Kapyegèle 14
14
Pɔli ní Barinabasi i nyɛ Ikonyɔmi ni
1A pe ga nan Ikonyɔmi na, a Pɔli ní Barinabasi ní sáà jée Zyefubèle sérikpaʔa ni n joo be ma, fwɔɔ a Zyefubèle pèle ní Girɛkibèle pèle saʔa tága. 2Kàjáa Zyefubèle be lè pe ga fɔ̀lɔ n tága í, a poro syɛɛnfeleyi sɔ́ɔn n wáa senyɛnbèle na. 3A be sèʔê làla saʔa kwɔ́ɔ Ikonyɔmi ni, níì soro n yére ni nyuu yaà, ncan pe maa be sɔ̀ngumi yaʔa Kàfɔw na, woro wee wi da ni wi kpɔ́ʔɔri syɛ́ɛnrɛ séera kpéʔele lè, níì fǎngi kaan be ma a be gbàn ni fɛ̀ɛ́bèle ní kakpoloyi kpéʔele lè. 4A kěgi syɛ̀ɛnnɛ tíla, pèle n pye ní Zyefubèle ní, á bele pye ní pìitunbèle ní. 5A syɛɛnfeleyi, ní Zyefubèle, ní be kùndigibèle peyɛɛ gbóʔoro níì jo poro a pìitunbèle wɔʔɔ, si be wábagi kpóo ní kàdɛnɛrɛ ní. 6A Pɔli ní Barinabasi ga gee bee cán, a be fàn n kári Likawonii tári kèyaa ma be yiri lè Liisitiri ní Dɛribe, n fàra yi taana kěyi na 7n sa ni Syɛɛnjóocǎnri nyuu yaà.
Pɔli ní Barinabasi i nyɛ Liisitiri ni
8Nànwaa maa pye Liisitiri ni, a be wi see nya womɔngɔɔ ní, wi da kɔ́ɔ̀ tánʔa n nyaa nyáana í. 9Wi maa líiyi cáan ni Pɔli syɛ́ɛnri lúro, a Pɔli yɛ́ɛgi le wi ni ni wi wéle níì gi nyaa tágala i nyɛ wi ma bi gbǎn pɔʔɔ, 10a wi gi joo wi ma ní yákpogbɔɔlɔ ní níì wi pye: «Yìri mi yére céri mɔ tɔ́lɔyi na.» A wi ye n yìri ni táanri. 11A syɛ́ɛnmi ga kéeli bee nyaa lee Pɔli kpéʔele lè, a pi i gi nyuu ni yákpogèle wáa Likawonii ye syɛ́ɛnri ni níì jo: «Kolocɔlɔbèle pèle n tìgi naa wolo ma àmɛɛ syɛ̀ɛnnɛ nyɛ lè.»
12A be mɛ́ɛyɛ le be na ni Barinabasi yiri Zusi#14:12 Zusi: Girɛkibèle yasungbɔʔɔ pe da ni yiri ànbée., ní i Pɔli yiri Hɛrimɛsi#14:12 Hɛrimɛsi: Girɛkiibèle yasungaa ki da pye, wee pe da ni córo lè be kolocɔlɔbèle tunduɔn., níì cán woro wi da ni nyuu be ma. 13Zusi tɛɛkpɔʔɔrɔgi maa pye kěgi kpàánweele nyɔ́ɔ na, a tɛ́ɛgi bee sáriga-wòlowaa i maa ní náapɛʔɛlɛ, ní fílɛɛri ní kpàánweeli kɔ̀riyɔ ma, níì cán wee bee ní syɛ́ɛnmi maa ni caa bi sáriga wòlo. 14A pìitunbèle ga gee bee lóʔo pe lè Barinabasi ní Pɔli, a pe be búroyi sulugu, níì fàn n sáà jée syɛ́ɛnmi nínge ni, níì yákpogèle wáa gbanʔama 15#Yir 20:11; Ŋún 146:6 níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na. 16Booma ni wi maa syɛɛnfeleyi yaʔa a yi i yi nyɛnɛ kóloyi táanri. 17Koro ní ki myɛ ní wi ga wi séeraw kpéʔelele yaʔa í, wi i kacǎngèle kpéʔele, àmɛɛ wi zěgi yaari ki i yìrigí nyɛ̀ʔɛni na ni tuun yele ma lè, ní wɔ́ɔ i yaliiri làrilaala kaangi yele ma, koro ga pye yele í da yaliire saʔa taagi, fundaanra si pye yele ni.»
18Alí syɛ́ɛnri bee joolo ní ki myɛ ní, ki maa kòro cɛɛri Pɔli ye si a dée fanʔa taa syɛ́ɛnmi na bi bi yérige sárigaw bee wòlolo na poro ma í.
19Lǎli bee ni a Zyefubèle pèle yìri Antyɔsyi, ní Ikonyɔmi ma n pan n baa syɛ́ɛnbèle nyúnyo kàriga, a be Pɔli wábagi ní kàdɛnɛri ní, níì wi cò n fulolo n yirige kàjegi ni, ní i sɔ̀ngí wi n kùu. 20A pìitamabèle sáà yére n wi màʔa. Lǎli bee ni a wi yìri n jée kěgi ni.
Pe lúrugarili Antyɔsyi ma ki lè Sirii wógi
Ki nyǐndaligi na a woro ní Barinabasi kári Dɛribe ma. 21A be sáà Syɛɛnjóocǎnri joo kěgi bee ni n pìitamabéle saʔa taa, koro kàdoʔo ma a be lúru n kári Liisitiri, ní Ikonyɔmi, ní Antyɔsyi ma 22n sa ni pìitamabèle zɔ̀nbēle nìrí, ní i be kɛɛlɛ níì jo be tágali cò kányɛʔɛ ni, ní wɔ́ɔ i gi nyuu be ma níì jo: «Wɔʔɔyɔ féleye saʔa a wo taa, wó náa jée Kolocɔlɔɔ fǎngi ni.»
23A be yɛɛ̀kinibèle pèle nyɛ́nɛ n wòlo n télege télege egilizibèle nyúnyo na, níì súnw le níì nyɛ́ɛri Kolocɔlɔɔ ma, ní náà be yaʔa Kàfɔw kɔ́yɔ ni, woro wee na be tága lè.
24Koro kàdoʔo ma a be foro Pisidii ni n kári Panfilii ma 25n sa ni Kolocɔlɔɔ syɛ́ɛnri nyuu Pɛrizyi ni, níì yiri nɛɛ bee n kári Atalii ma. 26A be sáà jée bàtowaa ni nɛɛ bee n kári Antyɔsyi#14:26 Antyɔsyi: Mɔ ga lóʔo Antyɔsyi tɛ́ɛgi naa ni, Sirii tári wóo na be nyɛ. Antyɔsyiw naa o nyɛ sèjira ní vɛrise 19 wów ní í. ma, kěgee ni pe da bɛ̀ɛ be na lè níì be tórigo fáliw ma Kolocɔlɔɔ kpɔ́ʔɔri kéele na, wee be sáà kpéʔele n kwɔ́ɔ lè.
27Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na. 28A be kòro yaà n canya saʔa kwɔ́ɔ ní pìitamabèle ní.
Currently Selected:
Kapyegèle 14: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Kapyegèle 14
14
Pɔli ní Barinabasi i nyɛ Ikonyɔmi ni
1A pe ga nan Ikonyɔmi na, a Pɔli ní Barinabasi ní sáà jée Zyefubèle sérikpaʔa ni n joo be ma, fwɔɔ a Zyefubèle pèle ní Girɛkibèle pèle saʔa tága. 2Kàjáa Zyefubèle be lè pe ga fɔ̀lɔ n tága í, a poro syɛɛnfeleyi sɔ́ɔn n wáa senyɛnbèle na. 3A be sèʔê làla saʔa kwɔ́ɔ Ikonyɔmi ni, níì soro n yére ni nyuu yaà, ncan pe maa be sɔ̀ngumi yaʔa Kàfɔw na, woro wee wi da ni wi kpɔ́ʔɔri syɛ́ɛnrɛ séera kpéʔele lè, níì fǎngi kaan be ma a be gbàn ni fɛ̀ɛ́bèle ní kakpoloyi kpéʔele lè. 4A kěgi syɛ̀ɛnnɛ tíla, pèle n pye ní Zyefubèle ní, á bele pye ní pìitunbèle ní. 5A syɛɛnfeleyi, ní Zyefubèle, ní be kùndigibèle peyɛɛ gbóʔoro níì jo poro a pìitunbèle wɔʔɔ, si be wábagi kpóo ní kàdɛnɛrɛ ní. 6A Pɔli ní Barinabasi ga gee bee cán, a be fàn n kári Likawonii tári kèyaa ma be yiri lè Liisitiri ní Dɛribe, n fàra yi taana kěyi na 7n sa ni Syɛɛnjóocǎnri nyuu yaà.
Pɔli ní Barinabasi i nyɛ Liisitiri ni
8Nànwaa maa pye Liisitiri ni, a be wi see nya womɔngɔɔ ní, wi da kɔ́ɔ̀ tánʔa n nyaa nyáana í. 9Wi maa líiyi cáan ni Pɔli syɛ́ɛnri lúro, a Pɔli yɛ́ɛgi le wi ni ni wi wéle níì gi nyaa tágala i nyɛ wi ma bi gbǎn pɔʔɔ, 10a wi gi joo wi ma ní yákpogbɔɔlɔ ní níì wi pye: «Yìri mi yére céri mɔ tɔ́lɔyi na.» A wi ye n yìri ni táanri. 11A syɛ́ɛnmi ga kéeli bee nyaa lee Pɔli kpéʔele lè, a pi i gi nyuu ni yákpogèle wáa Likawonii ye syɛ́ɛnri ni níì jo: «Kolocɔlɔbèle pèle n tìgi naa wolo ma àmɛɛ syɛ̀ɛnnɛ nyɛ lè.»
12A be mɛ́ɛyɛ le be na ni Barinabasi yiri Zusi#14:12 Zusi: Girɛkibèle yasungbɔʔɔ pe da ni yiri ànbée., ní i Pɔli yiri Hɛrimɛsi#14:12 Hɛrimɛsi: Girɛkiibèle yasungaa ki da pye, wee pe da ni córo lè be kolocɔlɔbèle tunduɔn., níì cán woro wi da ni nyuu be ma. 13Zusi tɛɛkpɔʔɔrɔgi maa pye kěgi kpàánweele nyɔ́ɔ na, a tɛ́ɛgi bee sáriga-wòlowaa i maa ní náapɛʔɛlɛ, ní fílɛɛri ní kpàánweeli kɔ̀riyɔ ma, níì cán wee bee ní syɛ́ɛnmi maa ni caa bi sáriga wòlo. 14A pìitunbèle ga gee bee lóʔo pe lè Barinabasi ní Pɔli, a pe be búroyi sulugu, níì fàn n sáà jée syɛ́ɛnmi nínge ni, níì yákpogèle wáa gbanʔama 15#Yir 20:11; Ŋún 146:6 níì jo: «A syɛ̀ɛnnɛ, nyàʔá na yele gee naa kpéʔele? Wolo wɔ́ɔ i nyɛ syɛ̀ɛnnɛ àmɛɛ yele nyɛ lè, wolo n pan ba Syɛɛnjóocǎnri joo yele ma koro ga pye yele í láʔa tɔ̀nɔ fun kérigèle naa na, si kàri Kolocɔlɔɔ woweew ma, woro wee wi nyɛ̀ʔɛni faan lè, n fàra tári, ní sólomi lɔ̀ʔɔ, ní di fúnyi yárira myɛ na. 16Booma ni wi maa syɛɛnfeleyi yaʔa a yi i yi nyɛnɛ kóloyi táanri. 17Koro ní ki myɛ ní wi ga wi séeraw kpéʔelele yaʔa í, wi i kacǎngèle kpéʔele, àmɛɛ wi zěgi yaari ki i yìrigí nyɛ̀ʔɛni na ni tuun yele ma lè, ní wɔ́ɔ i yaliiri làrilaala kaangi yele ma, koro ga pye yele í da yaliire saʔa taagi, fundaanra si pye yele ni.»
18Alí syɛ́ɛnri bee joolo ní ki myɛ ní, ki maa kòro cɛɛri Pɔli ye si a dée fanʔa taa syɛ́ɛnmi na bi bi yérige sárigaw bee wòlolo na poro ma í.
19Lǎli bee ni a Zyefubèle pèle yìri Antyɔsyi, ní Ikonyɔmi ma n pan n baa syɛ́ɛnbèle nyúnyo kàriga, a be Pɔli wábagi ní kàdɛnɛri ní, níì wi cò n fulolo n yirige kàjegi ni, ní i sɔ̀ngí wi n kùu. 20A pìitamabèle sáà yére n wi màʔa. Lǎli bee ni a wi yìri n jée kěgi ni.
Pe lúrugarili Antyɔsyi ma ki lè Sirii wógi
Ki nyǐndaligi na a woro ní Barinabasi kári Dɛribe ma. 21A be sáà Syɛɛnjóocǎnri joo kěgi bee ni n pìitamabéle saʔa taa, koro kàdoʔo ma a be lúru n kári Liisitiri, ní Ikonyɔmi, ní Antyɔsyi ma 22n sa ni pìitamabèle zɔ̀nbēle nìrí, ní i be kɛɛlɛ níì jo be tágali cò kányɛʔɛ ni, ní wɔ́ɔ i gi nyuu be ma níì jo: «Wɔʔɔyɔ féleye saʔa a wo taa, wó náa jée Kolocɔlɔɔ fǎngi ni.»
23A be yɛɛ̀kinibèle pèle nyɛ́nɛ n wòlo n télege télege egilizibèle nyúnyo na, níì súnw le níì nyɛ́ɛri Kolocɔlɔɔ ma, ní náà be yaʔa Kàfɔw kɔ́yɔ ni, woro wee na be tága lè.
24Koro kàdoʔo ma a be foro Pisidii ni n kári Panfilii ma 25n sa ni Kolocɔlɔɔ syɛ́ɛnri nyuu Pɛrizyi ni, níì yiri nɛɛ bee n kári Atalii ma. 26A be sáà jée bàtowaa ni nɛɛ bee n kári Antyɔsyi#14:26 Antyɔsyi: Mɔ ga lóʔo Antyɔsyi tɛ́ɛgi naa ni, Sirii tári wóo na be nyɛ. Antyɔsyiw naa o nyɛ sèjira ní vɛrise 19 wów ní í. ma, kěgee ni pe da bɛ̀ɛ be na lè níì be tórigo fáliw ma Kolocɔlɔɔ kpɔ́ʔɔri kéele na, wee be sáà kpéʔele n kwɔ́ɔ lè.
27Lǎli ni be nan yaà lè, a be Egiliziw kpóʔoro, kérigèle gele Kolocɔlɔɔ kpéʔele lè poro ma, ní àmɛɛ wi tágali kólogo múgu syɛɛnfeleyi ma lè, a be gee bee myɛ joo n tɛ̀ɛn be na. 28A be kòro yaà n canya saʔa kwɔ́ɔ ní pìitamabèle ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.