Wɔrɔmi ye 9
9
Kolocɔlɔɔ ní wi syɛɛnnyɛnɛ-wòlobèle kéele
1Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni. 2Koro gi nyɛ mii fúngi n curugo gbanʔama ní i mii yáa làrigèle myɛ ni. 3Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na. 4#Yir 4:22 Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na. 5Booma tofɔlɛɛbèle#9:5 Booma tofɔlɛɛbèle: Mɔ ga lóʔo nɛɛ naa booma tofɔlɛɛbèle, Abirahami, ní Izaaki, ní Zyakɔbi ye na be nyɛ. wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!
6Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í. 7#Sél 21:12 Pe i nyɛ Abirahami yòdaʔaya, kàjáa pe myɛ o nyɛ wi pìibēle í. Níì cán Kolocɔlɔɔ maa gi joo wi ma níì jo: «Izaaki ni mɔ a yodaʔaya taa, yee yi a ra yiri mɔ mɛ́ɛgi na lè.» 8Gee bee n jo bele be nyɛ lè Abirahami pìíbèle céri kàbaan na, poro ban be nyɛ Kolocɔlɔɔ pìíbèle í, fwɔɔ nyɔɔfaligi pìibēle wi córo Abirahami yòdaʔayi. 9#Sél 18:10 Dee naa di nyɛ nyɔɔfaligi syɛ́ɛnrɛ, dee Kolocɔlɔɔ da joo lè níì jo: «Yɛɛláa níbeena nyɔʔɔmɔ na mii a pan, Sara a ba nànbile see.»
10Koro yagana si ban í, ncan Erebeka maa ŋǎbéle fícɛnnɛ taa wi nǎnw ma, wi lè wolo tóolɛɛw Izaaki. 11-12#Sél 25:23 Lǎli ni pìíbèle bee pye lè sìnzee ni, koro n gi taa pe da kɔ́ɔ̀ kacànna wàlá kapeele kpéʔele í, a Kolocɔlɔɔ gi joo Erebeka ma níì jo: «Yɛʔɛfɔw a ba pye cɔnɔvɔw púlo.» Wi maa koro kpéʔele bi gi tɛ̀ɛn àmɛɛ woro gi kɔ̀rirɔ lè bi wàa nyɛ́nɛ wòlo bi yɛlɛ ní woro kínidɛnɛgi ní, ki wɔ́ɔ pye kánmi bee na, jàngó ki a kɔ́ ba pye mɔ a jo kapyegèle kéele na gi kpéʔele í, fwɔɔ woro kayeli kéele na gi kpéʔele. 13#Mal 1:2-3 Amɛɛ gi sɛ́bɛ lè n jo: «Zyakɔbi kéeli n mii dɛ́nɛ, á Ezau kéeli si mii bɛɛn.»
14Ki si i lè nya, nyàʔá wolo a joo? A kolomɔ tɛ́ɛlɛ i nyɛ lé Kolocɔlɔɔ na? Eʔe dɛ! 15#Yir 33:19 Níì cán wi n Mowizi pye:
«Wee na mii ga ni caa bi nyinimɛ taa lè,
mii a nyinimɛ taa wi na.
Wee mii ga ni caa bi kpàraco lè,
mii a wi kpàraco.»
16Gee bee si ga tɔ́ɔ̀ taa syɔɔn nyɛ́nɛ kéele na í, wàlá syɔɔn kapyegèlē báriga ni í, fwɔɔ nyínimi fɔ́lɔ báriga ni gi taa, wi lè Kolocɔlɔɔ. 17#Yir 9:16 Níì cán Kolocɔlɔɔ n gi joo Faraɔn ma woro syɛɛnsɛbɛri ni níì jo:
«Gee naa tiimaa kéele na mii mɔ télege fǎngi na,
koro ga pye mii í mɔ kéeli pye sábabu bi mii séekpɔɔw tɛ̀ɛn,
mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.»
18Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.
Kolocɔlɔɔ fundanʔari ní wi nyínimi kéele
19Dɔ̀ʔɔ́ mɔ a mii yíbe si jo: «Ki ga pye nya, nyàʔá na wi a ní kolomɔ kaan syɔɔn ma? Ba wìí syɔ́ɔn wi a gbǎn Kolocɔlɔɔ nyɛ́nɛ kéeli cée?» 20#Eza 29:16; 45:9 Ee syɔɔn, mɔ wi nyɛ wìí ní si i Kolocɔlɔɔ kábala nya? A yafanʔa a gbǎn gi faanfɔlɔ yíbe lé si jo: «Nyàʔá na mɔ mii faan kánmi naa na?» 21Cóofaanw ban wi nyɛ cóori nyúngo na ì? Yele ga gi cán wi a gbǎn cóoro láa bi lɔgbanra kodɔɔlɔ faan si ní tàa láa bi lɔdaanra wólo faan ì, kòdogèle bee myɛ siin si yiri cóonyín-níjanni ni ì?
22Anbée ban Kolocɔlɔɔ wɔ́ɔ̀ gi kpéʔele ì? Alí n gi yaʔa wi maa ni caa bi wi fundanʔari tɛ̀ɛn ní wi séekpɔɔw myɛ ní, bele na wi fundanʔari nyɛ lè, a wi be sámaga n yaʔa kálagili kánma na, koro ní ki myɛ ní a wi sèʔê be kpàraco. 23Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè. 24Poro si be nyɛ wolo, wolo bele wi yeri lè, Zyefubèle yagana nínge si ni ban wi wolo nyɛ́nɛ n wòlo í, kàjáa wi n wɔ́ɔ̀ wolo pèle nyɛ́nɛ n wòlo syɛɛnfeleyaa nínge ni. 25#Oz 2:25 Anbée wi wɔ́ɔ̀ gi joo Oze sɛ́bɛw ni níì jo:
«Bele be lè pe da pye mii syɛ̀ɛnnɛ í,
mii a ra be yiri mii syɛ́ɛnbèle,
ní bele be lè pe da pye mii syɛɛn-nidaanmabéle í,
mii a ra be yiri mii syɛɛn-nidaanmabèle.
26 #
Oz 2:1
Alí tɛ́ɛgee ni wi gi joo lè níì jo:
‹Yele o nyɛ mii syɛ̀ɛnnɛ í,›
tɛ́ɛgi bee wonijanga ni pe a ra be yiri
Kolocɔlɔɔ woweew jàala.»
27 #
Eza 10:22-23
Ezayi si maa ni wi yákpoli wáa Isirayɛli ye kéeli na níì jo:
«Alí Isirayɛli ye ga nɛʔɛ àmɛɛ sólomi
lɔ̀ʔɔ táminyɔɔ nyɛ lè,
poro pèle cɛ̀ɛri yagana pe a syɔɔ.
28Níì cán Kàfɔw a wári wi kajooli kpéʔele bi foro tári na.»
29 #
Eza 1:9
Ní àmɛɛ Ezayi da sélì gi joo lè níì jo:
«Ní ki ga pye Nyɛ̀ʔɛni Sùlasiibéle Kafɔlɔ#9:29 Nyɛ̀ʔɛni Sùlasiibéle Kafɔlɔ: Mɔ ga lóʔo Nyɛ̀ʔɛni Sùlasiibéle Kafɔlɔ, Kolocɔlɔɔ mɛ́ɛgaa gii. Mɛ́ɛgi bee n Kolocɔlɔɔ séekpɔɔw tɛ̀ɛn, woro wee wi nyɛ lè nyɛ̀ʔɛni tundunbéle ní li yáriri myɛ nyúngo na. da yòdaʔaga
yaʔa wolo ma í,
wolo mǎà dée ba pye àmɛɛ Sodɔmi ye da pye lè,
si wɔ́ɔ Gomɔri ye wíri.»
Isirayɛli ye ní Syɛɛnjóocǎnri kéele
30Ki si ga pye nya, nyàʔá wolo a joo? Ncan syɛɛnfeleyee yi lè yi da ni sínni caa í, yi n sínni taa, sínlee li taagi lè tágali báriga ni, 31kàjáa Isirayɛli ye maa ni sínni làlwa caa, pe si ga wi taa í. 32Nyàʔá na? Níì cán pe da ni wi caa tágali báriga ni í, fwɔɔ kapyegèle báriga ni. A be si kpírige kàdɛnɛgi na gee na syɛ́ɛnbèle kpírigi lè. 33#Eza 28:16 Amɛɛ gi sɛ́bɛ lè níì jo:
«Ye wéle, mii n kàdɛnɛgɛ tɛ́ʔɛ Siyɔn kěgi fúngo ni
gee na syɛ́ɛnbèle kpírigi lè,
ní fálaga, gee gi syɛ́ɛnbèle cáan lè,
syɔ́ɔnwee wi tága wi na lè,
fɛ̀ɛrɛ a tée wee bee taa bi nyaa nyáana í.»
Currently Selected:
Wɔrɔmi ye 9: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Wɔrɔmi ye 9
9
Kolocɔlɔɔ ní wi syɛɛnnyɛnɛ-wòlobèle kéele
1Kányɛɛgi mii nyuu Kirisi ni, mii o finɛ í, mii fúngi tiimaa i nyɛ mii séera Pìicǎnni báriga ni. 2Koro gi nyɛ mii fúngi n curugo gbanʔama ní i mii yáa làrigèle myɛ ni. 3Ki ga maa pye bi gbǎn kpéʔele, mii mǎà dée ra caa Kolocɔlɔɔ í mii dánga mii í láʔa Kirisi na mii senyɛnbèle syɔɔlɔ kéele na, bele be lè mii felegefɔ-nyɛ́nbèle céri kàbaan na. 4#Yir 4:22 Poro be nyɛ Isirayɛli syɛ́ɛnbèle, bele Kolocɔlɔɔ kpéʔele lè woro pìibēle, níì wi nìjangbɔɔri, ní wi joogaangèle* kaan be ma, n fàra wi làlwaw, ní wi kpɔ̀ʔɔrɔli, ní wi nyɔɔfaliyi na. 5Booma tofɔlɛɛbèle#9:5 Booma tofɔlɛɛbèle: Mɔ ga lóʔo nɛɛ naa booma tofɔlɛɛbèle, Abirahami, ní Izaaki, ní Zyakɔbi ye na be nyɛ. wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!
6Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í. 7#Sél 21:12 Pe i nyɛ Abirahami yòdaʔaya, kàjáa pe myɛ o nyɛ wi pìibēle í. Níì cán Kolocɔlɔɔ maa gi joo wi ma níì jo: «Izaaki ni mɔ a yodaʔaya taa, yee yi a ra yiri mɔ mɛ́ɛgi na lè.» 8Gee bee n jo bele be nyɛ lè Abirahami pìíbèle céri kàbaan na, poro ban be nyɛ Kolocɔlɔɔ pìíbèle í, fwɔɔ nyɔɔfaligi pìibēle wi córo Abirahami yòdaʔayi. 9#Sél 18:10 Dee naa di nyɛ nyɔɔfaligi syɛ́ɛnrɛ, dee Kolocɔlɔɔ da joo lè níì jo: «Yɛɛláa níbeena nyɔʔɔmɔ na mii a pan, Sara a ba nànbile see.»
10Koro yagana si ban í, ncan Erebeka maa ŋǎbéle fícɛnnɛ taa wi nǎnw ma, wi lè wolo tóolɛɛw Izaaki. 11-12#Sél 25:23 Lǎli ni pìíbèle bee pye lè sìnzee ni, koro n gi taa pe da kɔ́ɔ̀ kacànna wàlá kapeele kpéʔele í, a Kolocɔlɔɔ gi joo Erebeka ma níì jo: «Yɛʔɛfɔw a ba pye cɔnɔvɔw púlo.» Wi maa koro kpéʔele bi gi tɛ̀ɛn àmɛɛ woro gi kɔ̀rirɔ lè bi wàa nyɛ́nɛ wòlo bi yɛlɛ ní woro kínidɛnɛgi ní, ki wɔ́ɔ pye kánmi bee na, jàngó ki a kɔ́ ba pye mɔ a jo kapyegèle kéele na gi kpéʔele í, fwɔɔ woro kayeli kéele na gi kpéʔele. 13#Mal 1:2-3 Amɛɛ gi sɛ́bɛ lè n jo: «Zyakɔbi kéeli n mii dɛ́nɛ, á Ezau kéeli si mii bɛɛn.»
14Ki si i lè nya, nyàʔá wolo a joo? A kolomɔ tɛ́ɛlɛ i nyɛ lé Kolocɔlɔɔ na? Eʔe dɛ! 15#Yir 33:19 Níì cán wi n Mowizi pye:
«Wee na mii ga ni caa bi nyinimɛ taa lè,
mii a nyinimɛ taa wi na.
Wee mii ga ni caa bi kpàraco lè,
mii a wi kpàraco.»
16Gee bee si ga tɔ́ɔ̀ taa syɔɔn nyɛ́nɛ kéele na í, wàlá syɔɔn kapyegèlē báriga ni í, fwɔɔ nyínimi fɔ́lɔ báriga ni gi taa, wi lè Kolocɔlɔɔ. 17#Yir 9:16 Níì cán Kolocɔlɔɔ n gi joo Faraɔn ma woro syɛɛnsɛbɛri ni níì jo:
«Gee naa tiimaa kéele na mii mɔ télege fǎngi na,
koro ga pye mii í mɔ kéeli pye sábabu bi mii séekpɔɔw tɛ̀ɛn,
mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.»
18Gee bee na wee na wi ga ni caa bi nyinimɛ taa lè, wi n bi taa wi na, wi ga wɔ́ɔ ni caa bi wee zɔ̀n gbàn lè, wi n wi gbàn.
Kolocɔlɔɔ fundanʔari ní wi nyínimi kéele
19Dɔ̀ʔɔ́ mɔ a mii yíbe si jo: «Ki ga pye nya, nyàʔá na wi a ní kolomɔ kaan syɔɔn ma? Ba wìí syɔ́ɔn wi a gbǎn Kolocɔlɔɔ nyɛ́nɛ kéeli cée?» 20#Eza 29:16; 45:9 Ee syɔɔn, mɔ wi nyɛ wìí ní si i Kolocɔlɔɔ kábala nya? A yafanʔa a gbǎn gi faanfɔlɔ yíbe lé si jo: «Nyàʔá na mɔ mii faan kánmi naa na?» 21Cóofaanw ban wi nyɛ cóori nyúngo na ì? Yele ga gi cán wi a gbǎn cóoro láa bi lɔgbanra kodɔɔlɔ faan si ní tàa láa bi lɔdaanra wólo faan ì, kòdogèle bee myɛ siin si yiri cóonyín-níjanni ni ì?
22Anbée ban Kolocɔlɔɔ wɔ́ɔ̀ gi kpéʔele ì? Alí n gi yaʔa wi maa ni caa bi wi fundanʔari tɛ̀ɛn ní wi séekpɔɔw myɛ ní, bele na wi fundanʔari nyɛ lè, a wi be sámaga n yaʔa kálagili kánma na, koro ní ki myɛ ní a wi sèʔê be kpàraco. 23Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè. 24Poro si be nyɛ wolo, wolo bele wi yeri lè, Zyefubèle yagana nínge si ni ban wi wolo nyɛ́nɛ n wòlo í, kàjáa wi n wɔ́ɔ̀ wolo pèle nyɛ́nɛ n wòlo syɛɛnfeleyaa nínge ni. 25#Oz 2:25 Anbée wi wɔ́ɔ̀ gi joo Oze sɛ́bɛw ni níì jo:
«Bele be lè pe da pye mii syɛ̀ɛnnɛ í,
mii a ra be yiri mii syɛ́ɛnbèle,
ní bele be lè pe da pye mii syɛɛn-nidaanmabéle í,
mii a ra be yiri mii syɛɛn-nidaanmabèle.
26 #
Oz 2:1
Alí tɛ́ɛgee ni wi gi joo lè níì jo:
‹Yele o nyɛ mii syɛ̀ɛnnɛ í,›
tɛ́ɛgi bee wonijanga ni pe a ra be yiri
Kolocɔlɔɔ woweew jàala.»
27 #
Eza 10:22-23
Ezayi si maa ni wi yákpoli wáa Isirayɛli ye kéeli na níì jo:
«Alí Isirayɛli ye ga nɛʔɛ àmɛɛ sólomi
lɔ̀ʔɔ táminyɔɔ nyɛ lè,
poro pèle cɛ̀ɛri yagana pe a syɔɔ.
28Níì cán Kàfɔw a wári wi kajooli kpéʔele bi foro tári na.»
29 #
Eza 1:9
Ní àmɛɛ Ezayi da sélì gi joo lè níì jo:
«Ní ki ga pye Nyɛ̀ʔɛni Sùlasiibéle Kafɔlɔ#9:29 Nyɛ̀ʔɛni Sùlasiibéle Kafɔlɔ: Mɔ ga lóʔo Nyɛ̀ʔɛni Sùlasiibéle Kafɔlɔ, Kolocɔlɔɔ mɛ́ɛgaa gii. Mɛ́ɛgi bee n Kolocɔlɔɔ séekpɔɔw tɛ̀ɛn, woro wee wi nyɛ lè nyɛ̀ʔɛni tundunbéle ní li yáriri myɛ nyúngo na. da yòdaʔaga
yaʔa wolo ma í,
wolo mǎà dée ba pye àmɛɛ Sodɔmi ye da pye lè,
si wɔ́ɔ Gomɔri ye wíri.»
Isirayɛli ye ní Syɛɛnjóocǎnri kéele
30Ki si ga pye nya, nyàʔá wolo a joo? Ncan syɛɛnfeleyee yi lè yi da ni sínni caa í, yi n sínni taa, sínlee li taagi lè tágali báriga ni, 31kàjáa Isirayɛli ye maa ni sínni làlwa caa, pe si ga wi taa í. 32Nyàʔá na? Níì cán pe da ni wi caa tágali báriga ni í, fwɔɔ kapyegèle báriga ni. A be si kpírige kàdɛnɛgi na gee na syɛ́ɛnbèle kpírigi lè. 33#Eza 28:16 Amɛɛ gi sɛ́bɛ lè níì jo:
«Ye wéle, mii n kàdɛnɛgɛ tɛ́ʔɛ Siyɔn kěgi fúngo ni
gee na syɛ́ɛnbèle kpírigi lè,
ní fálaga, gee gi syɛ́ɛnbèle cáan lè,
syɔ́ɔnwee wi tága wi na lè,
fɛ̀ɛrɛ a tée wee bee taa bi nyaa nyáana í.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.