2 VAKORINTO 12
12
Mivonire ngazo kimpeho na kuduishwa ni vusoka
1Nire sari kukukaza, nziaho tekiiziha; mira ninefikia kuvona kimpeho na vila nefunukurirwe ni Mfumwa. 2Nemanyije mntu he Kristo, iki havecha miaka ikumi na mine, kakicha ekiho he mwiri simanyije; kakicha ekiho nze ya mwiri simanyije; Mrungu emanyije. Mntu uo epekulwe noko wanga mhaka wanga ya katatu. 3Nami nemmanyije uo mntu, kakicha ekiho he mwiri simanya; kana ekiho nze he mwiri, simanya, Mrungu emanyije; 4iti epekulwe mhaka Paradiso, akasikia viteto vyesitetika, evyo mntu esikundijwa kuviteta. 5He mburi ja mntu sa uo, ninekukaza; mira vuntu vwangu mwenye sikakukaze, esire he vusoka vwangu. 6Ambu nanga nekienda kukukaza sekirunda, ambu niteta idi. Mira nikusuja, nesa mntu asinitarire kuvecha ivyo evivona kana kuvisikia hemi. 7Na nesa nisikubae kuvecha kiringanyo, vuntu vwa ivyo vijinki nefunukurirwe, neinkiwe mvwa he mwiri, malaika wakwe Shetani, iti anibighe, nisirekubaa kuvecha kiringanyo. 8He vuntu vwa icho, nemsembie Mfumwa kantu katatu, iti kinivuke. 9Naye akaniti, “Mbonea yangu ikufika; ambu nzinya yangu ikolokia he vusoka.” Heicho ninekukazia vusoka vwangu na kuizihirwa kubaha, nesa nzinya yakwe Kristo iikae hemi. 10Heicho niizihirwa ni vusoka, na kubereshwa, na kuvihijwa, na kurierieshwa, na kula vwasi vuntu vwakwe Kristo. Ambu aho nekisokera niho nena nguju.
Paulo edunganya kangi kukukaza kwakwe
11Naoka kirundu, unywi mwenititikije. Ambu chekinitara nikazwe ni unywi; ambu siduike he ntume vala e vabaha he kintu neri kimwe, nziaho mi si kintu. 12Kididi maluvengo a ntume wa idi eketiwe ghati henyu kwa kugumirija kubaha, he maluvengo na vimako na virumo. 13Ambu ni kintu ani makanisa angi ena mwesikina, esire kila mi nesimuemeie? Nishighani icho nekondie. 14Rereha, iki ni ka katatu mi nerakuringanya kuza henyu, neri sikamuemeie. Ambu sienda vintu vyenyu, mira ni unywi nemuenda; ambu tekitara vana kuvanzia vazima, esire vazima kuvanzia vana. 15Nami he kuizihirwa kubaha ninezara, kangi ninezarwa vuntu vwa ngoro jenyu. Uvwo vuntu nezika kumukunda mno niiduikiwa kukundwa? 16Mira nakioke huvo, mi simuemeie; mira kila nechee haiwa nemugurire kwa kyavia. 17Hamao! he kila mntu nemtumie henyu, he uo mntu nemurihije kintu? 18Nemchundie Tito, nikamtuma ula mndughu hamwe naye. Hamao! Tito emurihije kintu? Hamao! Tito tetutongiie he Mpeho ula ula he maluvunda ala ala?
19Hamao! mhaka iki mudunganya iti tuenda mikung’olire henyu? Mozya ya Mrungu tuteta he Kristo. Vakunde, ivyo vyose ni vuntu vwa kumujenga unywi. 20Ambu nifoleka, iti aho nekiza nisiremukicha mweikee sa vuntu nesienda iti ninamukiche vwo, nikavoka kuvoneka henyu sa vuntu mwesekienda; nisirekicha hangi marenge na kiru, na oro, na mavoo, na machungijo, na matetano, na kukubaa, na mwulughiko; 21nami nekiraza kangi, Mrungu wangu asirenifalaja henyu, nami nikawajijwa vajinki vala veteshanye too aho, vasichwe mti kwa kushigha uvura na kushisha na vivivi veviketie.
Currently Selected:
2 VAKORINTO 12: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
2 VAKORINTO 12
12
Mivonire ngazo kimpeho na kuduishwa ni vusoka
1Nire sari kukukaza, nziaho tekiiziha; mira ninefikia kuvona kimpeho na vila nefunukurirwe ni Mfumwa. 2Nemanyije mntu he Kristo, iki havecha miaka ikumi na mine, kakicha ekiho he mwiri simanyije; kakicha ekiho nze ya mwiri simanyije; Mrungu emanyije. Mntu uo epekulwe noko wanga mhaka wanga ya katatu. 3Nami nemmanyije uo mntu, kakicha ekiho he mwiri simanya; kana ekiho nze he mwiri, simanya, Mrungu emanyije; 4iti epekulwe mhaka Paradiso, akasikia viteto vyesitetika, evyo mntu esikundijwa kuviteta. 5He mburi ja mntu sa uo, ninekukaza; mira vuntu vwangu mwenye sikakukaze, esire he vusoka vwangu. 6Ambu nanga nekienda kukukaza sekirunda, ambu niteta idi. Mira nikusuja, nesa mntu asinitarire kuvecha ivyo evivona kana kuvisikia hemi. 7Na nesa nisikubae kuvecha kiringanyo, vuntu vwa ivyo vijinki nefunukurirwe, neinkiwe mvwa he mwiri, malaika wakwe Shetani, iti anibighe, nisirekubaa kuvecha kiringanyo. 8He vuntu vwa icho, nemsembie Mfumwa kantu katatu, iti kinivuke. 9Naye akaniti, “Mbonea yangu ikufika; ambu nzinya yangu ikolokia he vusoka.” Heicho ninekukazia vusoka vwangu na kuizihirwa kubaha, nesa nzinya yakwe Kristo iikae hemi. 10Heicho niizihirwa ni vusoka, na kubereshwa, na kuvihijwa, na kurierieshwa, na kula vwasi vuntu vwakwe Kristo. Ambu aho nekisokera niho nena nguju.
Paulo edunganya kangi kukukaza kwakwe
11Naoka kirundu, unywi mwenititikije. Ambu chekinitara nikazwe ni unywi; ambu siduike he ntume vala e vabaha he kintu neri kimwe, nziaho mi si kintu. 12Kididi maluvengo a ntume wa idi eketiwe ghati henyu kwa kugumirija kubaha, he maluvengo na vimako na virumo. 13Ambu ni kintu ani makanisa angi ena mwesikina, esire kila mi nesimuemeie? Nishighani icho nekondie. 14Rereha, iki ni ka katatu mi nerakuringanya kuza henyu, neri sikamuemeie. Ambu sienda vintu vyenyu, mira ni unywi nemuenda; ambu tekitara vana kuvanzia vazima, esire vazima kuvanzia vana. 15Nami he kuizihirwa kubaha ninezara, kangi ninezarwa vuntu vwa ngoro jenyu. Uvwo vuntu nezika kumukunda mno niiduikiwa kukundwa? 16Mira nakioke huvo, mi simuemeie; mira kila nechee haiwa nemugurire kwa kyavia. 17Hamao! he kila mntu nemtumie henyu, he uo mntu nemurihije kintu? 18Nemchundie Tito, nikamtuma ula mndughu hamwe naye. Hamao! Tito emurihije kintu? Hamao! Tito tetutongiie he Mpeho ula ula he maluvunda ala ala?
19Hamao! mhaka iki mudunganya iti tuenda mikung’olire henyu? Mozya ya Mrungu tuteta he Kristo. Vakunde, ivyo vyose ni vuntu vwa kumujenga unywi. 20Ambu nifoleka, iti aho nekiza nisiremukicha mweikee sa vuntu nesienda iti ninamukiche vwo, nikavoka kuvoneka henyu sa vuntu mwesekienda; nisirekicha hangi marenge na kiru, na oro, na mavoo, na machungijo, na matetano, na kukubaa, na mwulughiko; 21nami nekiraza kangi, Mrungu wangu asirenifalaja henyu, nami nikawajijwa vajinki vala veteshanye too aho, vasichwe mti kwa kushigha uvura na kushisha na vivivi veviketie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.