Habakuki 1
1
1Joogbanni yanyaʔa gi gee naa, gee kanyaajoow Habakuki nyaa lè.
Kanyaajoow i Kolocɔlɔɔ yiri wi poro syɔɔ
2Yawe, làla jòorí mii a kòró da mɔ yiri mɔ í dɛ̀ɛmɛnɛ kpéʔele,
mɔ si a lóʔo mii ma í?
Bàā yákpoli wáa mɔ kurugo fungbangi kéele na,
mɔ si a wo syɔɔ í?
3Nyàʔá na mɔ mii yaʔa a mii i kapeegi nyaagi?
Nyàʔá na mɔ fǎngi gbànna wéle?
Yáriri fuguri-mí-láala ní fungbangi gi nyɛ mii yɛ́ʔɛ ma,
sìnbɛɛmi, ní kàfulogi gi yìrigí.
4Koro na làlwaw kéele o córo í,
kútiiw o kúunri kányɛɛgi na nyáana í,
níì cán syɛɛnpeew i fànʔa taagi syɛɛnsinw na,
koro na kútiiw kúunri námara ni.
Kolocɔlɔɔ syɛɛnlurugori: Babilɔni ye n tári tɔ́n
5 #
Kap 13:41
Ye wéle, ki n yɛlɛ ye wéle ye màʔa syɛɛnfeleyi nínge ni,
ye pye zɔ̀nviikɔnirɔ ní
funwɔɔrɔ na,
níì cán keelaa a pye yele cányi ni
àlí ki a pye waa ga maa li joo yele ma,
yele a dée tága gi na í.
6 #
2Fàn 24:2
Wéle, mii i Kalide ye yìrigí bele!
Syɛ́ɛnbèle bee be nyɛ lè nyinimɛ fun níì wári,
poro bele be tátɛɛyi forogi ni máari lè
bàā tɛɛkòroyi nɛnɛ da syoo,
yoro yee yi lè yi o nyɛ pe woyò í.
7Pe i nyɛ yapeeye ní fyáara yáriya,
pe i be kútiiw ní be kpɔ́ɔmi kèlē cɔɔnri peyɛɛ ma.
8Pe syɔ́ɔnyi n cólogo n sɔ̀lɔ sèdebéle na,
yi n wári n sɔ̀lɔ cângwɔɔgi nyɔ́ɔ solomikaara na.
Pe syɔɔnfanbèle i yegi,
pe syɔɔnfanbèle i yìrigí tɛɛ̀leelige ni ni maa,
pe i yìrigí àmɛɛ nyɔɔ̀ nyɛ,
wee wi tíri ni tuun kaara na, dee wi a cò lè.
9Syɛ́ɛnbèle bee myɛ i maa yáriri fuguri-mí-láala kéele na.
Pe n yɛ́ɛyi le n yaʔa yɛʔɛ̀ ma,
pe i wojobèle fàarí ni kpoʔolo àmɛɛ táminyɔɔ nyɛ lè.
10Poro be peyɛɛ nyɛ́nɛ fànʔafɔbèle na,
fànʔafɔbiigèle i nyɛ be ma kɔ̀nʔɔrɔ yárigéle.
Pe i peyɛɛ nyɛ́nɛ kèniriyi myɛ na,
pe i tári fàarí ni kpoʔolo ní i lúru ni jǐn yi ni.
11Kàa i fàrá pe gbǎnmi na,
pe i sɔ̀lɔ́, níì gi kaan a kolomɔ i tuun be na.
Pe fǎngi gi nyɛ be ma be kolocɔlɔw!
Kanyaajoow ní i Kolocɔlɔɔ yiri
12Nlaa yaà làla o làla, mɔ ban wi nyɛ Yawe
wi lè mii Kolocɔlɔw ní mii Wojanw ì,
wee wi lè wi a kùu í?
Yawe, mɔ wi be télege kútiiw kúunnɔ kéele na.
Mii fálagi, mɔ n fànʔa kaan be ma paa kpúmɔn-mí-kàrigali kpéʔele.
13Mɔ nyapiigèle n nyɔɔ n sɔ̀lɔ kapeegi nyaana na,
mɔ a gbǎn ra fǎngi gbànna wéle í.
Nyàʔá si na mɔ námarafɔbèle wéle,
ní i kòró pyèrio lǎli ni syɛɛnpeew ga ni syɔɔnwaa jóori,
wee wi sín n sɔ̀lɔ woro na lè?
14Mɔ i syɔɔn ye kpéʔele àmɛɛ sólomi lɔ̀ʔɔ fàala nyɛ lè,
ní àmɛɛ yaweepiire nyɛ,
dee di nyɛ lè kàfɔlɔ fun.
15Wi i pe myɛ pínɛ ni có
mɛ̀ʔɛnɛ na,
wi i be có ni yirigi wi cɔ̀ɔ́w ni,
wi i be kpóʔoro peyɛɛ na wi kùruw ni.
Lǎli bee ni wi n ni fundaanra kpéʔele, ní i muguri.
16Lǎli bee ni wi n ni sáriga wóo wi cɔ̀ɔ́w ma,
ni nùndaanni yáriga sórogi wi kùruw ma,
níì cán toro bárigaw ni wi lɛɛli pye sìnmɛ wólo,
a wi yaliiri tɛ́nɛ.
17Lǎli bee ni a wi si a wi cɔ̀ɔ́w fuguri yaʔa lé wowaaɔ ní,
si taʔa fala bàā syɛɛnfeleyi kpúmɔn da kúu nyinimɛ fun ni?
Currently Selected:
Habakuki 1: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Habakuki 1
1
1Joogbanni yanyaʔa gi gee naa, gee kanyaajoow Habakuki nyaa lè.
Kanyaajoow i Kolocɔlɔɔ yiri wi poro syɔɔ
2Yawe, làla jòorí mii a kòró da mɔ yiri mɔ í dɛ̀ɛmɛnɛ kpéʔele,
mɔ si a lóʔo mii ma í?
Bàā yákpoli wáa mɔ kurugo fungbangi kéele na,
mɔ si a wo syɔɔ í?
3Nyàʔá na mɔ mii yaʔa a mii i kapeegi nyaagi?
Nyàʔá na mɔ fǎngi gbànna wéle?
Yáriri fuguri-mí-láala ní fungbangi gi nyɛ mii yɛ́ʔɛ ma,
sìnbɛɛmi, ní kàfulogi gi yìrigí.
4Koro na làlwaw kéele o córo í,
kútiiw o kúunri kányɛɛgi na nyáana í,
níì cán syɛɛnpeew i fànʔa taagi syɛɛnsinw na,
koro na kútiiw kúunri námara ni.
Kolocɔlɔɔ syɛɛnlurugori: Babilɔni ye n tári tɔ́n
5 #
Kap 13:41
Ye wéle, ki n yɛlɛ ye wéle ye màʔa syɛɛnfeleyi nínge ni,
ye pye zɔ̀nviikɔnirɔ ní
funwɔɔrɔ na,
níì cán keelaa a pye yele cányi ni
àlí ki a pye waa ga maa li joo yele ma,
yele a dée tága gi na í.
6 #
2Fàn 24:2
Wéle, mii i Kalide ye yìrigí bele!
Syɛ́ɛnbèle bee be nyɛ lè nyinimɛ fun níì wári,
poro bele be tátɛɛyi forogi ni máari lè
bàā tɛɛkòroyi nɛnɛ da syoo,
yoro yee yi lè yi o nyɛ pe woyò í.
7Pe i nyɛ yapeeye ní fyáara yáriya,
pe i be kútiiw ní be kpɔ́ɔmi kèlē cɔɔnri peyɛɛ ma.
8Pe syɔ́ɔnyi n cólogo n sɔ̀lɔ sèdebéle na,
yi n wári n sɔ̀lɔ cângwɔɔgi nyɔ́ɔ solomikaara na.
Pe syɔɔnfanbèle i yegi,
pe syɔɔnfanbèle i yìrigí tɛɛ̀leelige ni ni maa,
pe i yìrigí àmɛɛ nyɔɔ̀ nyɛ,
wee wi tíri ni tuun kaara na, dee wi a cò lè.
9Syɛ́ɛnbèle bee myɛ i maa yáriri fuguri-mí-láala kéele na.
Pe n yɛ́ɛyi le n yaʔa yɛʔɛ̀ ma,
pe i wojobèle fàarí ni kpoʔolo àmɛɛ táminyɔɔ nyɛ lè.
10Poro be peyɛɛ nyɛ́nɛ fànʔafɔbèle na,
fànʔafɔbiigèle i nyɛ be ma kɔ̀nʔɔrɔ yárigéle.
Pe i peyɛɛ nyɛ́nɛ kèniriyi myɛ na,
pe i tári fàarí ni kpoʔolo ní i lúru ni jǐn yi ni.
11Kàa i fàrá pe gbǎnmi na,
pe i sɔ̀lɔ́, níì gi kaan a kolomɔ i tuun be na.
Pe fǎngi gi nyɛ be ma be kolocɔlɔw!
Kanyaajoow ní i Kolocɔlɔɔ yiri
12Nlaa yaà làla o làla, mɔ ban wi nyɛ Yawe
wi lè mii Kolocɔlɔw ní mii Wojanw ì,
wee wi lè wi a kùu í?
Yawe, mɔ wi be télege kútiiw kúunnɔ kéele na.
Mii fálagi, mɔ n fànʔa kaan be ma paa kpúmɔn-mí-kàrigali kpéʔele.
13Mɔ nyapiigèle n nyɔɔ n sɔ̀lɔ kapeegi nyaana na,
mɔ a gbǎn ra fǎngi gbànna wéle í.
Nyàʔá si na mɔ námarafɔbèle wéle,
ní i kòró pyèrio lǎli ni syɛɛnpeew ga ni syɔɔnwaa jóori,
wee wi sín n sɔ̀lɔ woro na lè?
14Mɔ i syɔɔn ye kpéʔele àmɛɛ sólomi lɔ̀ʔɔ fàala nyɛ lè,
ní àmɛɛ yaweepiire nyɛ,
dee di nyɛ lè kàfɔlɔ fun.
15Wi i pe myɛ pínɛ ni có
mɛ̀ʔɛnɛ na,
wi i be có ni yirigi wi cɔ̀ɔ́w ni,
wi i be kpóʔoro peyɛɛ na wi kùruw ni.
Lǎli bee ni wi n ni fundaanra kpéʔele, ní i muguri.
16Lǎli bee ni wi n ni sáriga wóo wi cɔ̀ɔ́w ma,
ni nùndaanni yáriga sórogi wi kùruw ma,
níì cán toro bárigaw ni wi lɛɛli pye sìnmɛ wólo,
a wi yaliiri tɛ́nɛ.
17Lǎli bee ni a wi si a wi cɔ̀ɔ́w fuguri yaʔa lé wowaaɔ ní,
si taʔa fala bàā syɛɛnfeleyi kpúmɔn da kúu nyinimɛ fun ni?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.