1 VAKORINTO 13
13
Lukundo nilwo kiinkwa kibaha kukela vyose
1Na nikateteta na mitetire yya vantu na ya malaika, kakicha sina lukundo, naoka kighera cheia na mmanga weghona. 2Na nikateketa vuroti na kumanya mpiso jose, na kucha kwose, hata nekiketa mwitikijo wekoloke kiringanyo cha kusamija ntuvi, kakicha sina lukundo, mi si kintu. 3Hata nekighavia vakiva mari yangu yose, na kuinkija mwiri wangu iti ushotwe, kakicha sina lukundo, sina cho nenevona. 4Lukundo lugumirija, luketa chedi, lukundo teluna lwiso; lukundo telukukweja; telukubaa; 5telusova shima; teluenda vila e vyalwo; telekweja oro; telutara vivivi; 6twluizihirwa ni vila vya kusu, mira luizihirwa ni vya idi; 7lugumirija vyose; luitikija vyose; luvika ikuji he vyose, lurimia vyose. 8Lukondo teluduikiwa ni kintu narini; kakicha hena vuroti vunekondika; kakicha hena vitetire vijinki vinesia; kakicha hena macha, enevushwa. 9Ambu tumanya vya kumwe; na kurota vya kumwe; 10mira kila chekoloke chekiza, kila chesikoloke kinevushwa. 11Hala ne mwana, nekiteta kivwana, na kuririkana kivwana, na kuchwa mburi kivwana, nekinaoke mntu mzima nashigha vila vya kivwana. 12Ambu igheri la iki tuvona mfwanano sa he kiyoo; igheri ilo tunevona vusho kwa vusho; iki nemanyije vya kumwe; igheri ilo ninemanya nezo sa vuntu nami nemanyijwe nezo. 13Iki cheneikaa aho ni mwitikijo, ikuji, na lukundo, ivi vitatu; na kibaha he ivyo ni lukundo.
Currently Selected:
1 VAKORINTO 13: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
1 VAKORINTO 13
13
Lukundo nilwo kiinkwa kibaha kukela vyose
1Na nikateteta na mitetire yya vantu na ya malaika, kakicha sina lukundo, naoka kighera cheia na mmanga weghona. 2Na nikateketa vuroti na kumanya mpiso jose, na kucha kwose, hata nekiketa mwitikijo wekoloke kiringanyo cha kusamija ntuvi, kakicha sina lukundo, mi si kintu. 3Hata nekighavia vakiva mari yangu yose, na kuinkija mwiri wangu iti ushotwe, kakicha sina lukundo, sina cho nenevona. 4Lukundo lugumirija, luketa chedi, lukundo teluna lwiso; lukundo telukukweja; telukubaa; 5telusova shima; teluenda vila e vyalwo; telekweja oro; telutara vivivi; 6twluizihirwa ni vila vya kusu, mira luizihirwa ni vya idi; 7lugumirija vyose; luitikija vyose; luvika ikuji he vyose, lurimia vyose. 8Lukondo teluduikiwa ni kintu narini; kakicha hena vuroti vunekondika; kakicha hena vitetire vijinki vinesia; kakicha hena macha, enevushwa. 9Ambu tumanya vya kumwe; na kurota vya kumwe; 10mira kila chekoloke chekiza, kila chesikoloke kinevushwa. 11Hala ne mwana, nekiteta kivwana, na kuririkana kivwana, na kuchwa mburi kivwana, nekinaoke mntu mzima nashigha vila vya kivwana. 12Ambu igheri la iki tuvona mfwanano sa he kiyoo; igheri ilo tunevona vusho kwa vusho; iki nemanyije vya kumwe; igheri ilo ninemanya nezo sa vuntu nami nemanyijwe nezo. 13Iki cheneikaa aho ni mwitikijo, ikuji, na lukundo, ivi vitatu; na kibaha he ivyo ni lukundo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.