Zyan 13
13
Zyezu n wi pìitamabèle tɔ́lɔyɔ jée
1Sáni Sɔ̀lɔ-mí-yaʔali séri làla í nan lè, Zyezu maa gi cán lǎli n nan woro í dulunyanw naa yaʔa si kári Tofɔw ma, wi wóbèle be nyɛ lè dulunyanw ni, be kéeli maa wi dɛ́nɛ, níì tɔ̀nɔ n wi dɛ́nɛ fwɔɔ n sáà nan ki tɛɛ̀laʔali na.
2Lǎli ni pe da ni yébiligi lìile líi lè, koro n gi taa Sutanaw maa téè gi lége n kwɔ́ɔ Siimɔn jáaw Zyudasi Isikariyɔti fúngi ni, wi Zyezu le kɔyɔ ni. 3Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma. 4A wi yìri tɛɛliigi ni níì wi búroyi wòlo n tɛ́ʔɛ, níì fàni láa n pwɔɔ wiyɛɛ na. 5Koro kàdoʔo ma a wi lɔ̀ʔɔ le tásaʔa ni n tɛ́ʔɛ ni pìitamabèle tɔ́lɔyɔ jé ni sɔ̀lɔ́, ní i yi kurugu ní fàniw ní, wee wi da pwɔɔ wiyɛɛ na lè. 6A wi ga sáà nan Siimɔn Pyɛri na, a woro wi pye: «Ni Kàfɔlɔ, mɔ si zǐn mii tɔ́lɔyi jée lé?» 7A Zyezu wi yari: «Gee mii kpéʔele lè, mɔ a gbǎn gi kɔ́rɔw cán tɔ́ɔliw ni í. Kàjáa mɔ a ba gi kɔ́rɔw cán kàdoʔo ma.» 8A Pyɛri wi pye: «Mii a tée mii tɔ́lɔyi yaʔa mɔ í yi jée nyáana í.» A Zyezu wi yari: «Mii si ga zǐn pye mii ga yi jée í, mɔ a tɔ̀nɔ́ lɛɛlɛ taa mii ma í.» 9A Siimɔn Pyɛri wi pye: «Ni Kàfɔlɔ, kapye nya gi nyɛ, tɔ́lɔyi yagana ban gi yɛlɛ mɔ í jée mii na í, fwɔɔ mɔ í wɔ́ɔ kɔ́yi ní nyǔngi myɛ jée.» 10A Zyezu wi pye: «Lǎli ni syɔɔn wéli n kwɔ́ɔ lè, wi màko a ní pye wélile na í, fwɔɔ tɔ́lɔyi jéele, níì cán wi céri myɛ n mùnu n kwɔ́ɔ. Yele n tɔ̀nɔ n mùnu n kwɔ́ɔ, kàjáa ye myɛ si tɔ́ɔ ban í.» 11Níì cán wi maa wi cán wee wi a kɔ́ woro le lè woro nigoobèle kɔ́yɔ ni, gee bee na wi da gi joo níì jo: «Yele myɛ o nyɛ womunubéle ní í.»
12 #
Luk 22:27
Lǎli ni wi be tɔ́lɔyi jée n kwɔ́ɔ lè ní sáà wi búroyi láa n le n baa tɛ́ɛn níìgēle, a wi be pye: «Gee mii kpéʔele yele na lè, a yele gi kɔ́rɔw cán lé? 13Yele i mii yiri Tamafɔw, ní wɔ́ɔ i mii yiri Kàfɔw. Yele n tɔ̀nɔ n kányɛʔɛ joo, níì cán ànbée mii nyɛ. 14Ki si i lè nya, mii wee wi nyɛ lè yele Tamafɔw ní wɔ́ɔ i nyɛ yele Kàfɔw, a mii si tɔ́lɔyi jée yele na, ki n yɛlɛ yele í wɔ́ɔ ra yi jé yeyɛɛ na. 15Níì cán gee mii kpéʔele lè, a mii gi kpéʔele n tɛ̀ɛn yele na wii, koro ga pye yele í wɔ́ɔ ra gi kpéʔele yeyɛɛ na, àmɛɛ mii gi kpéʔele lè yele na. 16#Zyan 15:20; Mat 10:24; Luk 6:40 Mii a tɔ̀nɔ́ gi joo yele ma kányɛʔɛ ni, falipyeo ga kpɔ́ʔɔ n sɔ̀lɔ wi kàfɔlɔ na í, tunduɔn ga wɔ́ɔ̀ kpɔ́ʔɔ n sɔ̀lɔ wi tunvɔlɔ na í. 17Amɛɛ yele tɛ́nɛ̀ gee naa cán lè, ní yele ga ni gi kpéʔele nya, yele a pye dùba pìibēle.
18 #
Ŋún 41:10
Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.› 19Gee gi maa ba kpéʔele lè kàdoʔo ma, gee bee mii nyuu yele ma tɔ́ɔliw ni, koro ga pye ki ga kɔ́ baa kpéʔele, yele í tága gi na bi cán woro wi nyɛ mii. 20#Mat 10:40; Mar 9:37; Luk 9:48; 10:16 Mii a tɔ̀nɔ́ gi joo yele ma kányɛʔɛ ni, syɔ́ɔnwee wi ga mii tunduɔn sámaga n cò lè, mii wi wɔ́ɔ̀ sámaga n cò, wee si wi ga mii sámaga n cò lè, mii Tunvɔw wi wɔ́ɔ̀ sámaga n cò.»
Zyezu n jo Zyudasi a woro jànváa
(Mat 26:20-25; Mar 14:17-21; Luk 22:21-23)
21Lǎli ni Zyezu dee bee joo n kwɔ́ɔ lè, a wi fúngi curugo wi na, a wi gi joo níì jo: «Mii a tɔ̀nɔ́ gi joo yele ma kányɛʔɛ ni, yele wàa wi a mii le mii nigoobèle kɔ́yɔ ni.» 22A pìitamabèle i peyɛɛ wéle níì cán pe da gi cán wee kàbaan na wi syɛ́ɛnri bee nyuu ni wáa lè í. 23Zyezu pìitamawaa si maa tɛ́ɛn n télege wi fìcibigi na, pìitamaw bee kéele maa Zyezu dɛ́nɛ gbanʔama. 24A Siimɔn Pyɛri wi nyínni yirige wee bee ma níì wi pye wi Zyezu yíbe wee na wi nyɛ lè. 25Amɛɛ wi télege lè Zyezu fìcibigi na, a wi kàri n wi pye: «Ni Kàfɔlɔ, wìí na mɔ nyɛ?» 26A Zyezu wi yari: «Mii ga kanyinni nígi n kaan wee ma lè, woro wii.» Níì fala n li nígi n kaan Zyudasi ma, wi lè Siimɔn Isikariyɔti jáaw. 27Kanyinni syɔɔlɔ kadoʔo ma, a Sutanaw fala n jée Zyudasi fúngi ni. Koro na Zyezu wi pye: «Gee mɔ a kpéʔele lè, ki kpéʔele kelekele.»
28Kàjáa gee na wi syɛ́ɛnri bee joo lè, wi suliinyɛnbèle bee wàa nibin da gi kɔ́rɔw cán í. 29A poro pèle i sɔ̀ngí àmɛɛ wáliw yalege nyɛ Zyudasi ma lè, a Zyezu caa wi sa yarira syɔɔ wii, dee màko wi nyɛ be na lè fɛ́tiiw ni, koro ga jáa a wi jo wi sa yarigaa kaan foomɔfɔbèle ma wii. 30A Zyudasi ga kanyinni syɔɔ n kwɔ́ɔ, a wi fala n yiri. Yébiligi si maa wɔ́ɔ n kwɔ́ɔ.
Tundunvɔ́nri kéele
31Lǎli ni Zyudasi yiri n kwɔ́ɔ lè, a Zyezu jo: «Syɔɔn-pya n tɔ̀nɔ n nìjangbɔɔri taa tɔ́ɔliw ni, a Kolocɔlɔɔ wɔ́ɔ̀ di taa wi bárigaw ni. 32Amɛɛ si Kolocɔlɔɔ nìjangbɔɔri taa lè wi bárigaw ni, Kolocɔlɔɔ a wɔ́ɔ nìjangbɔɔri taʔa wi na woro tiimaa bárigaw ni, cɛɛri ga pye wi a gee bee kpéʔele. 33#Zyan 7:34 Ni pìibēle, mii a sèʔé pye ní yele ní bi làla cɛɛri kwɔ́ɔ. Yele si a kɔ́ ra mii caa. Amɛɛ mii da gi joo Zyefubèle ma lè níì jo tɛ́ɛgee ni mii syée lè, pe a gbǎn kári yaà í, dee bee wonijanra mii wɔ́ɔ̀ joo yele ma dee tɔ́ɔliw ni. 34#Zyan 15:12,17; 3:23; 2Zyan 5 Mii a tundunvɔ́nrɔ joo yele ma. Tundunri bee di nyɛ: Ye tàmaga le ní yeyɛɛ ní. Amɛɛ mii tàmagi le ní yele ní lè, ki n yɛlɛ yele í wɔ́ɔ gi le ní yeyɛɛ ní. 35Níì cán yele ga pye tàmaga na ní yeyɛɛ ní, gee bee ki a gi kaan syɛ́ɛnbèle myɛ í gi cán yele i nyɛ mii pìitamabéle.»
Zyezu n jo Pyɛri a woro cée
(Mat 26:31-35; Mar 14:27-31; Luk 22:31-34)
36A Siimɔn Pyɛri wi pye: «Kàfɔw, sán mɔ syée?» A Zyezu wi yari: «Tɛ́ɛgee ni mii syée lè, mɔ a gbǎn kári ní mii ní tɔ́ɔliw ni í, fwɔɔ kàdoʔo ma mɔ a náa kári yaà.» 37A Pyɛri wi pye: «Nyàʔá na mɔ jo mii a gbǎn kári ní mɔ ní tɔ́ɔliw ni í? Alí ki ga yére mii í kùu mɔ kéeli na, mii n yére gi ni.» 38A Zyezu wi yari: «Mɔ si kùu lé mii kéeli na? Mii a tɔ̀nɔ́ gi joo mɔ ma kányɛʔɛ ni, sáni gòpɔ́w í nyɛni lè, mɔ a mii cée tɔlɔyɔ taanri.»
Currently Selected:
Zyan 13: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zyan 13
13
Zyezu n wi pìitamabèle tɔ́lɔyɔ jée
1Sáni Sɔ̀lɔ-mí-yaʔali séri làla í nan lè, Zyezu maa gi cán lǎli n nan woro í dulunyanw naa yaʔa si kári Tofɔw ma, wi wóbèle be nyɛ lè dulunyanw ni, be kéeli maa wi dɛ́nɛ, níì tɔ̀nɔ n wi dɛ́nɛ fwɔɔ n sáà nan ki tɛɛ̀laʔali na.
2Lǎli ni pe da ni yébiligi lìile líi lè, koro n gi taa Sutanaw maa téè gi lége n kwɔ́ɔ Siimɔn jáaw Zyudasi Isikariyɔti fúngi ni, wi Zyezu le kɔyɔ ni. 3Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma. 4A wi yìri tɛɛliigi ni níì wi búroyi wòlo n tɛ́ʔɛ, níì fàni láa n pwɔɔ wiyɛɛ na. 5Koro kàdoʔo ma a wi lɔ̀ʔɔ le tásaʔa ni n tɛ́ʔɛ ni pìitamabèle tɔ́lɔyɔ jé ni sɔ̀lɔ́, ní i yi kurugu ní fàniw ní, wee wi da pwɔɔ wiyɛɛ na lè. 6A wi ga sáà nan Siimɔn Pyɛri na, a woro wi pye: «Ni Kàfɔlɔ, mɔ si zǐn mii tɔ́lɔyi jée lé?» 7A Zyezu wi yari: «Gee mii kpéʔele lè, mɔ a gbǎn gi kɔ́rɔw cán tɔ́ɔliw ni í. Kàjáa mɔ a ba gi kɔ́rɔw cán kàdoʔo ma.» 8A Pyɛri wi pye: «Mii a tée mii tɔ́lɔyi yaʔa mɔ í yi jée nyáana í.» A Zyezu wi yari: «Mii si ga zǐn pye mii ga yi jée í, mɔ a tɔ̀nɔ́ lɛɛlɛ taa mii ma í.» 9A Siimɔn Pyɛri wi pye: «Ni Kàfɔlɔ, kapye nya gi nyɛ, tɔ́lɔyi yagana ban gi yɛlɛ mɔ í jée mii na í, fwɔɔ mɔ í wɔ́ɔ kɔ́yi ní nyǔngi myɛ jée.» 10A Zyezu wi pye: «Lǎli ni syɔɔn wéli n kwɔ́ɔ lè, wi màko a ní pye wélile na í, fwɔɔ tɔ́lɔyi jéele, níì cán wi céri myɛ n mùnu n kwɔ́ɔ. Yele n tɔ̀nɔ n mùnu n kwɔ́ɔ, kàjáa ye myɛ si tɔ́ɔ ban í.» 11Níì cán wi maa wi cán wee wi a kɔ́ woro le lè woro nigoobèle kɔ́yɔ ni, gee bee na wi da gi joo níì jo: «Yele myɛ o nyɛ womunubéle ní í.»
12 #
Luk 22:27
Lǎli ni wi be tɔ́lɔyi jée n kwɔ́ɔ lè ní sáà wi búroyi láa n le n baa tɛ́ɛn níìgēle, a wi be pye: «Gee mii kpéʔele yele na lè, a yele gi kɔ́rɔw cán lé? 13Yele i mii yiri Tamafɔw, ní wɔ́ɔ i mii yiri Kàfɔw. Yele n tɔ̀nɔ n kányɛʔɛ joo, níì cán ànbée mii nyɛ. 14Ki si i lè nya, mii wee wi nyɛ lè yele Tamafɔw ní wɔ́ɔ i nyɛ yele Kàfɔw, a mii si tɔ́lɔyi jée yele na, ki n yɛlɛ yele í wɔ́ɔ ra yi jé yeyɛɛ na. 15Níì cán gee mii kpéʔele lè, a mii gi kpéʔele n tɛ̀ɛn yele na wii, koro ga pye yele í wɔ́ɔ ra gi kpéʔele yeyɛɛ na, àmɛɛ mii gi kpéʔele lè yele na. 16#Zyan 15:20; Mat 10:24; Luk 6:40 Mii a tɔ̀nɔ́ gi joo yele ma kányɛʔɛ ni, falipyeo ga kpɔ́ʔɔ n sɔ̀lɔ wi kàfɔlɔ na í, tunduɔn ga wɔ́ɔ̀ kpɔ́ʔɔ n sɔ̀lɔ wi tunvɔlɔ na í. 17Amɛɛ yele tɛ́nɛ̀ gee naa cán lè, ní yele ga ni gi kpéʔele nya, yele a pye dùba pìibēle.
18 #
Ŋún 41:10
Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.› 19Gee gi maa ba kpéʔele lè kàdoʔo ma, gee bee mii nyuu yele ma tɔ́ɔliw ni, koro ga pye ki ga kɔ́ baa kpéʔele, yele í tága gi na bi cán woro wi nyɛ mii. 20#Mat 10:40; Mar 9:37; Luk 9:48; 10:16 Mii a tɔ̀nɔ́ gi joo yele ma kányɛʔɛ ni, syɔ́ɔnwee wi ga mii tunduɔn sámaga n cò lè, mii wi wɔ́ɔ̀ sámaga n cò, wee si wi ga mii sámaga n cò lè, mii Tunvɔw wi wɔ́ɔ̀ sámaga n cò.»
Zyezu n jo Zyudasi a woro jànváa
(Mat 26:20-25; Mar 14:17-21; Luk 22:21-23)
21Lǎli ni Zyezu dee bee joo n kwɔ́ɔ lè, a wi fúngi curugo wi na, a wi gi joo níì jo: «Mii a tɔ̀nɔ́ gi joo yele ma kányɛʔɛ ni, yele wàa wi a mii le mii nigoobèle kɔ́yɔ ni.» 22A pìitamabèle i peyɛɛ wéle níì cán pe da gi cán wee kàbaan na wi syɛ́ɛnri bee nyuu ni wáa lè í. 23Zyezu pìitamawaa si maa tɛ́ɛn n télege wi fìcibigi na, pìitamaw bee kéele maa Zyezu dɛ́nɛ gbanʔama. 24A Siimɔn Pyɛri wi nyínni yirige wee bee ma níì wi pye wi Zyezu yíbe wee na wi nyɛ lè. 25Amɛɛ wi télege lè Zyezu fìcibigi na, a wi kàri n wi pye: «Ni Kàfɔlɔ, wìí na mɔ nyɛ?» 26A Zyezu wi yari: «Mii ga kanyinni nígi n kaan wee ma lè, woro wii.» Níì fala n li nígi n kaan Zyudasi ma, wi lè Siimɔn Isikariyɔti jáaw. 27Kanyinni syɔɔlɔ kadoʔo ma, a Sutanaw fala n jée Zyudasi fúngi ni. Koro na Zyezu wi pye: «Gee mɔ a kpéʔele lè, ki kpéʔele kelekele.»
28Kàjáa gee na wi syɛ́ɛnri bee joo lè, wi suliinyɛnbèle bee wàa nibin da gi kɔ́rɔw cán í. 29A poro pèle i sɔ̀ngí àmɛɛ wáliw yalege nyɛ Zyudasi ma lè, a Zyezu caa wi sa yarira syɔɔ wii, dee màko wi nyɛ be na lè fɛ́tiiw ni, koro ga jáa a wi jo wi sa yarigaa kaan foomɔfɔbèle ma wii. 30A Zyudasi ga kanyinni syɔɔ n kwɔ́ɔ, a wi fala n yiri. Yébiligi si maa wɔ́ɔ n kwɔ́ɔ.
Tundunvɔ́nri kéele
31Lǎli ni Zyudasi yiri n kwɔ́ɔ lè, a Zyezu jo: «Syɔɔn-pya n tɔ̀nɔ n nìjangbɔɔri taa tɔ́ɔliw ni, a Kolocɔlɔɔ wɔ́ɔ̀ di taa wi bárigaw ni. 32Amɛɛ si Kolocɔlɔɔ nìjangbɔɔri taa lè wi bárigaw ni, Kolocɔlɔɔ a wɔ́ɔ nìjangbɔɔri taʔa wi na woro tiimaa bárigaw ni, cɛɛri ga pye wi a gee bee kpéʔele. 33#Zyan 7:34 Ni pìibēle, mii a sèʔé pye ní yele ní bi làla cɛɛri kwɔ́ɔ. Yele si a kɔ́ ra mii caa. Amɛɛ mii da gi joo Zyefubèle ma lè níì jo tɛ́ɛgee ni mii syée lè, pe a gbǎn kári yaà í, dee bee wonijanra mii wɔ́ɔ̀ joo yele ma dee tɔ́ɔliw ni. 34#Zyan 15:12,17; 3:23; 2Zyan 5 Mii a tundunvɔ́nrɔ joo yele ma. Tundunri bee di nyɛ: Ye tàmaga le ní yeyɛɛ ní. Amɛɛ mii tàmagi le ní yele ní lè, ki n yɛlɛ yele í wɔ́ɔ gi le ní yeyɛɛ ní. 35Níì cán yele ga pye tàmaga na ní yeyɛɛ ní, gee bee ki a gi kaan syɛ́ɛnbèle myɛ í gi cán yele i nyɛ mii pìitamabéle.»
Zyezu n jo Pyɛri a woro cée
(Mat 26:31-35; Mar 14:27-31; Luk 22:31-34)
36A Siimɔn Pyɛri wi pye: «Kàfɔw, sán mɔ syée?» A Zyezu wi yari: «Tɛ́ɛgee ni mii syée lè, mɔ a gbǎn kári ní mii ní tɔ́ɔliw ni í, fwɔɔ kàdoʔo ma mɔ a náa kári yaà.» 37A Pyɛri wi pye: «Nyàʔá na mɔ jo mii a gbǎn kári ní mɔ ní tɔ́ɔliw ni í? Alí ki ga yére mii í kùu mɔ kéeli na, mii n yére gi ni.» 38A Zyezu wi yari: «Mɔ si kùu lé mii kéeli na? Mii a tɔ̀nɔ́ gi joo mɔ ma kányɛʔɛ ni, sáni gòpɔ́w í nyɛni lè, mɔ a mii cée tɔlɔyɔ taanri.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.