kuti, Mrungu esembereja kwa myomo yetu; tumusemba unywi vuntu vwakwe Kristo, mukundanywe na Mrungu. 21Ula esimanyije ibanu, akaghoshwa ibanu vuntu vwetu; nesa uswi tuoke kitea cha Mrungu hena Ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.