2 Tesaloniki ye 1
1
Fòów kéele
1 #
Kap 17:1
Mii Pɔli, ní Silivɛn#1:1 Silivɛn: Pèle wɔ́ɔ i mɛ́ɛgi bee yiri Silasi, syɛɛnnijanw si wii., ní Timɔte, wolo a sɛ́bɛw naa tórigo yele Tesaloniki ye Egiliziw ma, yele bele ye nyɛ lè wolo Tóow Kolocɔlɔɔ, ní Kàfɔw Zyezu Kirisi ni. 2Ki n yɛlɛ Tofɔw Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma.
Kútiiw wi tímana n yaʔa lè Kirisi canbangi kéele na
3Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín. 4Gee bee gi gi kaan a wolo tiimaa i nyɔ̌ngbɔɔlɔ táanri yele kéeli na Kolocɔlɔɔ Egilizibèle ni, ní wɔ́ɔ i nyɔ̌ngbɔɔlɔ táanri àmɛɛ yele kpàracogo kpéʔele níì tágali sámaga n cò lè yele wɔʔɔyi, ní yele kagbanyi myɛ ni, yee yi tuun yele na lè.
5Gee bee i nyɛ fɛ̀ɛ kányɛʔɛ ni n gi tɛ̀ɛn Kolocɔlɔɔ kútiiw ceriganma n sín, koro na Kolocɔlɔɔ a ba yele córo yele n nyɔɔ n yɛlɛ bi jée woro fǎngi ni, gee kéele na yele wɔʔɔ lè. 6Níì cán ki n sín Kolocɔlɔɔ yɛ́ʔɛ ma bi wɔ́ɔ ba yele wɔʔɔli sìndɛʔɛ lúrugo yele wɔʔɔfɔbèle ma, 7si ŋɔ́ndaali kaan yele ní wolo ma, yele bele ye wɔʔɔ lè, gee bee a pye lǎli ni Kàfɔw Zyezu a ba wiyɛɛ dɛ̀ɛn lè, wi a yìri nyɛ̀ʔɛni na bi tìgi ní wi séew tɛ̀ɛnnɛ tundunbéle ní, 8pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ. 9#Eza 2:10 Pe wɔʔɔli li a pye bàngwɔɔ kálagili, Kàfɔw a be nɛnɛ bi léeli wiyɛɛ na, ní wi séew nìjangbɔɔrɔ na, 10lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.
11Gee bee na wolo tɔ̀nɔ́ i nyɛ́ɛri làla o làla yele kéeli na, koro ga pye wolo Kolocɔlɔw í yele córo yele n yɛlɛ ní woro kayeli ní, sáā yele nyɔɔmi caala, ní yele tágali fáli myɛ forogi wi fǎngi báriga ni. 12Koro ga pye nìjangbɔɔrɔ í taʔa wolo Kàfɔw Zyezu mɛ́ɛgi na yele bárigaw ni, yele si wɔ́ɔ nìjangbɔɔraa taa wi ni bi yɛlɛ ní wolo Kolocɔlɔw, ní Kàfɔw Zyezu Kirisi kpɔ́ʔɔri ní.
Currently Selected:
2 Tesaloniki ye 1: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
2 Tesaloniki ye 1
1
Fòów kéele
1 #
Kap 17:1
Mii Pɔli, ní Silivɛn#1:1 Silivɛn: Pèle wɔ́ɔ i mɛ́ɛgi bee yiri Silasi, syɛɛnnijanw si wii., ní Timɔte, wolo a sɛ́bɛw naa tórigo yele Tesaloniki ye Egiliziw ma, yele bele ye nyɛ lè wolo Tóow Kolocɔlɔɔ, ní Kàfɔw Zyezu Kirisi ni. 2Ki n yɛlɛ Tofɔw Kolocɔlɔɔ ní Kàfɔw Zyezu Kirisi í kpɔ́ʔɔri ní fûnnyingi kaan yele ma.
Kútiiw wi tímana n yaʔa lè Kirisi canbangi kéele na
3Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín. 4Gee bee gi gi kaan a wolo tiimaa i nyɔ̌ngbɔɔlɔ táanri yele kéeli na Kolocɔlɔɔ Egilizibèle ni, ní wɔ́ɔ i nyɔ̌ngbɔɔlɔ táanri àmɛɛ yele kpàracogo kpéʔele níì tágali sámaga n cò lè yele wɔʔɔyi, ní yele kagbanyi myɛ ni, yee yi tuun yele na lè.
5Gee bee i nyɛ fɛ̀ɛ kányɛʔɛ ni n gi tɛ̀ɛn Kolocɔlɔɔ kútiiw ceriganma n sín, koro na Kolocɔlɔɔ a ba yele córo yele n nyɔɔ n yɛlɛ bi jée woro fǎngi ni, gee kéele na yele wɔʔɔ lè. 6Níì cán ki n sín Kolocɔlɔɔ yɛ́ʔɛ ma bi wɔ́ɔ ba yele wɔʔɔli sìndɛʔɛ lúrugo yele wɔʔɔfɔbèle ma, 7si ŋɔ́ndaali kaan yele ní wolo ma, yele bele ye wɔʔɔ lè, gee bee a pye lǎli ni Kàfɔw Zyezu a ba wiyɛɛ dɛ̀ɛn lè, wi a yìri nyɛ̀ʔɛni na bi tìgi ní wi séew tɛ̀ɛnnɛ tundunbéle ní, 8pe a tìgi ní naanyìnge ní bi ba Kolocɔlɔɔ téefɔbèle ní wo Kàfɔw Zyezu Syɛɛnjóocǎnri céefɔɔlɔ wɔʔɔ. 9#Eza 2:10 Pe wɔʔɔli li a pye bàngwɔɔ kálagili, Kàfɔw a be nɛnɛ bi léeli wiyɛɛ na, ní wi séew nìjangbɔɔrɔ na, 10lǎlee ni wi a pan ba kpɔ́ʔɔri taa wi syɛɛncanbèle kéele na lè, tágafɔbèle myɛ si ba ra káama wi na cángi bee. Yele wɔ́ɔ i nyɛ bele bee pèle, níì cán yele n tága wolo séeraw na.
11Gee bee na wolo tɔ̀nɔ́ i nyɛ́ɛri làla o làla yele kéeli na, koro ga pye wolo Kolocɔlɔw í yele córo yele n yɛlɛ ní woro kayeli ní, sáā yele nyɔɔmi caala, ní yele tágali fáli myɛ forogi wi fǎngi báriga ni. 12Koro ga pye nìjangbɔɔrɔ í taʔa wolo Kàfɔw Zyezu mɛ́ɛgi na yele bárigaw ni, yele si wɔ́ɔ nìjangbɔɔraa taa wi ni bi yɛlɛ ní wolo Kolocɔlɔw, ní Kàfɔw Zyezu Kirisi kpɔ́ʔɔri ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.