1 VAKORINTO 15
15
Kuvuka he vefwie kwakwe Kristo
1Heicho vandughu, nimumanyisha ila Mburi Yedi nemubirikire; eyo mweighuhie, na he vuntu vwayo mweimuke, 2kangi heyo mwekijwa, kakicha mwegurishe nezo vila viteto nemubirikire, na kari mwitikijo wenyu si wa sutwa. 3Ambu aho kuvoka nemuinkie vila mi mwenye neviinkiwe, iti Kristo efwie vuntu vwa mabanu etu, sa vuntu maandiko eti; 4na iti ejikiwe, na iti msi wa katatu evukie he vefwie, sa vuntu maandiko eti; 5na iti emfumiie Kefa; kangi hata vala ikumi na veri; 6nyuma akavafumia vandughu maghana masano na kuvecha veho hantu hamwe; he avo va kumwe vereho na iki, mira va kumwe hevo vashinjia. 7Nyuma akamfumia Yakobo hata ntume vose; 8na he msiriikijo wa vantu vose akanifumia mi, ne sa emoghiwe igheri lesinafika. 9Ambu mi ni mdori he ntume, neri chesinifwenye kuitangwa ntume, ambu nekinyorinyorisha kanisa la Mrungu. 10Mira he mbonea ya Mrungu nikaoka huvu vuntu neikee; na mbonea yakwe yehoo hemi teiokie sutwa, mira nezikie haiwa kuronga ndima kuvavecha vose. Neri simi, mira ni mbonea ya Mrungu yeho he mi. 11Ana, kari nimi, kari ni vala, nivwo vuntu twebirikira, na nivwo vuntu mweitikije.
Kuvuka kwa vefwie
12Iki kakicha Kristo ebirikirwa iti evukie he vefwie, hanini va kumwe he unyi veti tehena kuvuka kwa vefwie? 13Mira kakicha tehena kuvuka kwa vefwie, 14Kristo naye tevukie he vefwie, kangi kakicha Kristo tevukie he vefwie, kubirikira kwetu ni kwa sutwa, na mwitikijo wenyu ni wa sutwa. 15Yee, na uswi tuvoneka iti tu vaonwa va Mrungu va mongo; ambu temtetiie Mrungu vuonwa iti emvushije Kristo he vefwie, uko temvushije, kakichara vefwie tevevushwa. 16Ambu kakicha vefwie tevevushwa, Kristo naye tevukie he vefwie. 17Na kakicha Kristo tevukie he vefwie, mwitikijo wenyu ni wa sutwa; mureho he mabanu enyu. 18Na aho vala veshinjie he Kristo, veteka. 19Kakicha tumwarira Kristo he moo uu du, tu vakiva kukela vantu vose.
20Mira iki Kristo evukie he vefwie, ni wa kuvoka ha vala veshinjie. 21Ambu sa vuntu kifwa cheetiwe ni mntu, huvo hata kuvuka kwa vefwie kweetiwe ni mntu. 22Ambu sa vuntu vose vefwa vuntu vwakwe Adamu, nire huvo, he Kristo vose veketa moo. 23Mira kila mmwe kihakwe; wa huvoka ni Kristo, nyuma ni vala vakwe Kristo ekineza. 24Aho niho msirikijo, ekinemunkia Mrungu Vava vufumwa vwakwe; ekinevusha kutetia kwose, na vubaha vyose, na nzinya. 25Ambu nire sari ye etetie mhaka avike vanzo vakwe vose kijusi he mavato akwe. 26Mnzo wakenjija enevushwa ni kifwa. 27Ambu: “Evikie vintu vyose kijusi he mavato akwe.” Mira ekiti, “Vyose vyavikwa kijusi heye, kimmanyika iti ula emvikiie vintu vyose, ye teho kijusi.” 28Ingeri vintu vyekinavikwa kijusi heye, niho hata Mwana naye enevikwa kijusi he ula emvikiie vintu vyose, nesa Mrungu aoke vyose he vyose.
29Hamao, vala vebatizwa vuntu vwa vefwie, veneghenda ze? Kakicha vefwie tevevushwa neri, hanini kubatizwa vuntu vwavo? 30Hanini na uswi tweho he ntenga magheri ose? 31Yee, vandughu, he uku kukutogola kwangu nena nakwo vuntu vwenyu he Kristo Yesu Mfumwa wetu, nifwa kila msi. 32Nekifwanyanya kivantu, uko Efeso neomane na nyama nkai, ninemaza ni? Kakicha vefwie tevevushwa, keba tule tunwe ambu yavo tunefwa. 33Musiishwe, migayo mivivi ikonda miikarire yedi. 34Kucheieni sa vuntu chemuvaie, neri musikonde; ambu vakumwe tevemmanyije Mrungu. Niteta huvo nesa nimusonishe.
35Mira kangi mntu eneti, “Vefwie vevushwa ze? Kangi veneza na mwiri ani?” 36U kirundu! icho wehanda tekiketa moo chesifwa; 37kangi icho wehanda, kakicha ni ngano kana mbeu ingi, tuhanda mwiri ula weneoka, esire ntembe ntuhu; 38mira Mrungu eiinka mwiri vuntu ekunda, kila mbeu mwiri wayo. 39Miri yose si ya mbare mmwe, ingi ni ya vantu, ingi ni ya nyama, ingi ni ya madeghe ingi ni ya samaki. 40Kangi hena miri ya uko wanga na miri ya si ii; mira vwedi vwa miri ya uko wanga na vwedi vwa miri ya si ii, vwetekane. 41Kangi ngazo ya izuva ni ingi na ngazo ya mweji ni ingi, na ngazo ya ntondo nire ingi; ambu hata ntondo jo njenye jeretekana he ngazo yajo. 42Hata he kuvuka kwa vefwie nire huvo; hehandwa chevoa; henevushwa chesivoa; 43hehandwa cha soni; henevushwa chena ngazo; hehandwa cheshokere; henevushwa chena nzinya; 44hehandwa mwiri wa kimntu; henevushwa mwiri wa kimpeho. Ukinakiche hena mwiri wa kimntu na wa kimpeho ureho. 45Nivwo vuntu cheandikwe: “Mntu wa kuvoka eye Adamu eokie mwiri wena moo;” mira Adamu wa kenjija ni Mpeho ekalamija. 46Mira teherongore wa kimpeho, esire wa kimntu, nyuma ula wa kimpeho ukanaza. 47Mntu wa kuvoka efuma he isanga, ni wa msau. Mntu keri efuma uko wanga. 48Vuntu ula wa msau eikee, nivyo vuntu vala va msau veikee; na vuntu ula wa uko wanga eikee, nivyo vuntu vala e va uko wanga veikee. 49Na sa vuntu tweghuhie fwani ya ula wa msau, nivyo vuntu tweneghuha fwani ya ula wa uko wanga.
50Vandughu vangu, che neteta ni iki, kuti: Mwiri na sakame teviidima kupala vufuwa vwa Mrungu; neri kuvoa kupala kusavoa. 51Rereha, nimuvwira cha mpiso; tetukashinjie vose, mira vose tunegharushwa 52he dakika mmwe, kupesha na kurereha, igheri la lugunda lwa mkengerejo; ambu lughunda luneia, na vefwie venevushwa vasiikae wa he kuvoa, na uswi tunegharushwa. 53Ambu nire sari uu wevoa udoke kusavoa, na uu wefwa udoke kusafwa. 54Aho uku kuvoa kwekinedoka kusavoa, na uku kufwa kwekinedoka kusafwa, niho kila kiteto cheandikwe chenekoloka, kuti: “Kifwa chamijwa he kuzima.” 55We kifwa, kuzima kwako kuohi? We kifwa, lusina lwako luohi? 56Lusina lwa kifwa ni mabanu, na nzinya ya mabanu ni myomongwa. 57Mira Mrungu naanjelwe, etwinkie kuzima vuntu vwa Mfumwa wetu Yesu Kristo. 58Heicho vandughu vangu vakunde, dindani, musiyungeyunge, muzikeronga ndima ya Mfumwa misi yose, ambu mwemanyije iti mabinuko enyu he Mfumwa si a sutwa.
Currently Selected:
1 VAKORINTO 15: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
1 VAKORINTO 15
15
Kuvuka he vefwie kwakwe Kristo
1Heicho vandughu, nimumanyisha ila Mburi Yedi nemubirikire; eyo mweighuhie, na he vuntu vwayo mweimuke, 2kangi heyo mwekijwa, kakicha mwegurishe nezo vila viteto nemubirikire, na kari mwitikijo wenyu si wa sutwa. 3Ambu aho kuvoka nemuinkie vila mi mwenye neviinkiwe, iti Kristo efwie vuntu vwa mabanu etu, sa vuntu maandiko eti; 4na iti ejikiwe, na iti msi wa katatu evukie he vefwie, sa vuntu maandiko eti; 5na iti emfumiie Kefa; kangi hata vala ikumi na veri; 6nyuma akavafumia vandughu maghana masano na kuvecha veho hantu hamwe; he avo va kumwe vereho na iki, mira va kumwe hevo vashinjia. 7Nyuma akamfumia Yakobo hata ntume vose; 8na he msiriikijo wa vantu vose akanifumia mi, ne sa emoghiwe igheri lesinafika. 9Ambu mi ni mdori he ntume, neri chesinifwenye kuitangwa ntume, ambu nekinyorinyorisha kanisa la Mrungu. 10Mira he mbonea ya Mrungu nikaoka huvu vuntu neikee; na mbonea yakwe yehoo hemi teiokie sutwa, mira nezikie haiwa kuronga ndima kuvavecha vose. Neri simi, mira ni mbonea ya Mrungu yeho he mi. 11Ana, kari nimi, kari ni vala, nivwo vuntu twebirikira, na nivwo vuntu mweitikije.
Kuvuka kwa vefwie
12Iki kakicha Kristo ebirikirwa iti evukie he vefwie, hanini va kumwe he unyi veti tehena kuvuka kwa vefwie? 13Mira kakicha tehena kuvuka kwa vefwie, 14Kristo naye tevukie he vefwie, kangi kakicha Kristo tevukie he vefwie, kubirikira kwetu ni kwa sutwa, na mwitikijo wenyu ni wa sutwa. 15Yee, na uswi tuvoneka iti tu vaonwa va Mrungu va mongo; ambu temtetiie Mrungu vuonwa iti emvushije Kristo he vefwie, uko temvushije, kakichara vefwie tevevushwa. 16Ambu kakicha vefwie tevevushwa, Kristo naye tevukie he vefwie. 17Na kakicha Kristo tevukie he vefwie, mwitikijo wenyu ni wa sutwa; mureho he mabanu enyu. 18Na aho vala veshinjie he Kristo, veteka. 19Kakicha tumwarira Kristo he moo uu du, tu vakiva kukela vantu vose.
20Mira iki Kristo evukie he vefwie, ni wa kuvoka ha vala veshinjie. 21Ambu sa vuntu kifwa cheetiwe ni mntu, huvo hata kuvuka kwa vefwie kweetiwe ni mntu. 22Ambu sa vuntu vose vefwa vuntu vwakwe Adamu, nire huvo, he Kristo vose veketa moo. 23Mira kila mmwe kihakwe; wa huvoka ni Kristo, nyuma ni vala vakwe Kristo ekineza. 24Aho niho msirikijo, ekinemunkia Mrungu Vava vufumwa vwakwe; ekinevusha kutetia kwose, na vubaha vyose, na nzinya. 25Ambu nire sari ye etetie mhaka avike vanzo vakwe vose kijusi he mavato akwe. 26Mnzo wakenjija enevushwa ni kifwa. 27Ambu: “Evikie vintu vyose kijusi he mavato akwe.” Mira ekiti, “Vyose vyavikwa kijusi heye, kimmanyika iti ula emvikiie vintu vyose, ye teho kijusi.” 28Ingeri vintu vyekinavikwa kijusi heye, niho hata Mwana naye enevikwa kijusi he ula emvikiie vintu vyose, nesa Mrungu aoke vyose he vyose.
29Hamao, vala vebatizwa vuntu vwa vefwie, veneghenda ze? Kakicha vefwie tevevushwa neri, hanini kubatizwa vuntu vwavo? 30Hanini na uswi tweho he ntenga magheri ose? 31Yee, vandughu, he uku kukutogola kwangu nena nakwo vuntu vwenyu he Kristo Yesu Mfumwa wetu, nifwa kila msi. 32Nekifwanyanya kivantu, uko Efeso neomane na nyama nkai, ninemaza ni? Kakicha vefwie tevevushwa, keba tule tunwe ambu yavo tunefwa. 33Musiishwe, migayo mivivi ikonda miikarire yedi. 34Kucheieni sa vuntu chemuvaie, neri musikonde; ambu vakumwe tevemmanyije Mrungu. Niteta huvo nesa nimusonishe.
35Mira kangi mntu eneti, “Vefwie vevushwa ze? Kangi veneza na mwiri ani?” 36U kirundu! icho wehanda tekiketa moo chesifwa; 37kangi icho wehanda, kakicha ni ngano kana mbeu ingi, tuhanda mwiri ula weneoka, esire ntembe ntuhu; 38mira Mrungu eiinka mwiri vuntu ekunda, kila mbeu mwiri wayo. 39Miri yose si ya mbare mmwe, ingi ni ya vantu, ingi ni ya nyama, ingi ni ya madeghe ingi ni ya samaki. 40Kangi hena miri ya uko wanga na miri ya si ii; mira vwedi vwa miri ya uko wanga na vwedi vwa miri ya si ii, vwetekane. 41Kangi ngazo ya izuva ni ingi na ngazo ya mweji ni ingi, na ngazo ya ntondo nire ingi; ambu hata ntondo jo njenye jeretekana he ngazo yajo. 42Hata he kuvuka kwa vefwie nire huvo; hehandwa chevoa; henevushwa chesivoa; 43hehandwa cha soni; henevushwa chena ngazo; hehandwa cheshokere; henevushwa chena nzinya; 44hehandwa mwiri wa kimntu; henevushwa mwiri wa kimpeho. Ukinakiche hena mwiri wa kimntu na wa kimpeho ureho. 45Nivwo vuntu cheandikwe: “Mntu wa kuvoka eye Adamu eokie mwiri wena moo;” mira Adamu wa kenjija ni Mpeho ekalamija. 46Mira teherongore wa kimpeho, esire wa kimntu, nyuma ula wa kimpeho ukanaza. 47Mntu wa kuvoka efuma he isanga, ni wa msau. Mntu keri efuma uko wanga. 48Vuntu ula wa msau eikee, nivyo vuntu vala va msau veikee; na vuntu ula wa uko wanga eikee, nivyo vuntu vala e va uko wanga veikee. 49Na sa vuntu tweghuhie fwani ya ula wa msau, nivyo vuntu tweneghuha fwani ya ula wa uko wanga.
50Vandughu vangu, che neteta ni iki, kuti: Mwiri na sakame teviidima kupala vufuwa vwa Mrungu; neri kuvoa kupala kusavoa. 51Rereha, nimuvwira cha mpiso; tetukashinjie vose, mira vose tunegharushwa 52he dakika mmwe, kupesha na kurereha, igheri la lugunda lwa mkengerejo; ambu lughunda luneia, na vefwie venevushwa vasiikae wa he kuvoa, na uswi tunegharushwa. 53Ambu nire sari uu wevoa udoke kusavoa, na uu wefwa udoke kusafwa. 54Aho uku kuvoa kwekinedoka kusavoa, na uku kufwa kwekinedoka kusafwa, niho kila kiteto cheandikwe chenekoloka, kuti: “Kifwa chamijwa he kuzima.” 55We kifwa, kuzima kwako kuohi? We kifwa, lusina lwako luohi? 56Lusina lwa kifwa ni mabanu, na nzinya ya mabanu ni myomongwa. 57Mira Mrungu naanjelwe, etwinkie kuzima vuntu vwa Mfumwa wetu Yesu Kristo. 58Heicho vandughu vangu vakunde, dindani, musiyungeyunge, muzikeronga ndima ya Mfumwa misi yose, ambu mwemanyije iti mabinuko enyu he Mfumwa si a sutwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.