1 VAKORINTO 10
10
Ichundwe he mburi ya Kiisraeli
1Ambu, vandughu vangu, sienda mwekisamanya iti, vavava vetu vose vekiho kijusi ya ijumbi; vose vakavechija ghati he bahari; 2vose vakabatizwa vaoke vakwe Mose, he ijumbi na he bahari; 3vose vakala kijo kila kila cha kimpeho; 4vose vakanwa chanwa kila kila cha kimpeho, ambu venwiie he lila ikamba la kimpeho lekivaratera; na lila ikamba neki Kristo. 5Mira vajinkisha hevo Mrungu tekivaizihirwe, ambu evabuntiie he nyika. 6Heicho, ivyo vintu vyeokie fwanyanyi hetu, nesa tusioke varemotokia vivivi sa vuntu vala vemotoke. 7Neri musioke varetasa mirungu, sa vuntu va kumwe hevo vekiikee; sa vuntu cheandikwe: “Vantu vekiikae si kula na kunwa, vekikenja vakavuka kuvina.” 8Neri tusishinde, sa vuntu va kumwe veshindie, vakafwa msi mmwe vantu viku makumi meri na vitatu. 9Neri tusimgheshe Mfumwa, sa vuntu va kumwe hevo vemgheshije, vakakondwa ni nyoka. 10Neri musidunkunyike, sa vuntu va kumwe hevo vedunkunyike, vakakondwa ni mrekonda. 11Ivyo vintu vyose vyeokie hevo nesa vitucheje, vakaandikwa kutuchunda uswi, twefikiiwe ni msio wa igheri. 12Heicho ula ekuvona iti eimuke, arerehe asiregwa. 13Temunaziiwa ni mghesho esire wa kiringanyo cha kivantu. Mira Mrungu ni mkitengo; ye tekamushighe mugheshwe kukela vuntu mweidima; ambu hamwe na uo mghesho, enevika kapengere ka kukiia, nesa muidime kugumirija.
Mitaso ya mirungu iahwe
14Heicho ra, vakunde vangu, ahani mitasire ya mirungu. 15Niteta sa neteta na vantu vechee; ririkanani venye icho neteta. 16Kila kikombe cha lutelwedi twekiinka lutelwedi, hama si sanga ya sakame yakwe Kristo? Na ula mkate tweubendua, si sanga ya mwiri wakwe Kristo? 17Kila mkate e mmwe, na uswi twe vajinki tu mwiri mmwe; ambu uswi vose tughaviana uo mkate mmwe. 18Rerehani Vaisraeli vuntu vekiangie kimwiri. Vala vela vyetasie tevena vumwe na meza ya mtaso? 19Niteteni wa? iti kila chetasie mirungu ni kintu? Kana mirungu ni kintu? 20Icho hai, mira vila vevifunya itasi, vevifunya he mashetani, neri si he Mrungu; nami sienda mukete sanga na mashetani. 21Temuidima kunwia kikombe cha Mfumwa na kikombe cha mashetani. Temuidima kuketa vumwe na meza ya Mfumwa na meza ya mashetani. 22Kana tuta mgera Mfumwa kiru? Kana tutena nzinya kumkela?
23Vintu vyose vikundijwa, mira si vyose vyeve. Vintu vyose vikundijwa; mira si vyose vyejenga. 24Mntu asikuendie chakwe mwenye, esire cha mghenji. 25Vyose vyetaghwa he kiete lani, neri musivwijevwije vuntu vwa izii la ngoro; 26ambu, ii si na vyose vyeizue heyo ni vya Mfumwa. 27Mntu esiitikije ekimurarika, na unywi mwekienda kuswi, lani vyose vyevikiwe mozya he unywi, musivwijevwije vuntu vwa izii la ngoro. 28Mira mntu ekimuvwira iti iki kintu chetasiwe mirungu, musile, vuntu vwa ula amumanyisha, na vuntu vwa izii la ngoro. 29Nitetia izii la he ngoro, mira si lako esire la ula ungi. Ambu hanini vukomboli vwangu vwekilahwa ni izii la ngoro la mghenji? 30Kakicha mi nila changu kwa kuvika mvera, hanini nerarwa kwa kintu nekivikia mvera? 31Heicho, mwekila, kana mwekinwa, kana mwekiketa kintu chochose, ketani vyose he ngazo ya Mrungu. 32Musivahoshe Vayuda kana Vagriki kana kanisa la Mrungu; 33nirehuvo, sa vuntu mi nevaizihija vantu vose he vintu vyose, nesikuendia vyangu mwenye, esire vya vangi nesa vakijwe.
Currently Selected:
1 VAKORINTO 10: CHSUNT67
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.
1 VAKORINTO 10
10
Ichundwe he mburi ya Kiisraeli
1Ambu, vandughu vangu, sienda mwekisamanya iti, vavava vetu vose vekiho kijusi ya ijumbi; vose vakavechija ghati he bahari; 2vose vakabatizwa vaoke vakwe Mose, he ijumbi na he bahari; 3vose vakala kijo kila kila cha kimpeho; 4vose vakanwa chanwa kila kila cha kimpeho, ambu venwiie he lila ikamba la kimpeho lekivaratera; na lila ikamba neki Kristo. 5Mira vajinkisha hevo Mrungu tekivaizihirwe, ambu evabuntiie he nyika. 6Heicho, ivyo vintu vyeokie fwanyanyi hetu, nesa tusioke varemotokia vivivi sa vuntu vala vemotoke. 7Neri musioke varetasa mirungu, sa vuntu va kumwe hevo vekiikee; sa vuntu cheandikwe: “Vantu vekiikae si kula na kunwa, vekikenja vakavuka kuvina.” 8Neri tusishinde, sa vuntu va kumwe veshindie, vakafwa msi mmwe vantu viku makumi meri na vitatu. 9Neri tusimgheshe Mfumwa, sa vuntu va kumwe hevo vemgheshije, vakakondwa ni nyoka. 10Neri musidunkunyike, sa vuntu va kumwe hevo vedunkunyike, vakakondwa ni mrekonda. 11Ivyo vintu vyose vyeokie hevo nesa vitucheje, vakaandikwa kutuchunda uswi, twefikiiwe ni msio wa igheri. 12Heicho ula ekuvona iti eimuke, arerehe asiregwa. 13Temunaziiwa ni mghesho esire wa kiringanyo cha kivantu. Mira Mrungu ni mkitengo; ye tekamushighe mugheshwe kukela vuntu mweidima; ambu hamwe na uo mghesho, enevika kapengere ka kukiia, nesa muidime kugumirija.
Mitaso ya mirungu iahwe
14Heicho ra, vakunde vangu, ahani mitasire ya mirungu. 15Niteta sa neteta na vantu vechee; ririkanani venye icho neteta. 16Kila kikombe cha lutelwedi twekiinka lutelwedi, hama si sanga ya sakame yakwe Kristo? Na ula mkate tweubendua, si sanga ya mwiri wakwe Kristo? 17Kila mkate e mmwe, na uswi twe vajinki tu mwiri mmwe; ambu uswi vose tughaviana uo mkate mmwe. 18Rerehani Vaisraeli vuntu vekiangie kimwiri. Vala vela vyetasie tevena vumwe na meza ya mtaso? 19Niteteni wa? iti kila chetasie mirungu ni kintu? Kana mirungu ni kintu? 20Icho hai, mira vila vevifunya itasi, vevifunya he mashetani, neri si he Mrungu; nami sienda mukete sanga na mashetani. 21Temuidima kunwia kikombe cha Mfumwa na kikombe cha mashetani. Temuidima kuketa vumwe na meza ya Mfumwa na meza ya mashetani. 22Kana tuta mgera Mfumwa kiru? Kana tutena nzinya kumkela?
23Vintu vyose vikundijwa, mira si vyose vyeve. Vintu vyose vikundijwa; mira si vyose vyejenga. 24Mntu asikuendie chakwe mwenye, esire cha mghenji. 25Vyose vyetaghwa he kiete lani, neri musivwijevwije vuntu vwa izii la ngoro; 26ambu, ii si na vyose vyeizue heyo ni vya Mfumwa. 27Mntu esiitikije ekimurarika, na unywi mwekienda kuswi, lani vyose vyevikiwe mozya he unywi, musivwijevwije vuntu vwa izii la ngoro. 28Mira mntu ekimuvwira iti iki kintu chetasiwe mirungu, musile, vuntu vwa ula amumanyisha, na vuntu vwa izii la ngoro. 29Nitetia izii la he ngoro, mira si lako esire la ula ungi. Ambu hanini vukomboli vwangu vwekilahwa ni izii la ngoro la mghenji? 30Kakicha mi nila changu kwa kuvika mvera, hanini nerarwa kwa kintu nekivikia mvera? 31Heicho, mwekila, kana mwekinwa, kana mwekiketa kintu chochose, ketani vyose he ngazo ya Mrungu. 32Musivahoshe Vayuda kana Vagriki kana kanisa la Mrungu; 33nirehuvo, sa vuntu mi nevaizihija vantu vose he vintu vyose, nesikuendia vyangu mwenye, esire vya vangi nesa vakijwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chasu New Testament © Bible Society of Tanzania, 1967.