Misye 4
4
Zyerusalɛmi a ba pye yɛɛ̀nyingi kèkpɔʔɔ
1Canzanyi ni, Yawe kpɔ̀ʔɔrɔli kpaʔa nyanbelege a ba pye
nyanbeleyee ǹjoyo ni,
ki a ba yìri bi pye dǎndamayi nyúnyo ni,
syɛɛnfeleyi a kabi da syée yaà.
2Syɛɛnfele-nɛʔɛyɛ a ra syée yaà,
sáā gi nyuu si jo:
«Yaa maa wo lúgu wo kári Yawe nyanbelegi ma,
Zyakɔbi Kolocɔlɔw kpaʔa ma,
koro ga pye wi sa wolo tama wi kóloyi na,
wolo sáā táanri wi kobiigèle ni.»
Níì cán Siyɔn má làlwaw a yìri,
Zyerusalɛmi má Yawe syɛ́ɛnri a yìri.
3 #
Zyow 4:10
Wi a pye kútiijooo syɛɛnfele-nɛʔɛyɛ nínge ni,
wi a ra tɛɛ̀leelige fannɛʔɛgɛ syɛɛnfeleye kele cɛnɛ.
Pe a be ŋɔséebèle kpúmɔn bi kàriga nìteye
bi be tàbaabèle kpúmɔn bi kàriga kátangèlē.
Syɛɛnfelegaa a ní ŋɔsée yìrige kàa kánma na í,
wàa a ní da kapɛɛnnɛ tama í.
4 #
Zak 3:10
Pe myɛ nibin nibin a ra tɛ̀ɛ́n be ɛrɛzɛn tírire,
ní be děsyaantiire láara ni,
syɔɔn faala a ní pye yaà bàā be tɔ́ɔrɔ í.
Níì cán Yawe wi lè Nyɛ̀ʔɛni Sùlasiibéle Kafɔlɔ,
woro nyɔ́ɔgi ki gi joo.
5N syɛɛnfeleyi myɛ yaʔa yi i táanri yi kolocɔlɔbèle mɛ́ɛyɛ na,
wolo na, wolo i táanri Yawe wolo Kolocɔlɔw mɛ́ʔɛ na
làla o làla kwɔ́ɔmɔ fun.
Yawe a pye fànʔafɔlɔ Zyerusalɛmi ni
6Yawe n jo: «Cángi bee na,
mii a ní tɔyaayi fɔ̀ɔlɔ syɔɔ lége,
bele pe da nɛnɛ lè, poro bele mii da wɔʔɔ lè,
mii a be kpóʔoro.
7Mii a pèle yaʔa be kòro tɔyaayi fɔ̀ɔlɔ ni,
bele pe da yirige n wáa lè mii a be pye fànnɛʔɛgɛ syɛɛnfelege.
Yawe a tɛ́ɛn fǎngi na pe nyúngi na Siyɔn nyanbelegi na,
bi séli lǎli naa na bàā syée yaà làla o làla.
8A mɔ, yaweeri gboolo kpaataʔa-tɔ́nɔgɔ,
Siyɔn calipili dǎndamaga,
fàngbɔɔgi wozelige a pan fwɔɔ ba nan mɔ na,
ki lè Zyerusalɛmi calipili fànʔa.»
Zyerusalɛmi kagbanyi ní wi syɔɔli kéele
9Nyàʔá na mɔ yákpoli wáa
tɔ́ɔliw ni?
Fànʔafɔlɔ o nyɛ yaà mɔ ma ì?
Mɔ yarifɔw kwɔ́ɔ lé gi ni wii,
á yáami kɔ́ɔ̀ mɔ cò àmɛɛ cɔlɔɔ nyɛ,
wee wi nyɛ seeli na lè?
10Siyɔn calipili, da wɔʔɔ,
máā cɛ́ɛn àmɛɛ cɔlɔɔ nyɛ,
wee wi nyɛ seeli na lè!
Níì cán tɔ́ɔliw ni mɔ a yiri kěgi ni
bi sa mɔ tɛɛkòrogi pye
sìnbirigi ni,
mɔ a kári fwɔɔ bi sa nan
Babilɔni na.
Bi mɔ yaʔa yaà beè,
mɔ a syɔɔ be ma,
nɛɛ bee Yawe a mɔ nyúngi syɔɔ bi
yirige mɔ nigoobèle kɔ́yɔ ni.
11Tɔ́ɔliw ni,
syɛɛnfele-nɛʔɛyɛ n yiyɛɛ gbóʔoro mɔ kánmi na.
Yi i gi nyuu níì jo:
«Ki n yɛlɛ pe gi faʔa,
ki n yɛlɛ wolo nyapiigèle í le yaʔa Siyɔn ni!»
12Kàjáa yi ga Yawe sɔ̀nguri cán í,
yi ga wi kakɔrirɔgèle kɔ́rɔ cán í.
Yi ga gi cán ncan wi n yoro kpóʔoro
àmɛɛ yaliipwɔɔgéle nyɛ kàsyɔʔɔ na lè í.
13Siyɔn calipili, yìri maa tánʔana!
Mii a tunmɔrɔ nyɛ́ngɛ sámaga mɔ ma,
bi mɔ feriyi sámaga kanyɛɛnrɛ wóyo,
mɔ a syɛɛnfele-nɛʔɛyɛ pulɔlɔ,
mɔ a yi tɔ̀nɔw yaʔa kɔlɔ̀ na
Yawe ma,
bi yi lɔnɛʔɛri yaʔa kɔlɔ̀ na tári myɛ Kàfɔlɔ ma.
14Tɔ́ɔliw ni, kapɛɛnkɔyi calipile,
mɔ kapɛɛnkɔyi kpóʔoro!
Pe n tɛ́ɛn wolo taana kapɛɛnni kánma na.
Pe i Isirayɛli kútiijoow kpúmɔn bɛ̀ɛ́ngi na ní kàgbeeli ní.
Currently Selected:
Misye 4: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Misye 4
4
Zyerusalɛmi a ba pye yɛɛ̀nyingi kèkpɔʔɔ
1Canzanyi ni, Yawe kpɔ̀ʔɔrɔli kpaʔa nyanbelege a ba pye
nyanbeleyee ǹjoyo ni,
ki a ba yìri bi pye dǎndamayi nyúnyo ni,
syɛɛnfeleyi a kabi da syée yaà.
2Syɛɛnfele-nɛʔɛyɛ a ra syée yaà,
sáā gi nyuu si jo:
«Yaa maa wo lúgu wo kári Yawe nyanbelegi ma,
Zyakɔbi Kolocɔlɔw kpaʔa ma,
koro ga pye wi sa wolo tama wi kóloyi na,
wolo sáā táanri wi kobiigèle ni.»
Níì cán Siyɔn má làlwaw a yìri,
Zyerusalɛmi má Yawe syɛ́ɛnri a yìri.
3 #
Zyow 4:10
Wi a pye kútiijooo syɛɛnfele-nɛʔɛyɛ nínge ni,
wi a ra tɛɛ̀leelige fannɛʔɛgɛ syɛɛnfeleye kele cɛnɛ.
Pe a be ŋɔséebèle kpúmɔn bi kàriga nìteye
bi be tàbaabèle kpúmɔn bi kàriga kátangèlē.
Syɛɛnfelegaa a ní ŋɔsée yìrige kàa kánma na í,
wàa a ní da kapɛɛnnɛ tama í.
4 #
Zak 3:10
Pe myɛ nibin nibin a ra tɛ̀ɛ́n be ɛrɛzɛn tírire,
ní be děsyaantiire láara ni,
syɔɔn faala a ní pye yaà bàā be tɔ́ɔrɔ í.
Níì cán Yawe wi lè Nyɛ̀ʔɛni Sùlasiibéle Kafɔlɔ,
woro nyɔ́ɔgi ki gi joo.
5N syɛɛnfeleyi myɛ yaʔa yi i táanri yi kolocɔlɔbèle mɛ́ɛyɛ na,
wolo na, wolo i táanri Yawe wolo Kolocɔlɔw mɛ́ʔɛ na
làla o làla kwɔ́ɔmɔ fun.
Yawe a pye fànʔafɔlɔ Zyerusalɛmi ni
6Yawe n jo: «Cángi bee na,
mii a ní tɔyaayi fɔ̀ɔlɔ syɔɔ lége,
bele pe da nɛnɛ lè, poro bele mii da wɔʔɔ lè,
mii a be kpóʔoro.
7Mii a pèle yaʔa be kòro tɔyaayi fɔ̀ɔlɔ ni,
bele pe da yirige n wáa lè mii a be pye fànnɛʔɛgɛ syɛɛnfelege.
Yawe a tɛ́ɛn fǎngi na pe nyúngi na Siyɔn nyanbelegi na,
bi séli lǎli naa na bàā syée yaà làla o làla.
8A mɔ, yaweeri gboolo kpaataʔa-tɔ́nɔgɔ,
Siyɔn calipili dǎndamaga,
fàngbɔɔgi wozelige a pan fwɔɔ ba nan mɔ na,
ki lè Zyerusalɛmi calipili fànʔa.»
Zyerusalɛmi kagbanyi ní wi syɔɔli kéele
9Nyàʔá na mɔ yákpoli wáa
tɔ́ɔliw ni?
Fànʔafɔlɔ o nyɛ yaà mɔ ma ì?
Mɔ yarifɔw kwɔ́ɔ lé gi ni wii,
á yáami kɔ́ɔ̀ mɔ cò àmɛɛ cɔlɔɔ nyɛ,
wee wi nyɛ seeli na lè?
10Siyɔn calipili, da wɔʔɔ,
máā cɛ́ɛn àmɛɛ cɔlɔɔ nyɛ,
wee wi nyɛ seeli na lè!
Níì cán tɔ́ɔliw ni mɔ a yiri kěgi ni
bi sa mɔ tɛɛkòrogi pye
sìnbirigi ni,
mɔ a kári fwɔɔ bi sa nan
Babilɔni na.
Bi mɔ yaʔa yaà beè,
mɔ a syɔɔ be ma,
nɛɛ bee Yawe a mɔ nyúngi syɔɔ bi
yirige mɔ nigoobèle kɔ́yɔ ni.
11Tɔ́ɔliw ni,
syɛɛnfele-nɛʔɛyɛ n yiyɛɛ gbóʔoro mɔ kánmi na.
Yi i gi nyuu níì jo:
«Ki n yɛlɛ pe gi faʔa,
ki n yɛlɛ wolo nyapiigèle í le yaʔa Siyɔn ni!»
12Kàjáa yi ga Yawe sɔ̀nguri cán í,
yi ga wi kakɔrirɔgèle kɔ́rɔ cán í.
Yi ga gi cán ncan wi n yoro kpóʔoro
àmɛɛ yaliipwɔɔgéle nyɛ kàsyɔʔɔ na lè í.
13Siyɔn calipili, yìri maa tánʔana!
Mii a tunmɔrɔ nyɛ́ngɛ sámaga mɔ ma,
bi mɔ feriyi sámaga kanyɛɛnrɛ wóyo,
mɔ a syɛɛnfele-nɛʔɛyɛ pulɔlɔ,
mɔ a yi tɔ̀nɔw yaʔa kɔlɔ̀ na
Yawe ma,
bi yi lɔnɛʔɛri yaʔa kɔlɔ̀ na tári myɛ Kàfɔlɔ ma.
14Tɔ́ɔliw ni, kapɛɛnkɔyi calipile,
mɔ kapɛɛnkɔyi kpóʔoro!
Pe n tɛ́ɛn wolo taana kapɛɛnni kánma na.
Pe i Isirayɛli kútiijoow kpúmɔn bɛ̀ɛ́ngi na ní kàgbeeli ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.