Filipikaʔa ye 2
2
Kirisi, wiyɛɛ cɛ́rɛli ní wi kpɔ́ɔmi kéele
1Gee bee na kapye yele n dɛ̀ɛmɛnɛ taa àmɛɛ yele nyɛ lè Kirisi ni, a wi tàmagi yele kɛɛlɛ, a yele wɔ́ɔ i nyɛ pínɛnyɛnnɛgɛ na Pìicǎnni ni, a tàmaga ní nyinimɛ wɔ́ɔ i nyɛ yele níngi ni, 2ye mii fundaanri yaʔa di foro. Níì cán yele ga bɛ̀ɛ, á tàmanijanga pye yele ni, á yele pye fungo nibin na, á yele sɔ̀nguri wɔ́ɔ̀ pye nibin, kánmi bee na yele a mii fundaanri foro. 3Ki ga yɛlɛ yele í da yarigaa faala kpéʔele ní funwaliya ní í, koro ga jáa ní gbanzan kpɔ́ɔmɔ ní í, fwɔɔ yele myɛ nibin nibin í da màama kpéʔele yeyɛɛ ma, sáā gi córo yele syɛɛnnyɛnbèle n sɔ̀lɔ yele tiimaw na. 4Ki ga yɛlɛ yele wàa faala í da sɔ̀ngí wi tiimaa kérigèle yagana na í, kàjáa ki n yɛlɛ waa sɔ̀ngí pèle nikwɔɔlɔ kele na wɔ́ɔgēle. 5Sɔ̀nguree ti da pye lè Kirisi Zyezu ni, ki n yɛlɛ sɔ̀nguri bee wonijanra í wɔ́ɔ pye yele ni. 6Wee wi da téè pye yaà lè sèjira ní Kolocɔlɔɔ ní, wi da gi ŋàʔana n jo fwɔɔ woro í kòro kánmi bee na sèjira ní Kolocɔlɔɔ ní í. 7Kàjáa wi maa wiyɛɛ yirige kánmi bee ni, níì puloro kánma láa n baa pye àmɛɛ syɛ́ɛnbèle nyɛ lè. Amɛɛ si wi baa pye lè syɔɔn, 8kánmi bee na wi wiyɛɛ jɛ́rɛ, ní i lúro Kolocɔlɔɔ ma fwɔɔ n baa fɔ̀lɔ kùúw na, wi lè tiiparigi kùu. 9Gee bee na Kolocɔlɔɔ wɔ́ɔ̀ wi kpɔ́ʔɔ gbanʔama níì mɛ́ʔɛ le wi na, gee gi kpɔ́ʔɔ n sɔ̀lɔ lè mɛ́ɛyi myɛ na, 10#Eza 45:23 koro ga pye nyɛ̀ʔɛni wòolo myɛ, ní tári wòolo myɛ, ní tári fúngo woolo myɛ í kpùmɔnɔ Zyezu mɛ́ɛgi na, 11pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.
Bàā daragi àmɛɛ gbɛ̀ɛnmɛ nyɛ lè dulunyanw ni
12Gee bee na, mii syɛɛn-nidaanmabèle, àmɛɛ yele da ni yèré lè mii syɛ́ɛnri ni làrigèle myɛ ni mii da pye ní yele ní lè, ki ga yɛlɛ ki kòro gee bee yagana na í, fwɔɔ yele í tɔ̀nɔ́ da gi kpéʔele tɔ́ɔliw ni bi sɔ̀lɔ, àlí n gi yaʔa mii o yaà ní yele ní í, yáā yele syɔɔli fáli kpéʔele ní fyáara, ní cɛ̀lɛlɛ ní. 13Níì cán wee wi báara lè yele ni woro wi nyɛ Kolocɔlɔɔ, wi i báara yele ni jàngó yele í fɔ̀lɔ wi kínidɛnɛgi kèlē na, sáā ge kpéʔele.
14Gee myɛ yele kpéʔele lè ki n yɛlɛ yele í da gi kpéʔele sànʔara ní kàkabalaga fun, 15#Làlw 32:5 koro ga pye yele í pye kajoolo fun ní tɛɛkolobile fun, si pye Kolocɔlɔɔ tɛɛlɛ fun pìibēle lǎli naa syɛɛnpeebéle ní kakolobyebèle nínge ni, yele gbɛ̀ɛ́nmi sáā nyín da yirigi dulunyanw syɛ̀ɛnnɛ nínge ni àmɛɛ fètingéle nyɛ lè, 16bàā sìíw syɛ́ɛnrɛ nyuu da tèé be na, koro ga pye mii í kɔ́ ba nyɔ̌ngbɔɔlɔ tánʔa Kirisi cángi na, bi gi cán mii da fàn gbanzan í, ní wɔ́ɔ̀ báara gbanzan í.
17Alí pe ga mii wòlo sáriga Kolocɔlɔɔ ma n taʔa yele tágali báara ní li sárigaw na, mii a ra fundaanra kpéʔele sáā di kpéʔele ní yele myɛ ní. 18Anbée yele wɔ́ɔ̀ yɛlɛ bàā fundaanra kpéʔele, yé pínɛ yaa fundaanra kpéʔele ní mii ní.
Timɔte ní Epafuroditi kéeli
19Mii sɔ̀ngumi i nyɛ Kàfɔw Zyezu na ncan cɛɛri ga pye mii a Timɔte tun yaà yele ma, koro ga pye mii í wɔ́ɔ ba ra fundaanra kpéʔele yele kérigèle lóʔolo báriga ni. 20Níì cán wàa nikwɔɔ o nyɛ ní mii ní wee wi sɔ̀nguri bee wonijanra sɔ̀ngí lè í, jàngó bàā yele kérigèle kɔ̀rɔsíi kányɛʔɛ ni í. 21Níì cán pe myɛ i peyɛɛ kérigèle caa, pe o Kirisi Zyezu wógèle caa í. 22Yele si n gi cán Timɔte i nyɛ syɛɛnsɛʔɛgwɔɔɔ, wi maa ni báara ní mii ní Syɛɛnjóocǎnri kéele na àmɛɛ pyà báara lè ní wi toò ní. 23Gee bee na mii sɔ̀ngumi i nyɛ gi na n jo, lǎli ni mii ga baa mii kérigèle fílige n cán lè, mii í woro tun yaà terire yele ma. 24Mii si n tága gi na Kàfɔw báriga ni, ncan cɛɛri ga pye mii tiimaa a wɔ́ɔ kári yaà yele ma.
25Mii si n gi tímana n jo, fwɔɔ mii í Epafuroditi lúrugo tórigo yaà yele ma, wi lè mii senyɛnw, ní mii falipyenyɛnw, ní mii kapɛɛnkpumɔnnyɛnw, wee yele da tun naa mii ma lè mii màkonyɔɔri kéele na. 26Yele myɛ láagi maa pye wi na, a gi wɔ́ɔ i wi yáa wi fúngi ni àmɛɛ yele da gi lóʔo lè wi ga cólogo í. 27Níì cán wi maa tɔ̀nɔ ni yáa ni caa bi kùu. Kàjáa Kolocɔlɔɔ n nyinimɛ taa wi na, wi si ga bi taa woro yagana na í, wi n wɔ́ɔ̀ bi taa mii na, jàngó funbɛɛnraa a ní kɔ́ fàra mii ma dee naa na í. 28Gee bee na mii ŋàʔaná bi wi tórigo yaà yele ma, koro ga pye yele ga níì wi nyaa ki pye yele ma fundaanra, funbɛɛnraa si yiri mii wóri ni. 29Ye wi sámaga ye cò Kàfɔw mɛ́ʔɛ na ní fundaangbɔɔrɔ ní, yáā syɛ́ɛnbèle bee félege kpɔ́ʔɔgi. 30Níì cán wi maa tɔ̀nɔ n nùuni kùúw na Kirisi fáliw kéele na, wi da wi sìíw córo yarigaa í, jàngó fáliwee kurugo yele da kólogo lè mii kàbangi na, woro í wee bee foro.
Currently Selected:
Filipikaʔa ye 2: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Filipikaʔa ye 2
2
Kirisi, wiyɛɛ cɛ́rɛli ní wi kpɔ́ɔmi kéele
1Gee bee na kapye yele n dɛ̀ɛmɛnɛ taa àmɛɛ yele nyɛ lè Kirisi ni, a wi tàmagi yele kɛɛlɛ, a yele wɔ́ɔ i nyɛ pínɛnyɛnnɛgɛ na Pìicǎnni ni, a tàmaga ní nyinimɛ wɔ́ɔ i nyɛ yele níngi ni, 2ye mii fundaanri yaʔa di foro. Níì cán yele ga bɛ̀ɛ, á tàmanijanga pye yele ni, á yele pye fungo nibin na, á yele sɔ̀nguri wɔ́ɔ̀ pye nibin, kánmi bee na yele a mii fundaanri foro. 3Ki ga yɛlɛ yele í da yarigaa faala kpéʔele ní funwaliya ní í, koro ga jáa ní gbanzan kpɔ́ɔmɔ ní í, fwɔɔ yele myɛ nibin nibin í da màama kpéʔele yeyɛɛ ma, sáā gi córo yele syɛɛnnyɛnbèle n sɔ̀lɔ yele tiimaw na. 4Ki ga yɛlɛ yele wàa faala í da sɔ̀ngí wi tiimaa kérigèle yagana na í, kàjáa ki n yɛlɛ waa sɔ̀ngí pèle nikwɔɔlɔ kele na wɔ́ɔgēle. 5Sɔ̀nguree ti da pye lè Kirisi Zyezu ni, ki n yɛlɛ sɔ̀nguri bee wonijanra í wɔ́ɔ pye yele ni. 6Wee wi da téè pye yaà lè sèjira ní Kolocɔlɔɔ ní, wi da gi ŋàʔana n jo fwɔɔ woro í kòro kánmi bee na sèjira ní Kolocɔlɔɔ ní í. 7Kàjáa wi maa wiyɛɛ yirige kánmi bee ni, níì puloro kánma láa n baa pye àmɛɛ syɛ́ɛnbèle nyɛ lè. Amɛɛ si wi baa pye lè syɔɔn, 8kánmi bee na wi wiyɛɛ jɛ́rɛ, ní i lúro Kolocɔlɔɔ ma fwɔɔ n baa fɔ̀lɔ kùúw na, wi lè tiiparigi kùu. 9Gee bee na Kolocɔlɔɔ wɔ́ɔ̀ wi kpɔ́ʔɔ gbanʔama níì mɛ́ʔɛ le wi na, gee gi kpɔ́ʔɔ n sɔ̀lɔ lè mɛ́ɛyi myɛ na, 10#Eza 45:23 koro ga pye nyɛ̀ʔɛni wòolo myɛ, ní tári wòolo myɛ, ní tári fúngo woolo myɛ í kpùmɔnɔ Zyezu mɛ́ɛgi na, 11pe myɛ si yére gi ni bi jo Zyezu Kirisi wi nyɛ Kàfɔw, gee bee a nìjangbɔɔri taʔa Tofɔw Kolocɔlɔɔ na.
Bàā daragi àmɛɛ gbɛ̀ɛnmɛ nyɛ lè dulunyanw ni
12Gee bee na, mii syɛɛn-nidaanmabèle, àmɛɛ yele da ni yèré lè mii syɛ́ɛnri ni làrigèle myɛ ni mii da pye ní yele ní lè, ki ga yɛlɛ ki kòro gee bee yagana na í, fwɔɔ yele í tɔ̀nɔ́ da gi kpéʔele tɔ́ɔliw ni bi sɔ̀lɔ, àlí n gi yaʔa mii o yaà ní yele ní í, yáā yele syɔɔli fáli kpéʔele ní fyáara, ní cɛ̀lɛlɛ ní. 13Níì cán wee wi báara lè yele ni woro wi nyɛ Kolocɔlɔɔ, wi i báara yele ni jàngó yele í fɔ̀lɔ wi kínidɛnɛgi kèlē na, sáā ge kpéʔele.
14Gee myɛ yele kpéʔele lè ki n yɛlɛ yele í da gi kpéʔele sànʔara ní kàkabalaga fun, 15#Làlw 32:5 koro ga pye yele í pye kajoolo fun ní tɛɛkolobile fun, si pye Kolocɔlɔɔ tɛɛlɛ fun pìibēle lǎli naa syɛɛnpeebéle ní kakolobyebèle nínge ni, yele gbɛ̀ɛ́nmi sáā nyín da yirigi dulunyanw syɛ̀ɛnnɛ nínge ni àmɛɛ fètingéle nyɛ lè, 16bàā sìíw syɛ́ɛnrɛ nyuu da tèé be na, koro ga pye mii í kɔ́ ba nyɔ̌ngbɔɔlɔ tánʔa Kirisi cángi na, bi gi cán mii da fàn gbanzan í, ní wɔ́ɔ̀ báara gbanzan í.
17Alí pe ga mii wòlo sáriga Kolocɔlɔɔ ma n taʔa yele tágali báara ní li sárigaw na, mii a ra fundaanra kpéʔele sáā di kpéʔele ní yele myɛ ní. 18Anbée yele wɔ́ɔ̀ yɛlɛ bàā fundaanra kpéʔele, yé pínɛ yaa fundaanra kpéʔele ní mii ní.
Timɔte ní Epafuroditi kéeli
19Mii sɔ̀ngumi i nyɛ Kàfɔw Zyezu na ncan cɛɛri ga pye mii a Timɔte tun yaà yele ma, koro ga pye mii í wɔ́ɔ ba ra fundaanra kpéʔele yele kérigèle lóʔolo báriga ni. 20Níì cán wàa nikwɔɔ o nyɛ ní mii ní wee wi sɔ̀nguri bee wonijanra sɔ̀ngí lè í, jàngó bàā yele kérigèle kɔ̀rɔsíi kányɛʔɛ ni í. 21Níì cán pe myɛ i peyɛɛ kérigèle caa, pe o Kirisi Zyezu wógèle caa í. 22Yele si n gi cán Timɔte i nyɛ syɛɛnsɛʔɛgwɔɔɔ, wi maa ni báara ní mii ní Syɛɛnjóocǎnri kéele na àmɛɛ pyà báara lè ní wi toò ní. 23Gee bee na mii sɔ̀ngumi i nyɛ gi na n jo, lǎli ni mii ga baa mii kérigèle fílige n cán lè, mii í woro tun yaà terire yele ma. 24Mii si n tága gi na Kàfɔw báriga ni, ncan cɛɛri ga pye mii tiimaa a wɔ́ɔ kári yaà yele ma.
25Mii si n gi tímana n jo, fwɔɔ mii í Epafuroditi lúrugo tórigo yaà yele ma, wi lè mii senyɛnw, ní mii falipyenyɛnw, ní mii kapɛɛnkpumɔnnyɛnw, wee yele da tun naa mii ma lè mii màkonyɔɔri kéele na. 26Yele myɛ láagi maa pye wi na, a gi wɔ́ɔ i wi yáa wi fúngi ni àmɛɛ yele da gi lóʔo lè wi ga cólogo í. 27Níì cán wi maa tɔ̀nɔ ni yáa ni caa bi kùu. Kàjáa Kolocɔlɔɔ n nyinimɛ taa wi na, wi si ga bi taa woro yagana na í, wi n wɔ́ɔ̀ bi taa mii na, jàngó funbɛɛnraa a ní kɔ́ fàra mii ma dee naa na í. 28Gee bee na mii ŋàʔaná bi wi tórigo yaà yele ma, koro ga pye yele ga níì wi nyaa ki pye yele ma fundaanra, funbɛɛnraa si yiri mii wóri ni. 29Ye wi sámaga ye cò Kàfɔw mɛ́ʔɛ na ní fundaangbɔɔrɔ ní, yáā syɛ́ɛnbèle bee félege kpɔ́ʔɔgi. 30Níì cán wi maa tɔ̀nɔ n nùuni kùúw na Kirisi fáliw kéele na, wi da wi sìíw córo yarigaa í, jàngó fáliwee kurugo yele da kólogo lè mii kàbangi na, woro í wee bee foro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.