Wɔrɔmi ye 7
7
Fɛ̀ɛ́wee cèpɔrigi tɛ̀ɛn lè
1Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì? 2Kánmi bee na nàɔn ga cɔlɔɔ pɔri, làlwaw n céw pwɔɔ wi nǎnw na wi wéemi làla myɛ ni. Kàjáa wi nǎnw ga kùu, wi n syɔɔ wi nǎnw làlwa ma. 3Gee bee na bi wi nǎnw yaʔa sìi na, wi ga sáà kòro nànwaa nikwɔɔ ma, pe a ra wi yiri nànjaacɔɔ̀, wi nǎnw si ga kùu, wi n syɔɔ wi nǎnw làlwa ma, wi ga kòro nànwaa nikwɔɔ ma, pe a ní gbǎn ra wi yiri nànjaacɔɔ̀ í. 4Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma. 5Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma. 6Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.
Mowizi làlwaw ní kapeebyeri kéele
7 #
Yir 20:17; Làlw 5:21 Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í. 8Kapeebyeri si n kanmaa taa làlwaw bee tundunro báriga ni ni nyabɛɛntaari féleye myɛ yìrigí mii fúngi ni. Níì cán kapye làlwaw o yaà í, kapeebyeri n kùu. 9Booma ni mii da pye lè Mowizi làlwaw sìnján ni, mii maa pye sìi na. Amɛɛ si làlwaw bee tundunro pan lè, a kapeebyeri baa pye sìi na, á mii kùu. 10Tundunri ti da kaan lè sìíw kéele na, a dee bee si baa pye mii ma kùúw sábabu. 11#Sél 3:13 Níì cán kapeebyeri n kanmaa taa tundunri báriga ni n mii fáana n kpóo.
12Mowizi làlwaw i nyɛ tɛɛlɛ fun, a wi tundunri wɔ́ɔ i nyɛ tɛɛlɛ fun, ti n sín níì nyɔɔ. 13A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.
Syɔɔnwee kapeeli kàragí lè
14Wolo n gi cán Mowizi làlwaw n nyɔɔ syɔɔn pili ma. A mii céri láanitaʔa kele si mii kíle n pára kapeebyeri ma. 15#Gal 5:17 Níì cán gee mii kpéʔele lè, mii o gi kɔ́rɔw cángi í. Gee mii caa lè, mii o gi kpéʔele í, gee si gi mii bɛɛngi lè, koro mii kpéʔele. 16Awá, gee si gi lè mii o caa bàā gi kpéʔele í, kapye mii i gee bee kpéʔele, mii n yére gi ni n jo làlwaw n nyɔɔ. 17Mii si ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw. 18Níì cán mii n gi cán yacanga faala o nyɛ mii ni í, gee bee n jo mii céri ni í. Gee gi mii dɛ́nɛ lè koro gi nyɛ mii í da kacǎngèle kpéʔele, mii si ga fànʔa taa bàā ge kpéʔele í. 19Níì cán kacǎngèle mii caa bàā kpéʔele lè, mii o ge kpéʔele í, kàjáa kapeegèle ge lè mii o caa bàā ge kpéʔele í, koro mii kpéʔele. 20Gee si gi lè mii o caa bàā gi kpéʔele lè í, mii ga ni gee bee kpéʔele, mii ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw.
21Mii n kánmi naa nyaa niyɛɛ ni, mii ga ni caa bi kacànna kpéʔele lǎlee ni lè, mii n kàri n pye kapeele pyefɔlɔ. 22Koro ní ki myɛ ní Kolocɔlɔɔ làlwaw kéele n mii dɛ́nɛ mii fúngi ni gbanʔama. 23Mii si n làlwawaa nikwɔɔ nyaa mii céri tɛ́ɛyɛ ni, làlwaw bee i kapɛɛnni kpúmɔn ní mii fúngi wóo ní, ní i mii có ni légi kapeebyeri làlwa púloro ni, wee wi nyɛ mii céri tɛ́ɛyɛ ni lè. 24Ee, mii i fɔ̀rɔgí ni caanri! Wìí wi a mii syɔɔ céri naa ma ti kúu lè? 25Mii i bariga kaangi Kolocɔlɔɔ ma wolo Kàfɔw Zyezu Kirisi bárigaw ni.
Kánmi bee na mii nyɛ Kolocɔlɔɔ làlwaw púloro ni mii funzɔngumi kàbaan na, ní si i nyɛ kapeebyeri púloro ni mii céri kàbaan na.
Currently Selected:
Wɔrɔmi ye 7: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Wɔrɔmi ye 7
7
Fɛ̀ɛ́wee cèpɔrigi tɛ̀ɛn lè
1Ni senyɛ̀nnɛ, yele bele ye nyɛ lè Mowizi làlwaw cánvɔɔlɔ, yele ní mii nyuu, yele ga gi cán ncan làlwaw i nyɛ syɔɔn nyúngi na wi wéemi làla myɛ ni ì? 2Kánmi bee na nàɔn ga cɔlɔɔ pɔri, làlwaw n céw pwɔɔ wi nǎnw na wi wéemi làla myɛ ni. Kàjáa wi nǎnw ga kùu, wi n syɔɔ wi nǎnw làlwa ma. 3Gee bee na bi wi nǎnw yaʔa sìi na, wi ga sáà kòro nànwaa nikwɔɔ ma, pe a ra wi yiri nànjaacɔɔ̀, wi nǎnw si ga kùu, wi n syɔɔ wi nǎnw làlwa ma, wi ga kòro nànwaa nikwɔɔ ma, pe a ní gbǎn ra wi yiri nànjaacɔɔ̀ í. 4Ni senyɛ̀nnɛ, kánmi bee wonijanma na yele kùu Mowizi làlwaw kàbaan na àmɛɛ yele nyɛ cere nibin ní Kirisi ní lè, níì pye wi wòolo woro wee Kolocɔlɔɔ nyán n yirige kúbèle nínge ni lè, jàngó wolo í da yasanra sangi Kolocɔlɔɔ ma. 5Níì cán lǎli ni wolo da pye lè céri kôdanʔabéle, Mowizi làlwaw maa ni kapeegèle láanitaʔa kele yìrigí wolo ma, ke maa ni báara wolo céri tɛ́ɛyɛ ni ní i wolo tórogi kùúw ma. 6Kàjáa tɔ́ɔliw ni wolo n syɔɔ làlwaw bee fànʔa ma, níì cán woro wi da wolo cò n yérige, wolo si n kùu wi kàbangi na, a koro gi kaan wolo ní o báara Kolocɔlɔɔ ma kanlɛɛmi na n yɛlɛ ní syɛɛnsɛbɛlɛɛri ní í, fwɔɔ kanvɔnmi na, bee wolo taa lè Pìicǎnni ma.
Mowizi làlwaw ní kapeebyeri kéele
7 #
Yir 20:17; Làlw 5:21 Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í. 8Kapeebyeri si n kanmaa taa làlwaw bee tundunro báriga ni ni nyabɛɛntaari féleye myɛ yìrigí mii fúngi ni. Níì cán kapye làlwaw o yaà í, kapeebyeri n kùu. 9Booma ni mii da pye lè Mowizi làlwaw sìnján ni, mii maa pye sìi na. Amɛɛ si làlwaw bee tundunro pan lè, a kapeebyeri baa pye sìi na, á mii kùu. 10Tundunri ti da kaan lè sìíw kéele na, a dee bee si baa pye mii ma kùúw sábabu. 11#Sél 3:13 Níì cán kapeebyeri n kanmaa taa tundunri báriga ni n mii fáana n kpóo.
12Mowizi làlwaw i nyɛ tɛɛlɛ fun, a wi tundunri wɔ́ɔ i nyɛ tɛɛlɛ fun, ti n sín níì nyɔɔ. 13A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.
Syɔɔnwee kapeeli kàragí lè
14Wolo n gi cán Mowizi làlwaw n nyɔɔ syɔɔn pili ma. A mii céri láanitaʔa kele si mii kíle n pára kapeebyeri ma. 15#Gal 5:17 Níì cán gee mii kpéʔele lè, mii o gi kɔ́rɔw cángi í. Gee mii caa lè, mii o gi kpéʔele í, gee si gi mii bɛɛngi lè, koro mii kpéʔele. 16Awá, gee si gi lè mii o caa bàā gi kpéʔele í, kapye mii i gee bee kpéʔele, mii n yére gi ni n jo làlwaw n nyɔɔ. 17Mii si ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw. 18Níì cán mii n gi cán yacanga faala o nyɛ mii ni í, gee bee n jo mii céri ni í. Gee gi mii dɛ́nɛ lè koro gi nyɛ mii í da kacǎngèle kpéʔele, mii si ga fànʔa taa bàā ge kpéʔele í. 19Níì cán kacǎngèle mii caa bàā kpéʔele lè, mii o ge kpéʔele í, kàjáa kapeegèle ge lè mii o caa bàā ge kpéʔele í, koro mii kpéʔele. 20Gee si gi lè mii o caa bàā gi kpéʔele lè í, mii ga ni gee bee kpéʔele, mii ban wi ní i nyɛ ki kpéʔelefɔw í, kapeebyeri di tɛ́ɛn mii ni lè, toro di nyɛ ki kpéʔelefɔw.
21Mii n kánmi naa nyaa niyɛɛ ni, mii ga ni caa bi kacànna kpéʔele lǎlee ni lè, mii n kàri n pye kapeele pyefɔlɔ. 22Koro ní ki myɛ ní Kolocɔlɔɔ làlwaw kéele n mii dɛ́nɛ mii fúngi ni gbanʔama. 23Mii si n làlwawaa nikwɔɔ nyaa mii céri tɛ́ɛyɛ ni, làlwaw bee i kapɛɛnni kpúmɔn ní mii fúngi wóo ní, ní i mii có ni légi kapeebyeri làlwa púloro ni, wee wi nyɛ mii céri tɛ́ɛyɛ ni lè. 24Ee, mii i fɔ̀rɔgí ni caanri! Wìí wi a mii syɔɔ céri naa ma ti kúu lè? 25Mii i bariga kaangi Kolocɔlɔɔ ma wolo Kàfɔw Zyezu Kirisi bárigaw ni.
Kánmi bee na mii nyɛ Kolocɔlɔɔ làlwaw púloro ni mii funzɔngumi kàbaan na, ní si i nyɛ kapeebyeri púloro ni mii céri kàbaan na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.