Mariki 7
7
Tamani tofɔlɛɛyi kaan lè
(Mat 15:1-9)
1A Farisibèle ní làlwaw sɛ́bɛwelebèle pèle yìri Zyerusalɛmi ma n peyɛɛ gbóʔoro n pan Zyezu ma. 2A pe baa wi pìitamabèle pèle nyaa pe i líi ní kɔ̂nɔnʔɔyi ní, gi kɔ́rɔw wi nyɛ kɔ́yi sìnjée ni.
3Níì cán Farisibèle ní Zyefubèle myɛ maa yére wolɛɛbèle kalɛɛgéle ni, pe da ni líi be kɔ́yi sìnjée ni í. 4Pe ga wɔ́ɔ̀ yìri cɛ́nɛgi ma, pe o líi peyɛɛ sìnjée ni í. Kalɛɛgèle kèle saʔa maa níì pye be ma n fàra gele bee na, a be yére ge ni, àmɛɛ yagbaagèle jéele, ní kasǎngèle, ní kanyɛɛnri kòdɔʔɔlɔ jéele nyɛ lè.
5A Farisibèle ní làlwaw sɛ́bɛwelebéle wi yíbe níì jo: «Mɛ̀ɛ́ gi nyɛ mɔ piitamabèle si o wolɛɛbèle kalɛɛgéle kólogo táanri í, fwɔɔ a be i líi kɔ́yi sìnjée ni?» 6#Eza 29:13 A Zyezu be yari: «Ezayi maa tɔ̀nɔ n kányɛʔɛ joo yele na, yele syɛɛnjóotɛɛyi siin joofɔɔlɔ, wi maa gi sɛ́bɛ níì jo:
‹Syɛ́ɛnbèle naa i mii kpɔ̀ʔɔrɔ́ nyɔɔwara na,
kàjáa pe fúnyi n léeli mii na.
7Pe i mii kpɔ̀ʔɔrɔ́ gbanzan.
Alí tamagèle na be syɛ́ɛnbèle tama lè,
ke i nyɛ syɛ́ɛnbèle funzɔngumɔ wòʔolo.›
8Yele ga yére Kolocɔlɔɔ tundunri ni í, níì yére syɛ́ɛnbèle kalɛɛgéle ni.»
9A wi níì be pye: «Yele n tɔ̀nɔ n Kolocɔlɔɔ tundunri cée, níì kòro yele tiimaa kalɛɛgèle na ni kpéʔele. 10#Yir 20:12; 21:17; Lev 20:9; Làlw 5:16 Níì cán Mowizi n jo:
‹Maa mɔ tóow ní mɔ nɔ́ɔw kpɔ̀ʔɔrɔ́.
Wee wi ga syɛɛnpeere joo n wáa wi toò wàlá wi nɔɔ̀ na lè,
wee bee a kpóo wii.›
11A yele si jo: ‹Syɔɔn ga gi joo wi tóow ma koro ga jáa wi nɔ́ɔw ma níì jo: Gee mii a dée kaan mɔ ma lè, ki i nyɛ Koribani,› ki kɔ́rɔw wi nyɛ, ki n kaan Kolocɔlɔɔ ma sáriga, 12yele a ní wi yaʔa waa yarigaa kpéʔele wi tóow ma í, koro ga jáa wi nɔ́ɔw ma í. 13Yele i Kolocɔlɔɔ syɛ́ɛnri sàá kánmi bee na yele kalɛɛgèle kéele na. Yele si sèʔé i gele bee kèle féleye saʔa kpéʔele.»
Gee gi syɔɔn nɔ́ɔnri lè
(Mat 15:10-20)
14A Zyezu níì syɛ́ɛnmi yeri níì be pye: «Ye myɛ ye lóʔo mii ma, yé gi cán gee mii a joo lè: 15Yarigaa a gbǎn yìri kàfugi na bi jée syɔɔn fúngi ni bi wi nɔ́nʔɔ í, fwɔɔ gee gi yirigi lè syɔɔn fúngi ni, koro gi wi nɔ́ɔnri. [ 16Líiweele ga pye wee na lè wi líiyi cáan waa lúro.]»
17Lǎli ni wi núngo lè syɛ́ɛnmi taana n jée kpáagi ni, a wi pìitamabèle sáà wi yíbe kàseeli bee kɔ́rɔ na. 18A wi be pye: «Yele tɔ̀ʔɔ́ wɔ́ɔ o keele kɔ́rɔ cángi wii ì? Yele ga gi cán ì ncan gee gi yìrigí lè kàfugi na ni jǐn syɔɔn fúngi ni, gee bee a gbǎn wi nɔ́nʔɔ í ì? 19Níì cán gee bee o jǐn wi zɔ̌nw ni í, fwɔɔ wi láagi ni, koro kàdoʔo ma ki n tìgi n yiri kàfugi na.» Wi n gee bee joo bi gi tɛ̀ɛn ncan yaliiri myɛ n nyɔɔ.
20A wi níì jo: «Gee gi yirigi lè syɔɔn fúngi ni, koro gi wi nɔ́ɔnri, 21níì cán gee gi yìrigí lè zɔ̌nw ma, gee bee gi yirigi syɔɔn fúngi ni. Koro gi nyɛ: Sɔ̀ngubeeri, ní kálagimi, ní kàyuugi, ní syɛɛnkpoori, 22ní ceyuugi, ní nànyuugi, ní fungbɔɔgi, ní funbeegi, ní fáanagi, ní kanɔnʔɔbyeri, ní nyabɛɛnni, ní mɛ́ɛkalagiri, ní nɛ̀ɛnyɛnɛgi, ní zɔ̀nniriw ní. 23Yapeeri bee myɛ di yirigi lè syɔɔn fúngi ni, toro di wi nɔ́ɔnri.»
Syɛɛnfelegaa cɔ́ɔ n tága Zyezu na
(Mat 15:21-28)
24A Zyezu yiri nɛɛ bee n kári Tiiri tɛ́nɛmi ma. A wi sáà jée kpaagaa ni, níì cán wi da ni caa syɔɔn í woro nyaa í, wi si ga gbàn n làra í. 25A cewaa wi kéeli lóʔo, níì fala n kári n sáà kpùmɔnɔ wi taana, níì cán màdeo maa pye wi pìíw ni, pìíw si maa pye pìcaapile. 26Céw bee maa pye Girɛkio, pe maa wi see Sirifenisi tári ni. A wi Zyezu nyɛ́ɛri níì jo wi màdew nɛnɛ wi yirige woro pìíw ni. 27A Zyezu wi pye: «Tíi pìíbèle í tín gbɛnʔɛnɛ, níì cán syɔɔn ga yɛlɛ wi pìíbèle búru láa wi wáa pɔnbiigèle ma í.» 28A wi Zyezu yari: «Kányɛʔɛ gii, Kàfɔw kàjáa pɔnbiigèle ge nyɛ lè tàbaliw láara ni, ke sèʔé i pìíbèle búrutooro líi.» 29Lǎli bee ni a wi wi pye: «Syɛ́ɛnri naa kéele na, da syée, màdew n yiri mɔ piiw ni.» 30A wi lúru n kári wi kpaʔa ma n sáà pìíw nyaa wozinɛɔ ní yasinɛgi na, a màdew yiri wi ni.
Zyezu n dùnɔ́-boboʔo pɔʔɔ
31A Zyezu níì yiri nɛɛ bee Tiiri tɛ́nɛmi ni n foro Siidɔn ni, n sáà Dekapoli tɛ́nɛmi foro n kári Galile lòkpɔɔgi ma. 32A be kári wi ma ní nànwaa ní, nǎnw bee maa pye dùnɔ̄ɔ, á nyínni wɔ́ɔ̀ tára wi na. A be sáà wi nyɛ́ɛri níì jo wi wi kɔ́gi taʔa wi na. 33A Zyezu wi kɔ́ri n núngo syɛ́ɛnmi taana n sáà yére kɔlɔ̀ na, níì kabegèle le wi ma líiweegèle ni, níì tɛ́ɛrɛ sùlugu n taʔa wi ma nyínni na. 34Níì nyúngi yìrige ǹjoʔo ma níì fun-yáagi ŋɔ́n níì jo: «Efata,» gi kɔ́rɔw wi nyɛ, múgu.
35A líiweegèle fala n múgu, a wi nyínni wɔ́ɔ̀ láʔa, a wi náa i sámagi ni nyuu. 36A Zyezu gi joo n gbàn be ma níì jo pe a kɔ́ gi joo syɔɔn ma í. Kàjáa àmɛɛ wi wírè gi joo n gbàn be ma kánmi bee na lè, a be náa sáà kàa fàra ki jáarili na. 37A be i káama gi na gbanʔama níì jo: «Gee myɛ wi kpéʔele lè, ki n tɔ̀nɔ n nyɔɔ, bele be pye lè dùnɔbèle, wi n poro kaan a be i lúro, ní bele be pye lè boboobèle, a poro i nyuu.»
Currently Selected:
Mariki 7: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Mariki 7
7
Tamani tofɔlɛɛyi kaan lè
(Mat 15:1-9)
1A Farisibèle ní làlwaw sɛ́bɛwelebèle pèle yìri Zyerusalɛmi ma n peyɛɛ gbóʔoro n pan Zyezu ma. 2A pe baa wi pìitamabèle pèle nyaa pe i líi ní kɔ̂nɔnʔɔyi ní, gi kɔ́rɔw wi nyɛ kɔ́yi sìnjée ni.
3Níì cán Farisibèle ní Zyefubèle myɛ maa yére wolɛɛbèle kalɛɛgéle ni, pe da ni líi be kɔ́yi sìnjée ni í. 4Pe ga wɔ́ɔ̀ yìri cɛ́nɛgi ma, pe o líi peyɛɛ sìnjée ni í. Kalɛɛgèle kèle saʔa maa níì pye be ma n fàra gele bee na, a be yére ge ni, àmɛɛ yagbaagèle jéele, ní kasǎngèle, ní kanyɛɛnri kòdɔʔɔlɔ jéele nyɛ lè.
5A Farisibèle ní làlwaw sɛ́bɛwelebéle wi yíbe níì jo: «Mɛ̀ɛ́ gi nyɛ mɔ piitamabèle si o wolɛɛbèle kalɛɛgéle kólogo táanri í, fwɔɔ a be i líi kɔ́yi sìnjée ni?» 6#Eza 29:13 A Zyezu be yari: «Ezayi maa tɔ̀nɔ n kányɛʔɛ joo yele na, yele syɛɛnjóotɛɛyi siin joofɔɔlɔ, wi maa gi sɛ́bɛ níì jo:
‹Syɛ́ɛnbèle naa i mii kpɔ̀ʔɔrɔ́ nyɔɔwara na,
kàjáa pe fúnyi n léeli mii na.
7Pe i mii kpɔ̀ʔɔrɔ́ gbanzan.
Alí tamagèle na be syɛ́ɛnbèle tama lè,
ke i nyɛ syɛ́ɛnbèle funzɔngumɔ wòʔolo.›
8Yele ga yére Kolocɔlɔɔ tundunri ni í, níì yére syɛ́ɛnbèle kalɛɛgéle ni.»
9A wi níì be pye: «Yele n tɔ̀nɔ n Kolocɔlɔɔ tundunri cée, níì kòro yele tiimaa kalɛɛgèle na ni kpéʔele. 10#Yir 20:12; 21:17; Lev 20:9; Làlw 5:16 Níì cán Mowizi n jo:
‹Maa mɔ tóow ní mɔ nɔ́ɔw kpɔ̀ʔɔrɔ́.
Wee wi ga syɛɛnpeere joo n wáa wi toò wàlá wi nɔɔ̀ na lè,
wee bee a kpóo wii.›
11A yele si jo: ‹Syɔɔn ga gi joo wi tóow ma koro ga jáa wi nɔ́ɔw ma níì jo: Gee mii a dée kaan mɔ ma lè, ki i nyɛ Koribani,› ki kɔ́rɔw wi nyɛ, ki n kaan Kolocɔlɔɔ ma sáriga, 12yele a ní wi yaʔa waa yarigaa kpéʔele wi tóow ma í, koro ga jáa wi nɔ́ɔw ma í. 13Yele i Kolocɔlɔɔ syɛ́ɛnri sàá kánmi bee na yele kalɛɛgèle kéele na. Yele si sèʔé i gele bee kèle féleye saʔa kpéʔele.»
Gee gi syɔɔn nɔ́ɔnri lè
(Mat 15:10-20)
14A Zyezu níì syɛ́ɛnmi yeri níì be pye: «Ye myɛ ye lóʔo mii ma, yé gi cán gee mii a joo lè: 15Yarigaa a gbǎn yìri kàfugi na bi jée syɔɔn fúngi ni bi wi nɔ́nʔɔ í, fwɔɔ gee gi yirigi lè syɔɔn fúngi ni, koro gi wi nɔ́ɔnri. [ 16Líiweele ga pye wee na lè wi líiyi cáan waa lúro.]»
17Lǎli ni wi núngo lè syɛ́ɛnmi taana n jée kpáagi ni, a wi pìitamabèle sáà wi yíbe kàseeli bee kɔ́rɔ na. 18A wi be pye: «Yele tɔ̀ʔɔ́ wɔ́ɔ o keele kɔ́rɔ cángi wii ì? Yele ga gi cán ì ncan gee gi yìrigí lè kàfugi na ni jǐn syɔɔn fúngi ni, gee bee a gbǎn wi nɔ́nʔɔ í ì? 19Níì cán gee bee o jǐn wi zɔ̌nw ni í, fwɔɔ wi láagi ni, koro kàdoʔo ma ki n tìgi n yiri kàfugi na.» Wi n gee bee joo bi gi tɛ̀ɛn ncan yaliiri myɛ n nyɔɔ.
20A wi níì jo: «Gee gi yirigi lè syɔɔn fúngi ni, koro gi wi nɔ́ɔnri, 21níì cán gee gi yìrigí lè zɔ̌nw ma, gee bee gi yirigi syɔɔn fúngi ni. Koro gi nyɛ: Sɔ̀ngubeeri, ní kálagimi, ní kàyuugi, ní syɛɛnkpoori, 22ní ceyuugi, ní nànyuugi, ní fungbɔɔgi, ní funbeegi, ní fáanagi, ní kanɔnʔɔbyeri, ní nyabɛɛnni, ní mɛ́ɛkalagiri, ní nɛ̀ɛnyɛnɛgi, ní zɔ̀nniriw ní. 23Yapeeri bee myɛ di yirigi lè syɔɔn fúngi ni, toro di wi nɔ́ɔnri.»
Syɛɛnfelegaa cɔ́ɔ n tága Zyezu na
(Mat 15:21-28)
24A Zyezu yiri nɛɛ bee n kári Tiiri tɛ́nɛmi ma. A wi sáà jée kpaagaa ni, níì cán wi da ni caa syɔɔn í woro nyaa í, wi si ga gbàn n làra í. 25A cewaa wi kéeli lóʔo, níì fala n kári n sáà kpùmɔnɔ wi taana, níì cán màdeo maa pye wi pìíw ni, pìíw si maa pye pìcaapile. 26Céw bee maa pye Girɛkio, pe maa wi see Sirifenisi tári ni. A wi Zyezu nyɛ́ɛri níì jo wi màdew nɛnɛ wi yirige woro pìíw ni. 27A Zyezu wi pye: «Tíi pìíbèle í tín gbɛnʔɛnɛ, níì cán syɔɔn ga yɛlɛ wi pìíbèle búru láa wi wáa pɔnbiigèle ma í.» 28A wi Zyezu yari: «Kányɛʔɛ gii, Kàfɔw kàjáa pɔnbiigèle ge nyɛ lè tàbaliw láara ni, ke sèʔé i pìíbèle búrutooro líi.» 29Lǎli bee ni a wi wi pye: «Syɛ́ɛnri naa kéele na, da syée, màdew n yiri mɔ piiw ni.» 30A wi lúru n kári wi kpaʔa ma n sáà pìíw nyaa wozinɛɔ ní yasinɛgi na, a màdew yiri wi ni.
Zyezu n dùnɔ́-boboʔo pɔʔɔ
31A Zyezu níì yiri nɛɛ bee Tiiri tɛ́nɛmi ni n foro Siidɔn ni, n sáà Dekapoli tɛ́nɛmi foro n kári Galile lòkpɔɔgi ma. 32A be kári wi ma ní nànwaa ní, nǎnw bee maa pye dùnɔ̄ɔ, á nyínni wɔ́ɔ̀ tára wi na. A be sáà wi nyɛ́ɛri níì jo wi wi kɔ́gi taʔa wi na. 33A Zyezu wi kɔ́ri n núngo syɛ́ɛnmi taana n sáà yére kɔlɔ̀ na, níì kabegèle le wi ma líiweegèle ni, níì tɛ́ɛrɛ sùlugu n taʔa wi ma nyínni na. 34Níì nyúngi yìrige ǹjoʔo ma níì fun-yáagi ŋɔ́n níì jo: «Efata,» gi kɔ́rɔw wi nyɛ, múgu.
35A líiweegèle fala n múgu, a wi nyínni wɔ́ɔ̀ láʔa, a wi náa i sámagi ni nyuu. 36A Zyezu gi joo n gbàn be ma níì jo pe a kɔ́ gi joo syɔɔn ma í. Kàjáa àmɛɛ wi wírè gi joo n gbàn be ma kánmi bee na lè, a be náa sáà kàa fàra ki jáarili na. 37A be i káama gi na gbanʔama níì jo: «Gee myɛ wi kpéʔele lè, ki n tɔ̀nɔ n nyɔɔ, bele be pye lè dùnɔbèle, wi n poro kaan a be i lúro, ní bele be pye lè boboobèle, a poro i nyuu.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.